(ژباړه)

الله أکبر الله أکبر الله أکبر، لااله إلاالله الله أکبر، الله أکبر و لله الحمد!

بسم الله الرحمن الرحیم و الحمد لله رب العالمین و الصلاة و السلام علی أفضل المرسلین سیدنا محمد و علی آله و صحبه أجمعین!

امام بخاري رحمه الله په خپل صحیح کې له محمد بن زیاد څخه روایت کړی چې ويلي يې دي: اورېدلي مې چې ابو هریره رضی الله عنه ویل: رسول الله یا ابوقاسم صلی الله علیه وآله وسلم فرمایلي:

«صُومُوا لِرُؤیَتِهِ وَ أفطِرُوا لِرُؤیَتِهِ فِإن غُبیَ عَلَیکُم فَعُدُّوا الثَلَاثِین»

ژباړه: کله مو چې د رمضان میاشت ولیده، روژه ونیسئ او کله مو چې شوال میاشت ولیده، افطار وکړئ او که اسمان ورېځ و (او میاشت مو ونه لیده) نو دېرش ورځې وشمېرئ (پوره یې کړئ).

د شوال میاشتې د لیدلو له هڅو وروسته، میاشت لیدل شرعاً ثابت نه شول. نو سه شنبه إن شاء الله د رمضان میاشتې پای او چهارشنبه د شوال لومړۍ نېټه او د کوچنۍ اختر لومړۍ ورځ ده.

حزب التحریر ټول اسلامي امت ته د کوچني اختر مبارکي وايي او له الله سبحانه و تعالی غواړي چې راتلونکی اختر په داسې حال کې راولي چې اسلامي دولت تاسیس شوی وي؛ دین ته یې قدرت ورکړی وي او رایه (بیرغ) یې رپېږي. دغه راز زه، د حزب التحریر مرکزي مطبوعاتي دفتر رییس، په هره برخه کې د حزب التحریر دعوتګرو خویندو او وروڼو او په ځانګړي ډول جلیل القدر عالم عطاء بن خلیل أبو الرشته حفظه الله ته د کوچني اختر مبارکي وایم! له الله سبحانه و تعالی څخه غواړو چې زموږ شیخ ته د نوبت پر منهج ثاني راشده خلافت په تاسیس سره د رسول الله د بشارت لپاره دعوت په دغه لار کې توفیق ورکړي.

سږ کال کوچنی اختر په داسې حال کې راځي چې د اسلامي امت او استعمارګر غرب د ارادو ترمنځ داسې ټکر دی چې ساری يې په تېرو څو لسیزو کې نه لیدل کېږي. اسلامي امت په قاطعیت نړیوالو ته ثابته کړه چې که استعمارګر او کافر غرب هر څو د بریدونو هڅې وکړي، د فلسطین مبارکه خاوره یوه اسلامي خاوره ده او هېڅ کله لاس نه ترې اخلي. نن ورځ غرب وېرېږي چې هسې نه د ۲۰۲۳م کال د اکتوبر ۷مې پېښه بیا وشي او یهودي رژيم یې له ښکاره شوي ضعف سره وګواښي. د دغه رژیم له منځه تګ د غزې او ټول فلسطین د نصرت لپاره د اسلامي پوځونو په بسیج سره د دوهمې جبهې په پرانیستل کېدو ژر راتلونکی دی. ځکه خو غرب له یهودي رژیم څخه د هر اړخیز ملاتړ لپاره خپلو بې شرمانه کړنو کې په پوره تاوتریخوالي چلند کوي؛ په غرب کې پر مسلمانانو فشار راوړي او په اسلامي خاورو کې یې د حکامو له لارې مسلمانان له ستونزو سره مخ کوي.

خو د غزې مجاهدینو او خلکو، چې غرونه غرونه صبر لري، د یهودي رژیم ژره د غزې پر مبارکه خاوره وموښله او نړیوالو ته یې ثابته کړه چې کله اسلام د خلکو پر زړونو واکمن شي، هغه خلک د اسلام او مسلمانانو په تاریخ کې ډیر لوړ ځای ته رسوي. له الله سبحانه و تعالی غواړو چې د دغو مجاهدینو اعمال قبول کړي او په اخرت کې علیین مقام ور په نصیب کړي! الله سبحانه و تعالی فرمايي:

‏ ‏﴿قَالَ اللّهُ هَذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا أَبَداً رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ* ‏ لِلّهِ مُلْكُ السَّمَاوَاتِ وَالأَرْضِ وَمَا فِيهِنَّ وَهُوَ عَلَى كُلِّ شَيْءٍ قَدِيرٌ﴾ ‏[مائده: ۱۱۹-۱۲۰]

ژباړه: «(د قیامت پر ورځ) الله وايي: دا هغه ورځ ده، چې رښتينو ته د دوی رښتينولي ګټه رسوي، دوی ته د جنت داسې باغونه دي، چې تر ونو لاندې يې ويالې بهېږي او تل به پكې وي، الله ترې راضي دى او دوى له الله نه راضي دي؛ دا، ستره بريا ده.  د اسمانونو او ځمكې او څه چې په دوی کې دي، (ددې ټولو) واكمني يوازې د الله ده او هغه پر هر څه واکمن دى.»

په دې موده کې نور اسلامي امت د «سایس-پیکو پولو» په نامه زندان داسې احساس کړ چې بل هیڅ وخت یې نه و کړی؛ ځکه چې اسلامي امت واحد امت دی؛ وینه او احساسات یې یو دي. نو د غزې د ښځو چغو، د ماشومانو ژړاوو او د لویانو نصرت غوښتلو په غیرت راوستل؛ خو د پولو په زندان کې لا بند دي.

د «سایس-پیکو پولو» زندان جوړولو موخه همدا وه چې مسلمانان بې وسه شي او د یو بل مرسته ونه شي کړی. نن ورځ فلسطین، پرون سوره او تر هغې وړاندې افغانستان، کشمیر او عراق او ... هر ځل د اسلامي امت پر یوه برخه برید کېږي؛ نور ملیاردي امت یې ګوري، حرکت نه شي کولی او د یو بل مرستې ته نه شي دانګلی؛ دلیل یې یوازې همدا «سایس-پیکو پولې» دي!

اې د مسلمانانو پوځونو!

د حکامو خیانت او کافر غرب ته د هغوی ړنده وفاداري مو لیدلې! څنګه مو د اسلامي امت له دښمنانو سره امنیتي همغږۍ ته اړ باسي! څنګه د دښمن پر وړاندې د بسیج کېدو امر نه درکوي! ولې مو یوازې د خپلو خاورو او خلکو له منځه وړلو لپاره بسیج کوي!؟ پر تاسو لازمه ده چې دغو خاینو او غلامو حکامو ته له وفادارۍ لاس واخلئ او همدا اوس د فلسطین مبارکې خاورې د نصرت لپاره بسیج شئ؛ که مو دغو خاینو حکامو مخه ونیوله، له مخې يې لرې کړئ! پوه شئ چې اسلامي امت له تاسو سره دی او په خپل ځان او مال ستاسو ملاتړ کوي. دغه راز، حزب التحریر خپل لاس تاسو ته اوږد کړی؛ د نبوت پر منهج ثاني راشده خلافت د تاسیس لپاره یې د الله سبحانه و تعالی په توفیق هر څه تیار کړي؛ یوازې ستاسو ملاتړ او نصرت ته اړتیا ده؛ لکه انصارو چې د اسلام د حاکمیت لپاره د بیعت پر وخت رسول الله صلی الله علیه وسلم ته نصرت ورکړی و او ملاتړ یې ترې کړی و. الله سبحانه و تعالی فرمايي:

‏‏﴿وَالَّذِينَ آمَنُواْ وَهَاجَرُواْ وَجَاهَدُواْ فِي سَبِيلِ اللّهِ وَالَّذِينَ آوَواْ وَّنَصَرُواْ أُولَئِكَ هُمُ الْمُؤْمِنُونَ حَقّاً لَّهُم مَّغْفِرَةٌ وَرِزْقٌ كَرِيمٌ﴾ ‏[انفال: ۷۴]

ژباړه: «کومو خلکو چې ایمان راوړ او د الله تعالی په لاره کې یې هجرت او جهاد وکړ او کوم خلکو چې پناه ورکړه او مرسته یې وکړه همدوی رښتیني مومنان دي. د هغو لپاره بښنه او ډېره ښه روزي ده.»

الله أکبر، الله أکبر، الله أکبر لااله إلاالله، الله أکبر، الله أکبر و لله الحمد!

اختر مو مبارک شه!

السلام علیکم ورحمت الله وبرکاته!

د ۱۴۴۵هـ.ق کال د رمضان میاشتې پای چې د ۲۰۲۴م کال د اپریل له ۹مې سره سمون خوري

انجینیر صلاح الدین عضاضة

د حزب التحریر مرکزي مطبوعاتي دفتر رییس

۱۴۴۵هـ.ق، د رمضان ۲۹مه

۲۰۲۴م. د اپریل ۹مه