(ژباړه)

د امریکا د دفاع وزیر، مایکل پامپیو عراق ته یو ناڅاپی سفر وکړ. نوموړي په دغه سفر کې له ولسمشر او وزیرانو؛ برهام صالح او عادل عبدلمهدي سره وکتل. له بل لوري یوه رسمي سرچینه تاییدوي، چې دغه سفر د امریکا له خوا د خبرداري یوه برخه وه، څو د واشنګټن او تهران تر منځ د ناندریو په ډېرېدو کې بې طرفه پاتې شي.

پامپیو له عراق څخه د وتو پر وخت وویل: «هڅه مو وکړه  دوی د هغو ګواښونو له ډېرېدو څخه خبر کړو چې ومو لیدل او په دې اړه مو ځینې نور مسایل هم ورسره شریک کړل، څو کافي معلومات ولري. د دې ترڅنګ پردې خبره مو باوري کړل، چې زموږ د ټیم د ساتنې لپاره خپل ټول امکانات وکاروي. موږ نه غواړو چې د دوی په هیواد کې څوک لاسوهنه وکړي او  په عراق کې د ننه پر نورو ملتونو بریدونه وشي» ده زیاته کړه چې «ترمنځ مو پوره توافق و.»

د امریکا دفاع وزیر په عراق کې د ایران د منفي رول او په دغه هیواد کې د امریکایي عسکرو پر وړاندې د ګواښونو د دوام په اړه داسې خبرې وکړې لکه امریکا چې هیڅ ګناه نه وي کړې یا لکه ایران چې د امریکا د غوښتنو پر وړاندې د عراق کنټرول په خپل لاس کې اخیستی وي او امریکا ورته خپل رول او ماموریت نه وي امر کړی. د امریکا د دفاع وزیر په خبرو کې چل دی او غواړي چې د خپل هیواد مخ سپین کړي، که څه هم دوی راغلي او عراق یې اشغال کړی. په داسې حال کې چې همدوی ایرانیانو ته واک ورکړ، په پوځ کې یې ورسول، له ملیشو یې ملاتړ وکړ او ....

کله چې عراق د امریکا له لوري اشغال شو، هلته امریکایان له یوه داسې مقاومت سره مخ شول، چې تمه یې نه درلوده. نو په عراق کې یې ایران را دخیل کړ، څو له دوی سره د دغه مقاومت پر وړاندې مبارزه کې مرسته وکړي. اشغال او هغه نظام ته مشروعیت ورکړي، چې دوی هلته جوړ کړی و. په ځانګړې توګه له ۲۰۰۵ کال وروسته کله چې امریکا ایران پلوه ډلو ته اجازه ورکړه، څو د ابراهیم الجعفري او بیا د المالېکی تر مشرۍ لاندې د قدرت صحنې ته راشي. دغه دولتونه امریکا جوړ کړي او د امریکا ملګري دي. د مالېکي دولت د ایران په ملاتړ له امریکا سره امنیتي او سټراټيژيک تړونونه لاسلیک کړل، چې د عراق د اشغال له رسمي پای ته رسولو وروسته خپل نفوذ په دغه هیواد کې وساتي. دا د ایران له رول نه د امریکا خوښیي ښيي، ایراني چارواکي د عراق په اشغال او بیا په عراق کې د امریکا د نفوذ د ثبات د باوري کولو لپاره په کار کې له امریکا سره ملګري وو.

په سیمه کې د ایران رول د امریکا د پالیسۍ په پلي کولو کې مرسته کوي او د دوی دغه رول شرایطو ته په کتو سره کمېږي او زیاتېږي. له ۱۹۷۹ راهیسې، امریکا ایران د سیمې د هیوادونو پر وړاندې د «اسلامي انقلابي پوښ» په توګه ساتلی. په امریکا کې د نوو محافظه‌کارو په قدرت ته رسېدو سره یې رول«لوی فرقه‌یي ګواښ» شو او د عربو د پسرلي په شرایطو کې یې «اغېزناک سیمه‌ییز رول» درلود. خو کله چې د مصر په شان د امریکا نورو غلامانو سر راپورته کړ، دا رول د سعودي په څېر غلامانو ته ورکړل شو او له دوی څخه یې د ترکیې په شان ګټه اخیستی شولی. نو اوس امریکا پرته له دې چې لاس په سر شي، ایران ته د نورو رولونو د پیدا کولو په لټه کې ده.

موږ د مسلمانانو د پوهاوي لپاره دا یادونه کوو، چې د اسلامي امت اصلي دښمن کافر اشغالګر غربي هیوادونه دي، ځکه دوی د سیمې هېوادونو د ظاهري نفوذ سربېره په اسلامي هیوادونو کې نفوذ لري. غربي هیوادونه زموږ په  هیواد کې پالیسۍ جوړوي او د اسلامي دولتونو چارواکي یې د لاس الې دي. نو زموږ د کار تمرکز باید د غرب د غلامانو په لرې کولو وي، څو خپل هیواد د دوی له نفوذ څخه خلاص کړو او له یوه خلیفه سره بیعت وکړو، څو د راشده خلافت په دولت کې اسلامي احکام پلي کړي. خبره باید یوازې د اوسنیو حکامو لرې کول نه وي، چې په دې سره یو ځل بیا مسلمانان تېرباسي او د مصر او تونس په څېر د یوه غلام پر ځای بل غلام کېنوي لکه څنګه چې دوی هڅه کوي څو په لېبیا، الشام، سوډان او الجزایر کې هم دا کړنه پلې کړي. 

حزب التحریر-ولایه عراق مطبوعاتي دفتر

(ژباړه)

حوثیانو پر ملګرو ملتونو غږ وکړ چې د یمن د خامو تېلو  پلور تنظیم کړي. په دې سره به خپل عاید د سون توکو په وارداتو او د مرکزي بانک له لارې د عامه سکټور د معاشونو په ورکولو ولګوي.  دغه کار محمد علی الحوثي، د لویې انقلابي کمېټي مشر، د یوه ټویټ له لارې کړی. ده ویلي: موږ پر ملګرو ملتونو او د امنیت پر شورا غږ کوو چې د خامو تېلو –په ټانکرو کې د ذخیره شوو تېلو په ګډون- د پلور لپاره یو میکانېزم جوړ کړي.  ده زیاته کړې چې د ملګرو ملتونو له لارې د خامو تېلو پلور به دوی ته دا وس ورکړي، څو د  خلکو د اړتیاوو د پوره کولو په موخه تېل، ډیزل او د کورنیو لپاره ګاز وارد کړي. تر څنګ یې د پلور له لارې نورې لاسته راغلې پیسې د عدن او صنعا مرکزي بانکونو ته وسپاري، چې تر خپل کنټرول لاندې سیمو کې ټولو مامورینو ته معاشونه ورکړي.

موږ باید د ملګرو ملتونو پر وړاندې د حوثیانو دغه دریځ ته حیران نه شو؛ ملګري ملتونه په دوامداره توګه د دوی ملاتړ کوي او ژغوري یې، که هغه د سیاسي موقفونو له لارې وي یا د هغو اقتصادي مرستو له لارې، چې د مرسته‌کوونکو په کنفرانسو نو کې د یمن د خلکو په نامه اخیستل کېږي. ډېری مرستې بیا حوثیان کنټرولوي او د خپلو ګټو لپاره یې لګوي. په یمن کې د ملګرو ملتونو رول یو عنادي استعماري رول دی، چې غواړي جګړه اوږده او حوثیان د امریکا د ګټو لپاره نور هم ځواکمن کړي. د نړۍ تر ټولو لوی کنټرولوونکی دولت غواړي، چې دوی د یمن په حکومت کې راګډ کړي او د ایران پر ځای یې د سعودي تر چتر لاندې وساتي.

 د ایران په اړه د ډونالډ ټرمپ په مشرۍ د سپینې ماڼۍ اوسنی سیاست دا دی، چې په سیمه کې د ایران ځواک راکم کړي او خپل نوي غلام ته چې د دوی ډېر اطاعت کوي، یوه مهمه دنده ورکړي، په ځانګړې توګه د سعودي پاچا محمد بن سلمان او زوی يې محمد ته. د امریکا ولسمشر ډونالټ ټرمپ دغو دوو کسانو ته د مطیع غلامانو په سترګه ګوري چې ډېره شتمني لري، دا به د امریکا په ګټه کارېږي او  دغه له کاره لوېدلې پاچاهي به یې ساتي.  

د محمد علی حوثي دغه خبرې ښیي، چې دوی له ملګرو ملتونو سره یوه لویه معامله لري. دوی غواړي چې ملګري ملتونه په یمن کې مخه پیدا کړي او ملګري ملتونه بیا غواړي چې دوی لا ځواکمن کړي، غواړي جګړه وغځوي، د یمن له وږو خلکو ګټه پورته کړي او پر سر یې معامله وکړي؛ په داسې حال کې شپه او ورځ چغې وهي چې د یمن خلک د لوږې او قحطۍ له ناورین سره مخ دي. دا کارونه د دې لپاره کوي چې د مرسته کوونکو په کنفرانس کې د یمن د خلکو د ناوړه وضعیت په نامه مرستې ترلاسه کړي. هغه مرستې بیا غلا کوي، ځانته یې اخلي او په یمن کې یې هغو نورو عنادي سازمانونو ته ورکوي چې په دغې خاوره کې د امریکا پلانونه پلي کوي. ډېری دغه مرستې د دغو سازمانونو لخوا د نوو کسانو پر جذب او ګومارنه لګېږي. دوی د هیواد له ناوړه اقتصادي وضعیت نه ګټه اخلي او په لوړو ډالري معاشونو دغه کسان له فکري او اخلاقي اړخه فاسدوي. 

