جمعه, ۲۷ ربیع الاول ۱۴۳۹هـ| ۲۰۱۷/۱۲/۱۵م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
تاجکستان دولت خپلو هغو پوله ساتو ته چې د افغانستان اوسېدونکي وژني، ترفیع ورکوي
بسم الله الرحمن الرحيم
تاجکستان دولت خپلو هغو پوله ساتو ته چې د افغانستان اوسېدونکي وژني، ترفیع ورکوي

(ژباړه)

خبر:

د تاجکستان پوله ساتو ځواکونو د افغانستان دوه تنه اوسېدونکي د بدخشان ولایت په اسکشمین ولسوالۍ کې اعدام کړل. د ۲۰۱۷م د نومبر پر ۹مه د افغانستان پژواک خبري رسنۍ خبر ورکړ، چې د تاجکستان مرزي پولیسو د افغانستان دوه تنه غیر نظامیان اعدام کړل. د یادې سرچینې په وینا: «د افغانستان پوله ساتي ظابط پولیس د «پژواک» خبري رسنۍ ته وویل: د تاجکستان پوله ساتو تر اوسه د دوو افغانانو د وژنې دلیل نه دی روښانه کړی.»

پژواک خبري رسنۍ زیاتوي: د وژل شوو له ډلې څخه د یوه تن جنازه د بنګ په رودخانه کې موندل شوې او د بل جنازه لا تر اوسه نادرکه ده. د بشري حقونو افغانی فعال طالب الدین قادري وایي: «په دې وروستیو کلونو کې د اسکشمین ولسوالۍ سیمو ته څېرمه ډېر بې ګناه افغانان او د دې سیمې اوسېدونکي د تاجکستان مرزي پولیسو له لوري وژل شوي دي.

د تاجکستان دولت خپل مرزي پولیس د ترفیع په رتبو نازوي او د تاجکستان مرزي پولیس هم د خپلو رتبو د ستورو زیاتولو لپاره د افغانانو پر وژنه هېڅ بسنه نه کوي. کابل او دوشنبې په دې اړه چپ دي او تر اوسه یې کوم رسمي نظر نه دی څرګند کړی.» (سرچینه: بایوم)

تبصره:

چا دا خیالي پولې د اسلامي خاورو ترمنځ رسم کړي؟ چا پوله ساتو ته د (وطنپالنې) درس ورکړی، پر پولو تېری (مورنۍ خاورې ته ګواښ) بولي او مرزي ساتونکو ته وایي، چې د اړتیا پرمهال له ځنډ پرته  پر تیري کوونکو ډزې وکړي؟

هغه څوک، چې د غربي استعمار له « نفاق واچوه او حکومت وکړه» شعاره ډېر زیانمن شوي، له شک پرته اسلامي امت دی؛ مسلمانان د غربي استعمار په مرسته د شلمې پېړۍ له لومړیو کلونو راهیسې د استعماري دولتونو تر بریدونو لاندې راغلل- د وروستي خلافت د له منخه تلو په کلونو کې- چې تر اوسه هم دوام لري، اسلامي هېوادونه، چې تر ۵۰ برخو زیات ټوټې شول، ځینې یې د استعمارګرو لخوا اداره کېږي او ځینې نور یې بیا د استعمارګرو لپاره د جګړې پر میدان بدل شوي.

د اروپایي، امریکایي او کاناډایي مرزونو اسانتیاوې دا موضوع په ډاګه کوي، چې کفارو د مرزونو ستونزې یوازې د مسلمانانو لپاره جوړې کړې دي؛ ځکه، چې دا موضوع یې د مسلمانانو د جدا کولو لپاره تر ټولو ښه لاره موندلې ده.

لیکوال: مراد ازبیک(ابومصعب)

ژباړن: حبیب الله

Last modified onیکشنبه, 03 ډسمبر 2017

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې