(ژباړه)

د لبنان دولت د چاپېریال ساتنې وزیر، مرستیالان او استازي یې لا تر اوسه د خلکو او د هغوی د غوښتنو پر وړاندې خپله ژوره بې پامي ښیي! دولت پرته له دې چې سیمې، خلکو او یا د دوی روغتیا ته پاملرنه وکړي، د کثافاتو د له منځه وړلو لپاره له ډېرو پخوانيو لارو کار اخلي. دوی هڅه کوي چې دغه کثافات پر طرابلس او چاپېریال باندې یې ور بوج کړي، د فوار له سیمې نه یې شروع وکړه او په تربل کې هم تم نه شول- له دې نه د دولت کړنې لیدلی شو- چې دوی له نورو سیمو نه کثافات راوړي د طرابلس  د خلکو پر اوږو یې باروي. هوا، اوبه او چمنونه یې ورته ککړوي؛ دوی دا کار د سیمو تر منځ په ښکاره مسیرونو کې کوي او په دې توګه د خلکو روغتیا او ټولنیز امنیت ګواښي!

دغه کثافات، په ځانګړي ډول د تربل کثافات په لبنان کې له خطرناکو کثافاتو څخه دي، ځکه چې دا ډېر زیات دي. په دې توګه دغه د کثافاتو ښخول به په منیه، بداوي، مېریاتا، مارکتا، حیلان او دیرعمار او بالاخره د طرابلس د ټولو ښارونو او کلیو په جغرافیه کې به تر ځمکې لاندې اوبه چټلې کړي. د ډېرو کثافاتو ښخول او له ښارونو او کلیو څخه د هوا د جریانونو تېرېدل به د هوا پر ککړتیا سربېره سیمه هم ککړه کړي. دغه کثافات په لبنان کې تر ټولو ډېر دي، ځکه چې د پنځو ډېر نفوس لرونکو حوزو کثافات یې راټول کړي.  

په دې اړه موږ، حزب التحریر-ولایه لبنان لاندې ټکو ته اشاره کوو :

د لبنان دولت او له استثنا پرته ټولو وزیرانو ته! په پیل کې د چاپېریال ساتنې وزیر؛  موږ به پر خپله سیمه د دغې حملې پر وړاندې مخالفت ونه دروو، موږ به ستاسو د هرې ناوړه هڅې پر وړاندې ودرېږو، چې په دغو کثافاتو سره زموږ ژوند ګواښئ. د دغو کړنو اصلي علت سیمه پالنه او تر مېز لاندې معاملې دي... بیا د دفاع او کورنیو چارو وزیران، چې د خلکو د غوښتنو او اعترازونو په مخ کې پوځ او امنیتي کسان دروي او په دې سره د پوځ او امنیت رول راټيټوي! له خپل مسیر نه یې کږوي! ان تر دې حده چې مېرمنې د امنیتي کسانو لخوا په دې ګناه وهل و ډبول کېږي، چې د دولت د وژونکې کړنې پر وړاندې خپل غږ پورته کوي. د دولت د دې کار ګواښ نه یوازې هغو خلکو ته متوجه دی چې هلته اوسېږي، بلکې د هغوی بچو او ورپسې نسلونو ته هم متوجه دی!

د طرابلس د استازو په ګډون د پارلمان ټولو استازو ته؛ دوی د خلکو په وسیله ټاکل شوي، څو د دوی د ګټو  ساتنه وکړي. موږ له دوی څخه اورېدلي نه دي، خو له خبرونو او ګونګوسو څخه یې ښکاري، چې د دولت له دغه کار سره ستونزه نه لري!! موږ تاسو ته ستاسو له ټولو صلاحیتونو سره وایو، چې ستاسو لپاره هېڅ پلمه نشته او اوس باید د هغو خلکو په منځ کې وی، چې تاسو یې قدرت ته رسولي یئ. له هغو سره مو له کوم ځنډ او مصلحت پرته مرسته کړې وی. دا پلمه چې کثافات د طرابلس  له سیمې لرې دي، ډېره کمزورې ده. ایا بادونه به زهرجن مواد طرابلس  ته ونه لېږدوي!؟ ایا تر ځمکې لاندې اوبه به د کثافاتو پر ښخولو فاسدې نه شي!؟

