د راشده خلافت په تاسیس سره، د دوی پلانونه شنډ کړئ!

(ژباړه)

د ۲۰۲۴ کال، د ډسمبر په ۸مه، د پاکستان د بهرنیو چارو وزیر له خپل ترکي سیال سره د سوريې پر تحولاتو ټلیفوني بحث وکړ. امریکا او اجنټان يې د سوریې حالت اندېښمن کړي دي، ځکه وېرېږي چې دغه حالت به په منځني ختیځ کې د استعماري سایکس-پیکو نظم له سقوط سره مخ کړي. امریکا د ترکیې د حاکم او د اسلامي نړۍ د نورو حکامو په واسطه غواړي چې د سوریې د دوو میلیونو شهیدانو قربانۍ ضايع کړي او په دې توګه د مخکیني سیکولر نظم دوام تضمین کړي، چې یو ډیموکراتیک ملي دولت وي او د تیر جنایتکار رژیم ستنې ټينګې کړي.

موږ د پاکستان د مسلمانانو په استازیتوب د شام انقلابیانو ته د دوی د سترو بریاوو مبارکي وایو. زموږ زړونه له دوی سره دي او د ظالم رژیم پر زوال خوشاله یو. خو موږ له دوی نه غواړو چې سمدستي له جشنونو لاس واخلي ترڅو انقلاب وساتي او بشپړ کړي. موږ له دوی څخه غواړو چې سمدستي د الله سبحانه وتعالی د ټولو احکامو پلي کولو لپاره راشده خلافت تاسیس کړي او د قدس شریف پر لور ګامونه واخلي؛ ځکه دا هغه کرښه ده چې ریښتیني انقلابیون له دروغجنو بېلوي.

د اسلامي نړۍ حکام د امریکا د پلانونو عملي کولو لپاره په قطر کې سره راټولیږي، په ټلیفوني اړیکو خپل رولونه سره شریکوي او د ترکیې له حاکم، اردوغان – چې د شام د انقلاب په ګډوډولو کې یې تر ټولو لوی رول لوبولی دی- سره همغږي کوي. خو امریکا او غرب د اسلامي نړۍ کنټرول یوازې د حکامو په وسیله نه کوي. استعماري ځواکونو د یوه بشپړ استعماري نظم له لارې اسلامي نړۍ وېشلې، کمزورې او بې وسه کړې ده.

د دولت - ملت نظم چې د پولو ویش دی، د مسلمانانو تر ټولو لویه کمزوري ده او اسلام دا ردوي. د ډیموکراسۍ په وسیله امریکا د حکومت چارې د الله سبحانه وتعالی له احکامو څخه اړوي او هغه د بشري غوښتنو په لور بیایي او په مستقیم ډول یې کنټرولوي. امریکا د شریعت د ځینو احکامو د عملي کولو اجازه ورکوي، خو هیڅکله د اسلام بشپړ تطبیق نه پرېږدي.

اې د پاکستان وسله‌والو ځواکونو!

په سوریه کې دوه میلیونه مسلمانان شهیدان شول، ځکه پوځي افسرانو د بشار الاسد د راپرځولو لپاره ګام پورته نه کړ. په تېرو دوو لسیزو کې د امریکا وسله‌وال ځواکونه، سره له دې چې د مسلمانانو حکامو يې په ټولو امکاناتو مرسته کړې وه، په افغانستان او عراق کې ذلیل شوي دي. نو کله چې د مسلمانانو ځواکونه اوسني حکام لرې کړي، راشده خلافت تاسیس او امریکا له اسلامي نړۍ وشړي؛ استعماري ځواکونه به د شیطانانو دروغجنې وعدې هېرې کړي.

د اسلامي احکامو په بشپړ تطبیق او د امریکا د استعماري نظم په پای ته رسولو کې د ټول امت نظرونه سره یو شوي دي. نو، په دغه بحران کې د قاطع اقدام لپاره مخ ته راشئ او د نبوت پر منهج راشده خلافت د بیا تاسیس لپاره حزب التحریر ته نصرت ورکړئ.

راشده خلافت به د الله سبحانه وتعالی په اذن اسلامي نړۍ په چټکۍ سره یوځای کړي، بیت المقدس به ازاد کړي، د یهودي رژیم له منځه وړل به یقیني کړي او د واشنګټن، لندن، پاریس، مسکو او بیجینګ استعماري نظم به تر خاورو لاندې کړي.

امت د بیا را پورته کېدو په درشل کې دی. ایا د الله سبحانه وتعالی د رضا لپاره نه راوړاندې کېږئ؟

«وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ» [حج: ۱۱]

ژباړه: «او ځينې خلک داسې دي چې په حرف (د څنډې پر سر) د الله تعالی بندګي کوي، که چېرې خير ورته ورسېږي، نو پرې ډاډه کېږي او که فتنه او کړاو ورته ورسېږي، نو پر بل مخ را اوړي، نو دوی هم دنيا له لاسه ورکړې ده او هم اخرت او دا څرګند زيان دی.»

د حزب التحريرـ ولایه پاکستان مطبوعاتي دفتر

۱۴۴۶ هـ.ق کال، د جمادي الثاني ۱۰مه

۲۰۲۴م کال، د ډسمبر ۱۲مه

ژباړن: اسرار تکل