(ژباړه)

حزب التحريرـ ولایه پاکستان د یهودي دولت د له منځه وړلو لپاره د پاکستان د پوځ، چې په نړۍ کې شپږم ستر او اټومي وسلې لرونکی پوځ دی، د چټک حرکت لپاره کمپاین ته دوام ورکوي. شباب د بې رحمه او بې زړه رژيم پر ګواښونو سربېره، د ټول هیواد په عامه ځایونو کې د پاکستان مسلمانانو ته ویناوې کوي. دوی په ټوله کې پر مسلمانان او په ځانګړې توګه علماوو غږ کوي چې د ظالمو او جنايتکارو حکامو له وېرې پرته د دغه کمپاین ملاتړ وکړي. الله سبحانه وتعالی فرمايي:

«فَاللهُ ‌أَحَقُّ أَنْ تَخْشَوْهُ إِنْ كُنْتُمْ مُؤْمِنِينَ»  [توبه: ۱۳]

ژباړه: «الله تعالی د دې ښه حقدار دی چې ترې ووېرېږئ (هغه وېره چې له تعظيم او احترام سره مل وي) که تاسو مومنان یاست.»

په دې کې شک نشته چې امت په دنیا کې پر خپل هدف پوه شوی او که خدای کول بیا به نه ويده کېږي. پرېږدئ چې همدا اوس د الله سبحانه وتعالی د رضا لپاره پر مخ لاړ شي او د پخوا په څېر ټول بشریت د ښېګڼې پر لور رهبري کړي.

حزب التحریرـ ولایه پاکستان، د فلسطین د مسلې د حل لپاره د غربي قدرتونو تر واک لاندې تش په نوم "نړیوالې ټولنې"  څخه د حکامو غوښتنه غندي. دا غربي استعماري دولتونه دي، چې یهودي اشغال ته یې لار هواره کړه. غربي استعمار اوس صهیونیستي ترهګرو ته وسلې ورکوي، تمويلوي يې او د غزې ماشومان تر خپلو کورونو لاندې ژوندي ښخوي. حزب التحرير له غربي قدرتونو سره د ټولو ایتلافونو د پای ته رسولو او د دوی د نا عادلانه نړیوال نظم د ردولو غوښتنه کوي. الله سبحانه وتعالی فرمايي:

[إِنَّمَا يَنْهَاكُمُ اللهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُولَئِكَ هُمُ الظَّالِمُونَ] [ممتحنه: ۹]

ژباړه: «له شک پرته همدا خبره ده چې الله تعالی تاسو د هغو خلکو له ملګرتیا څخه منع کوي، چې له تاسو سره د دين په معامله کې جنګېدلي دي، تاسو یې له خپلو کورونو څخه ايستلي یاست او ستاسو په ايستلو کې یې یو د بل ملاتړ کړی دی. له هغو سره چې کوم کسان ملګرتیا وکړي، هغوی ظالمان دي.»

حزب التحریرـ ولایه پاکستان د مسلمانانو ټول هغه حکام غندي، چې د مسلمانانو د لښکرو پر وړاندې خنډ ګرځي او ثابته کړې یې ده چې دوی د یهودي دولت ساتنه کوي. خو کله چې غربي باداران پر دغو حکامو امر وکړي، بیا د نړۍ هر ګوټ ته خپلې لښکرې استوي. که خدای کول دا به د دوی وروستی خیانت وي؛ امت به دوی نیسي او اسلام به پلی کوي. رسول الله صلی الله علیه وسلم له ظالمو حکامو وروسته د نبوت پر منهج راشده خلافت د بیا راګرځېدو زیری ورکوي:

«ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ»

ژباړه: «...وروسته به جبریه (ظالمانه) حاکمیت وي او تر هغه به دوام کوي، چې الله تعالی یې غواړي او کله چې وغواړي درنه اخلي یې او بیا به د نبوت پر منهج خلافت وي.» [احمد]

حزب التحریرـ ولایه پاکستان د پوځ پر افسرانو غږ کوي چې د مسجد الاقصی د ازادۍ لپاره بسیج شي او حرکت وکړي. الله سبحانه وتعالی فرمايي:

 [وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ] [انفال: ۷۲]

ژباړه: «که هغوی د دين په باب له تاسو مرسته وغواړي، نو د هغوی مرسته پر تاسو فرض ده.»

دا هر افسر ته وریادوي چې دوی یوازې نه دي. د الله سبحانه وتعالی د ملاتړ سربېره د امت ملاتړ هم ورسره دی. پرېږدئ چې دوی د جګړې ډګر ته د لومړي ننوتونکي ویاړ ترلاسه کړي او هغه خنډ چې د دوی پر وړاندې رامنځ ته کېږي، لرې کړي. الله سبحانه وتعالی فرمايي:

[إِنْ يَنْصُرْكُمُ اللهُ ‌فَلَا ‌غَالِبَ ‌لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللهِ فَلْيَتَوَكَّلِ الْمُؤْمِنُونَ] [آل عمران: ۱۶۰]

ژباړه: «که الله تعالی مو مرستندوی وي، نو هېڅ قوت درباندې برلاسی کېدلای نه شي او که هغه تعالی تاسو پرېږدي، نو بیا له الله تعالی وروسته څوک ستاسو مرستندوی کېدلای شي؟ نو څوک چې رښتيني مومنان دي، هغوی د یوازې پر الله تعالی توکل وکړي.»

د حزب التحريرـ ولایه پاکستان مطبوعاتي دفتر

۱۴۴۵ هـ.ق کال، د ربيع الثاني ۱۴مه

۲۰۲۳م کال، د اکتوبر ۲۹مه

ژباړن: محمد حامد

(ژباړه)

امام قرطبي رحمه الله د الله سبحانه وتعالی د دغه قول په تفسیر کې وایي:

﴿إِنَّ الَّذِینَ یكْفُرُونَ بِآیاتِ اللّهِ وَیقْتُلُونَ النَّبِیینَ بِغَیرِ حَقٍّ وَیقْتُلُونَ الِّذِینَ یأْمُرُونَ بِالْقِسْطِ مِنَ النَّاسِ فَبَشِّرْهُم بِعَذَابٍ أَلِیمٍ﴾ [آل‌عمران: 21]

ژباړه: هغو کسانو ته د دردناک عذاب زیری ورکړه، څوک چې د الله سبحانه وتعالی له ایاتونو (هغه چې په سترګو یې وینو او وایو یې) انکار کوي او پیغمبران په ناحقه وژني او هغه کسان وژني چې په عدالت سره امر کوي (او دوی د حق لارې ته رابولي)!

وایي: «نقل شوی چې هره ځمکه چې په هغې کې څلور ځانګړنې وي، خلک به یې له مصیبتونو او بلاوو په امن او صالح شي: عادل امام او حاکم، هغه عالم چې د هدایت پر لار دی، هغه لویان چې په معروف امر او له منکر څخه نهې کوي او خلک د قران زده کړې او علم ته هڅوي او هغه ښځې چې با حجابه وي او خپل زینت او ښکلا د جاهلیت د وخت غوندې نه ښکاره کوي.»

عادل امام او حاکم هغه دی چې د خلکو چارې په غوره بڼه د اسلام له لارې اداره او سیاست کوي؛ له هغوی سره د چلند پر مهال له الله سبحانه وتعالی څخه ووېرېږي او عدالت وکړي. رسول الله صلی الله علیه وسلم عادل امام او حاکم د هغو اوو کسانو په سر کې یاد کړی چې د الله سبحانه وتعالی د عرش تر سیوري لاندې به وي. ابوبکر صدیق رضی الله عنه د خلیفه په توګه تر ټاکل کېدو وروسته په خپله لومړۍ خطبه کې وویل: «خبر اوسئ چې ستاسو تر ټولو زورور ماته کمزوری دی، تر هغه چې د کمزوري حق ترې وا نه خلم او تر ټولو کمزوری مو ماته تر ټولو قوي دی، تر هغه چې له قوي څخه د هغه حق وا نه خلم.»

دا ډول عدالت د اسلامي دولت په ټولو دورو کې شته. عمر ابن خطاب ته یې د ورور «زید ابن خطاب» قاتل، ابومریم راځي او ورته وایي: اې امیر المومنینه! الله زید ته زما په لاسونو اکرام ورکړ او هغه یې په خپلو لاسونو خوار نه کړ. حضرت عمر رضی الله عنه ورته وویل: ایا د زید قاتل ته یې؟ ابومریم وویل: هو. عمر رضی الله تعالی عنه ورته وايي، له مخې مې لرې شه، په الله قسم چې تر هغه وخته به مې ښه درنه را نه شي؛ چې څو له وینې د ځمکې بد راځي. ابو مریم ورته وویل: ایا دا مې حق محروموي؟ عمر رضی الله عنه ځواب ورکوي: نه. وروسته ابومریم وايي: زه ستا حب ته څه اړتیا لرم؟ دا ښځې دي چې د محبت لپاره ژاړي. نو حضرت عمر رضی الله عنه ته د الله سبحانه وتعالی دغه ایت ور یاد شو:

﴿وَلاَ یجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِیرٌ بِمَا تَعْمَلُونَ﴾ [مائده: 8]

ژباړه: د کومې ډلې دښمني باید تاسو دومره ونه ‌پاوري چې له عدالت څخه مخ واړوئ. عدالت وکړئ چې عدالت (په تېره بیا له دښمنانو سره) له تقوا سره نږدې اړیکه لري (او تقوا ته د رسېدو تر ټولو نږدې لاره او د الله سبحانه وتعالی له قهر څخه د لرې کېدو لپاره غوره وسیله ده.) له الله سبحانه وتعالی څخه تقوا وکړئ، ځکه الله سبحانه وتعالی پر هغو ټولو څیزونو خبر دی چې تاسو یې کوئ.

د هغه قبطي کیسه خو مو اورېدلې چې امیرالمومنین، عمر ابن خطاب رضی الله عنه ته راغئ او له عمرو بن العاص څخه یې شکایت وکړ. عمرو بن العاص په یوه سیالۍ کې قبطي وهلی و او ورته ویلي یې وو چې د لویانو له زوی وړاندې کېږې؟ نو امیر المومنین عاص او زوی یط، عمرو راوغوښتل او قبطي ته یې وویل: د لویانو زوی ووهه؛ هغه یې وهي او خپل قصاص اخلي. حضرت عمر رضی الله عنه عمرو ته وايي: له څه وخت راهیسې مو له موره ازاد زیږېدلي خلک خپل غلامان کړي؟

سلطان محمد فاتح د یوه جامع جومات د جوړولو امر کوي او یو نامسلمان انجنیر یې څارونکی ټاکي. د دغه جومات ستنې د مرمرو وې او محمد فاتح دغه انجنیر ته وايي چې جومات باید داسې جوړ شي چې لوی او پراخه ښکاره شي. د لوړوالي اندازه یې ورته ټاکي خو انجنیر په کوم دلیل چې باید د جوړولو پر وخت په پام کې نیول شوی وی، د جوماتې ستنې لنډوي. محمد فاتح چې دا خبره اوري، غوسه کېږي او امر کوي چې د انجنیر لاس دې پرې شي. انجنیر د دغه ظلم پر وړاندې کرار کې نه ناست او شکایت یې وکړ. سلطان محمد فاتح قاضي ته ورغئ او قاضي په خپل وار محمد فاتح راوغوښت او امر یې وکړ چې د دعوې د مقابل لوري پر وړاندې ودرېږي؛ د قضیې تر اورېدو وروسته قاضي امر کوي چې د محمد فاتح لاس باید پرې شي. انجنیر چې دا حکم واورېد حیران شو او ویې ویل: زه مې له دغې دعوې تېرېږم او یوازې د خپل مال بدل غواړم؛ ځکه چې د محمد فاتح لاس ګټه نه ورته رسوله. نو قاضي امر کوي چې هره ورځ دې قاضي ته ۱۰ نغدې سکې ورکړل شي؛ خو محمد فاتح د خپل لاس د ژغورل کېدو په خوښۍ او د خپل کار د پښېمانۍ په سبب پرېکړه وکړه چې انجنیر ته دې هره ورځ ۲۰ سکې ورکړل شي.

دا حکم د داسې یوه سلطان پر وړاندې صادر شو چې د قسطنطینیې د فتحې په اړه حدیث کې يې پیغمبر صلی الله علیه وسلم توصیف کړی او د قسطنطنیې فاتح دی. داسې یو کس چې ټوله اروپا پرې ویاړي. یعنې په اسلامي دولت کې چې هر څوک؛ عدالت ورته رسېږي. ‏

د هدایت پر لار روان عالم؛ امر بالمعروف او نهي عن المنکر کوي او د الله سبحانه و تعالی په لار کې د هېڅ ملامتوونکي له ملامتۍ نه وېرېږي؛ حق وايي، د حکامو انحراف سموي او د هېڅ ظالم وېره یې په زړه کې نشته. د زور او ثروت لپاره فتوا نه ورکوي، د درباریانو کاسه چپه کوي، خپل دین د ناڅیزه مال په بدل کې نه پلوري، د خلکو د ګټو او مصالحو لپاره شپه او ورځ کار کوي او چارو ته یې پام کوي او د اسلام دفاع کوي. هغه حق چې باید اظهار شي، اظهاروي او چوپ نه پاتې کېږي؛ په هېڅ ستونزه یا قضیه کې شرعي حکم تر پښو لاندې نه کوي او د الله سبحانه و تعالی دا قول درک کوي:

‏﴿إِنَّ الَّذِینَ یكْتُمُونَ مَا أَنزَلْنَا مِنَ الْبَینَاتِ وَالْهُدَى مِن بَعْدِ مَا بَینَّاهُ لِلنَّاسِ فِی الْكِتَابِ أُولَئِكَ یلعَنُهُمُ اللّهُ وَیلْعَنُهُمُ اللَّاعِنُونَ﴾ [بقره: 159]

ژباړه: «بېشکه څوک چې هغه څه پټوي چې موږ له روښانه دلایلو او هدایت څخه نازل کړي؛ وروسته له هغې چې په کتاب (تورات او انجیل) کې مو خلکو ته روښانه کړي، الله او لعنت ویونکي (که پرېښتې وي، که مومنان او که انس و جن) پر هغوی لعنت وايي (او د لله سبحانه و تعالی له رحمته یې ایستل غواړي)»

نو سفلو علماوو د الله سبحانه و تعالی د دین پر وړاندې خپل مسولیت ادا کړی او په ریښتیا د دین عاملین وو. حسن بصري په خپل وخت کې د عراق د والی، حجاج بن یوسف پر وړاندې په سرکښۍ او طغیان مبارزه وکړه؛ د وخت د علماوو له منځه یې د هغه ناوړه کړنې افشا کړې او حق یې وایه. ابن سفیان ثوري چې د ابوجعفر منصور لخوا خپل مجلس ته وربلل کېږي؛ پر منصور نیوکه کوي چې د مسلمانانو له بیت المال څخه یې په حج کې ځان او ملګرو ته پرېمانه مال مصرف کړی. ابن سفیان ثوري ورته وویل: «په دغه سفر کې دې څومره مصرف وکړ؟» ځواب یې ورکړ چې نه پوهېږم، ځکه چې د دې کار لپاره معتمدین او وکیلان لرم. سفیان وویل: د قیامت په ورځ چې د الله سبحانه و تعالی پر وړاندې ودرېږې او پوښتنه درنه وکړي؛ څه به ورته وایې؟ عمر بن خطاب چې حج وکړ، خپل غلام ته یې وویل: په دغه سفر کې مو څومره مصرف وکړ؟ غلام ځواب ورکړ: ۱۸ دیناره. عمر رضی الله عنه وویل: دا ته څه کوې! د مسلمانانو بیت المال خو مو ړنګ کړ.

ځکه خو ویل کېږي: «دوې ډلې کسان چې صالح او سم شي؛ ټوله ټولنه سمېږي او که هغه فاسد وي؛ ټوله ټولنه فاسدېږي؛ علما او حکام. نو علما چې فاسد شي، ټولنې به څوک اصلاح کوي!؟ څه ښه وايي: «څه چې خوسا شي مالګه به پرې ودوړوو؛ خو که مالګه خوسا شوه بیا به څه کوو!»