امنیتي ځواکونو ته، دولت تاسو د هغو کسانو پر وړاندې ودرولئ، چې د دوی او بچیانو روغتیا یې اغېزمنه شوې وه، تاسو څنګه دا ومنله!؟ تاسو هم د همدې سیمو او همدغو خلکو بچیان یئ، ایا د دغو خلکو ستونزه ستاسو ستونزه نه ده!؟ ایا تاسو له دغو خلکو څخه نه یئ!؟ دا کسان د دې لپاره درېدلي چې خپل ځان او بچیان وژغوري، تاسو د دوی بچیان نه یئ!؟ دولت څنګه تاسو ته په دومره ټیټه سترګه ګوري، چې د کثافاتو ساتونکي مو کړي!؟ تاسې به دا شیان ساتئ او که د خلکو ژوند، مال او عزت!؟ ستاسو دنده دا ده چې خلکو ته د زیان رسېدو مخه ونیسئ...  نو له خلکو سره د هغوی د مشروع غوښتنو په څنګ کې ودرېږئ.

اې خلکو! پوهېږئ، تاسو چې څه کړي هغه مو په دین کې یو له ډېرو مهمو کارونو څخه دي. دا ژوند ته د اسلام له نظره یو ډېر مهم کار دی، چې روغتیا ته پام وشي او چاپېریال له ککړتیا او افتونو څخه وساتل شي.  او دا د دولت له دندو څخه دي، چې خلکو ته پاملرنه وکړي، مالیه ترې ټوله نه کړي او جیبونه یې لوټ نه کړي. دا به که د خدای خوښه وه ډېر ژر د نبوت پر تګلاره راشده خلافت کې وګورئ، چې د بېلګې په توګه داسې کارونه به وکړي:

د هوا ککړتیا به کمه کړي؛ پیغمبر صلي الله علیه وسلم فرمایي:

«اتَّقُوا الملاعِنَ الثَّلاثَ: البَرَازَفِيالـمـوارِدِوَالظِّلِّ وَقَارِعَةِ الطَّرِيقِ»

ژباړه: د دریو شیانو ساتونکي اوسئ: د اوبو ورکولو په ځایونو کې اسانۍ، د تلو راتلو لارو او د ونو سیوریو ته ډېره پاملرنه کوئ.

پورتني حدیث ټول هغه شیان منعه کړي، چې مسلمانانو او د هغوی عامه سرچینو، چاپېریال او سرکونو ته زیان رسوي.

د اوبو د سرچینو پاکوالی او د څښاک د اوبو پاکوالی؛ پیغمبر صلي الله علیه وسلم فرمایي:

«لا يَبُولَنَّ أَحَدُكُمْ فِي الـمـاءِالدَّائِمِ ثُمَّ يَغْتَسِلُ مِنْهُ »،

ژباړه: تاسې باید په ولاړو اوبو کې بولې ونه کړئ، ښايي وروسته به پر هغه باندې مینځلو ته اړتیا پیدا کړئ.

له جابر بن عبدالله رضي الله تعالی عنه څخه روایت دی:

«أَمَرَنَا النَّبِيُّ صلى الله عليه وسلم أَنْ نُوكِيَ أَسْقِيَتَنَا وَنُغَطِّيَ آنِيَتَنَا»

ژباړه: حضرت محمد ص راته امر وکړ، چې خپل پتک بسته او لوښي مو پوښ کړو.

 ځکه چې په دغو لوښو کې اوبه وې. هغه وخت دولت دا مسوولیت درلود، چې د اوبو سرچینو ته پام وکړي او د څښاک د اوبو کیفیت کنټرول کړي او له ککړتیا څخه یې وساتي.

