(ژباړه)

د ۲۰۱۸م کال د جون پر ۲۶ مه د سې شنبې پر ورځ د المان پارلمان یو پرېکړه لیک لاسلیک کړ، چې د هغه پر اساس په عامه ځایونو لکه: مکتبونو، روغتونونو، حکومتي ادارو او په ښارونو کې د تګ راتګ په وخت  د اسلامي حجاب پر اغوستلو بندیز ولګول شو او که څوک د دغه قانون پر ضد عمل وکړي، مجرم دی او ۴۰۰ یورو جریمه کېږي.

ددغه حقیقت د پټولو لپاره، چې ګویا دغه محدودیت یوازې د مسلمانو ښځو لپاره نه دی، همدارنګه دغه حکم نورې ټولې روسرۍ(حجاب) لکه: د سکي لوبې نقاب او نورې ټولې محافظتي خولۍ بندې کړې. تر اوسه حد‌اقل اتو اورپایي هېوادونو پر اسلامي روسری باندې بندیز لګولی دی. له هغوی څخه ډېرو هېوادونو لکه هالنډ د دغه حکم تر څنګ داسې هڅه کړې، چې ددې موضوع حقیقت بیان کړي، چې دغه بندیز یوازې د مسلمانانو په ټولنې پورې منحصر دی، چې دا کار یې د دیموکراسۍ د فردي ازادۍ(د عقیدې ازادي) له ارزښتونو سره په ټکر کې دی.

هالند د ازادۍ په پلي کولو کې مشهور دی او دا هغه ځای دی، چې د قانون په واسطه هر ډول تمایل ته اجازه ورکړل شوې. ځوانان له نشه‌یی توکو څخه د استفادې اجازه لري، ښځې یې د بدو کارونو لپاره مالیه ورکوي او په لویان کې  ایتانازیا (له درد پرته د هغو خلکو وژل چې په نا علاجه ناروغيو اخته وي او یا په کوما کې وي) اوج ته رسېدلې ده؛ خو کله چې د مسلمانانو د اسلام او د حجاب د انتخاب په اړه د مسلمانې ښځې موضوع مطرح شي، نو په ناڅاپي ډول ازادي ته شا کوي او د مسلمانو ښځو په واسطه د حجاب اغوستل سره کرښه بلل کېږي، چې له هغې څخه نه شي تېرېدلی.

 د روسري اغوستل لومړی اسلامي ارزښت نه دی چې په ازادیپالو ټولنو کې پرې حمله کېږي؛ خو بیا هم پر دې ویاړي چې د ټولنې په جوړښت کې یې د خلکو تر منځ د هر ډول توپیر منونکي دي او افرادو ته یې د عقیدې د انتخاب حق او د هغې د تمثیلولو لپاره طریقه ورکړې ده، حال دا چې د اسلامي ټولنې په اړه داسې یو امر اصلاً نشته.

د ډېرو ازادیپالو ټولنو په څېر هالند هم پر هغې اډانه نظارت ډېر کړی، چې پکې د اسلامي ټولنو لپاره د عقایدو د عملي تمثل اجازه ورکړل شوې ده. ددې ټولنو تر منځ مخ پر ودې کمپاین جریان لري، چې غواړي د فشار په راوړلو سره سیکولریستي ارزښتونه پر دوی وتپي. د بېلګې په توګه، مذهبي ازادي به دومره محدوده شي، چې ښځې به د خپلو دیني جامو په اغوستلو سره مجرمې شي.

په هالند کې د ښي اړخي حزب(pvv) یوه سناتور الکساندر وان هاتم هڅه وکړه، چې حقیقت بیان کړي او ویې ویل: هغه د اسلامي روسري اغوستل «غربي ټولنې ته د وسطي ګوتې» ګوتڅنډنه بولي. داسې ښکاري چې د ازادیپالو ټولنو لړزان فطرت، چې خپل سیکولریستي چوکاټ ماتوي او د ټولنې په انسجام کې یې خپله ناتواني ثابته کړې؛ اوس درک کړې چې د سیکولریستي ژوند د ساتلو لپاره یې چې هر څه په ذهنونو کې ګرځي باید عملي کړي. هغوی د ظالمانه قوانینو په پلي کولو سره دغه کار ته ادامه ورکوي او هیله لري، چې اسلامي تمایلات په ټولنه کې تر فشار لاندې راولي؛ خو موږ مسلمانان ډېر ښه پوهېږو چې الله سبحانه وتعالی د کارونو ښه مدبر دی.

﴿وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ﴾

[انفال: ۳۰]

ژباړه: هغوی خپل تدبیرونه نیول چې څه ډول د په بلا اخته کړي  او الله سبحانه وتعالی هم ستا د ساتنې لپاره خپل تدبیر کاوه او الله تعالی تر ټولو ښه تدبیر کوونکی دی.

سره له دې څنګه چې لیدل کېږي پایلې بالعکس دي. د حکومت د فرهنګي ـ اجتماعي بنسټ(scp) له خوا په وروستي خپاره شوي خبر کې لیکل شوي، چې په هالند کې د مسلمانانو ټولنو تر منځ په تېرو لسو کلونو کې دین له ځانګړي ارزښت څخه برخمن شوی دی. دغه راپور پر الماني قومیتونو باندې چې اصل یې ترکیې او مراکش ته رسېږي، تمرکز کړی او په ډاکه کړې یې ده، چې مسلمانان د تېرو لسو کلونو په پرتله ډېر لمونځ کوي، ډېر جوماتونو ته ځي او په پوره بڼه د اسلامي حجاب اغوستل ډېر شوي دي.

د مسلمانانو ټولنې چې په ازاد‌یپالو ټولنو کې ژوند کوي، ددغه مثبت پرمختګ د تقویې لپاره دې ته اړتیا لري چې پر خپلو عقایدو باندې استوار پاتې شي او خپل وخت د اسلام په ژوره مطالعه کې ولګوي. په ځانګړي ډول پر دې موضوع، چې اسلام په ټولنه کې له مذهبي توپیرونو سره  څرنګه چلند کوي او په تېرو وختونو کې یې څرنګه چلند کړی دی؟ د دوی باور هغه وخت قوت پیدا کوي، چې په تېرو وختونو کې د نجیبو حکامو له خوا د یهودیانو او عیسویان د حقونو د ساتنې پر څرنګوالي  پوه شي. هغوی یې حقونه تامینول، چې وکولی شي د دین اوامر پر ځای کړي او دا هغه څه دي چې اسلام پر هغو امر کړی دی.

﴿لَا إِكْرَاهَ فِي الدِّين﴾

[بقره: ۲۵۶]

ژباړه: د دین په منلو کې جبر او اکراه نشته

لیکواله: یاسمین ملک

د حزب التحریر د مرکزي مطبوعاتي دفتر غړې

خبر:

الجزایر له تېرو څوارلسو میاشتو راهيسې د ماشومانو او امیندوارو مېرمنو په ګډون تر دیارلس زرو زیات کډوال د صحارا په دښته کې له سرپرست پرته پریښي. وږي او تږي یې شړلي او کله کله خو یې لا د ټوپک په زور تر سوځونکي لمر لاندې پلي تګ ته اړ کړي. له دې دښتنې څخه د ځینو کسانو د ژوندي وتلو تمه هیڅکله هم نه شي کېدای.

د شړل شويو کډوالو او پناه غوښتونکو ډلې په سلګونو  دپاسه ښکاري او له لرې دا ډلې د یوې نکتې په څېر برېښي، په داسې حال کې چې د هوا درجه په دې دښته کې د سانتي ګراډ ۴۸ درجو ته رسېږي.

د نایجریا په کډوالو کې نېکمرغه کسان ۱۵ کیلومتره په داسې ځمکه تېریږي، چې څوک ژوند نه پکې کوي او دوی هڅه کوي ګاونډي کلي اصامکا ته ځانونه ورسوي.

نور یې د ورځو ورځو لپاره په دې تمه پلي تګ ته دوام ورکوي، چې د ملګرو ملتونو ژغورونکې ډله یې ومومي. (سرچینه: الجزیره.کام)

تبصره:

د الجزایر دولت داسې ناوړه چلند د دغه هیواد د ښکېلاکې بادارې فرانسې له وحشت سره د پرتلې وړ دی او د کډوالو په نړیوال کرکېچ کې دې هیواد ته په بشپړه توګه د ملامتیا ګوته نیول کېدای شي.

دا د یو هیواد د ملي حاکمیت په کچه یو ارزښتناکه ګام دی، چې د بې ګناه او بې وزلو انسانانو شړلو په موخه یې اخلي. شړل شوي کسان چې لا له وړاندې د هر راز ظلم او تېري له خطر سره مخ وو اوس نور هم له بېلابېلو خطرونو سره مخ کېدونکي دي، لکه: د جنسي ګټې اخیستنې په موخه انساني قاچاق او د بدن د اندامونو پرېکول یې یو له هغو بېلګو څخه دي، چې هیڅ د زغم وړ نه دي. دا هر څه د لیبرال نظام او ديموکراتیکو بنسټونو د ناکامیو بېلګې دي، لکه: ملګري ملتونه، چې یوه زره هم د محاسبې صلاحیت نه لري، ترڅو بشري قوانین پلي کړي. دوی د دوه مخۍ له مخې ځان اتل ښیي او په غیر اخلاقي بڼه خدمت ته دوام ورکوي.

الجزایر د مزدورو رژیمونو یوه ښه بېلګه ده چې ان نه شي کولای انساني ارزښتونو ته په درنه سترګه وګوري، اسلامي ارزښتونه خو لا لیرې خبره ده. دا ډول بې رحمه کړنلاره یې ځکه غوره کړه، چې د خپلو لوېدیځ پلوو لګښت ورکوونکو بادارانو امرونه ومني او هغوی ته وفاداره پاتې شي. دا ډول کړنلاره په هغې خاوره کې پلي کېږي، چې یو وخت د فقهاوو او د اسلام ریښتني مرکزونو پکې وو.

د یو مسلمان په توګه موږ ته باید پر داسې کړنو غوسه راشي، لکه څرنګه چې موږ د سعودي له لورې په یمن کې د کېدونکي وحشت پر وړاندې ولاړ یو او د اردغان د تېر ایستونکو او مکارو پالیسو پر وړاندې، چې د ګډوالو په اړه یې د اروپایي قوانینو په ړنا کې پلې کوي په غوسه یو.

تر هغې چې د مسلمانانو په توګه موږ د خپلو ملتونو د رهبرانو پر وړاندې یوموټي نه شو، د هر ډول ظلم او بې عدالتۍ پر وړاندې ونه درېږو، د دې ظلمونو او بې عدالتیو سرچینې ونه پېژنو، نو دا به تل زموږ د کمزورۍ او بې اتفاقۍ لامل وي او پایله به یې د شرعي احکامو د پلي کېدلو پر وړاندې خنډ وي. همداراز حالت به مو مخ پر ځوړ روان وي.

الله سبحانه تعالی په خپل پاک کلام قرآن کریم کې فرمایي:

﴿لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُمْ مِنْ دُونِهِ مِنْ وَالٍ﴾

[الرعد:۱۱]

ژباړه: د هر چا وړاندې او وروسته ټاكل شوي څارونكي دي، چې د الله سبحانه تعالی په حكم سره د هغه څارنه او ساتنه كوي.  حقيقت دا دى چې الله سبحانه تعالی د هیڅ قوم حالت نه بدلوي، ترڅو هغوى خپل اوصاف نه وي بدل کړي او كله چې الله سبحانه تعالی كوم قوم ته د سزا وركولو فېصله وکړي، نو د هغه مخنيوى هېڅوک نه شي کولی او نه هم  څوك د الله سبحانه تعالی پر وړاندې د  داسې قوم ملاتړ او ساتندوى ګرځېدلای شي.

د حزب التحریر مرکزي مطبوعاتي دفتر لپاره

لیکنه: ملیحه حسن

ژباړن: عبدالله لطفي

پوښتنه                                                                              

السلام عليکم ورحمته الله وبرکاته!

امير صاحب الله سبحانه و تعالی د ستاسو په وخت، هڅو او پوهه کې برکت واچوي!

