هجری قمری نېټه : 28 ربیع الاول 1445
میلادی نېټه : جمعه, 13 اکتوبر 2023 م
الدنمارك
مطبوعاتي دفتر
حزب التحریر- ډنمارک، د ډنمارک حکومت له لورې په فلسطین کې د عامه وژنو مشروعیت په کلکه غندي.
د اکتوبر په لسمه یوه خبریال د ډنمارک له لومړۍ وزیرې، میټ فردریکسن وپوښتل چې ایا هغه به په هیلروپ کې د صهیونیستي اشغالګرو د سفارت مخې ته د ګلونو ګیډۍکېښودلو په څیر د ملکي فلسطیني قربانیانو لپاره هم ګلونه کېږدي که نه.
لومړۍ وزیرې د پوښتنې په ځواب کې په غوسه وویل:
«اسرایل د ځان د دفاع حق لري او په دې کې به ملکیان وژل کېږي. دا د پرتلې وړ نه ده او دا چې ډنمارکی خبریال داسې پوښتنه کوي؛ ماته د حیرانتیا خبره ده؛ زما په نظر دا له تاریخ څخه د هغه بې خبري ښيي.» (۲۰۲۳/۱۰/۱۰TV2)
لومړۍ وزیرې دا خبره پداسې حال کې وکړه چې ټوله نړۍ د غزې د ښوونځیو، روغتونونو، امبولانسونو، د کډوالو کمپونو او استوګنځیو د بمبارۍ شاهده ده. د غزې د خلکو نسل وژنې ته «له ځانه د دفاع» نوم ورکول د صهیونېستانو د عاممه وژنې او د غزې محاصرې ته په ښکاره مشروعیت ورکول دي.
اشغالګرو صهیونېستي سیاستوالو په غزه کې د جنګې جنایتونو د ترسره کولو او په بشپړه توګه ویجاړولو موخه په ښکاره اعلان کړې. د یهودي دولت دفاع وزیر دا څرګندونې چې فلسطینیان «انسانان نه دي» او برېښنا، اوبو، درملو او خوړو ته د لاسرسي حق نه لري؛ د ډنمارک د لومړۍ وزیرې د څرګندونو په څېر نا انساني دي.
ځکه؛ کله چې مټ فردریکسن وایې چې فلسطیني قربانیان د ګلو د ګېډۍ ایښودو وړ نه دي؛ دا په ښکاره د فلسطیني خلکو نا انساني کول دي.
لومړۍ وزیره پخپله له تاریخه بې خبره ده؛ ځکه چې فلسطین له ۷۵ کلونو راهیسې د صهیونېستانو لخوا اشغال دی او په دې کلونو کې يې د فلسطیني خلکو پر وړاندې نا انساني او د نه منلو جنایتونه کړي.
موږ همداراز له صهیونېستي اشغالګرو سره د ډنمارک دولت نیږدې همکاري؛ د صهیونېستي وسلو سیسټمونو پېرل او پر هغوی د ډنمارکي وسلو د پرزو پلورل غندو چې د صهیونېستي جنګي الوتکو لخوا د غزې د زړو، ښځو او ماشومانو په وژلو کې کارېږي.
د حزب التحریر- ډنمارک مطبوعاتي دفتر
۱۴۴۵ هـ.ق کال، د ربيع الاول ۲۸مه
۲۰۲۳م کال، د اکټوبر۱۳مه