وړاندې کوونکی: د حزب التحریر ولایه سوريې غړی شیخ معاویه عبد الوهاب
۱۴۴۰ه.ق، د محرم الحرام ۲۴مه، پنجشنبه/ ۲۰۱۸م، د اکتوبر ۴مه
وړاندې کوونکی: د حزب التحریر- ولایه لبنان غړی پیاوړ استاد احمد القصص ۱۴۴۰ه.ق، محرم الحرام، ۲۷مه، یک شنبه/ ۲۰۱۸م، د اکتوبر ۷مه
۱۴۳۹ه.ق، د محرم الحرام ۲۸مه، دوشنبه/ ۲۰۱۸م، د اکتوبر ۸مه
وړاندې کوونکی: شیخ یو سف مخازره (ابو همام)- مبارکه خاوره (فلسطین) ۱۴۴۰ه.ق، د محرم الحرام ۲۵مه، جمعه/ ۲۰۱۸م، د اکتوبر ۵مه
د حزب التحریر د میاشتنی دعوت یوه برخه ۱۴۴۰ه.ق، د محرم الحرام، ذوالحجه/ د ۲۰۱۷م، سپتمبر
(ژباړه)
که څه هم برېښناییزو وسایلو دخلکو ترمنځ واټنونه رالنډ کړي دي، مګر په ورته وخت کې د دې لامل هم شوي دي چې د ښځې او مېړه ترمنځ اختلاف خورا ډېر شي او د طلاق ورکولو/ اخیستلو کچه هم لوړه شي. که څه هم برېښناییزو توکو هغه کسان چې له یو بل سره مینه لري او له یو بل لرې دي سره یوځای کړي، مګر په ورته وخت کې یې د یوې کورنۍ غړي سره بېل کړي دي او د دې لامل شوي دي چې له یو بل بېل شي، چې دا یو لوی پاراډوکس دی!!
د برېښناییزو اړیکو اپلېکشنونه څه ډول په داسې اپلېکشونونو اوړي چې خلک نفرت او کرکه ترې کوي؟!
د اړیکو برېښناییزو وسایلو د خلکو ترمنځ د اړیکو او چلند بڼه بدله کړې ده او د تکنالوژيکې انقلاب وروسته خلک له یواځيتوب، ټولنیز بېلوالي او ډيپرېشن څخه سخت کړېږي. کورنۍ داسې غلې شوې دي چې ته به وايې هلته هېڅوک هم ژوند نه کوي او خپل خپلوان او دوستان یوازې د رخصتیو په ورځو کې د پیغام او انځورونو په راکړې ورکړې سره اړېکې نیسي. همدارنګه د بابا او نیا ترمخه د ماشومانو شوخۍ او منډې چې دوی ته به یې انرژي ورکوله او پر مخونو به یې خنداګانې راتللې کډه کړې ده. اوس د کورنۍ هر غړی له خپلې برېښناییزې وسیلې سره بوخت وي او تر سلام او ښه راغلاست وروسته د کور په یوه کونج کې کیني او له خپلې برېښناییزې وسیلې سره بوختېږي؛ بدن یې له خپلې کورنۍ سره وي مګر فکر او سوچ یې له کورنۍ سره نه وي، بلکې بیرون وي.
ټولنیزې شبکې دومره پراخه شوې دي چې د کورنو تر پنجرو او دیوالونو د کورنیو ژوند ته ور دننه شوې دي، د کورنیو شخصي ژوند يې له منځه وړی دی. د کورنیو خصوصي او محرم ژوند یې ټولو خلکو ته څرګند کړی دی او د کورنیو شخصي ژوند یې عامه خلکو ته خپور کړی دی او د کورنیو د غړو ترمنځ یې اختلافونو او منازعې رامنځته کړې دي لکه طلاق، د ښځې او مېړه ترمنځ د اړیکو خرابېدل او د دې ترڅنګ یې د ټولنې د خلکو ترمنځ کرکه، حسد او نفرت زېږولي دي.