لویان او مشایخ امر بالمعروف او نهی عن المنکر کوي؛ د خلکو د سمولو او له انحراف څخه را ایستلو ته حریص وي او د اسلام په نظام کې یې د ذبولو لپاره هڅه کوي تر څو حق لاره پیدا کړي او پر صراط المستقیم روان وي. دوی خپل اعمال د الله سبحانه و تعالی له اوامرو سره سموي او د ځمکې پر سر متحرک قران وي. که داسې نه وي نور ټول به له عذاب سره مخ کېږي. الله سبحانه و تعالی فرمایي:

‏‏﴿وَاتَّقُواْ فِتْنَةً لاَّ تُصِیبَنَّ الَّذِینَ ظَلَمُواْ مِنكُمْ خَآصَّةً وَاعْلَمُواْ أَنَّ اللّهَ شَدِیدُ الْعِقَابِ﴾ [انفال: 25]

ژباړه: «ځان له بلا او مصیبته لرې ساتئ؛ دا یوازې هغه نه نیسي چې ظلم کوي (که د ظالم مخه ونه نیول شي، وچ او لانده دواړه سوزي) او پوه شئ چې الله سخته سزا او محکمه لري»

دغه راز، خبره دا نه ده چې فرد یوازې صالح او یوازې د هغه فردي او اساسي عناصر سالم شي؛ بلکې پکار ده چې پر دې سربېره د نورو په اصلاح کې هم هڅه وکړي. نو پر ټولو؛ حکامو، علماوو او مشایخو لازمه ده چې د نورو په اصلاح کې برخه واخلي او خپل تکلیف ادا کړي. له پيغمبر صلی الله علیه وسلم څخه وپوښتل شول: «که زموږ په منځ کې صالحان وي، هلاک به شو؟» هغه صلی الله علیه وسلم وفرمایل: «هو؛ کله چې بدۍ ډېرې شي.» (رواه بخاري)

ښځې یې با حجابه وي؛ د جاهلیت پشان خپل سینګار نه ښيي او نه هغسې ځان سینګاروي؛ شرعي جامې اغوندي او په دې برخه کې الهي اوامر په پام کې نیسي:

‏﴿یدْنِینَ عَلَیهِنَّ مِن جَلَابِیبِهِنَّ﴾ [احزاب: 59]

ژباړه: «او مومنو ښځو ته ووایه چې پر خپلو سرونو او بدنونو باندې ټکري (حجابونه) خواره کړي »

‏﴿وَلْیضْرِبْنَ بِخُمُرِهِنَّ عَلَى جُیوبِهِنَّ﴾ [نور: 31]

ژباړه: «او ښځې باید پر خپل ګریوان (سینو) ټکري (حجاب) خور کړي»

د هغو بلاوو او مصیبتونو له ډلې چې په اسلامي خاورو کې عام او خواره شوي؛ دا دي چې هره ښځه ګمان کوي چې ټولې هغه جامې چې عورت پټوي، شرعي دي. ځينې لویان او مشران وینو چې له بې حجابه او متبرجو خبریالانو سره له کېناستو هېڅ حرج نه لري! ګورو چې بې حجابه او متبرجې ښځې ښودل کېږي چې نورو ښځو ته الګو شي او ان تر هغو پورته وي! دا ټول فتنه خوروي او پیغمبر صلی الله علیه وسلم فرمایي:

«مَا تَرَکتُ بَعدِی فِتنَةً أضَرَّ عَلَی الرِّجَالِ مِنَ النِّسَاءِ» (رواه بخاری)

ژباړه: تر ما وروسته د سړیو لپاره تر ټولو مضره فتنه ښځې دي.

دا څلور ځانګړنې که پیدا شي، خلک له بلا او مصیبته خوندي ساتل کېږي او ټولنه اصلاح کېږي. دا بهیر به همداسې روان وي.

د الرایه مجلې له ۴۶۳ ګڼې څخه

لیکوال: ډاکټر نبیل الحلبي – غزه (فلسطین)

(ژباړه)

د فېسبوک ادارې د حزب التحریر ځينې فېسبوک‌پاڼې ځکه وتړلې چې د یوه علني کمپاین له لارې یې پر مسلمانو ځواکونو غږ کاوه، چې باید له غزې او د فلسطين له سپېڅلې خاورې څخه د ملاتړ (نصرت) په موخه اقدام وکړي.

