(ژباړه)

په عدن کې د معین عبدالمالک د حکومت د روغتیا او د نفوس وزیر ناصر بوم د چهارشنبې په ورځ یو خبري کنفرانس درلود. ده په دغه کنفرانس کې په منصوره او عدن کې د کرونا ویروس د پنځو مثبتو پېښو د ثبت او دوو تنو د مړینې خبر ورکړ. د روغتیا نړیوال سازمان د جمعې د ورځې په سهار په خپل غبرګون کې د وزیر ناصر خبرې رد کړي او دی یې په دروغو او درغلۍ تورن کړی.

 د روغتیا او نفوس وزیر دغه دروغ د هدراموت د والي فارج سلمین البحساني د دروغو وروسته مخې ته راځي. والي د الشهر په ساحلي ښار کې د ۲۰۲۰ م کال د اپریل په څلورمه د کرونا ویروس د لومړنۍ مثبت پېښې تر اعلان وړاندې په خپل ولایت کې د کرونا ویروس پر وړاندې د عامه پوهاوي او احتیاط کمپاین ترسره کړی و. د ده ترڅنګ په صنعا کې د اینکا د دولت د روغتیا او نفوس وزیر طاحا المتوکیل هم د ۲۰۲۰ م کال د اپریل پر څلورمه پارلمان ته وویل چې د ده دنده له ۲۰۰۳ م کال راهیسې غزول شوې ده. د ده د وزارت د وړاندوینو سره سم به په یمن کې ۲۸ میلیونه خلک د کرونا پر ویروس اخته شي او په دې ډول به دوی یو میلیون بسترونو ته اړتیا ولري. ولې په هېواد کې د کرونا ویروس په اړه دروغ ویل کېږي!؟ دغه دروغ دا په ډاګه کوي چې دوی یوازې غواړي له خپلو کافرو بادارانو څخه د خپلو بانکي اکونټونو تشې خېټې ډکې کړي، نه دا چې د خپلو خلکو لاسنیوی وکړي. دغه کړنې په داسې یو هېواد کې ترسره کېږي چې خلک یې هرڅه لري، خو د دغو واکمنانو له امله به له لوږې مړه شي. همدارنګه روان حالت دا په ډاګه کوي چې دوی د روغتیایي سهولتونو په برابرولو کې پاتې راغلي او په زرګونو خلک د نورمالو شرایطو لاندې د درملنې لپاره بهر ته ځي.

دا په یمن کې د دوو سیاستوالو د څرګندونو حقیقت په ډاګه کوي، د وزیر او والي، دوی غواړي یوازې له خلکو ګټه پورته کړي او حقایق وپوښي. دوی فکر کړي چې سیاست یوازې دروغ او دوه مخيتوب دی؛ ځکه دوی د کپیټلېزم د چټل سیاسي مکتب روزل شوي شاګردان دي او دوی ته د شهزاده ماکیاولي هغه کتاب په لاس کې ورکړل شوی چې یو اصل یې په ډاګه وایې چې، هدف وسیله توجیه کوي. دوی د رسول الله صلی علیه وسلم دغه حدیث نه دی اورېدلی چې وایې:

«كَانَتْ بَنُو إِسْرَائِيلَ تَسُوسُهُمْ الْأَنْبِيَاءُ، كُلَّمَا هَلَكَ نَبِيٌّ خَلَفَهُ نَبِيٌّ، وَإِنَّهُ لَا نَبِيَّ بَعْدِي، وَسَيَكُونُ خُلَفَاءُ فَيَكْثُرُونَ»، قَالُوا: فَمَا تَأْمُرُنَا؟ قَالَ: «فُوا بِبَيْعَةِ الْأَوَّلِ فَالْأَوَّلِ، أَعْطُوهُمْ حَقَّهُمْ، فَإِنَّ اللَّهَ سَائِلُهُمْ عَمَّا اسْتَرْعَاهُمْ»

ژباړه: «بني اسرائیل د پیغمبرانو لخوا رهبري کېدل، کله به چې یو پیغمبر مړ شو، نو بل به ورته لېږل کېده، له هغه وروسته به بل و. له ما وروسته پیغمبر نه راځي، خو  خلفا به وي او د دوی شمېر به ډېر وي.» صحابه وو وویل: «موږ په هغه وخت کې باید څه وکړو؟» رسول الله صلی علیه وسلم وفرمایل: «له دوی سره یو پر بل پسې بیعت وکړئ او دوی ته حق ورکړئ، له شک پرته چې الله سبحانه وتعالی به دوی د هغه څه په اړه چې ورکړل شوي محاسبه کړي.»

دوی د یو وړوکي ویروس پر وړاندې چې یوازې تر مایکروسکوب لاندې د لېدلو وړ دی، داسې حالت ته ورسېدل، نو د لویو مسایلو پر وړاندې به څنګه وي!؟ له شک پرته چې دوی فاسقان دي؛ ځکه د یو حکمران په حیث په اسلام کې د عدالت څخه انکار کوي. هو نور د یمن د خلکو لپاره بس دی، دوی باید د هغه خلکو په لټه کې شي چې  د دوی رهبري او د چارو تنظیم د دروغجن سیاست پر ځای د اسلامي سیاست له لارې ترسره کړي او د رسول الله صلی علیه وسلم هغه حدیث په نظر کې ولري چې سیاستوال اړباسي ترڅو د اسلام له لارې حکومت وکړي او له هغه مبارک وروسته د هغه د خلفاوو لاره تعقیب کړي.

اې د یمن خلکو! حزب التحریر یوازینۍ حزب دی چې په پوره صداقت تاسو ته پاملرنه کړي. د امت سره کار کړي ترڅو د خپل ژوند او مرګ موخه د الله سبحانه وتعالی د بیرغ د لوړول وګرځوي او د نبوت پرمنهج د دویم راشده (ریښتیني) خلافت پر تاسیس سره اسلام د امت ژوند ته راستون کړي. رسول الله صلی علیه وسلم فرمایلي دي:

«...ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ»

ژباړه: وروسته د نبوت پر منهج خلافت راځي.

حزب التحریر-ولایه یمن