د ګڼو څېړنو او مطالعو پر بنسټ؛ برېښناییزو ټولنیزو شبکو په ځانګړي توګه فیسبوک او واټس اپ د نړۍ په کچه د لوړې کچې طلاق لامل شوي دي. موږ دلته ټولې احصایې نه شو را اخیستلی، مګر ځینې داسې احصایې چې د خطر زنګونه کړنګوي دلته را اخلو: په فلسطین کې شرعي محکمې داسې ارقام خپاره کړي دي چې وايي نیمايي طلاقونه هغه وخت پېښېږي چې نجلۍ او هلک سره کوژدن شوي وي مګر واده یې نه وي سره کړی، چې په دې اړه متخصصین باور لري چې د دې ستونزې اصلي لامل انلاین اړیکې دي. د هغې احصایې پر بنسټ چې په ۲۰۱۶ کې خپره شوې ده وایي چې په اردن کې په تېرو دریو کلونو کې د طلاق کچه خورا زیاته لوړه شوې ده؛ چې هر کال د تېر کال په کچه د طلاق زر پېښې زیاتېږي، چې اصلي لامل یې د فیسبوک او واټس اپ له لارې د ښځو او نارینه و اړیکې نیول دي. همدارنګه په عربي متحده اماراتو کې احصایه ښيي چې په دې هېواد کې د طلاق پېښې ۵۰ سلنه د تېرو کلونو په نسبت زیاتې شوې دي. همدارنګه په دې هېواد کې د کورنیو د لارښوونې څانګه وايي چې په ۲۰۱۵ ز کال کې د ښځې او مېړه ترمنځ د اړیکو د خرابېدو ۵۰۰۰ پېښې ثبت شوې دي چې له ۵۰ څخه تر ۶۰ سلنې لامل یې برېښناییزې انټرنېټې اړېکې وې، چې ۱۰۰۰ یې په طلاق اخیستلو منتج شوې دي.
پورته وېروونکې احصایې ښيي چې ټولنیزې انټرنېټي شبکې او اپلېکشنونو د کورنیو ژوند څومره تریخ کړی دی؛ دا ټولنیزې رسنۍ له یوه اړخه یو انسان له خپلې کورنۍ، بچیانو، مېړه/ ښځې بېلوي او دومره وخت له دغو رسنیو سره لګوي چې پلرونو او میندې یې له خپلو بچیانو، بچیان یې له خپلو پلرونو او مېړه یې له خپلې مېرمنې او یا هم مېرمنه یې له خپلې مېړه سره نه تېروي اوله خواله رسنیو او یا هم برېښناییزو ټولنیزو شبکو سره معتاد شوي دي. دا اعتیاد د دې لامل شوی دی چې پلرونه او میندې خپلو ماشومانو ته پاملرنه ونه کړي او د دوی زده کړې او ښوونه سخته زیانمنه شي. همدارنګه یادې اړیکې او رسنۍ د دې لامل شوې دي چې پلرونه دومره بوخت کړي چې له خپلو ماشومانو او د کورنۍ له نورو غړو سره مینه او محبت ونه کړي او د ماشومانو اخلاق او چلند سخت زیانمن کړي او حتا دوی خپله همدغه وېبپاڼو او اپلېکشنونو ته پناه یوسي او ساعتونه ساعتونه هلته داسې بوخت شي چې پلرونه او میندې یې بې خبره وي.
د مېړه او ښځې په تړاو پر دغو برېښناییزو انټرنېټي وسایلو باندې روږدي کېدل د دې لامل شوي دي چې دوی د یو بل پر وړاندې غفلت وکړي او د دوی ترمنځ د خبرو اترو اړیکې کمزورې کړي او بلاخره د دې لامل ګرځي چې یو بل ته هېڅ پاملرنه ونه کړي او د دوی ترمنځ لوی واټن رامنځته کېږي او ستونزې یې ډېرېږي.
که څه هم خواله رسنیو او اپلېکشنونو اړیکې ډېرې ساده کړې دي او د انسانانو ترمنځ یې د پیغامونو او انځورونو اړیکه خورا ګړندۍ کړې ده مګر په ورته وخت کې همدې چارې د تقوا او له الله سبحانه و تعالی څخه د وېرې د نشتون له امله د ښځې او یا مېړه له لوري د خیانت کولو لامل هم شوي دي چې بیا همدا بلاخره د دې سبب ګرځېدلي دي چې د طلاق کچه خورا زیاته شي، ځکه د محکمو ریکارډونه ښيي چې د طلاق اخیستلو یوه لویه برخه له دې امله ده چې مېړه او ښځه یو بل پر خیانت کولو تورنوي.
د اړیکو همدغو سهولتونو د مېړه او ښځې باور او اعتماد یو پر بل له منځه وړی دی، په داسې حال کې چې د یوې موفقې او خوشاله کورنۍ بنسټ یو پر بل اعتماد او باور دی، مګر دوی یو پر باندې شکمنېږي او بلاخره د دې هڅې کوي چې په دغو رسنیو کې د دوی ملګري او دوستان ولټوي او یو بل له مختلفو لارو او چیلنونو وڅاري.
په دې اړه خبرې کول موضوع نوره هم اوږدوي او انسان غمجنوي، مګر که خپلې خبرې راغونډې کړو نو باید وویل شي چې برېښناییزو اړیکو دوه مخي رامنځته کړې ده او د کورنۍ د غړو ترمنځ یې لوی واټن جوړ کړی دی. دغو اړیکو د کورنیو د غړو ترمنځ ګرمې او نېږدې اړیکې له منځه وړې دي؛ د کورنۍ غړي که څه هم په فزیکې لحاظ له خپلې کورنۍ سره وي مګر فکر او سوچ یې په کور کې نه، بلکې له نورې مجازي نړۍ سره وي. یعنې برېښناییزو مجازي اړیکو، رښتینې او واقعي اړیکې له منځه وړې دي؛ اوس په ټولنه کې د کورنۍ د غړو او خپلوانو ترمنځ مخامخ او ګرمې اړېکې نشته، بلکې ځای یې مجازي اړیکو، پیغامونو او د انځورونو استولو نیولی دی.
دا پورته واقعیتونه د دې لامل شوي دي چې له کورنو ارامي او خوشالي کډه وکړي او د کورنۍ د غړو ترمنځ ژمنه او تعهد له منځه لاړ شي، په داسې حال کې چې الله سبحانه و تعالی فرمايي:
﴿وَكَيْفَ تَأْخُذُونَهُ وَقَدْ أفضى بَعْضُكُمْ إلى بَعْضٍ وَأَخَذْنَ مِنكُم مِّيثَاقاً غَلِيظاً﴾
[نساء: ۲۱]
ژباړه: او تاسو یې څنګه بېرته اخلئ په داسې حال کې چې تاسو یو بل ته رسېدلي یاست او له تاسو یې ټينګه ژمنه په دې اړه اخیستې ده
راځئ وروڼو او خوېندو چې برېښناییزې وسیلې یوازې د دې موخې لپاره وکاروو چې موږ یو بل ته نېږدې کړي، نه داسې چې زموږ او ستاسو کورنۍ وپاشي او د کورنۍ غړي مو له یو بل څخه بېل کړي.
د حزب تحریر مرکزي مطبوعاتي دفتر ته
د بارا منصاره لیکنه
(ژباړه)
د اسلام او مسلمانانو پر وړاندې یوازې شرقي او غربي استعمارګر مبارزه نه کوي. اړتیا نشته چې د امریکا، انګلیس او فرانسې هېوادونو پر هغو کړنو بحث وکړو چې د اسلام او مسلمانانو ضد جګړه کې یې کوي؛ خو روسیه هم د هغو کفري دولتونو له ډلې څخه ده چې له یادو قدرتونو سره د اسلام او مسلمانانو ضد جګړه کې د سیالۍ ډګر ته راوتلې. د دغه هېواد د بهرنیو چارو وزیر سرګي لاوروف د ۲۰۱۸م د سپتمبر په ۲۸مه په ملګرو ملتونو کې د خپلو خبرو پر مهال وویل: «روسیه په سوریه کې د خلافت دولت د تاسیس په مخنیوي کې بریالۍ ده.» نوموړي هغه د «وژونکې سناریو» په توګه یاد کړه. (روسي ته د هغه د نن ورځې د خبرو ژباړه) په داسې حال کې چې د اسلامي خاورو چارواکي په خپلو ټولو امکاناتو سره په مسکو او غرب کې یوازې خپل باداران خوشحالوي؛ چې وروستۍ بېلګه یې د دعوتګرو پر وړاندې د ترکمنستان د رژیم وحشیانه کړنه ده. د اسلام د هغو صالحو بچیانو پر وړاندې چې خپل ژوند یې پر اسلام قرباني کړی دی.
د روان کال د سپتمبر په ۲۸مه د مرکزي آسیا خبري وبسایټ یو راپور «د ترکمنستان رژیم هغه مسلمانان شکنجه کوي چې د اسلامي شریعت د پلي کولو لپاره دعوت کوي» تر سرلیک لاندې خپور کړ. د ۲۰۱۸م د اګست په ۱۷مه د یاد رژیم د خبري سرویس مزدورانو انایف بکنتیش خیدیروویچ وتښتاوه. انایف متدین او مخلص ځوان و، چې د ژوند له پسرلي یې ۲۴کاله تېر کړي وو او په ۲۰۱۷م کې له باشکورتوستان پوهنتون څخه فارغ شوی و. هغه د مور او پلار یوازنی زوی و چې د واده لپاره یې ورته تیاری نیوه؛ خو مزدورو دښمنو یې هیله له خاورو سره خاورې کړه. جسد یې د ۲۰۱۸م د اګست په ۱۸مه داسې مهال پیدا شو چې سر یې سخت ټپي و. مټې یې ماتې وې او پر جسد یې د شکنجې او عذاب داسې نښې ښکارېدې لکه لاسونه یې چې کلک پرې تړلي وي.
دا په داسې حال کې ده چې د انایف بکنتیش خیدیروویچ له شهادت څخه وړاندې د کازاکوف ویبا او عطا کیلدی نورمراد په نامه دوه نور مسلمان ځوانان هم د یاد رژیم څارګرې ادارې ونیول او د عامه محکمې لخوا ورته ۵ او ۱۸ کاله سخت بند واورول شو. دوی له باشکورتوستان پوهنتون څخه فارغ شوي وو او ګناه یې یوازې دا وه چې د اسلامي شریعت د پلي کولو لپاره یې دعوت کاوه. پرېږدئ ټول پوه شي چې موږ هېڅکله نه تسلیمېږو، تر دې چې یا الله سبحانه وتعالی خپل دین بریالی کړي یا دا چې موږ په دې لاره کې ووژل شو.
اې پروردګاره! څه ډول چې له موږ څخه راضي کېږې، زموږ هغه څه قبول کړه چې د دغه دین د بریالیتوب لپاره یې قرباني کوو.یا الله! موږ ته صبر راکړه او د عقیدې او دین پر دښمنانو مو بریالي کړه. زموږ په ورور خپل رحمت ولوروه او هغه له پیغمبرانو، صدیقینو، شهداوو او صالحینو سره چې تر ټولو غوره ملګري دي، یو ځای حشر کړه. زموږ او زموږ د ورور تنده د غوره پیغمبر حضرت محمد ﷺ په حوض سره ماته کړه.
نو د حزب التحریر مرکزي مطبوعاتي دفتر زموږ د شهید ورور انایف بکنتیش خیدیروویچ کورنۍ، خپلوانو او ټول اسلامي امت ته د هغه د شهادت تسلیت وایي او کورنۍ او خپلوانو ته یې له الله سبحانه وتعالی څخه لوی صبر او زیات اجر غواړي. اې ربه! هغه ژمنه پوره کړه چې له موږ سره دې په ځانګړې توګه د نبوت پر منهج د دویم راشده خلافت په اړه کړې ده!
﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾
[غافر: ٥١]
ژباړه: په رښتیا چې موږ د خپلو پیغمبرانو او هغو کسانو چې ایمان یې راوړی، په دې دنیا او د آخرت پر هغه ورځ مرسته کوو، چې شاهدان ولاړ وي!
ډاکتر عثمان بخاش
د حزب التحریر د مرکزي مطبوعاتي دفتر رییس
(ژباړه)
د ۲۰۱۸م د سپتمبر په ۲۳مه د شپې په دوولسو بجو ابراهیم حاج علي (ابودجانه) د عریحه ښار په حومه سیمه کې له خپل کور څخه د احرار الشام « ملي ازادۍ غوښتونکې ډلې» د امنیتي ځواکونو یوه غړي له کوره ایستلی بیولی، چې تراوسه یې په اړه څه معلومات نشته.
د جریکو ټول اوسېدونکي او په دغه ښار کې فعال لوري په دې پوهېږي چې ابودجانه له هغو لومړنیو کسانو څخه و چې د شام د کبرجنو د ظلم پر وړاندې یې د حق چیغه پورته کړه. د هغو کبرجنو پر وړاندې چې پلار او ورور یې ونیول او له نامعلوم برخلیک سره یې مخ کړل.
ابودجانه د حزب التحریر غړی دی، چې د رسول الله د منهج پر اساس او د راشده خلافت د تاسیس له لارې یې د اسلامي ژوند د رامنځته کولو لپاره کار کاوه. هغه خلافت چې رسول الله صلی الله علیه وسلم یې له ړنګېدو وروسته د بیا راتګ زېری ورکړی. هغه طریقه چې د قدرت له خاوندانو څخه د طلب نصرت سربېره د کفري افکارو، مفاهیمو، قوانینو او نظامونو پر وړاندې فکري او سیاسي مبارزه هم کوي. نو بیا د ابودجانه جرم څه و چې په نیمه شپه کې له خپل کوره ایستل کېږي او له نامعلوم برخلیک سره مخ کېږي؟
دا د لمر په څېر ښکاره خبره ده چې د شام د ظالم رژیم په اشاره د حق اواز بندول یوازې د احرار الشام او ځینو نورو جاوسوسي ډلو کار دی؛ د هغه رژیم چې له ظلم او بې عدالتۍ څخه یې خلک تر پوزې راغلي او دا پخپله د شام د انقلاب اصلي دلیل دی. نو موږ حزب التحریر- ولایه سوریه د دوی په اړه د رسول الله صلی الله علیه وسلم یوه خبره بیانوو:
«الظُّلْمُ ظُلُمَاتٌ يَوْمَ الْقِيَامَةِ»
ژباړه: ظلم به د قیامت په ورځ د تیارو په څېر راښکاره شي.
له شک پرته هغه ورځ راتلونکې ده چې الله سبحانه وتعالی به د اسلامي خلافت د ځلېدونکې شمعې په واسطه دعوت لېږدوونکي او ټول مسلمانان بریالي او ظالمان ذلیل کړي.
﴿وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ﴾
[شعراء: 227]
ژباړه: او ظالمان به په چټکۍ سره پوه شي چې د دوی بېرته راګرځېدل چېرې دي!
د حزب التحریر- ولایه سوریې مطبوعاتي دفتر
ژباړن: منصور دریځ
(ژباړه)
خبر:
د پاکستان د بهرنیو چارو وزیر، شاه محمود قریشي د سېشنبې پر ورځ وویل، چې هغه له سپکاوي څخه د ډکو کاریکاتورونو د سیالۍ په اړه له خپل هالنډي سیال سره خبرې کړې او همدارنګه د اسلامي همکاریو له سازمان (OIC) څخه یې غوښتي دي، چې په دې اړه یوه بیړنۍ ناسته جوړه کړي چې په هالند کې پلان شوي کفري راتلونکې ته د ځواب ویلو لپاره د ټولو د رایو په تائيد یوه موضوع غوره کړي.
په هغه مطبوعاتي کنفرانس کې، چې د فدرال په ودانۍ کې جوړ شوی و، د بهرنیو چارو وزیر وویل، چې هغه یې له خپل هالنډي سیال سره خبرې کړې او ورته ویلي یې دي، چې له سپکاوي څخه د ډکو کاریکاتورونو د سیالۍ لپاره د هالند د پارلمان د استازي ګرت ویلدرز ناوړه عمل د خلکو غوسه را پارولې، چې په ټوله نړۍ کې یې د مسلمانانو احساسات ځپلي دي. د داسې کړنو سرته رسول به تاوتریخوالی او دوښمني پراخه کړي. (سرچینه: د پاکستان ډاون ورځپاڼه، ۲۰۱۸م د اګست ۲۹مه)
تبصره:
د هالند د ازادي غوښتونکي حزب د وروستي سپکاوي په ځواب کې د اجتماعي رسنیو د پيغامونو له مخې د پاکستان د ټولو خلکو غوښتنه پر هالنډ د مالونو بندیز دی. ځینې هم د درېیو ورځو لپاره د یوتیوب او ګوګل د کانالونو د بندېدو غوښتونکي شول. ځینو له مسلمانانو څخه وغوښتل چې صبر وکړي او د اسلام او رسول الله صلی الله علیه وسلم د ښوونو د رسولو لپاره د پيغمبر صلی الله علیه وسلم له سنتو څخه یو عمل غوره کړي. انلاین اعتراضونه روان وو او اعترضي لاریونونو، چې د پاکستان د لبیک تحریک په واسطه رهبري کېدل، ادامه لري، تر څو حکومت خپلې دیپلوماتیکې هوکړې له هالند سره پرې کړي.
رسول الله صلی الله علیه وسلم ته له سپکاوي څخه ډکې کړنې بې توجه او همدارنګه نوې نه دي. د مسلمانانو غوسه به سړه شي او ځینې احساسات به د ځينو نورو کړنو په واسطه، چې توصیه شوې دي له منځه ولاړ شي.
اصلي ستونزه دا ده چې په غربي نظام کې د بیان ازادي تقدیس کېږي او دا هغه دفاع ده چې ددغه کار لپاره ترسره کېږي. ازاد بیان که څه هم واضح نه دی تعریف شوی، خو له نفرته ډکې خبرې هم نه دي. دا د هغو کسانو لپاره کمزوری تفسیر دی، چې پرېکړه یې کړې او د خپلې شخصي برنامې لپاره یې کاروي.
دا باور شته دی چې د بیان ازادي به د مفکورو د پرمختګ لامل شي او د مناظرو بندول ظلم دی، کلیسا او سلطنتي حکومتونو په تېر وخت کې دا کار کړی دی. نو ځکه دین هېڅکله د ازادیو د مخنیوي لپاره د یوه دلیل په توګه ونه منل شو او د فکر دا ډول په دې معنا دی، چې هر کس او هر کار مسخره او ریشخند کیدلی شي.
په دې موضوع کې تناقص ډېر ښکاره دی، مثلا د هولوکاست د تکذیب او یا سوال په اړه خبرې سمې نه دي. همدارنګه په یاد مو دي، چې ډېرو ملتونو حجاب او نقاب منعه کړی او هغوي هغه اهمیت چې په دې موضوع کې یې ازادۍ ته ورکوي، هېر کړی دی.
کله چې مسلمان رهبران خپله غوسه ښکاره کوي او همدارنګه د هالنډ د بهرنیو چارو له وزیر سره په اړیکه کېږي، په اصلي قضیه کې یوه ګډوډي شته ده، دا چې ازادي څه ارزښت لېږدوي او په غربي ژوند کې اساسي دي. د هیواد صدراعظم عمران خان د داسې پېښو را منځته کېدل ـ چې د اسلامي نړۍ ناکامي ګڼل کېږي ـ وغندل. هغه وایي دا موضوع به د ملګرو ملتونو په راتلونکې عمومي غونډه کې مطرح کړي.
