(ژباړه)

له شک پرته چې موږ وینو اسلام او سیکولارېزم دوه مختلف او موازي خطونه دي، چې هېڅ نه سره یو ځای کیږي. یا هم دوه مختلفې عقیدې دي، چې ان په فرعي مسایلو کې هم هېڅ ګډ ټکی نه لري.

زموږ لپاره دا هم په ډاګه شوه، چې ذمیان، عیسویان او یهودیان په اسلامي نظام کې، په سوله کې ژوند کولی شي؛ خو د مسلمانانو لپاره دا ناممکنه ده، چې د سیکولارېزم د نظام تر حاکمیت لاندې په سوله کې ژوند وکړي.

اسلام ‌‌ذمیانو ته حق ورکړی، څو خپل ژوند وکړي، د دوی حفاظت کوي، چې خپل مذهبي مراسم تر سره کړي. دغه راز ازاد یې پریښي، څو واده، طلاق، میراث او همدارنګه خواړه، لباس او داسې نور شیان یې د خپل دین سره سم ترسره کړي؛ په دې شرط چې عامه فضا ته زیان ونه رسوي. د سیکولارېزم په اړه باید ووایم، چې د مسلمانانو ژوند او فزیکي بشپړتیا ته یې ضربه ورسوله، د هسپانیې د کړنلارې په تعقیبولو سره په دې لټه کې دي، چې له اسلام سره د دوی د جګړې په خاطر مسلمانان له اېمان څخه خلاص کړي.

هر څه چې د اسلام د احکامو مطابق بیان شي، ډیر ژر دوی پاڅون کوي او د سیکولرانو ملاتړ کوي. په داسې طریقه چې ګټه یې د غربي فرهنګ لارښوونو، مفاهیمو او قوانینو ته ورسیږي. د منځلاریتوب په پلمه نورې ټولې خبرې له پامه غورځوي او همدارنګه موږ هېڅ وخت له دوی څخه د ښځو د ژوند، فقر، لوږې او هغه بې عدالتۍ ،چې دوی ترې ځوریږي، څه نه دي اوریدلي.  

اسلامي تمدن ښځو ته اجازه ورکوي، څو قاضیانې، مخترع، سر لښکرې او د نسلونو معلمانې شي. ان په ډېری ځایونو کې مخکښې وي، سره له دې چې د دوی د فطرت سره سم، د مورولۍ دنده هم سرته رسوي. په داسې طریقه چې د دوی عزت او پاکي په کې خوندي وي. د سیکولارېزم او سیکولرانو په اړه باید ووایم چې دوی یوازې غواړي ښځې د بې ارزښته جنس یا متاع په حیث وي او دوی وکولی شي د خپلو منفي او کثیفو ګټو لپاره یې وکاروي.

له همدې امله، موږ نن ورځ د ښځو پر وړاندې یو سیستماتیک کمپاین کوو، چې دا د مسلمانانو وروستنۍ کلا او سنګر دی. غرب غواړي چې له افراطیت او ترورېزم سره د مبارزې تر نامه لاندې یې له منځه یوسي؛ د هغه نړیوال قانون مطابق چې اسلامي هېوادونو ته د غرب د مستعمرې اجازه ور کوي؛ هغه څوک چې موږ له هغه پرته بل څوک ترهګر نه پیژنو.

موږ د حزب التحریر ـ ولایه تونس ښځینه غړې، لکه څرنګه چې موږ د استانبول د (نسل CEDAW) د هوکړې پر ضد مو کمپاین پیل کړی دی. نو موږ چارواکو ته خبرداری ورکوو، چې په دغه پروژه کې د ګډون نه کوي او همدارنګه په خپلو خلکو باندې هم غږ کوو، څو هغه څه ته بیدار وي، چې دوی یې پلان کوي او هغه د بهرنیانو لپاره د مدرینیت او تقلید په نامه تعبیروي، چې د الله سبحانه وتعالی له احکامو څخه سرغړونه ده. الله سبحانه وتعالی فرمایي:

﴿تِلْكَ حُدُودُ اللّهِ فَلاَ تَعْتَدُوهَا وَمَن يَتَعَدَّ حُدُودَ اللّهِ فَأُوْلَئِكَ هُمُ الظَّالِمُون﴾ [البقره: ۲۲۹]

ژباړه: دا د الله ټاکلی پولې دي، له دې څخه مه اوړئ او څوک چې د الله سبحانه وتعالی له پولو څخه واوړي، همدوی ظالمان دي.

استاده حنان الکریمي

 د حزب التحریر ـ ولایه تونس ښځینه رسمي ویانده