نوو پېښو ته کتنه
- خپور شوی په ویډیوګانې
ناسته (۲۱۹) د سوډان عمر البشیر وینا د خپرونې مېلمه: استاد اسماعیل عمیر (ابو عمر) ولایه اردن-حزب التحریرجمعه،۱۴۴۰ د جمادي الثاني ۲۴مه / ۲۰۱۹ د مارچ ۰۱
ناسته (۲۱۹) د سوډان عمر البشیر وینا د خپرونې مېلمه: استاد اسماعیل عمیر (ابو عمر) ولایه اردن-حزب التحریرجمعه،۱۴۴۰ د جمادي الثاني ۲۴مه / ۲۰۱۹ د مارچ ۰۱
اسکندنویا - حزب التحریر د جمعې ورځ ۲۰۱۹ د مارچ ۰۱ د خفتن لمانځه څخه وروسته د (د مصر، مراکش، سوډان - د نظامونو په وړاندې د اسلامي انقلاب دوام) تر عنوان لاندې سیاسي کنفرانس کوپنهاګن، ۱۴۴۰ د جمادي الثاني ۲۴ مه / ۲۰۱۹ د مارچ ۰۱
تقدیم: شیخ یوسف مخازره (ابوالهمام) مبارکه ځمکه - فلسطین جمعه، ۱۴۴۰ د جمادي الثاني ۱۷مه / ۲۰۱۹ د فبرورۍ ۲۲مه
پنج شنبه، ۱۴۴۰ د جمادي الثاني ۱۶ مه / ۲۰۱۹ د فبرورۍ ۲۱مه
مبارکه ځمکه - فلسطین جمعه، ۱۴۴۰ د جمادي الثاني ۱۰مه/ ۲۰۱۹ د فبرورۍ ۱۵ مه
د استاد مهنا حمد المهنا، د اسلامي تاریخ او اثارو شنونکي، د اصلاح کوونکو له خپرونو څخه، د حزب التحریر بنسټ اېښودونکي شیخ تقي الدین رحمه الله علیه په هکله خبرې چهارشنبه، ۱۴۴۰ د جمادي الاولی ۱۰مه / ۲۰۱۹ د جنورۍ ۱۶ مه
(ژباړه)
د وینزویلا د پارلمان رئیس «جوان ګوایدو» ځان د دغه هېواد د سرپرست ولسمشر په توګه اعلان کړ او د ۲۰۱۹م کال د جنوري په ۲۳مه یې د خپلو ملاتړو په مخ کې د فادارۍ لوړه وکړه، په داسې حال کې چې د وینزویلا پوځ د ګوایدو دا کړنه د ډیموکراسۍ پر ارزښتونو او اساسي قانون تېری بولي او له ولسمشر «نیکلاس مادورو» یې خپل ملاټړ اعلان کړ. همدا رنګه سترې محکمې هم له مادورو خپل ملاتړ اعلان کړ، خو د امریکا ولسمشر ټرامپ ګوایدو د وینزویلا د ولسمشر په توګه په رسمیت وپېژانده او او خپل د بهرنیو چارو وزیر، پامپیو ته یې امر وکړ چې د وینزویلا د ولسمشر په توګه له ګوایدو څخه ملاتړ وکړي. همدارنګه ټرامپ د وینزویلا د چارو لپاره خپل ځانګړی استازی وټاکه، چې له دغه هېواد سره خپلې اړیکې ټينګې کړي او په همدې ترتیب یې د ۲۰۱۹م کال د جنوري پر ۲۶مه امنیت شوار ته وړاندیز وکړ، چې د ګوایدو په رسمیت پېژندو او ملاتړ لپاره بینالمللي پرېکړه واخلي؛ خو روسیې او چین دغه موضوع رد کړه او دا مسئله یې د قدرت زورګویي او بهرنۍ لاسوهنه بللې.
«مادورو» له امریکا سره د ډېپلوماتیکو اړیکو د پرېکولو اعلان وکړ او په دې ترتیب یوولسو هېوادونو ګوایدو په رسمیت وپېژانده. د امریکایي دولتونو، د ملګرو ملتونو ریس او انګلیس ګوایدو ته ددې مسئلې مبارکي وویله. حال دا چې اروپا ګواښ وکړ او ویې ویل: که د اتو ورځو په ترڅ کې په وینزویلا کې ټاکنې ترسره نه شي، ګوایدو به په رسمیت وپېژني. همدارنګه امریکا د حالت د خرابېدو خبر ورکړی او ددغه بد حالت د پيراخېدو د مخنیوي لپاره د خبرو غوښتونکې شوه.
په وینزویلا کې د ټولو داخلي ستونزو او مشکلاتو لامل بهرنۍ په ځانګړي ډول د امریکا لاسوهنې دي، هغې امریکا چې په لاتینه امریکا کې د قدرت خاونده وه او دا سیمه ځانته ارامه استوګنځی بولي. دا باید درک شي چې امریکا د وینزویلا د تېلو ستره واردوونکې وه او د وینزویلا ۳۹ سلنه تېل دغه هېواد ته واردېږي. که امریکا د وینزویلا پر نفتو بندیز ولګوي، وینزویلا ته به د ستونزو د جوړېدو لامل شي، خو امریکا ته هم ناوړه پایلې لري او په امریکا کې د بیو د لوړېدو لامل کېږي، نو امریکا به د وینزویلا پر تېلو هېڅ بندیز ونه لګوي؛ بلکې د دغه هېواد د سرو زرو پر پېرلو به ځینې بندیرونه ولګوي.
د وینزویلا ۹۰ سلنه اقتصاد د نفتو پر عایداتو ولاړ دی او کله چې د یوه بیلر تېلو بیه ۱۰۰ ډالرو ته رسېدلې وه، د دغه هېواد اقتصادي حالت ډېر ښه و، خو کله چې د تېلو بیې ټيټې شوې او ټیټوالی په سلو کې ۱۴۷۰۰۰ ته ورسېد او بیې خورا لوړې شوې. پر همدې دلیل ۶۵ سلنه مخالف حزب پارلمان ته لاره پیدا کړه او حاکم حزب یې له ماتې سره مخ کړ. د ملګرو ملتونو د خبر پر اساس له درې مېلیونه ډېر وینزویلایان له دغه هېواده کډوال شوي او ددغه هېواد اقتصاد په ډېر سخت ډول وپاشل شو او د امریکا تر واک لاندې راغی.
په ۲۰۱۳م کال کې د «چاویز» له مړینې وروسته «مادورو» قدرت ته ورسېد او په ۲۰۱۸م کال د مې پر ۲۰مه دویم ځل ګټونکی شو، خو واشنګټن مادورو په ټاکنو کې په درغلۍ تورن کړ، هڅه یې وکړه چې هغه شخصیتي ترور کړي او پوځ ورسره مخالف کړي. مادورو د چاویز سیاست تعقیب کړ، چې پر وینزویلا د امریکا تسلط لرې او یا لږترلږه کم یې کړي.
څرګنده ده چې ټوله لاتینه امریکا د امریکا تر نفوذ لاندې ده او امریکا یې د خپلواکۍ خڼډ کېږي. امریکا په ۲۰۰۲م کال کې د چاوېز پر ضد انقلاب وکړ، خو چاویز خپل ځان ثابت وساته او منتخب ولسمشر هایتي یې په ۲۰۰۴م کال کې لرې کړ. امریکا په لاتینه امریکا کې د انقلاب ترسره کولو سیاست غوره کړی، چې د نظامي لاسوهنو په څنګ کې دا سیمه تر خپل نفوذ لاندې وساتي، لکه څرنګه یې چې نیمایي مکزیک اشغال کړ او د خپلې خاورې برخه یې وګرځاوه. لاتینه امریکا د «مونورو» د واک ته رسېدو له راهیسې، چې مخکې یې په ۱۸۲۳م کې اروپا ته ګواښ کړی و، د امریکا د نفوذ سیمه شمېرل کېږي، نو په دغه سیمه کې سیاسي کړنې د امریکا په انحصار او لاسوهنې بدلې شوې، څوک چې وغواړي قدرت ته یې رسوي او څوک چې وغواړي له قدرته یې لرې کوي، په همدې دلیل امریکا د وینزویلا د خلکو په وړاندې منفوره او بد نامه شوې ده.
امریکا د اوباما د حکومت په وخت کې هڅه وکړه، چې د وینزویلا له خلکو سره سوله وکړي او د خلکو پر وړاندې یې غلوونکې څېره په حقه وښیي، نو ځکه امریکا غواړي لومړی له وینزویلا سره او بیا له کوبا سره اړیکې ټینګې کړي.
لومړي وزیر بایدن ډېر امریکایي هېوادونه ولیدل او د ۲۰۰۹م کال د مارچ په ۲۸مه یې له تشیلي سره په لیدنه کې وویل: «اوس له لاتینې امریکا سره د امریکا د متحده ایالاتو د مرستو او خبرو اترو وخت را رسېدلی دی.» او امریکا د هغه هوکړه لیک د لاسلیک کولو غوښتونکې شوه، چې د بوش زوي په وخت کې د دوو امریکاوو تر منځ د تجارتي سیمې د رامنځته کولو لپاره تړل شوی و، هغه پرېکړه لیک چې په ۲۰۰۳م کې په میامې کې د شمالي او جنوبي امریکا په کنفرانس کې تړل شوی و؛ خو عملي نه شو او چاوېز دغه پرېکړه لیک د استعمار وسیله وبلله او امریکا یې تورنه کړه، چې امریکایي دولتونه یې د دوو امریکاوو تر منځ د تجارتي سیمې لاسلیک کولو ته اړ کوي او په پای کې هغه کنفرانس له کومې لاسته راوړنې پرته پای ته ورسېد او د شمالي او جنوبي امریکا اړیکې سړې شوې.
امریکا امریکایي دولتونو ته په بیا قناعت ورکولو ونه توانېده، چې بیا داسې پرېکړه لیک وتړي، لکه څرنګه یې چې په ۲۰۰۵م کال کې هڅه وکړه څو په ارجنټاین کې د دوو امریکاوو تر منځ کنفرانس جوړ کړي خو بریالۍ نه شوه.
په جنوبي وچه کې د امریکا یوه مهمه موخه دا ده چې دغه سیمه خپله تجارتي سیمه وګرځوي، چې د داسې پرېکړه لیکونو تر نامه لاندې په خپله خوښه د دغه هېواد د شتمنیو لوټولو ته لاره خلاصه کړي، چې د شتمنیو په وړلو سره هغوي غریب کړي او تر خپل واک لاندې یې راولي. لکه څنګه چې په مکزیک کې امریکا په دغه پلان کې بریالۍ شوه او سخته ده چې مکزیک دې د امریکا د استعمار له دامه ځان وژغوري.
د اوباما ادارې هڅه وکړه چې دا استعمار د «پراخ شراکت» تر نامه لاندې په یوه بله طریقه پلی کړي، خو کله چې ټرامپ قدرت ته وسېد، د زورګویئ طریقه یې ونیوله او د امریکا د حکومت استعماري سیاست یې په ښکاره او بې ساري ډول تحمیل کړ او په ټولو هېوادونو کې یې خپله لاسوهنه په ډاګه کړه. همدارنکه ټرامپ د اشغال شویو هېوادونو حکام،که څه هم د امریکا تایع دي، په ښکاره توهین او تحقیر کړل. لکه څنګه چې ټرامپ د مکزیک، سعودي او ترکې حکام په ډاکه سپک کړل او د مادورو پر وړاندې یې خپله جګړه اعلان کړه.
مادورو وویل: «زه د امریکا پر ضد نه، بلکې د استعمار پر ضد یم. زه مې خپلې اړیکې د امریکا له ملت سره نه، بلکې د ټرامپ له حکومت سره پرېکوم. زه تیار یم چې نفت، کچالو، پیاز او چرګان پر امریکا وپلورم.» ددې په درک چې مادورو د ۲۰۱۹م کال د جنوري پر ۱۹مه نېټه دویم ځل د وفادارۍ د لوړې په وخت کې وویل: «اوس نوې نړۍ رامنځته شوې، چې هغو استعماري او دیکتاتوري نظامونو ته چې یو دولت او دولتونه یې تابع وي، پر دوي د حکومت کولو اجازه نه ورکوي.»
حقیقت دا دی چې پر مادورو ستونزې راغلې او له خارج او داخل څخه زیات فشارونه پرې وضعه شوي دي. سره له دې چې د وینزویلا پوځ یې ملاتړ کوي، په وینزویلا کې د چین او روسیې دخالت اغېزمن نه و، بلکې امریکا په وینزویلا کې اساسي رول لري. امریکا ده چې نن ورځ یې په خپلو لاسوهنو سره وینزویلا ګواښي لکه څنګه چې د امریکا ولسمشر ټرامپ ویلي دي: «د وینزویلا ټول واک یې له لاسه وتلی دی.»
همدارنګه اروپایي هېوادونه په وینزویلا کې کوم رول او ځای نه لري، هغوي استعماري دولتونه دي او هځه یې وکړه چې یو بل موقف ونیسي او اعلان یې وکړ که په راتلونکو اتو ورځو کې ټاکنې ترسره نه شوې، «غوادیر» ژر په رسمیت وپېژني. مادورو د امریکا له مخالفینو سره له سره خبرې پیل کړې، ځکه هغه د امریکا رول او ځواک درک کوي او په دغه هېواد کې به د ټاکنو ترسره کول ناشوني نه وي.
له پورتنیو خبرو په ډاګه کېږي چې د لاتینې امریکا او وینزویلا خلک له سخت فقر څخه ځورېږي او له کړاوونو ډک ژوند تېروي. دا هېوادونه د امریکا تر استعمار او واک لاندې دي او غواړي له دې استعماره ځان وژغوري، خو نه یې شي کولی. د دغو هېوادونو نظامونه په بشپړه توګه فاسد دي، خو له دغه فساده د وتو لاره یې ورکه کړې، نو پر اسلامي امت چې غوره امت دی، لازمه ده چې راپورته شي، دغه خلک او ټول بشریت د امریکا د دولت له استعماره خلاص کړي، خلک او بشریت د ظالمو نظامونو له ظلم څخه، چې د استعمار تابع دي، وژغوري. د بشریت او دغو خلکو ژغورل له اسلامي امت پرته ناشونې ده. موږ چې حقه او پاکه ایډیالوژي لېږدوو، پر موږ لازمه ده چې خپل ګامونه او حرکت ګړندی کړو او د نبوت پر منهج راشده خلافت تاسیس کړو، چې د وینزویلا خلک او ټول بشریت د استعمار له ظلمه وباسو او د اسلام تر بیرغ لاندې یې راولو.
له الرایه جریدې اخیستل شوېٍ
لیکوال: اسعد منصور
ژباړن: زمری دوست
اې د یمن اوسېدونکو! اصلي بدلون همدغه دی چې له انقلاب وړاندې، د انقلاب پرمهال او تر انقلاب وروسته مو درته وښود او تل به یې یادونه کوو
(ژباړه)
اوسمهال د ۲۰۱۱م کال د فبرورۍ د ۱۱مې د انقلاب په یاد کلېزه ده؛ هغه انقلاب چې د یمن خلکو د رژیم د ړنګولو او د پخواني ولسمشر علي صالح د لرې کولو په موخه پیل کړی و. له دې وروسته کله چې د تونس او مصر د انقلاب، په اصطلاح د عربي پسرلي څپې نورو هېوادونو ته ورسېدې، یو له هغو هېوادونو یمن و.
د یمن مسلمان خلک له کورونو څخه د خپل هېواد د ناوړه بشري، اقتصادي او سیاسي وضعیت لپاره لاریونونو ته را ووتل؛ هغه خاوره چې له جګړې وروسته پکې د امریکا-انګلیس سیالي په شمال او جنوب کې د جګړییز اور لامل شوه. موږ په دې تړاو خپلو خلکو ته په یمن کې په لاندې ټکو سره ډاډ ورکوو:
۱. یمن ته الله سبحانه وتعالی د طبیعي سرچینو او ستراتیژیکي موقعیت پر اساس برکت ورکړی او بله دا چې د دغې خاورې اوسېدونکي د نورو اسلامي هېوادونو په څېر ټول مسلمانان دي. په دغې خاوره کې د انګلیس-امریکا جګړه له کنټرول وتلې او دا جګړې د هغو بدبختیو او بربادیو پایله ده، چې د یمن مسلمانان پرې اخته شوي دي.
۲. پخوانی رژیم د وروستي ولسمشر علي صالح او هغو حزبونو په واک کې و، چې له ده سره په دولت کې شریک وو. ده خپلو ټولو حکومتي چارواکو ته د مسلمان خطاب کاوه، چې د جوماتونو منبرونه، پوهنتونونه او شخصي پروژې کنټرول کړي. تر څنګ یې پر ډېری لوړو چوکیو د ملي او سیکولري حزبونو غړي ګومارلي وو، چې په حقیقت کې ټول غلامان او د انګلیس د ناوړه پلانونو پلي کوونکي وو. هغو اشغالګرو چې د دغه هېواد پر وړاندې یې له ۳۳ کلونو څخه زیات جنایتونه وکړل، تر اوسه یې اغېز زموږ پر خاوره پاتې دی.
۳. د امریکا د غلامانو جنایتونه د انګلیس د غلامانو په څېر دي، هغه که په جنوب کې د «باعوم» ډله ده یا په شمال کې د حوثي ملېشې دي. دا چارواکي د امریکا د لاس آله دي چې د کفارو تر منځ جګړه کې په ښکېلو حزبونو او د جګړې په سونتوکو بدل شوي دي.
۴. په یمن کې د کافر غرب په ځانګړې توګه د انګلیس او امریکا دښمنۍ، د خپلو غلامانو او سازمانونو د منافقت پر مټ د خلکو سپېڅلی انقلاب منحرف کړ. د انقلاب فضا یې په وژونکو زهرو ککړه کړه او یمن یې د تباه کوونکو جګړو ډګر ته ور ټېل واهه.
۵. کافر غرب شپه او ورځ هڅه کوله، چې د خلکو په زړونو کې د انقلاب شغله مړه کړي او د پای ټکی ورته کېږدي. همدارنګه تاسو پوهېږئ چې انقلاب د کپيټلېزم د نظام او چارواکو پر ضد و، خو د یمن د خلکو پر وړاندې د کفارو او د دوی د چارواکو جنایتونو څو لسیزې دوام وکړ.
۶. حقیقي انقلاب د اسلام د اصولو پر اساس دی، چې حزب التحریر هغه ټول امت ته ښودلی دی. د انقلاب یوازنۍ موخه د خلکو په افکارو کې د بدلون راوستل نه دي، بلکې موخه یې د موضوع، جوړښت، اساسي قانون او ریښو پر اساس د نظام ړنګول دي.
۷. ځایي، سیمه ییزو او نړیوالو حزبونو د یمن د انقلاب پر وړاندې بېلابېلې دسیسې جوړې کړې او د دغه هېواد خلک یې ورباندې لا لهانده کړل. خلکو خپلې هیلې د غوره بدلون لپاره له لاسه ورکړې، ځکه په جګړه کې ښکېلو حزبونو او غیر دولتي ډلو د خپلو ګټو لپاره هڅه کوله. همدارنګه په یمن کې د وضعیت خرابوالي د خلکو ناهیلي نوره هم زیاته کړه او دا حالت د دې لامل شو چې خلک د هر واقعي بدلون د راتګ په اړه خپلې هیلې له لاسه ورکړي.
حزب التحریر د ښکاره ویروونکو په څېر تل خلک له دا ډول ستونزو وېروي او خلکو ته ښيي چې یو نظام څه ډول وي او څه ډول بدلون کوي؛ په پای کې اسلامي نظام ور ته په ژوند کې د ستونزو د حل لارې په توګه وړاندې کوي. په یمن کې حزبونو د غلامانو په واسطه زهر خپاره کړل، چې په پایله کې یې د انقلاب فضا پرې زهرجنه کړه. دغه زهر طبي درمل نه دي، بلکې شعارونه دي، لکه:« د خلکو دولت، ازادۍ، د ښځو توانايي او نور سیکولري چټل شعارونه.» حزبونو خلکو ته له ملي خبرو او فدرالي مفکورې په اړه خبرې وکړې، چې د یمن خلک هېڅکله هم په خپل ترې غلا شوي انقلاب کې داسې څه نه غواړي.