تاسو پر ملګرو ملتونو څنګه باور کولای شئ؟ دوی په یمن کې دجګړې د پیل راهیسي ۷ بیلیونه ډالر مرسته ترلاسه کړې. دوی دغه پيسې خپلو درجن درجن سازمانونو ته ورکړې. په دغو سازمانونو کې لوی لوی سازمانونه ؛لکه نړیوال  غذایي پروګرام، یونیسف، نړیوال روغتیایي سازمان، د کډوالو لپاره د ملګرو ملتونو د لویې کمیشنرۍ اداره شامل دي. کوچني سازمانونه هم پکې شته چې په ټیټه کچه پیسې ترلاسه کوي. په ټوله کې د هغو نړیوالو سازمانونو شمېر چې دغه مرستې یې اخیستې ۱۰۰ سلو ته رسېږي. دغو سازمانونو نیږدې ۲ بیلیونه ۶۵۲ میلیونه ۵۹۵ زره او ۵۲۵ ډالر تر لاسه کړي، خو لا هم د یمن خلک د بیوزلۍ، لوږې او ناروغیو له لاسه کړېږي. دغو سازمانونو او ملګرو ملتونو له دغو ستونزو څخه یوه یې هم نه ده حل کړې، برعکس دوی ستونزې او کړکېچونه مرسته کوونکو ته ورښیي او په بدل کې یې بیلیونه ډالر اخلي، چې له دې څخه لږه برخه یې د یمن خلکو ته رسېږي. هغه کسان به څنګه بریالي وي، چې استعمارګرو کفارو تربیه کړي او ملګري ملتونه او نور چټل سازمانونه یې چارې سمبالوي؟  الله سبحانه وتعالی فرمایلي دي:

﴿وَلَن يَجْعَلَ اللَّهُ لِلْكَافِرِينَ عَلَى الْمُؤْمِنِينَ سَبِيلاً﴾

[النساء: ۱۴۱]

ژباړه: ... الله سبحانه وتعالی پر مسلمانانو د کافرانو د برلاسي کېدو لپاره هېڅ کومه لاره نه ده جوړه کړې.

او همدارنګه الله سبحانه وتعالی فرمایي:

﴿يَا أَيُّهَا الَّذِينَ آمَنُوا لَا تَتَّخِذُوا الْكَافِرِينَ أَوْلِيَاءَ مِن دُونِ الْمُؤْمِنِينَ أَتُرِيدُونَ أَن تَجْعَلُوا لِلَّهِ عَلَيْكُمْ سُلْطَاناً مُّبِيناً﴾

[النساء: ۱۴۴]

ژباړه: اې مومنانو! د مومنانو پر ځای له کافرانو سره ملګرتیا مه کوئ. ایا غواړئ چې الله سبحانه وتعالی ته د ځان پر خلاف کوم څرګند سند ورکړئ؟

اې د یمن خلکو! تاسو دوکه شوي یاست، چې د مسلمانانو تر منځ دغه ناروا جګړه زغمئ... د جګړې لوریو (غلامانو) تاسو ته ویجاړي او ویراني راوستې. له هیواد څخه یې د امریکا او انګلیس د جګړې –چې د هیواد د ننه او په سیمه کې د دوی د لاس د الو په واسطه یې په یمن کې ځاله نیولې- میدان جوړ کړی. دوی په دغه چټله جګړه هیواد او خلک تباه کړل او بیا یې ملګري ملتونه په دې بهانه چې سوله راولي راوستل، څو دلته خپل خطرناک او له کینې ډک رول ولوبوي او په بې شرمۍ د ښکېلو ډلو تر منځ منځګړی (ریفري) و اوسي. وروسته بیا هر لوری ادعا کوي چې په حق دي او په صفونو کې یې چې څوک مړه شي، شهید یې بولي! سره له دې چې له دغو ښکېلو ډلو څخه یوې یې هم اسلام د ژوند لار او د بیا احیا پروژه نه ده بللې، نه یې به دغو شخړو کې ورته پام کړی، نه یې په تر خپل کنټرول لاندې سیمو کې د الله قوانین پلي کړي. په داسې حال کې چې موږ وینو دوی د سېکولر دولت په جوړولو کې له یو بل سره سیالي کوي، څه په دې سره خپل غربي بادارن او له اسلام او مسلمانانو سره کینه‌ګر خوشاله کړي.

اې د یمن خلکو، اې مومنانو او هوښیارو... ستاسو د خلاصون لار دا ده، چې د اسلام حاکمیت او د اسلامي دولت تاسیس وغواړئ او له هغو سره سم خپلې شخړې حل کړئ. یوازې له دې لارې عزتمند او بریالي ژوند ته رسېدای شئ. د اسلامي دولت تر چتر لاندې به د اشغالګرو کفارو لاسونه ستاسو له هیواده بند شي، له خپلو وروڼو سره به له قومپالنې لېرې خوشاله ژوند ولرئ؛ نو د نبوت پر منهج د راشده خلافت لپاره کار وکړئ. خلافت به دا هر څه په واقعیت کې وښيي، موږ له تاسو غواړو چې په اړه یې غبرګون وښیئ، ځکه چې دا ژوند درکوي.

حزب التحریر ـ ولایه یمن مطبوعاتي دفتر