- مطابق
![په الخليل ښار کې د خلافت ستر کنفرانس ترسره شو](/pa/media/k2/items/cache/96cba9244d7f9076720df00586971bd0_L.jpg?t=-62169984000)
د تېرې شنبې ۰۷/۰۵/۲۰۱۶م په ورځ تر لسو زرو د زياتو ګډون کوونکو له حضور سره سم حزب التحرير خپل لوی کنفرانس د فلسطین د الخليل ښار په منځ کې په بشپړ برياليتوب سره ترسره کړ. دغه کنفرانس د الخليل ښار د ابن رشد ښوونځي په لوبغالي، انګړ او شاوخوا سيمه کې ترسره شو، چې د کنفرانس په اړوند ساحه باندې تورې رايې او سپينې لواګانې رپېدې. د دې ټولو ترڅنګ ګډون کوونکو په لوړ غږ د تکبير او تهليل نارې وهلې، همداراز يې د خلافت د قايمولو، د مسلمانانو د يووالي او د فلسطين د آزادولو لپاره د پوځونو د راخوځولو غږونه پورته کول.
دغه کنفرانس وروسته له هغې ترسره شو، چې حزب التحرير د خلافت د ۹۵مې دردونکې کليزې په مناسبت د «د مؤمنانو فسطاط د نبوت پر منهج خلافت دی او د منافقينو فسطاط ښکېلاکګر کفار دي» ستر کمپاين پيل کړ.
په دغه کنفرانس کې بېلابېلو شخصيتونو ويناوې وکړې، له هغو ډلې څخه د فلسطين د سپېڅلې خاورې د حزب التحرير د مطبوعاتي دفتر غړي دکتور ماهر الجعبري او دکتور مصعب ابو عرقوب هم وو. کنفرانس مسلمانانو او د هغوی پوځونو ته بېلابېل پيغامونه وړاندې کړل. همداراز يې ترکيې، يمن، تونس، سوريې په ځانګړي ډول د حلب خلکو ته خاص پيغامونه درلودل.
ويډيويي راپور يې له لاندې لينک څخه وګورئ: