شنبه, ۰۷ ذیحجه ۱۴۳۹هـ| ۲۰۱۸/۰۸/۱۸م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
زموږ پر وړاندې د امريکا د جګړه‌ييز منطق يو اړخ!
بسم الله الرحمن الرحيم
زموږ پر وړاندې د امريکا د جګړه‌ييز منطق يو اړخ!

خبر:

د پکتیا ولایت مرکز ګردېز ښار کې دوو وسله‌والو د جمعې د لمانځه پر مهال د شیعه ګانو پر جومات لومړی ډزې وکړې او بیا یې ځانمرګي بریدونه وکړل، چې له امله یې ۳۴ کسان مړه او شاوخوا ۹۴ نور  ټپیان شول. جمهوري ریاست په دې اړه د يوې اعلاميې په خپرولو سره ويلي: په افغانستان کې د مذهبي اقلیتونو پر وړاندي تروریستي حملې د افغانانو تر منځ مذهبي تفرقه نشي ايجادولای. اعلامیه زیاتوي: "په ټوله اسلامي نړۍ کې د افغانانو مذهبي يووالی او زغم بې‌ساري دی، چې همداسې به دوام وکړي."

تبصره:

افغانستان ته د امريکا او ناټو له راتګ مخکې يوه ورځ هم افغانانو د مذهب له مخې يو پر بل بريد نه دی کړی. مګر دا دی وروسته له هغې چې امريکايانو د ستراتيژيکو او امنيتي هوکړه ليکونو له لارې ځان ته په افغانستان کې د اوږدمهاله شتون په موخه پوځي اډې ترلاسه کړې، په منظم ډول شيعه، سک او هندو لږکي تر سختو وحشيانه او خونړيو بريدونو لاندې راغلي دي. د دغو بريدونو پړه په ډېر مرموز او غير دقيق ډول د افغان دولت او رسنيو له خوا د داعش پر جنګياليو اچول کېږي او سياسي پايلې يې په غير مستقيم ډول د جمهوري رياست په ګډون د لوړ پوړو چارواکو له لوري ترويجېږي. په دې اړه اشرف غني رښتيا ويلي چې "په ټوله اسلامي نړۍ کې د افغانانو مذهبي يووالی او زغم بې‌ساري دی" په داسې حال کې چې نوموړی ستر دروغجن او لوی خاین دی.

امريکا د افغانستان ډېری قومي، سياسي او جهادي مشران يا له منځه يووړل او يا يې سخت سپک، ذليل او بې همته کړل. هغوی د خپلو ځواکونو په واسطه سخت وحشتونه ترسره کړل. د وحشت د دوام په موخه يې ځانګړي افغان ځواکونه هم وروزل چې په جګړه‌ييز وحشت کې تر امريکايانو کم نه دي. همداراز يې له ځينو غیر سياسي اسلامپالو هم کار واخيست، ترڅو د تروريزم په پلمه اسلام او مسلمانان وځپي، چې يو له هغو څخه داعش دی.   

امريکا په افغانستان کې د داعش له نامه څو اړخيزه ګټه پورته کوي. له يوې خوا د سيمې په کچه په سوريه کې د روسيې او ايران د جنايتونو د انتقام په پلمه د داعش له تروریستي برنډ څخه د روسيې او ايران پر وړاندې د نظامي فشار په توګه کار اخلي. له بل پلوه تر همدغه نامه لاندې د شيعه، سک او هندو لږکيو وژنې ته دوام ورکوي، ترڅو افغانان په نوې کورنۍ مذهبي جګړه اخته کړي. دې ته ورته د طالبانو تحريک هم صوفي مزاجه او بدعتي ډله بولي او پر وړاندې يې د جګړې بېلابېلې هڅې کوي.

د دغې ناولې امريکايي لوبې دا اړخونه په سيمه‌ييزه او کورنۍ کچه بشپړ درک شوي دي. له همدې امله په وار-وار روسيې د افغان دولت يو شمېر امنيتي چارواکي په دې تورن کړي، چې د افغانستان په شمال کې د ځانګړو چورلکو په واسطه د داعش جنګيالي ځای پر ځای کوي. همداراز ايران په وار- وار د شيعه لږکيو پر وړاندې د داعش د سختو تروريستي بريدونو خبرداری ورکړی او په افغانستان کې هم ټول عامه فکر په دې باور دی چې داعش د امريکا يوه پروژه ده، چې د افغان دولت د امنيتي ارګانونو او د امريکا د کرايي قاتلينو له خوا په ګډه د بې دندو، ساده او احساساتي مسلمانانو په مټ پلې کېږي.

امريکا هڅه کوله چې د داعش پروژه د افغانستان له مشرقي څخه پيل او د روسيې د پولې په اوږدو کې د هېواد په شمال کې متمرکزه کړي. مګر مخکې له هغې چې داعش د افغانستان په شمال کې ځان ته ځای ومومي، طالبانو د افغانستان د شمالي ولايتونو ګڼې برخې تر خپلې ولکې لاندې راوستې او د افغانستان په زابل او ننګرهار ولايتونو کې يې د داعش پر وړانډې سخت نظامي عمليات ترسره کړل؛ چې ډېری وخت به افغان دولت له داعش سره د طالبانو د جګړې پرمهال د طالبانو پر مورچلو درنې بمبارۍ کولې او د داعش د ژغورلو په موخه به يې د جګړې معادله بدلوله.

وروسته له هغې چې قطبي خرس له خپل سياسي ګنګسيت څخه لږ را ويښ شو او  د امريکا په واسطه د افغانستان له پولو څخه د منځنۍ آسيا د هېوادونو د نا آرامولو تهديد يې احساس کړ، نو یو شمېر نوي روسي ځواکونه يې په تاجکستان کې مېشت او پوځي مانورونه يې پيل کړل. تر هغه چې داعش څو اونۍ وړاندې په تاجکستان کې يو شمېر غربي سيلانيلان تر بريد لاندې راوستل، چې څلور تنه يې ووژل شول. حال دا چې روسيه اصلاً د دې وړتيا او جرئت نه لري چې ځان د افغانستان پر پوله له امريکا او يا د هغې له نيابتي جنګياليو سره مخ کړي، له همدې امله ټول سياسي، تبليغاتي او نظامي فعاليتونه يې د ځان پر دفاع متمرکز دي. له همدې امله تاجکستاني مقاماتو د داعش د بريد پړه د تاجکستان د اسلامي نهضت پر ګوند ورواچوله. له دې څو ورځې وروسته طالب ځواکونو د افغانستان په شمال کې د داعش جنګياليو په يوازنۍ هسته د جوزجان ولايت پر درزاب ولسوالۍ سخت پياوړی بريد پیل کړ، چې په ترڅ کې يې يو ځل بيا افغان دولت پر طالب ځواکونو درنې بمبارۍ پيل او د داعش وسله‌وال يې د پوځي چورلکو له لارې د تسليم شوو جنګياليو په پلمه د جګړې له ډګر څخه وژغورل. دا ټول په افغانستان کې د نيابتي جګړې پر بېلابېلو ابعادو دلالت کوي.

مګر هغه څه چې موږ افغان او د نړۍ مسلمانان باید را هيښ کړي، هغه دا دي چې امريکا زموږ د اسلامي خاورې په ګوټ – ګوټ کې د لاسپوڅو او خاينو چارواکو په واسطه د انساني ژوند په بېلابېلو برخو کې بېلابېل پروګرامونه روان کړي دي، ترڅو موږ په خپل منځ کې سره بوخت وساتي او زموږ له جغرافيوي موقعيت او ځمکنيو زېرمو څخه په پوره ډاډ ګټه پورته کړي. امريکا زموږ له وينې او پوست څخه يو شمېر خاين انسانان ټاکي او دغه پروګرامونه ورباندې پلي کوي. هغوی اصلا زموږ د ښځو، ماشومانو او سپين ږيرو د تلفاتو په اړه اندېښنه نه لري. ځکه هغوی ځانونه پرمختللي او موږ وروسته پاتې او د ځانونو (پرمخ تللو انسانانو) د اوږو بار بولي، نو جګړه‌ييز منطق يې دا ايجابوي چې د درېيمې نړۍ وروسته پاتې، وحشي او «تروریست» بشر بايد همداسې محروم، بې کوره، بې اوره او په سخت وحشت سره ووژل شي. د دوی دغه جګړه‌ييز منطق په ګڼو فکري او سياسي اثارو کې بربنډ ښکاري او عملاً په اسلامي خاورو کې پلی کيږي.  

له امريکا مخکې هم داسې بشري نظامونه وو، چې د نړۍ د بېلابېلو ولسونو پر وړاندې يې له دا ډول جګړه‌ييز منطق څخه کار اخیست. يو له هغو څخه فرعون و، چې خپل قوم يې ذليل، جاهل او ناپوه ساته، ترڅو د ده خدايي او واکمني ومني؛ مګر د بنو اسرائیلو له ابتلا (آزموينې) وروسته يې په سيند لاهو کړ. اوس هم دغه فرعوني امريکا، د هغې دجالي لښکرې، کرايي قاتلین، استخبارات او زموږ پر خاورو واکمن خاین او لاسپوڅي چارواکي ټول هڅه کوي، چې موږ جاهل سپک او ذليل وساتي، ترڅو د ژوند په ټولو چارو کې د هغوی پیروي وکړو او همدا زموږ ابتلا (آزموینه) ده، ګني الله جل جلاله يې د سترګو په رپ کې د فرعون په څېر هلاکولی شي.

نو اې مسلمانانو را پاڅئ! د فرعون پر وړاندې د موسوي انقلاب څخه عبرت واخلئ او د بنو اسرائیلو چمونه پرېږدئ. په نبوي منهج سره مبارزه وکړئ، ترڅو راشده خلافت تاسيس او د تل لپاره دغه کافر يرغلګر او ښکېلاکګر مات کړئ، چې له هغې وروسته به د سياست او جګړې ابتکار له تاسو سره وي او تر کوره-کوره به يې تعقيب او ولسونه به يې د استعمار پر ځای د اسلام په مبارک دين مشرف کړئ.

﴿فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْمًا فَاسِقِينَ

[الزخرف: ٥٤]

) فرعون د خپلې سرکشۍ د دوام په موخه) خپل قوم سپک و ذليل کړ (دوی يې د فکري او سياسي رشد په ټيټه کچه کې وساتل) او هغوی هم د ده پیروي وکړه، هغوی فاسق قوم و!

راپاڅئ! او دغه فرصت له لاسه مه ورکوئ! ګني موږ به هم د الله له خوا فاسق قوم وګڼل شو!

سیف الله مستنیر

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې