(ژباړه)

د چین جنایتکارو رهبرانو ته د مسلمانانو د حاکمانو عاجزانه غبرګون، چې د شرقي ترکستان د مسلمانانو غوښتنو ته د ځواب ويلو او د هغوی د ملاتړ پر ځای ډالري قراردادونو ته ډېره ترجیح ورکوي، لا جرأت ورکړی او د چیني چارواکو د وحشتناکو جنایتونو پر وړاندې يې شرموونکی سکوت غوره کړی، هغه چې له امله يې غواړي مسلمانان له خپله دینه بېل کړي. په داسې حال کې چې د اسلام دین په ډېر شور او شوق د هغوی زړونه د لومړۍ هجري پېړۍ له وروستيو هغه مهال چې د دوی نيکونو اسلامي عقيده خپله کړې، د اسلام د هدایت په نور روښانه کړي دي.

په داسې حال کې چې چیني چارواکي په مختلفو وحشیانه طریقو هڅه کوي چې مسلمانان له خپل دينه د اوښتو په موخه په فتنه کې واچوي. له همدې امله شعايرو او مساجدو ته د تګ مخنیوی، د جوماتونو تړل، په رمضان مبارکه میاشت کې له روژې نيولو منعه کول او آن د هر ډول اسلامي ښکارندو پر وړاندې مبارزه کوي. تر هغه چې په دې وروستیو کې يې له «تروریزم سره د مبارزې» په موخه د «بيا روزنې» د دروغجن شعار په نامه ستر مرکزونه جوړ کړي، چې تر یو میلیون زیات مسلمانان یې د ديوالو تر شا بندیان دي. حال دا چې مفکرین، پوهان او د پوهنتون استادان یې پکې بندیان کړي. دا ډول اعمال د مسلمانانو په زړونو کې د وحشت او وېرې د خورولو په موخه پلان شوي، ترڅو هغوی د اسلام د ستر دین له پيروۍ واړوي. انټليجنس مجلې د چین دولت اعلامیه خپره کړې، چې پکې څرګنده شوې، "اسلام یوه ساري ناروغي ده او له هرې لارې چې کېږي ـ حتی شکنجې او قتل ـ باید مخه یې ونیول شي". د بشري حقونو د څار سازمان راپور ورکړی چې چیني چارواکي د رواني او جسمي شکنجو او تهدید له لارې مسلمانان اسلام پرېښودو ته اړباسي. د بي‌بي‌سي د راپور پر اساس چیني چارواکي ادعا کوي چې هغوی له درې اړخيز شر سره مبارزې ته مجبور دي: «تروریزم»، «افراطي ايډيولوژي» او بېلتون غوښتنه. په دا ډول دروغجنو شعارونو چیني چارواکي له بېلابېلو ځپونکو لارو چارو کار اخلي.

په داسې حال کې چې چیني چارواکي د ایغور مسلمانانو په حق کې هر ډول شکنجه او تعذیب عملي کوي، خو د مسلمانانو د حاکمانو لخوا له بې تفاوتۍ او په جنایت کې له هغوی سره له همکارۍ او دسيسې پرته بل څه نه ویني؛ د اندونیزیا د ولسمشر مرستیال یوسف کالا په ګډون چې د ۱۷/۱۲/۲۰۱۸ یې ویلي وو چې د اندونیزیا دولت په کورنیو ستونزو کې، چې د شرقي ترکستان ایغور مسلمان ترې ځورېږي، مداخله نه شي کولی او دا ټينګار یې هم وکړ چې دغه مسئله د چين په حاکمیت پورې اړه لري. په حقیقت کې هغو ډالرو چې چین په اندونیزیا، مالیزیا او پاکستان کې پانګونه ورباندې کړې او له چین سره د دوی تجارتي اړیکو د مسلمانانو د حاکمانو خولې تړلې دي، ترڅو د الله متعال د دستور سره سم، چې د شرقي ترکستان د ایغور مسلمانانو ملاتړ يې ورباندې فرض کړی، عمل ونه شي کړی.

موږ تصدیقوو چې دغه روبیضه‌ (احمق او خاين) رهبران د اسلامي امت استازولي نه شي کولی. موږ د چین حاکمانو ته د امت د قهر په اړه خبرداری ورکوو، چې ډېر ژر به د خپل پروردګار په دستور اقدام وکړي او د دغو حاکمانو موانع به له منځه یوسي او له هغو کسانو څخه به غچ واخلي چې د شرقي ترکستان، میانمار، کشمیر، فلسطین او نورو اسلامي خاورو په حق کې يې خپل ظلم او جنایت نه دی سپمولی.

د چین رهبران باید د خپلو پخوانيو له برخلیکه د عبرت درس واخلي، چې د مسلمانانو د پوځ قهرمان سپه سالار او نه وېرېدونکي رهبر قتیبه بن مسلم چین ته د ننوتو قسم یاد کړ، خو هغوی د تېښتې او لارې لټولو څخه عاجز پاتې شول. د چین امپراتور خپل وزیران او پلاوی ورواستوه: هغوی ورته وویل: «زموږ خاورې ته مه راځئ، هرڅه چې غواړئ موږ تاسو راضي کوو، هر څومره جزیه چې غواړئ درکوو يې.» ده ورته وویل: ما قسم خوړلی چې د چین خاورې ته به ننوځم. هغوی وویل: «موږ هغه څه درکوو چې ستاسو قسم ورباندې رفع شي.» نو پر دغه اساس د چین د امپراتور پلاوي د چین له ځمکې خاوره راواخیسته او قتیبه ته یې ور وړه او هغه ورباندې ودرېده او د دوی د حقارت او ذلت په حالت کې یې جزیه ترې واخیسته.

مسلمانان هېڅکله د ذلت په اوږده خوب نه ويده کيږي او دا بې‌عدالتي نه هېروي. هغه کړکېچ چې دوی پکې ښکېل دي، د دوبي د تلونکې ورېځې په څېر دی، چې تېرېږي. د نبوت پر منهج راشده خلافت ډېر ژر د الله سبحانه وتعالی په اذن قایمېدونکی دی، په شرقي ترکستان کې به زموږ د مظلومو وروڼو ملاتړ وکړي او هغوی ته به ستره فتحه ډالۍ کړي او له ټولو هغو کسانو سره به حساب وکړي، چې له دوی سره یې ظلم کړی او تېری یې ورباندې کړی. لکه څنګه چې رسول الله صلی الله علیه وسلم فرمايلي: «إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ» یعنې: امام هغه ډال دی چې تر شا یې جګړه کوئ او ځان ورباندې ساتئ. هغه مهال به بیا چین او نه نور جرأت وکړي چې یوه مسلمان ته زیان ورسوي، ځکه پوه به شي چې هر کار وکړي، دوه برابره به یې تر لاسه کوي. الله قوي او عزیز «قدرتمند» دی.

ډاکټر عثمان بخاش

د حزب التحریر د مرکزي مطبوعاتي دفتر رييس