دا اسلامي نړۍ ته یوه ستره ناکامي ده، د هېواد صدراعظم دا له خپل شخصي ادرس څخه د دوشنبې په ورځ د سناپه مجلس کې وړاندې کړ. عمران خان وویل: «د اسلامي همکاریو سازمان(OIC) باید ډېر مخکې دا موضوع څېړلې وی او یوه عملي ستراتېژي یې پلې کړی وی، خو اوس باید دا سازمان د یو لړ نفرت اچوونکو حرکتونو څخه چې ترسره کېږي، را ویښ شي، هغه حرکتونه، چې د مسلمانانو احساسات ځپي.» (سرچینه: اکسپرس تریبون، ۲۰۱۸ م کال د اګست ۲۷مه)
عمران خان وړاندیز کوي، چې باید د غربي نظام پر یوه برخه (پر ملګرو ملتونو) فشار راوړو. دا سازمان د ارماني ازادیو د ملاتړ لپاره جوړ شو او په نړۍ کې د یوه لید د وړاندې کولو په هځه کې دی. حق او باطل، ښه او بد، تګلارې او ارزښتونه ټول د یوه معیار په واسطه چې هماغه د سیکولر معیار دی، مشخص کېږي. په اسلام کې دا یو تناقص دی، چې دا موضوع هېڅکله د دوی د بقا د علت په توګه ونه شمېرل شي. د ازار، غوسې او ځورولو احساس د مسلمانانو په نزد پر هغې عقیدې پورې اړوند دی، چې دوی یې لري. مسلمانان حضرت محمد صلی الله علیه وسلم او نورو ټولو پیغمبرانو علیهم السلام ته احترام لري او د عقیدې د یوې برخې په توګه ورسره محبت لري. دا به هغه کس ته چې ازادي د عقیدې په بڼه لېږدوي، هېڅکله معنا ونه لري، ځکه چې د کس پرېکړه د دې په اړه چې څه شی مقدس دي او څه شي ته سپکاوی د منلو وړ دی، پخپله فرد پورې تړاو لري.
د مسلمانانو د رهبرۍ د نشت له کبله، زموږ پر دین او امت د نویو حملو په وخت کې مسلمانان تل یوازې اتفاقي ځوابونه اوري. موږ نه شو کولای له با ثباته سیکولرو ملتونو او ازادي غوښتونکو جوړښتونو څخه وغواړو، چې په منظم ډول لکه څنګه چې موږ غواړو چلند وکړي. دا به یوازې یوه ایډیالوژیکه او با اخلاصه رهبري وي، چې واقعي بدلون به راوړي او دا به په ډاګه کړي چې څنګه غیر مسلمانان له اسلام او د پیروانو له احساساتو سره چلند وکړي.
دا یوازې د نبوت پر منهج د خلافت دولت دی، چې اسلام به نړۍ ته ورسوي او له اسلام او رسول الله صلی الله علیه وسلم څخه په ښه ډول دفاع وکړي. که نه له هغه پرته موږ ووینو چې مسلمانان حکام څنګه د مسلمانانو له احساساتو سره لوبې کوي او په ورته وخت کې خپل دستور او هدایت له غرب څخه اخلي، له هغوی څخه حللارې غواړي او د ژوند په کارونو کې ور څخه تقلید کوي، په داسې حال کې چې د رسول الله صلی الله علیه وسلم د محبت دعوی یوازې په احساسي ډول لري.
لیکونکې: نازیه رحمان
د حزب التحریر د مرکزي مطبوعاتي دفتر لپاره
ژباړه: شجاع بشارت
د حزب التحریر- ولایه سوډان د غړي استاد عصام اتیم د جمعې خطبه
۱۴۴۰ه.ق، د محرم الحرام ۲۵مه، جمعه/ ۲۰۱۸م، د اکتوبر ۵مه