زه يوه پوښتنه لرم: ایا د حزب له لوري د خلافت د تاسيس طريقې ته قطعي دلایل شته؟

ځواب:

 وعليکم السلام ورحمته الله وبرکاته.

په ټوله کې د دریوو پړاوونو لپاره قطعي دلایل شته:

رسول الله صلی عليه وسلم د دعوت په لومړيو کې کابو د درېوو کلونو لپاره پټ دعوت کاوه. هغه صلی الله عليه وسلم د ارقم ابن ابې الارقم په کور کې مسلمانان تثقيفول.

 د لاندې ايت تر نازلېدو وروسته هغه صلی الله عليه و سلم خپل دعوت په څرګنده توګه اعلان کړ:

﴿فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ﴾

[الحجر:۹۴]

ژباړه: نو ته په زغرده بیان كړه هغه څه چې تا ته يې امر شوی دی او له مشركانو څخه مخ واړوه.

د پورتني ايت ثبوت قطعي(قطعي الثبوت) دی او په دلالت کې هم قطعي(قطعي الدلالة) دی، ځکه رسول الله صلی عليه و سلم د یاد ایت تر نازلېدو مخکې په پټه دعوت کاوه او د ياد ايت تر نازلېدو وروسته یې خپل دعوت په ښکاره اعلان کړ، ده صلی الله عليه و سلم د دغه پړاو په ترڅ کې فکري او سياسي مبارزې ته مخ واړاوه او د یاد پړاو په پای کې یې د طلب النصره (مادي ملاتړ) غوښتنه وکړه.

په فکري مبارزه کې د بتانو، باطل عبادت په ډاګه کېده او د کفر پر ضد دلايل وړاندې کېدل. بېلا بېل ايتونه ياده مبارزه په ډاګه کوي، چې ځينې يې په لاندې ډول دي:

﴿أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ﴾

[الطور:۳۵]

ژباړه: ایا دوى له کوم خالق پرته پیدا شوي دي؟ یا هم پخپله د خپل ځان پیدا كوونكي دي؟

﴿قَالَ أَتَعْبُدُونَ مَا تَنْحِتُونَ * وَاللَّهُ خَلَقَكُمْ وَمَا تَعْمَلُونَ﴾

[الصافات:۹۵-۹۶]

ژباړه: هغه وویل: ایا تاسې د خپل لاس توږل شوو څېزونو بندګي کوئ. په داسې حال کې چې الله تاسې هم پیدا کړی او هغه څيزونه هم چې تاسې یې جوړوی.

﴿وَقَالَ اللَّهُ لَا تَتَّخِذُوا إِلَهَيْنِ اثْنَيْنِ إِنَّمَا هُوَ إِلَهٌ وَاحِدٌ فَإِيَّايَ فَارْهَبُونِ﴾

[النحل:۵۱]

ژباړه: او الله وویل تاسو دوه خدایان مه نیسئ، خدای خو یو دى، نو تاسو یوازې له ما څخه  ووېرېږئ.

﴿مَا اتَّخَذَ اللَّهُ مِنْ وَلَدٍ وَمَا كَانَ مَعَهُ مِنْ إِلَهٍ إِذًا لَذَهَبَ كُلُّ إِلَهٍ بِمَا خَلَقَ وَلَعَلَا بَعْضُهُمْ عَلَى بَعْضٍ سُبْحَانَ اللَّهِ عَمَّا يَصِفُونَ﴾

[المومنون:۹۱]

ژباړه: الله هیڅوک خپل اولاد نه دی ګڼلی او له هغه سره کوم بل خدای نه شته. که داسې وای، نو هر خدای به خپل مخلوق بېل کړی وای او بیا به یې یو پر بل باندې برلاسي کوله. الله له دغو خبرو څخه پاک دی چې دوی یې کوي.

﴿قُلْ هُوَ اللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْ لَهُ كُفُوًا أَحَدٌ﴾

[الاخلاص:۱-۴]

ژباړه: اې نبي! ته دوى ته ووایه، چی الله یوازې یو دى. الله هیچا ته اړ نه دى  نه يې څوك زېږولي او نه چا زېږولی. هیڅوك د هغه سیال نه شي کېدای.

