د راپورونو پر اساس، د ۲۰۲۴م کال د اګېسټ په ۹مه د هند حکومت یوه کمېټه جوړه کړه، ترڅو د هندوستان-بنګله‌دیش د پولې په اوږدو کې پر روان وضعیت څار وکړي. موخه یې دا ده چې په بنګله‌دیش کې د هند د اتباعو او هندو مذهبه بنګله‌دیشیانو خوندیتوب ډاډمن کړي. د دغې کمېټې مشري به د هند د سرحدي ځواکونو د ختیځې قوماندې د اعلی قوماندان د مرستیال پر غاړه وي. د بنګله‌دیش حکومت او خلک باید هند ته ښکاره پیغام واستوي، چې ژر تر ژره دې د دغو پټو ګواښونو مخه ونیسي، په داسې حال کې چې په ورته وخت کې په خپله خاوره کې د ظالمې تښتېدلې حسینې کوربه‌توب کوي.

موږ باید ټول اړین ګامونه واخلو چې په دغه هېواد کې د امریکا-انګلیستان-هند نفوذ او لاسوهنه ختمه کړي. همدارنګه موږ باید د پیلخانې سیمې په ټول‌وژنه کې د هند لاسپوڅي د عدالت منګولو ته وسپارو او د دې تر څنګ یو داسې پیاوړی پوځ جوړ کړو چې د دغه هېواد د حاکمیت او امنیت ساتنه وکړي.

﴿لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا... ﴾ [المائده: ۸۲]

ژباړه: «ته به د مومنانو په دښمنۍ کې تر ټولو ډېر سخت یهودان او مشرکان ومومې ...»

د حزب التحریر – ولایه بنګله‌دیش مطبوعاتي دفتر

۱۴۴۶هـ.ق کال د صفر ۵مه

۲۰۲۴م کال د اګېسټ ۱۰مه