۸. د یمن خلک اوس باید د خپل انقلاب له پایلې څخه مایوسه نشي، خو د خیانت له مخې دې حالت ته رسېدلي. دوی باید د خپلې خرابې فضا د بدلون لپاره په سمه حل لاره فکر وکړي. د انقلاب دا پایله ښایي د الله سبحانه وتعالی حکمت وي او خلکو ته د غلامانو په اړه هغه حقیقتونه بربنډ کړي چې په دې کلونو کې له یو بل سره وجنګېدل؛ په ځانګړې توګه هغوی چې د واقعي بدلون له پروژې پرته یې د اسلام شعارونه ورکول. اسلام په حقیقت کې د ژوند د عقیدې او نظام په توګه راغلی او د خلکو له ټولو چارو څخه ساتنه کوي.
په پای کې، اې د یمن خلکو! تر کومه وخته به تاسو دې حالت ته دوام ورکوئ، چې د روانې شخړې او جنایتکاره دښمنو د جګړو په اور کې د، سون توکي وګرځئ؟ ایا هغه وخت نه دی رسېدلی چې سطحي پوچ افکار پرېږدئ او د ایمان د منطق، حکمت او د اسلام پر اساس د واقعي بدلون لپاره فکر وکړئ؟!
په همدې توګه حزب التحریر اوس هم تاسو ته مشوره درکوي او په پوره رښتینولۍ سره مو حق ته را دعوتوي او الله سبحانه وتعالی شاهد دی چې په بدل کې یې پر تاسو او ستاسو پر پیسو د نورو کفري دولتونو په څېر واکمني نه کوي؛ بلکې حزب التحریر د نبوي منهج پر اساس د دویم راشده خلافت د تاسیس په واسطه د اسلامي واک غوښتونکی دی، چې په ژوند کې مو د نېکمرغۍ او په اخرت کې مو د الله سبحانه وتعالی د رضایت لامل ګرځي.
د حزب التحریر-ولایه یمن مطبوعاتي دفتر
د ۲۰۱۹م کال د فبروري په ۱۹مه د پاکستان لومړي وزیر، عمران خان یوه ویډیو خپره کړه چې محتاطانه خبرې یې پکې کړې وې. د عمران خان د خبرو دغه ویډیو د فروري په ۱۴مه د پالواما له برید وروسته د هند او پاکستان تر منځ د شخړو په زیاتېدو سره خپره شوه. د پالواما په برید کې د اشغال شوي کشمیر یوه زړور ځوان څلوېښت اشغالګر هندي سرتېري دوزخ ته ولېږل. دغه با زړور برید د لږ مسلح خو با انګېزه ملکيانو پر وړاندې د هندي اشغال ماته وښوده. پر دې سربېره، دغه زړور برید د ۲۰۱۶م کال په جولای کې د خدای بښلي ځوان قمندان، برهان واني تر شهادت وروسته د هندي ترهګرۍ پر وړاندې د کشمیر د ځوانانو تر ټولو لوی برید و. دا عمل د هغو کشمیري ځوانانو د مبارزې بېلګه ده چې لا یې خپل مړي د پاکستان تر بیرغ لاندې خاوره کې ښخوي او په بې له کومې وېرې وایي چې «کشمیر به د پاکستان وي» (کشمیر بنیګا پاکستان!).
د دې پر ځای چې د هندي پوځیانو د پښو په ښورولو سره دوی ترې مخکې شوي وای، عمران خان دفاعیه خبرې کوي او د هند په نیږدې ټاکنو کې د مودي بریا تثبیتوي. د دې پر ځای چې د هند دا اووه پېړۍ اشغال او ترهګري وغندي، عمران خان د دې په ویلو سره چې « موږ غواړو په سیمه کې ترهګري ختمه شي» د دوی پوځي شتون قانوني بولي. عمران خان د دې پر ځای چې د اشغال شوي کشمیر د مسلمانانو د منظم مسلح کولو خبره وکړي، وایي: «دا موضوع یوازې په خبرو حل کېږي». عمران خان ددې پر ځای چې په خپله دروازه کې د هغوی په اصطلاح، خیالي دفاع یې وغندي، له هغوی سره نرمې خبرې کوي او د دې پر ځای چې پاکستانی پوځ د کشمیر مظلومو مسلمانانو ملاتړ ته تیار کړي، عمران خان تر ده مخکې امریکایي غلامانو غوندې د خیانت لار نیسي او مخکې له دې چې په سیمه کې د هند جنایتونه نور هم زیات شي، مخه یې نه نیسي.
اې د پاکستان د پوځ زمریانو! د پالواما برید د کشمیر د مبارزو ځوانانو لخوا د دوی د ازادۍ لپاره تاسو ته د واحدې جګړې لپاره تر چغې کم نه و. تاسو تړلي زمریان یئ، جرات وکړئ، ستاسو د هر یوه تن برید د نړۍ په هر قوم باندې د مسلمان امت زور ښیي. عمران هم د مشرف، زرداري او نواز غوندې له سرو کرښو تېر شو، یو قدم مخکې تګ ته یې مه پرېږدئ. نو دا ډارن او بې جراته حکام بس دي، چې د مسلمانانو پر احساساتو لوبې کوي او په مکارۍ د دښمنانو د هیلو لپاره کار کوي. د خیانت او خاینانو مخ ورک کړئ، د نبوت پر منهج ژر تر ژره خلافت بیا تاسیسولو لپاره نصرت ورکړئ. که تاسو زمریان له دې بند نه د اسلامي ځمکو د ازادولو لپاره ځانونه خلاص کړئ، د مومنانو دعا به واخلئ او الله سبحانه و تعالی به ډېر درباندې مهربان شي، وبه مو بښي. الله سبحانه و تعالی فرمایي:
(يَا أَيُّهَا الَّذِينَ آمَنُواْ قَاتِلُواْ الَّذِينَ يَلُونَكُم مِّنَ الْكُفَّارِ وَلِيَجِدُواْ فِيكُمْ غِلْظَةً وَاعْلَمُواْ أَنَّ اللّهَ مَعَ الْمُتَّقِينَ)
[ توبه: ۱۲۳]
ژباړه: اې مومنانو! د حق له هغو منکرانو سره وجنګېږئ چې تاسې ته نژدې دي او باید هغوی په تاسو کې کلکوالی (زیږوالی) ومومي؛ او پوهېږئ چې الله د پرهېزګارانو ملګری دی.
حزب التحریر- ولایه پاکستان مطبوعاتي دفتر
(ژباړه)
خبر:
د تاجکستان د سرشمېرنې دفتر د معلوماتو له مخې، په ۲۰۱۸م کال کې د دغه هېواد پر ډېری زېږېدلو ماشومانو باندې اسلامي نومونه اېښودل شوي. تېر کال هم؛ ادریس، عمران، محمد، ابوبکر، عمر، عبدالله او یوسف نومونه تر نورو ډېر اېښودل شوي وو. همداراز په دغه کال کې د نجونو تر ټولو محبوب نومونه عربي او عبراني وو؛ لکه: مریم، آمنه، عایشه، آسیه، حنیفه، فاطمه او حبیبه. دغه خبر د ۲۰۱۹م کال د فبروري په ۱۲مه په «آسیا پلس» معلوماتي آژانس کې خپور شوی.
یاد اژانس همداراز له تاجیکي لیکوال او فیلسوف، منصور سروش سره مرکه کړې چې نوموړی پکې د دغو ټولو نومونو اساس او ریښه عربي بولي او وایي چې دغه نومونه له اسلام سره نېغه اړیکه لري. منصور سروش وایي: «تر ۹۰مې لسیزې پورې د تاجکستان خلکو خوښوله چې پر خپلو ماشومانو فارسي نومونه کېږدي او له فردوسي شهنامې نه یې ورته وټاکي. سیاووش، سهراب، رستم، فریدون، تهمینه، جمشید، خورشید، هوشنګ، کوروش، لیلي، شیرین... دا د خلکو د خوښې نومونه وو؛ خو اوس دا غوره ګڼي چې پر خپلو ماشومانو اسلامي او عربي نومونه کېږدي او دا خبره ښيي چې په تاجکستان کې د دیني متونو په لوست او لیک کې د پام وړ تحول راغلی.»
