(ژباړه)

د ۲۰۱۷م کال د اکټوبر پر لومړۍ (ټي ار ټي) عربي وېبپاڼې د (د هسپانیې دولت د کاتالونیا ایالت د بېلتون غوښتونکوو د ټولپوښتنې مخه ونیوله)  تر عنوان لاندې راپور خپور کړ، چې پکې ویل شوي وو: پولیسو په دې سیمه کې د خپلواکۍ لپاره د ټولپوښتنې مخه نیولې؛ کاتالونیا ۷.۵ میلیونه نفوس لري او تر ډېره پر ځان بسیا ایالت دی. امنیتي ځواکونو د رایې اچونې پر مرکزونو برید وکړ، خلک یې د رایې اچونې له مرکزونو  خواره کړل او د رایې پاڼې او صندوقونه یې ونیول. د هسپانیې د کورنیو چارو وزارت ویلي، چې دې غیرقانوني ټولپوښتنې ته به اجازه ورنه کړي.

د عراق چارواکي باید په دې پوه شي، چې څرنګه د خپل هېواد چارې کابو کړي او څرنګه خپل هغه وګړي چې د دوی له لوري ځورول شوي، وساتي. دا نظر او نورو ته په پاملرنې سره، ایا هسپانیه یو ډېموکراټیک هېواد نه دی!؟ خو کله چې چارواکو ګواښ حس کړ، د خپلواکې ازادۍ پر اصولو یې پښه کېښوده او د بېلتون غوښتونکو مخه یې ونیوله. په داسې حال کې چې هغوی د تاسې په پرتله ډېر ځواکمن وو.

د تورې خبرې د کتاب تر خبرو سختې دي... دا د جدیت او ارامښت تر منځ پوله ده

د عراقي سیاستوالو په څېر، چې له دښمنانو مخکې یې وبایلوده او د انګلیس لاسپوڅي، بارزاني ته په ګونډو شول، زارۍ یې ورته وکړې، چې له خپلې دې پرېکړې څخه چې د بېلتون لپاره ټولپوښتنه کوي، تېر شي چې د الله سبحانه تعالی په شریعت کې ځای نه لري. له دوی سره ښایي، چې د کردانو مشر یې په ځنځیرونو او وسپنو تړلی وای، تر څو نورو هغو کسانو لپاره د عبرت درس ګرځېدلی وی، چې ګواښونه کوي. دا ځکه چې تاسې نه د خپل رب پر قوانینو  رهنما شوي یاست او نه هم د هغه کفارو پر قوانینو چې تاسې یې پیروي کوئ.

﴿فمَا لكُمْ كيفَ تَحْكُمُونَ﴾
[یونس: ۳۵]

نو پر تاسې څه شوي!؟ څرنګه حکم صادروئ!؟

دې خبرو ته په پاملرنې سره، تاسې ته وړ خبره کوي؛ هغه څوک چې پرته له جګړې یو هېواد ونیسي... هغه ته د هېواد تسلیمول هم اسانه کار دی.

د حزب التحریرـ ولایه عراق مطبوعاتي دفتر