﴿قُلْ يَا أَيُّهَا الْكَافِرُونَ * لَا أَعْبُدُ مَا تَعْبُدُونَ * وَلَا أَنْتُمْ عَابِدُونَ مَا أَعْبُدُ * وَلَا أَنَا عَابِدٌ مَا عَبَدْتُمْ * وَلَا أَنْتُمْ عَابِدُونَ مَا أَعْبُدُ * لَكُمْ دِينُكُمْ وَلِيَ دِينِ﴾

[الکافرون:۱-۶]

ژباړه: اې نبي! ته دوى ته ووایه، چې  اې كافرانو! زه د هغو شیانو عبادت نه كوم چی تاسو يې عبادت كوی.  نه تاسو د هغه ذات عبادت كوونكي ياست چې زه يې عبادت كوم.  نه زه د هغه شي عبادت كوونكى یم چی تاسو يې عبادت کوی  او نه تاسو عبادت كوونكي ياست د هغه ذات چې زه يې عبادت كوم. تاسو ته ستاسو دین دى او ما لره زما دین دى.

او داسې نور ګڼ شمېر اياتونه په دې اړه نازل شوي دي.

د سياسي مبارزې په اړه ډېر داسې ایتونه نازل شوي، چې د دوی پر عقيدو، مشرتوب او ګمراهیو یې نیوکې کړي او ګڼ شمېر ایاتونه دا واقعیت په ګوته کوي:

﴿تَبَّتْ يَدَا أَبِي لَهَبٍ وَتَبَّ * مَا أَغْنَى عَنْهُ مَالُهُ وَمَا كَسَبَ * سَيَصْلَى نَارًا ذَاتَ لَهَبٍ * وَامْرَأَتُهُ حَمَّالَةَ الْحَطَبِ * فِي جِيدِهَا حَبْلٌ مِنْ مَسَدٍ﴾

[المسد:۱-۶]

ژباړه: د ابو لهب لاسونه هلاك شول او دى هم هلاك شو، د هغه شتمني او څه یې چې ګټلي و، هغه ته په درد ونه خوړل. هرو مرو به لمبې وهونكي اور ته ننوځي او له هغه سره به یې ښځه هم چې د خسو د پنډونو راوړنکې وه، په داسې حال   اور ته واچول شي چې په غاړه كې به یې د خرما له پوستکو څخه اوبدل شوې کلکه لویه رسۍ وي.

﴿ذَرْنِي وَمَنْ خَلَقْتُ وَحِيدًا * وَجَعَلْتُ لَهُ مَالًا مَمْدُودًا * وَبَنِينَ شُهُودًا * وَمَهَّدْتُ لَهُ تَمْهِيدًا * ثُمَّ يَطْمَعُ أَنْ أَزِيدَ *  كَلَّا إِنَّهُ كَانَ لِآيَاتِنَا عَنِيدًا * سَأُرْهِقُهُ صَعُودًا * إِنَّهُ فَكَّرَ وَقَدَّرَ * فَقُتِلَ كَيْفَ قَدَّرَ * ثُمَّ قُتِلَ كَيْفَ قَدَّرَ * ثُمَّ نَظَرَ * ثُمَّ عَبَسَ وَبَسَرَ * ثُمَّ أَدْبَرَ وَاسْتَكْبَرَ * فَقَالَ إِنْ هَذَا إِلَّا سِحْرٌ يُؤْثَرُ * إِنْ هَذَا إِلَّا قَوْلُ الْبَشَرِ * سَأُصْلِيهِ سَقَرَ * وَمَا أَدْرَاكَ مَا سَقَرُ * لَا تُبْقِي وَلَا تَذَرُ * لَوَّاحَةٌ لِلْبَشَرِ * عَلَيْهَا تِسْعَةَ عَشَرَ﴾

[المدثر:۱۱-۳۰]

