(ژباړه)

د ۲۰۲۴م کال، د ډسمبر په ۲۰مه، "عطیه وایل" د جمعې ورځې لمانځه پر مهال خپل وینا کې فلسطیني ادارې (PA) او د هغې امنیتي ادارو ته خبرداری ورکړ چې د جنین په کمپ کې د مسلمانانو د وینې حرمت ته پام وکړي. په ځواب کې، د دغې ادارې امنیتي ارګانونو هغه د بلعا د کلی – طولکرم – له دوکان څخه په وهلو ډبولو له ځان سره یووړ. هغوی د عطیه پر کارکوونکي، مهدي فیاض هم برید وکړ او هغه یې هم ونيو. د فیاض یوازینی جرم دا و چې د امنیتي ځواکونو د وحشت او پر خلکو د یرغل ویډیو یې اخیستې وه. هغه لا تر اوسه د استخباراتو په بند کې دی.

له دې وروسته، چارواکو ، د ۲۰۲۴م کال، د ډسمبر په ۲۱مه، شنبه، د دغه جرم لړۍ ته دوام ورکړ او "تیسیر جیطاوي" او د هغه دوه زامن، "قتیبه" او "عبیده" یې ونیول. پوليسو د دوی پر کور وحشیانه بريد وکړ، د کور حريم یې مات کړ او دواړه زامن یې په زور ونیول. وروسته، پلار (تیسیر) خوشې شو، خو زامن یې لا هم په بند کې دي.

دا هغه صحنه ده چې فلسطیني اداره او د هغو خلکو پر وړاندې د دغې ادارې کړنې څرګندوي چې په جنین کمپ کې د دوی پر شرمناکو جرمونو نیوکه کوي. دوی هغه کسان نیسي او شکنجه کوي چې د دوی پر جرمونو او د حزب التحریر د شبابو پر وړاندې د دوی پر ظلم نيوکه کوي.

دلته، د امنیتي ادارو غړي باید ودرېږي، فکر وکړي او پر خپلو کړنو له سره غور وکړي:

هغه څه چې امنیتي ادارې یې په جنین کمپ کې ترسره کوي – د خلکو محاصره، د خوراک او څښاک بندول او د اوبو پر ټانکونو ډزې کول – په شمالي او بیا وروسته په ټوله غزه کې د یهودو ظلمونو ته ورته صحنه ده. یهود خو هغه دښمنان دي چې په کرکه او نفرت یې ان ډبرې شاهدي وايي؛ آیا فلسطيني ادارې تاسو د هغوی په څېر کړي یئ؟ ایا تاسو د خپلو وروڼو پر وړاندې جګړه کوئ، هغوی وږې او تږې ساتئ، د هغوی ښځې، ماشومان او سپين ږیري محاصره کوئ؟! ایا تاسو نه ګورئ چې ستاسو لاسونه د تشکیلاتي حکومت د مشرانو د اوامرو په اطاعت کې، چې په رام الله کې د یهودو او امريکايي جنرال امرونه پلي کوي، څه کړي دي!؟

هغه کسان چې په جنین کمپ کې وسلې لري، تاسو ته یې په وار وار ویلي چې زموږ وسلې تاسو ته نه دي نیول شوې؛ بلکې مقابل لوری مو اشغالګر پوځ دی. تاسو څنګه کولای شئ چې خپلې وسلې د هغو کسانو سينو ته برابرې کړئ چې ستاسو وینه یې ساتلې!؟ تاسو د دغو کسانو پر لور لاسونه غځوئ چې ویې وژنئ؛ په داسې حال کې چې هغوی تاسو ته هېڅ زیان نه دی رسولی؟ ایا تاسو غواړئ د هغوی ګناهونه په خپله غاړه واخلئ او د الله سبحانه وتعالی پر وړاندې دا ستر بار پر خپلو اوږو واچوئ؟ ایا تاسو فکر نه کوئ!؟

وروسته د فلسطین خلک د ښکېلاکګرو ښارګوټو د اوسېدونکو له لوري تر یرغلونو لاندې راځي، چې د الله سبحانه وتعالی کورونه سوځوي؛ لکه د "سلفیت" په څنګ کې "مردا" کلی. دوی کورونه او دوکانونه سوځوي او ویجاړوي، خلک له خپلو کورونو بې ځایه کوي او له خپلو ځمکو یې راګرځوي. تاسو نه د خلکو ساتنه کوئ او نه دوی ته وسلې ورکوئ چې خپله دفاع وکړي. ستاسو له دغو اعمالو سره د فلسطین خلک حیران دي چې څوک به یې دفاع کوي.

نو دوی ته ځواب ورکړئ چې څوک به يې د ظالمانو له یرغل څخه ساتي؟ ایا نه پوهېږئ چې تاسو د لوېدیځې غاړي د خلکو د بېځایه او بې کوره کولو لپاره د یهودو پلان د دوی په خوښه پلی کوئ؟ سرغړوونکو چارواکو داسې حالت ته رسولي یئ!؟ ایا نه پوهېږئ چې یهود له اوسلو تړون راهیسې د فلسطیني ادارې د سترګو پر وړاندې د خپلو ښارګوټو پراخولو او نویو قوانینو د تحمیل په حال کې دي؟

یهود اوس یوه نوي پړاو ته داخل شوي؛ داسې چې غواړي خپل ښارګوټي پرته له کوم مقاومت څخه پراخ کړي، په داسې حال کې چې تاسو اړ کوي چې د خپلو خلکو پر وړاندې ودرېږئ او هغوی د ښارګوټو جوړوونکو پر وړاندې تسلیمۍ ته اړ کړئ.

که تاسو په دې بریالي شئ چې خپل خلک د هغوی د پلانونو له مخې تسلیم کړئ، تاسو به هغوی ته ستر خدمت کړی وي، خو ایا فکر کوئ چې هغوی به له تاسو څخه خوښ شي او ستاسو وفاداري به وستایي؟ نه، په ولله چې هغوی به تاسو دومره رسوا او ذلیل کړي چې هېڅوک به درسره ونه درېږي. تاسو پوهېږئ چې دوی څومره مزدور چارواکي د خپل ماموریت له ترسره کولو وروسته منحل کړي دي.

موږ، حزب التحرير، په همدې سپېڅلې خاوره کې د یوه مخلص نصیحت کوونکي په توګه پر تاسو غږ کوو: د هغو مشرانو د امرونو له اطاعت څخه لاس واخلئ چې خپل برخلیک یې د یهودو له برخلیک سره تړلی دی. یهودو ته د هغو کسانو په منځ کې هیڅ توپیر نه شته چې پر وړاندې یې جنګېږي یا یې ترڅنګ جنګېږي او ملاتړ یې کوي.

له خپلو وروڼو او کورنیو څخه، چې تاسو یې وینه، عزت او مالونه لوټ کړي دي، چیرې ځئ؟ د قیامت په ورځ د الله سبحانه وتعالی له غضب او انتقام څخه چیرې تښتئ؟ د مفسدينو او د فلسطیني ادارې د چارواکو او مشرانو جنایتکارانه امرونه او لارښوونې مه منئ چې د دنیا او اخرت د هلاکت په ‌ډنډ کې مو ډوبوي.

موږ د هغو کسانو کورنیو ته چې په امنیتي ادارو کې کار کوي وایو: له خپلو زامنو سره مرسته وکړئ، هغوی ته نصیحت وکړئ او له دغې ناوړه لارې یې راوګرځوئ چې دین او دنیا یې خوندي کړئ. د قیامت په ورځ به تاسو د هغوی پر حال افسوس وکړئ.

(وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ) [ابراهیم: ۴۲]

ژباړه: «داسې ګومان مه کوه چې الله تعالی د ظالمانو له کړنو خبر نه دی [بلکې خبر دی] له شکه پرته چې د دوی عذاب هغې ورځې ته ځنډوي چې په هغه ورځ به یې سترګې رډې ولاړې وي.»

موږ، په حزب التحریر کې، قسم کړی چې د اسلام مخلص ساتونکي به یو؛ د حق خبره کوو او د الله سبحانه وتعالی د رضا لپاره له هېڅ ملامتوونکي نه وېرېږو. هغه چارواکي او ادارې چې د حزب التحریر پر وړاندې ولاړ دي، موږ یې پېژندلي یو او پوه شوي چې د رژیمونو لخوا د نیولو، شکنجې، او ان وژنلو په څیر جنایتونه موږ له خپل هدف څخه نه شي منع کولای. د دغو رژیمونو وخت پای ته رسېدلی دی، خو حزب التحریر او دعوت یې ژوندی پاتې شوی. زموږ په زړونو کې د حق دعوت د غرونو په څېر کلک او مضبوط دی. موږ باور لرو چې اسلام به د الله سبحانه وتعالی په وعده او حکم سره بېرته راګرځي. په دې کې هېڅ شک نشته. د فلسطین قضیه د اسلام قضیه ده او دا د ټولو مسلمانانو مکلفیت دی چې د نبوت پر منهج راشده خلافت بیا تاسیس کړي.
په پای کې، په حجة الوداع کې د رسول الله صلی الله علیه وسلم دا وصیت راوړو:

«... فَإِنَّ دِمَاءَکُمْ وَ أَمْوَالَکُمْ، قَالَ مُحَمَّدٌ: وَ أَحْسِبُهُ قَالَ: وَأَعْرَاضَکُمْ عَلَیْکُمْ حَمَکَمْ حَرامٌ، هَذَا، فِی بَلَدِکُمْ هَذَا، فِی شَهْرِکُمْ هَذَا، وَسَتَلْقَوْنَ رَبَّکُمْ فَسَیَسْأَلُکُمْ فَاَلُکُمْ عَمْ، أَعَمْ، تَرْجِعُوا بَعْدی ضُلَّالاً یَضْرِبُ بَعْضُکُمْ رِقَابَ بَعْضٍ، أَلا لِیُبَلِّغِ الشَّاهِدُ الْغَائِبَ،..»  [بخاری]

ژباړه: (... نو ستاسو وینه، ستاسو مالونه او ستاسو عزت د یو بل لپاره حرام دي، لکه څنګه چې د دې ورځې، د دې میاشتې او د دې ښار حرمت دی. تاسو به له خپل رب سره مخ شئ او هغه به تاسو د خپلو عملونو په اړه وپوښتي. پام کوئ! له ما وروسته کافران ضلالت ته مخه نه کړئ چې د یو بل غاړې پرې کړئ...)

د فلسطين په سپېڅلې خاوره کې د حزب التحرير مطبوعاتي دفتر

۲۰۲۴م کال، د ډسمبر ۲۲مه

۱۴۴۶ هـ.ق کال، د جمادي الثاني ۲۰مه

ژباړن: اسرار تکل