سه شنبه, ۱۴ جمادی الثانی ۱۴۴۰هـ| ۲۰۱۹/۰۲/۱۹م
ساعت: مدینه منوره
Menu
القائمة الرئيسية
القائمة الرئيسية

  •   مطابق  
تر ویده کېدو مخکې اودس وکړه
بسم الله الرحمن الرحيم
تر ویده کېدو مخکې اودس وکړه

له براء ابن عازب رضی الله عنه نه روایت دی، چې رسول الله صلی الله علیه وسلم راته وفرمایل:

«إِذَا أَتَيتَ مَضْجَعَكَ فَتَوضَّأْ وضُوءَكَ لِلصَّلاة، ثُمَّ اضْطَجِعْ عَلى شِقِّكَ الأَيمَن، وقل: اللَّهُمَّ أَسْلَمْتُ نفِسي إِلَيك، وَفَوَّضتُ أَمري إِلَيْك، وَأَلَجَأْتُ ظَهرِي إِلَيْك، رغبةً ورهْبَةً إِلَيْك، لامَلجأَ ولا مَنجي مِنْكَ إِلاَّ إِليك، آمنتُ بِكِتَابِكَ الذِي أَنزَلْت، وَبِنَبِيِّكَ الذِي أَرسَلت، فإِنْ مُتَّ. مُتَّ عَلى الْفِطْرَةِ، فَاجْعَلهُنَّ آخِرَ ما تَقُولُ، فَقُلْتُ: أَسْتَذْكِرُهُنَّ وَبِرَسُولِكَ الَّذِي أَرْسَلْتَ قَالَ لَا وَبِنَبِيِّكَ الَّذِي أَرْسَلْتَ»

(مُتَّفقٌ عليه)

ژباړه: تر ویده کېدو مخکې د لمانځه د اوداسه په شان اودس وکړه، په ښي اړخ ویده شه او ووایه: اې خدایه! خپل ځان مې تاته تسلیم کړ، کار مې تاته وسپاره او خیر ته د تمایل او ستا له عذابه د وېرې له مخې مې پر تا تکیه کړې. له تا پرته پناځای او ژغورونکی نه لرم. ستا په را لېږل شوي کتاب او مبعوث شوي  پيغمبر مې ایمان راوړی، نو که مړ شوې د مړي په فطرت یې او هغه دې وروستۍ وینا وګرځوه. و مې ویل: ایا په خپلو اذکارو کې ووایم، چې  په رالېږل شوي رسول؟ ویې ویل: نه، پر رالېږل شوي نبي.

د حدیث شرحه:

په فتح الباري کې یې ویلي، چې تر ویده کېدو مخکې پر طهارت امر، مستحبوالی بیانوي او دا حدیت ډېرې ګټې لري:

۱. په طهارت سره استراحت (ویده‌کېدل) مستحب دي، ځکه که په دغه حالت مړه شو، ظاهراً پاک وو لکه څرنګه چې په قلبي طهارت هم ټینګار شوی، چې هغه له ظاهري طهارته ډېر مهم دی.

۲. مستحب ده چې په ښي اړخ ویده شو، ځکه دغه حالت بیدارۍ ته نږدې دی. ابن جوزي د اطباء له قوله نقل کړي، چې په ښي اړخ خوب د انسان  بدن ته ګټور دی...

۳. د خوب په وخت کې دا دعا مستحب ده:

«اَللَّهُمَّ أَسْلَمْتُ نَفْسِيْ إِلَيْكَ، وَفَوَّضْتُ أَمْرِيْ إِلَيْكَ، وَأَلَجَأْتُ ظَهْرِيْ إِلَيْكَ، رَغْبَةً وَرَهْبَةً إِلَيْكَ، لَامَلْجَأَ وَلَا مَنْجِيْ مِنْكَ إِلاَّ إِلَيْكَ، آمَنْتُ بِكِتَابِكَ الَّذِيْ أَنْزَلْتَ، وَبِنَبِيِّكَ الَّذِيْ أَرْسَلْتَ»

ژباړه: اې خدایه! ځان مې ستا د فرمان تابع کړی دی (په داسې حال کې چې د ګټې د ترلاسه کولو او د فساد د مخنیوي لپاره تدبیر نه لرم) په ټولو کارونو کې مې پر تا توکل کړی او په کارونو کې مې پر تا اعتماد لرم، چې په هغه څه مې مرسته وکړې چې ګټه را رسوي (د اخرت نېکې بدلې ته امیدوار یم او له غضب او جزا څخه دې وېرېږم) یوازې ته ژغورونکی او هدایت کوونکی یې، په نازل کړي کتاب او رالېږل شوي پیغمبر دې ایمان لرم.

۴. لازمه ده چې د ویده کېدو په وخت کې دا دعا تکرار او له خوبه مخکې او وروسته ځان محسابه کړو، داسې نه شي چې دعا ویل مو یوازې د کلمو تلفظ شي، چې له ستوني مو ښکته نه شي؛ بلکې په هغه څه چې وایو یې، له الله سبحانه وتعالی سره صادق و اوسو.

۵. خپل ځانونه د لاندې آیت شریف مصداق وګرځوو.

﴿قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ﴾

[الأنعام : ۱۶۲]

ژباړه: ووایه لمونځ، قرباني، ژوند او مرګ مې خاص د عالمیانو د پالونکي الله سبحانه وتعالی لپاره دي.

نو د هغو کسانو تر منځ، چې پر اسلام ژوند کوي او هغه کسان چې له اسلام سره ژوند کوي او هغه کسان چې د اسلام لپاره ژوند کوي، توپیر ښکاره دی.

Last modified onدوشنبه, 11 فبروری 2019

نظر ورکړئ

back to top

اسلامي خاورې

اسلامي خاورې

غربي هېوادونه

ټول لینکونه

د پاڼې برخې