تبصره:
ښکاره ده چې په تاجکستان کې ننۍ اسلامي ويښتیا پر موږ د پاک خدای فضل دی، دا خبره له هغو نومونو نه ډېره واضح کېږي چې د دغې سیمې خلک یې خپلو ماشومانو ته غوره کوي. د یادونې وړ ده چې اسلام او اسلامي نومونو ته رجوع په داسې حال کې ډېره شوې چې د دغه هیواد ظالم او دیکتاتو حاکم، امام علي رحمان له اسلام سره د مبارزې او مسلمانانو د ځپلو لپاره خپله ډېره هڅه کوي.
تر ټولو مهمه دا چې رحمان په دې وروستیو کلونو کې د اسلامي ژوند د مظاهرو پر وړاندې د وحشت او ظلم سیاست په مخ کې نیولی؛ پر حجاب او ږیره جریمه وضع کول، تر څلوېښت کلنۍ مخکې حج ته نه پرېښودل، د تاجکستان له پولو بهر د اسلامي زده کړو پر کولو بندیز، په هېواد کې د ننه د ټولو دیني مدرسو او زرګونو جوماتونو تړل یې لویې بېلګې دي. د ده مخلص خدمتګاران هم په دغو وحشتونو او جنایاتو کې ورسره شریک دي او پرله پسې دیني شخصیتونه ځوروي او سپکاوی یې کوي؛ همدا اوس سلګونه تنه دیني عالمان د تاجکستان په زندانونو کې په اوږدو حبسونو محکوم دي. په ورته وخت کې یې د جوماتونو رسمي امامان داسې ذلیل کړي چې باید توهین امېزه کارونه وکړي؛ کله فشار پرې راشي چې د تیاتر په پروګرامونو کې ګډون وکړي؛ کله اړ ایستل کېږي چې د موسیقۍ د محافلو ټکټونه وپلوري او ان یوه امام د لیلین د مجسمې جوړولو لپاره د پیسو راټولولو مسولیت درلود!
پر دې سربېره، امام علي رحمان ډېره هڅه کړې چې خلک له اسلامي نومونو منع او له اسلام مخکې او د زردشتي کلتور نومونه دود کړي! همداراز، په ۲۰۱۶م کال کې د نفوس د ثبت د ادارو ډېری کارکوونکو په پېژندپاڼه کې د محمد، ابوبکر، یاسین او نورو اسلامي نومونه نه لیکل او په بدل کې یې د ماشومانو له پلرونو غوښتل چې د خپل ماشوم لپاره د «د محلي نومونو کټالوک» کتاب څخه نوم وټاکي، په دغه کتاب کې غوڅ اکثریت نومونه له اسلام مخکې دورو دي؛ خو د دغه اقدام پر وړاندې د تاجکستان د خلکو د راولاړۍ له امله تاجکستاني چارواکي تر اوسه د دغه قانون پر تصویب نه دي بریالي شوي.
په تاجکستان کې د رحمان د خوښې خلاف، اسلامي نومونه ټاکل ورځ تر بلې مخ په زیاتېدو دي. وینو چې په تاجکستان کې د رحمان د سیکولر نظام د ورځ په ورځ زیاتېدونکو ظلمونو او فشارونو سربېره، په دغه هېواد کې اسلامي ویښتیا او اسلام ته رجوع د خلکو د ژوند په ټولو برخو کې ښکاري. الله سبحانه و تعالی څومره ښه فرمایي:
﴿يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ﴾
[توبه: ٣٢]
ژباړه: دا خلک غواړي چې د الله رڼا په خپلو پوکیو مړه کړي. خو الله سبحانه وتعالی به خپل نور بشپړ کړي، که کافرانو ته دا هر څومره ناکاره وبرېښي هم.
لیکوال: محمد منصور
د حزب التحریر مرکزي مطبوعاتي دفتر لپاره