حزب التحریر-ولایه سوریه د ۲۰۲۱م کال، د مې په ۲۵مه، د جمعې په ورځ د مسجدالاقصی او د فلسطین د مسلمانانو په ملاتړ یو پراخ لاریون وکړ. په دغه لاریون کې د حزب التحریرـ ولایه سوریه د مطبوعاتي دفتر رییس احمد عبد الوهاب وویل چې د مسجد الاقصی او د فلسطین د ازادۍ ویاړ د کافر غرب د لاس پوڅو حاکمانو، معامله ګرو، مذاکره کوونکو او له یهودو سره د امنیتي تړون لاسلیک کوونکو په واسطه نه ترلاسه کیږي. بلکي د دغه ازادۍ ویاړ به هغه دولت چې  د نبوت پر منهج رامنځته کیږي او د الله سبحانه وتعالی پیغمبر یې زېری ورکړی دی ترلاسه کیږي. هغه د نظامیانو پر رهبرانو ټینګار وکړ چې له هغه بندیزونو څخه ځانونه ازاد کړي چې پر دوی لګول شوي دي. هغه رژیمونه بدل کړي چې د مسجد لاقصی د ازادېدو په خاطر د دوی د حرکت، د اسلامي دولت د تاسیس، د مسلمانانو له وینې، ناموس او مقدساتو څخه د دفاع مخنیوی کوي. هغه څرګنده کړه چې د اسلامي خلافت له ړنګیدو څخه وروسته کافر غرب وکولی شول چې په مسجد الاقصی او فلسطین باندې کنترول پیدا کړي. هغه په مسلمانانو باندې غږ وکړ چې هڅه وکړي ترڅو د نبوت پر منهج راشده خلافت ته په کار کولو سره د رسول الله صلی الله علیه وسلم مبارک پیغام تحقق ومومي.

الأقصى_يستصرخ_الجيوش#
#Aqsa_calls_armies
#OrdularAksaya
#AqsaCallsArmies

احمد عبد الوهاب

د حزب التحریر ـ ولایه سوریه د مطبوعاتي دفتر رییس