د حزب التحریر ولایه ترکیې څانګې په انقره کې د ملکه خاتون جومات، په استانبول کې د چین قونسلګرۍ، په ادانه کې د اولو جومات، په هیټي سیمه کې د السینا جومات او په مرسن کې د اولو جومات مخې ته د ډسمبر پر ۱۳مه د «څوک به د ختیځ ترکستان ملاتړ وکړي او څوک به د چین د ظلمونو مخه ونیسي!؟» تر شعار لاندې لاریون وکړ. له ختیځ ترکستان څخه یو شمېر نارینه او ښځینه مسلمانانو کډوالو هم په دغو لاریونونو کې برخه اخیستې وه او په لاندې مسایلو یې ټینګار کاوه:

اې مسلمانانو! د بشر د غوره امت (ختیځ ترکستان) د ژړاوو غږونه الهي تخت لړزوي، ایا تاسو یې نه اورئ؟ د دوی چیغو د الله سبحانه وتعالی د مهربانۍ تخت ته ټکان ورکړ، ایا تاسو یې نه احساسوئ؟ د اوېغور مسلمان وروڼه په ډېرې بې رحمۍ سره وژل کېږي، ایا تاسو یې نه وینئ؟ د چین دولت دوی له داسې ظلم او شکنجې سره مخ کړي، چې د هر انساني بشر زړه ټوټې کوي. څوک به د دغو ظالمو کمونستانو ظلم ته د پای ټکی کېږدي؟ څوک به داوېغور د مسلمانانو ګیلې ختمې کړي؟ ایا بیا هم پر ملګرو ملتونو باور کولی شو، چا چې د بوسینیا مسلمانان د صرب د قصابانو تر چړو ورسول!؟ ایا تاسو اوس هم د ملګرو ملتونو مرستې ته په تمه یاست!؟ هغوی چې تل یې اسلامي خاورې د امریکایي ګټو د خوندي کولو په موخه اشغال کړې دي. په الله سبحانه وتعالی قسم چې ملګرو ملتونو ته د ختیځ ترکستان د مسلمانانو د برخلیک سپارل د دوی پر حقوقو د تیري پر مانا دی او دا د ختیځ ترکستان د مسلمانانو پر وړاندې له خیانت پرته بل څه نه دي.

اې د اسلامي نړۍ چارواکو! تاسو ډېرې تېروتنې وکړې! تاسو خپلې سوداګرۍ ته پر خپل بشریت، غرور او عزت لومړیتوب ورکړ او له چين سره د خپلو اړیکو د ساتلو په موخه مو د اوېغور مسلمانان له یاده وایستل. په داسې حال کې چې د اوېغور د مسلمانو وروڼو او خویندو دفاع پر تاسو واجب ده؛ نو له خپلو وروڼو او د اوېغور او ختیځ ترکستان له هغو کډوالو څخه مخ مه اړوئ چې د خپلو وروڼو په توګه یې تاسو او اناتولیا سیمې ته، چې په مهربانۍ مشهوره ده، پناه دروړې ده.

او اې د چین اشغالګرو کفارو! د اسلامي نړۍ د واکمنانو پر خاموشۍ او خپل شمېر مه تېروځئ. تاسو باید پوه شئ، چې دغه ظلمونه به مو د قیامت تر ورځې دوام ونه کړي. ډېر ژر به د الله سبحانه وتعالی په رضا د نبوت پر تګلاره راشده خلافت تاسیس شي او مسلمانان به تر یوه بیراغ لاندې سره را ټول کړي. دوی او د دوی موخې به متحدې کړي. پوځونه به یې یو ځای او ستاسو د ظلمونو په ګډون به نورو ټولو ظلمونو او جنایتونو ته د پای ټکی کېږدي.

اې په ختیځ ترکستان کې زموږ مسلمانو وروڼو! پر روانو ظلمونو سربېره خپل دین ته غاړه کېږدئ، پر خپله عقیده ټینګ اوسئ او د خپلو ماشومانو لپاره مو د اسلامي عقیدې زده کړې ته دوام ورکړئ. دا عقیده تاسو، ستاسو ماشومان او هغه راتلونکی نسل ژغوري، چې له تاسو وروسته به دې نړۍ او د حساب ورځې ته راځي.

له هغو خلکو سره پام کوئ، چې ستاسو ستونزې ته د اسلام له زاویې نه ګوري او تاسو توکمپالنې او قومپالنې ته هڅوي. یاد ساتئ چې د ختیځ ترکستان مسله په اسلامي امت پورې تړاو لري او کله چې اسلام نه وي، نو هېڅ کور او هېواد به نه وي! الله سبحانه وتعالی فرمایي:

﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾

[غافر: ۵۱]

ژباړه: باور ولرئ، موږ هرومرو هم په دې دنیا او هم په اخرت کې، چې شاهدان ولاړ وي، د خپلو پیغمبرانو او مومنانو مرسته کوو.

د حزب التحریر-ولایه ترکیه مطبوعاتي دفتر