- مطابق
![په انقره کې د «خلافت...خوب دی که راتلونکی واقعیت؟» تر سرليک لاندې نړيوال کنفرانس جوړ شو](/pa/media/k2/items/cache/e3cae036c4e2bea1fb8b65e8b2938a97_L.jpg?t=-62169984000)
حزب التحریر/ ولایه ترکيې تېره يکشنبې د ۱۴۳۷ هـ ق کال د جمادي الاولی په ۲۶مه چې د ۲۰۱۶م کال د مارچ له شپږمې سره سمون لري، د خلافت نړيوال کنفرانس د «خلافت...خوب دی که راتلونکی واقعیت؟» تر سرلیک لاندې جوړ کړ. کنفرانس د شاوخوا پنځو زرو حاضرينو په سخته حماسه او زوږ سره پيل او پای ته ورسېد.
کنفرانس له قرآن کريم څخه د څو آيتونو په تلاوت سره پيل شو. د کنفرانس د پيل وينا د حزب التحریر/ ولایه ترکيې د مطبوعاتي دفتر رییس ښاغلي محمود کار واوروله. ورپسې د فلسطين له سپېڅلې خاورې څخه ښاغلي شيخ عصام عميره، له استراليا څخه مهندس اسماعيل الوحواح، له يوکراين څخه ښاغلي استاد ميکائيل رومانيکو او استاد فضل حمزاييف، له اندونيزيا څخه ښاغلی دکتور اسماعيل يوسنطو، له ډنمارک څخه ښاغلي مولای جاو، له قرغيزستان څخه ښاغلي استاد عبدالله ييف محمد پرلپسې ويناوې وکړې.
د ويناوالو خبرې د خلافت په فرضيت، اهميت، عظمت او د امت د تېر او اوس په مقايسه باندې متمرکزې وې. هغوی حاضرين د نبوت پر منهج د راشده خلافت د تاسيس لپاره مبارزې ته وهڅول او له سياسي، اقتصادي او ستراتيژيک پلوه يې د ترکيې پر اهميت هم ټينګار وکړ، چې ترکيه څنګه کولای شي د دويم راشده خلافت د قايمېدو په صورت کې د نړۍ مسلمانان د کفر او استعمار له ولکې څخه وژغوري. ويناوالو زياته کړه چې د خلافت بيرغ په ترکيه لوېدلی او لازمه ده چې بېرته په ترکيه کې د دويم ځل لپاره پورته شي.
د پای وينا استاد عبد الله امام اوغلو واوروله، چې ډېره اغېزمنه او له عبرته ډکه وه او ډېری حاضرينو ورسره وژړل. دې ته ورته په کنفرانس کې شعرونه او ترانې ولوستل شوې او کنفرانس په دعا سره پای ته ورسېد.