ژباړه: پرېږده ما او هغه څوك چې ما يوازې پیدا كړ. بیا مې ورته ډېر زیات مال وركړ او د هغو ترڅنګ مو زامن ورکړل او د هغه لپاره مو د مشرتابه لاره هواره کړه. بیا دی تمه لري چې ورته لا زیات څه وركړم. هیڅكله نه، هغه زموږ د ایتونو دښمن دی. ډېر ژر به یې په سخت عذاب اخته کړم. هغه فكر وكړ او د کومې خبرې کولو هڅه یې وکړه. هغه د هلاك شي، ده څرنګه د خبرو کولو هڅه وکړه ؟ خدای د هغه ووهي، څرنګه یې د خبرو جوړولو هڅه وکړه؟ بیا يې د خلکو لوري ته وكتل.  وچولی یې تریو کړ او خوله یې بوسه کړه. بیا يې شا واړوله او تکبر يې وكړ. نو ده وویل، دا (قرآن) له کوډو پرته بل څه نه دی، چې له پخوا څخه را رواني دي. دا خو یو انساني کلام دی. ژر به زه دى د دوزخ اور ته ننباسم او ته څه شي پوه كړې چې سقر (د دوزخ اور) څه شى دى؟! داسې اور دی چې نه یې پرېږدي او نه یې خوشې کوي. د انسان د پوستکي اییلوونکی دی. په هغه اور باندې نولس کارکوونکي (ملایکې) ټاکل شوي دي.

﴿وَلَا تُطِعْ كُلَّ حَلَّافٍ مَهِينٍ * هَمَّازٍ مَشَّاءٍ بِنَمِيمٍ * مَنَّاعٍ لِلْخَيْرِ مُعْتَدٍ أَثِيمٍ * عُتُلٍّ بَعْدَ ذَلِكَ زَنِيمٍ * أَنْ كَانَ ذَا مَالٍ وَبَنِينَ * إِذَا تُتْلَى عَلَيْهِ آيَاتُنَا قَالَ أَسَاطِيرُ الْأَوَّلِينَ * سَنَسِمُهُ عَلَى الْخُرْطُومِ﴾

[القلم:۱۰-۱۶]

ژباړه: هیڅکله د داسې چا تر اغیز لاندې مه راځه چې زیات قسم خوړونکی، بې باوره، له نېکۍ منع كوونكى،  تېرۍ کونکی، سخت بدعمله. ډېر  بد خویه او د دې ټولو عیبونو تر څنګ حرامي دى. له دې امله چې دى د مال او زامنو خاوند دى؛ نو  كله چې  زموږ ایتونه ورته ولوستل شي بیا وايي، دا د لومړنیو خلکو   کېسې دي. ژر ده چې موږ به د ده په پزه باندې داغ كېږدو.

رسول الله صلی الله عليه و سلم د طلب النصره (مادي ملاتړ) غوښتنه له هغو خلکو څخه کوله، چې د دفاع او ځواک خاوندان وو. ده صلی الله عليه و سلم له ځواکمنو قومونو څخه د ملاتړ غوښتنه کوله او مصعب رضی الله عنه یې مدينې منورې ته ولېږه او انصارو رضی الله عنهم ورته مثبت ځواب ورکړ او دغه چاره د عقبې د دویم تړون د لاسليکېدو لامل شوه.

رسول الله صلی الله عليه و سلم لومړی اسلامي دولت په مدينه منوره کې تاسيس کړ.

د يادو درېوو پړاوونو دلایل قطعي دي، که څه هم د يادو درېوو پړاوونو په تړاو په جزياتو کې ځینې ظني (غیر قطعي) شواهد شته، لکه: په پټه د تثقیف جزیات، په ښکاره د دعوت د اعلانولو جزیات، د فکري او سياسي مبارزې د پر مخ وړلو جزیات، د هجرت او د عقبې د دویم تړون تر لاسليکېدو وروسته د خلافت د تاسیسولو جزيات. د يادو جزياتو په تړاو شواهد ظني او صحيح دي. هر څوک چې زموږ کتابونه او رسالې لولي په څرګنده توګه د يادو دریو پړاوونو په اړه پکې قطعي دلایل بيان شوي دي او د ځینو جزیاتو په اړه، چې شواهد یې ظني دي هغه استنباط شوي دي.

له الله سبحانه و تعالی څخه غواړم، چې ياد موضوعات به ښه درته روښانه شوي وي.

ستاسې ورورعطا بن خليل ابو الرشته

ژباړن: صديق احمدزی