دا لومړی ځل نه دی چې د انلاین رسنیو شبکو، چې ډېری یې د امریکايي کمپنیو دي، د حزب التحریر پاڼې تړلې. ځکه چې د خلافت د تاسیس لپاره غږ، د امريکا او ټول غرب له سترګو خوب تښتولی او سخت یې اندېښمن کړي دي.

خو دا ځل د غزې پر خلکو د یهودو د وحشیانه بمباریو پر وخت د حزب التحریر له لوري د پوځونو د رابللو غږ ډیر اغیز درلود؛ خلکو دغه غږ بدرګه کړ او په عام محضر کې یې تکراراوه. دغه کار غرب له خپلو ټولو وسایلو سربېره ووېراوه؛ په دې کې د فېسبوک اداره، چې د یهودي دولت ملاتړ کوي، هم شامله ده.

ټولو ته په ډاګه شوه چې يهودي دولت د غرب له لوري د خپلو مسلمانو اجنټانو، د اسلامي دولتونو حکامو په وسيله ساتل کيږي. دغو حکامو په خپل وار له يهودي دولت سره د خپلو پولو په بندولو او خوندي ساتلو د فلسطین خلک بنديان کړي دي.

دا هم ټولو ته په ډاګه شوه چې فلسطین یوازې د مسلمانو پوځونو په بسیج او د مخلصو رهبرانو په رهبرۍ ازادېدی شي.

نو فېسبوک او همکاران یې هڅه کوي چې د حزب التحریر او د هر هغه مخلص کس غږ چوپ کړي، چې د ازادۍ قطب‌نما سم لوري ته سموي ... دا هڅې د غزې د خلکو پر وړاندې د یهودي دولت د بمونو او جنایتونو په څېر زیانموونکې دي؛ ځکه دا هغه قصدي هڅې دي چې غواړي د غزې خلک مرستې ته لاسرسی ونه شي لرلی او مرسته ورته ونه شي رسېدی.

موږ دغو خلکو ته وایو چې الله سبحانه وتعالی له حق سره دی او د حق ملاتړ کوي. له دوی څخه وړاندې تر دوی ډېرو ځواکمنو د حزب التحریر د غږ ټیټولو هڅه وکړه؛ دوی لاړل، خو حزب په ټوله نړۍ کې د حق خپرولو ته دوام ورکوي.

الله سبحانه وتعالی فرمايي:

 «يُرِيدُونَ أَن يُطْفِئُوا نُورَ اللهِ بِأَفْوَاهِهِمْ وَيَأْبَى اللهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ» [توبه: ۳۲]

ژباړه: «دا خلک غواړي چې د الله تعالی نور په خپلو پوکیو سره مړ کړي. خو الله تعالی خپل نور حتما بشپړوي،که څه هم چې دا کار کافران نه خوښوي او پر دوی سخت تمامیږي»

انجنیر صلاح الدين عضاضه

د حزب التحريرـ مرکزي مطبوعاتي دفتر مشر

ژباړن: محمد حامد

(ژباړه)

د ۲۰۲۳م کال، د نومبر په ۲مه، پنجشنبه سهار پر ابو عاصي ښوونځي د سپين فاسفورس بمونه، چې په نړیواله کچه منع دي، وغورځول شول او په پایله کې یې لږ تر لږه پنځه کسان شهيدان او لسګونه نور ټپیان شول. دا د هغو ښوونځيو له ډلې و چې د ملګرو ملتونو د مرستې او کار ادارې (UNRWA) له لوري فلسطيني کډوالو ته جوړ شوي. دلته د غزې تړانګې شاتي کمپ ته زرګونو بې ځایه شوو پناه راوړې وه. د فعالانو له لوري اخيستل شوې وېډیوګانې له وحشت څخه ډکې صحنې ښيي؛ دا ښيي چې د بمبارۍ له پیل راهيسې د والدینو په منځ کې د خپلو ماشومانو لپاره ویره خوره ده. ميندو خپل ماشومان په غېږ کې نيولي او د ښوونځي په انګړ کې لوڅې پښې منډې وهي او سړي لګیا دي د ښوونځي په انګړ کې پراته بمونه خښوي چې سپین لوګی ترې را ونه وزي.

د یهودي دولت جنایت هېڅ حد او اندازه نه لري. هیڅ ځای د دوی له جنایت او وحشت څخه خوندي نه دی. د بې دفاع ملکي وګړو، په ځانګړې توګه د ښځو او ماشومانو پر وړاندې جنایت او وحشت ته لمن وهي، په یوه ټولوژنه پسې بله کوي، هېڅ سرې کرښې په پام کې نه نيسي، هغه وسلې کاروي چې په نړیواله کچه منع دي -لکه فاسفورس- او په جګړه کې پر ټولو پیژندل شوو اصولو او مقرراتو سترګې پټوي. ښوونځي، روغتونونه او جوماتونه، چې خلک ګومان کوي خوندي ځایونه دي، بمباروي؛ خو د دوی له جنایت او وحشته هیڅ ځای امن نه دی.

دا نه لومړی او نه هم وروستی ښوونځی دی چې په نښه کیږي؛ د ۲۰۲۳ کال ، د مارچ په ۱۱مه، جمعه ماښام اسرایيلي الوتکو د غزې په شمال کې د الصفاوي په ګاونډ کې د اسامه بن زید ښوونځی په نښه کړ. دلته یې ګڼ شمېر بېځایه شوي شهیدان او ټپیان کړل؛ د بدن د پرتو غړو لیدلو صحنه یې وحشتناکه وه. په یوه بله ټولوژنه کې یې د الشفاء طبي کمپلکس دروازه او هغه امبولانسونه په نښه کړل چې ټپيان یې د درملنې لپاره مصر ته لېږدول؛ د دې ترڅنګ یې په ورته وخت کې نور روغتونونه هم په نښه کړل.

دغه مجرم دولت له مجازاتو ځان په امن کې بولي، ځکه خو جنایتونو او سرغړونو ته دوام ورکوي. د عربو او مسلمانانو حکام، په ځانګړې توګه ګاونډي هيوادونه دسيسې جوړوي او د امريکا او یهودانو د ګټو لپاره کار کوي. د یهودو پر وړاندې ان لږ حرکت هم نه کوي؛ بلکې د غزې د خلکو پر وړاندې په ښکاره اقدام کوي او هغوی یې محاصره کړي. نړیواله ټولنه چې امريکا یې په سر کې ده، د دغو جنایتکارو تر ټولو لویه ملاتړې ده. دغه راز د ملګرو ملتونو په مشرۍ نړیوالو بنسټونو د حقونو او تړونونو په نوم زموږ سرونه په درد کړي، خو کله چې د مسلمانانو خبره شي، ړانده، کاڼه او ګونګي شي.

له ويجاړۍ ډکې صحنې، د بدن غړي او وينې، د مرستې لپاره چغې او فریادونه او د ماشومانو او ښځو ژړاوې د کاڼو زړونه نرموي؛ په اسلامي پوځونو کې د واک او قدرت پر څښتنانو څه شوي چې زړونه یې نه نرمېږي؟

﴿ثُمَّ قَسَتْ قُلُوبُكُم مِّن بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللهِ وَمَا اللهُ بِغَافِلٍ عَمَّا تَعْمَلُونَ﴾ [بقرة: ۷۴]

ژباړه: «خو د دغه ډول نښو نښانو له ليدلو وروسته هم په پای کې ستاسو زړونه سخت شول، د تيږو په څېر سخت؛ بلکې له هغو څخه ډېر سخت، ځکه ځينې داسې تيږې هم شته چې له هغو څخه چينې راوځي، بهېږي؛ ځينې خو چوي او اوبه ترېنه راووځي او ځينې د الله تعالی له وېرې لړزېږي رالوېږي. الله تعالی ستاسو له کړو وړو څخه ناخبره نه دی.»

له الله نه ووېرېږئ! نور څه ته په تمه یئ!؟ ولې اقدام نه کوئ!؟ که مو په زړونو کې ايمان وي، داسې پېښې له خپګان او تاسف زړونه اوبه کوي! په الله قسم چې له تاسو پوښتنه کېږي، خو هغه وخت به ډېر ناوخته وي. نو د هغه وخت تر را رسېدو وړاندې د الله سبحانه وتعالی له غضب او جزا څخه ځانونه وساتئ.

د حزب التحريرـ مرکزي مطبوعاتي دفتر د ښځو برخه

ژباړن: محمد حامد