﴿وَلا تَهِنُوا وَلا تَحْزَنُوا وَأَنْتُمُ الْأَعْلَوْنَ إِنْ كُنْتُمْ مُؤْمِنِينَ﴾

"دل شکستہ نہ ہو اور غم نہ کرو تم ہی غالب رہو گے اگر تم مومن ہو" (آل عمران:139)

پچھلے کچھ عرصۂ میں یورپ نے خونیں حملوں کا سامنا کیا، جن میں مسلمان اور غیر مسلم ہلاک ہوئے اور ان میں ایک بڑی تعداد عورتوں اور بچوں کی تھی۔  مسلمان، اگر تمام نہیں تو ان كى ایک بڑی اکثریت،ایسے کاموں کو مسترد کرتے ہیں کیونکہ یہ کام ان کے دين سے متصادم ہیں۔ اس کے باوجود یورپ  عمومی طور پر  جبکہ خصوصاً فرانسیسی میڈیا اور سیاستدان "اسلامی دہشت گردی" کی اصطلاح استعمال کرتے ہیں جسے وہ اسلام میں جہاد کے مفہوم سے منسوب کرتے ہیں..... چناچہ اسلام کو دہشت گردی, خون ریزی اور درندگی کے ساتھ منسوب کر دیا گیا ہے جبکہ پورے مسلم معاشرے کو مورد الزام ٹھہراتے ہوئے ان سے اس بات کا مطالبہ کیا جاتا ہے کہ وہ اپنے دين سے برات کا اعلان کریں اور سیکولرزم اور مغربی اقدار کو اپنا لیں...

 استعماری (مغربى)ممالک کچھ اسلامی ممالک پر توقبضہ کيے ہوئے ہیں جبکہ باقی ممالک پر اپنا ناجائز اثرورسوخ استعمال کرتے ہیں، مسلمانوں کا قتل عام کرتےہیں اور کسی قانونی و اخلاقی پابندی کی پرواہ نہ کرتے ہوے معصوم لوگوں کو نشانہ بناتے ہیں۔  لاکھوں لوگوں کے قتل سمیت جو کچھ یہ افغانستان اور عراق میں کر چکے وہ ہماری یاداشت میں محفوظ ہے۔ اسى طرح یہ استعماری ممالک اپنے ہوس پر مبنی سرمایہ درانہ مفادات حاصل کرنے کے لیے مسلمانوں کے قیمتی اثاثوں کو لوٹتے اور ان کے ممالک کو تباہ کرتے ہیں۔ اسلام مسلمانوں پر فرض کرتا ہے کہ وہ اپنے ممالک، عزتوں اور اثاثوں کا دفاع کریں اور استعماری قوتوں کا مقابلہ کریں۔ اس کے ساتھ ساتھ اسلام میں جہاد کے احکامات ("مہذب" استعماری ممالک کے کرتوتوں کے برخلاف)  میں غداری کو حرام قرار دیا گیا ہے اورغیر عسکری افراد، جن میں بچوں ، عورتیں اور معاہد(ذمی) شامل ہیں،  کے قتل کو حرام قرار دیا گیا  ہے۔جيسا كہ رسول اللهﷺ نے فرمایا:

«... وَلاَ تَغْدِرُوا، وَلاَ تَغُلُّوا، وَلاَ تُمَثِّلُوا، وَلاَ تَقْتُلُوا وَلِيدًا»

"اورغداری  نہ کرو، نہ زیادتی کرو اور نہ ہی مثله کرو اور نہ ہی بچے کو قتل کرو"۔

اور آپﷺ نے فرمایا:

«... فَلَا تَقْتُلُوا ذُرِّيَّةً، وَلَا عَسِيفًا [أجيرا أو عاملا لا علاقة له بالحرب]»

"نہ تو بچوں کو قتل کرو اور نہ ہی عسيف (مزدور یا عاملین جن کا جنگ سے کوئى تعلق نہ ہو) كو"۔

ابن عمر رضی اللہ عنہ سے مروی ہے، کسی غزوہ میں ایک مقتول عورت ملی تو رسول اللہ ﷺنے عورتوں اور بچوں کو قتل کرنے سے منع فرمایا.... امام شافعی نے مستامن (جسے امان دی جائے) کے بارے میں فرمایا ہے: "جب اسے وہ (کفّار) امان ديں تو اس امان میں شامل ہے کہ وہ بھی ان کو امان دے, نہ تو وہ ان کو قتل کرے اور نہ ہی ان سے خیانت کرے".... ابن مودود حنفی کہتے ہیں: "جب ایک مسلم امان لے کر دار الحرب میں داخل ہو تو وہ ان(كفار) کے جان و مال کے خلاف کوئى کام نہ کرے کیوں کہ یہ ان سے  غداری (خيانت) ہو گی جو اس کے لیے جائز نہیں"...... یہ وہ عظيم احکامات ہیں جو جہاد، جنگ اور مستامن کے بارے میں اسلام نے ديے ہیں۔

بے شک یورپی سیاستدان یہ بات اچھی طرح جانتے ہیں  لیکن اس کے باوجود ان حادثات کو استعمال کرتے ہیں تاکہ درندگی کو اسلام اور جہاد کے مفہوم سے جوڑ دیا جائے اور مسلم ممالک میں مصروف نفاذ اسلام کے داعيوں کو خونخوار دہشت گرد بنا کر پیش کیا جا سکے۔  وہ یہ سب اس لیے بهى کرتے ہیں کہ اپنی عوام کے سامنے اپنے خوفناک استعماری کاموں پر پردہ ڈال سکیں اور اس کو بنیاد بنا کر اسلام كو "ريفارم" یعنی تبدیل  کر سکیں جس کے مطابق اسلام کے مفاہیم و احکامات کو تبدیل کرنا اور نئى مسلم نسل کى "یورپین" اسلام کے مطابق پرورش کرنا شامل ہے۔ ہم مسلمانوں کو ان منصوبوں سے خبردار کرتے ہیں اور ان کو دعوت دیتے ہیں کہ وہ اپنے دين پر فخر کریں اور اپنی شریعت کو مضبوطی سے تھاميں ركهیں اور تصورجہاد سمیت اپنے تصورات پر فخر کريں اور یہ جان رکھیں کہ خواہ صعوبتیں اور مشکلات کتنی ہی بڑھ جائیں لیکن مستقبل اسلام کا ہی ہے ۔ الله تعالىٰ فرماتے ہیں:

﴿حَتَّىٰ إِذَا اسْتَيْأَسَ الرُّسُلُ وَظَنُّوا أَنَّهُمْ قَدْ كُذِبُوا جَاءَهُمْ نَصْرُنَا فَنُجِّيَ مَن نَّشَاءُ وَلَا يُرَدُّ بَأْسُنَا عَنِ الْقَوْمِ الْمُجْرِمِينَ﴾ (يوسف: 110)

"حتى کہ جب رسول مایوس ہو گئے اور یہ گمان کیا کہ وه جٹھلا ديے گے ہیں تو ہماری مدد آن پہنچی تو ہم نے جسے چاہا بچا لیا اور ہمارا عذاب مجرموں کی قوم سے ٹالا نہیں جا سکتا"(یوسف:110)۔

حزب التحرير

يورپ

20 شوال 1437ہجری                                                                                                                

25 جولائى 2016