سربېره پر دې باید فاضلابو او هغو راتلونکو خطرناکو پایلو ته باید پاملرنه وشي.  انجینیران باید د چاپېریال او د ښارونو او ټولنو انجینیري باید د هوا تبدیلۍ لارې جوړې کړي، د ډېر نفوس مخینوی باید وکړي، د فاضلابو  پروسس اسانه کړي، کوڅې پاکې او کثافات ټول کړي. هر نوع الوده کوونکي شیان لکه: شورماشور، مزاحمتونه او زهرجن مواد له منځه یوسي. الحفیظ ابن هاجر په الفتح کې له عمر ابن شباح څخه په اخبار المدینه کې راوړي، چې دی وایي:

«عمر بن خطاب په بازار کې د اهنګر د ټکولو غږ واورېد. هغه یې تر هغو په لغته و وهلو چې له منځه ولاړ.» اهنګر شورماشور جوړ کړی و او لوګي یې هم هوا ککړوله. له همدې امله امیرالمومنین حضرت عمر رضی الله عنه هغه له بازار څخه لرې کړ، داسې عامه ځای چې خلکو پکې تګ راتګ کاوه. په اسلام کې د عادلانه او مخلص حاکمیت لپاره زیاتې عملي حل لارې شته، چې د خلکو د دین او ارمانونو استازیتوب کوي.

موږ په حزب التحریر-ولایه لبنان کې د حاکمې ډلې په پراخه کچه فساد خبر یو، خپله دولت هم مفسد دی. دا دولت کافر استعماري غرب رامنځته کړی و. د مفسدو خلکو یوه ډله ټاکل شوې، چې فساد مخکې بوځي. دا ډله په لومړي ګام کې خپلو بادارانو ته او وروسته بیا خپلو جیبونو او حسابونو ته کار کوي. له دوی څخه یو هم معاف نه دی. له دې حاکمیت سره مل کسان؛ یو هم له فساده پاک نه دي. خو اوس هم په خلکو کې لږ هيلې لیدل کېږي، لکه هغه خلک چې په فوار او تربل کې یې اعتراضونو ته مثبت ځواب ورکړ؛ په خپلو سیمو کې یې د ویجاړوونکو پروژو مخنیوی وکړ، د دولت له تهدیدونو څخه وېرېدل، په دې سیمه او نورو سیمو کې یې د دغې موضوع خپرېدل و نه منل. نو دغه ویل باید تاسو ته واضح کړي: زه پر هغه ورځ وخوړل شوم، چې سپین غویی وخوړل شو. (له نورو سره د ظلم پرمهال مه چوپ کېږئ. ځکه دا ظلم یوه ورځ پر تاسې هم کیږي.)

تاسې باید خپلو اعتراضونو ته دوام ورکړئ. د کثافاتو موټر د کثافاتو ښخولو ته پرې نه ږدئ او هغه سیاسیون افشا کړئ چې د سرکونو په پرانیستلو او د کثافاتو د ښخولو په بندولو سره خلک غولوي. دا جدي مسله ده، ځکه ستاسو پر روغتیا مستقیمه اغېزه لري. له طرابلس څخه د ترېبول تر ختیځ او لویدیځ غرونو پورې ستاسې پر وروستي نسل هم اغېزه لري. نو ادامه ورکړئ او صابر واوسئ، ځکه فتح د صبر په پای کې تر لاسه کېږي. الله سبحانه و تعالی له تاسو سره دی، ستاسو د کړنو اجر به هتمي درکړي.

حزب التحریر-ولایه لبنان

په مشق کې د عبدالربي حمدي د کنټرول لپاره د هاني بارک له رابللو وروسته د انتقالي شورا په مشرۍ په شبوه، ابین او عدن ولایتونو کې خونړي زیانونه او اړدوړ تر اوسه دوام لري، له همدې لارې غواړي ابین ولایت، مرکز زنجبار او شقرا او ورپسې شبوه ولایت تر خپلې ولکې لاندې راولي. 

خونړي تود اړدوړ هغه وخت زور واخیست چې کله د عربي متحده اماراتو الوتکو په عدن او ابین ولایتونو باندې ۱۰ برېدونه وکړل او په پایله کې د ۲۰۱۹/۰۸/۲۹مه ۳۰۰ کسان ټپي او ووژل شول، لکه څرنګه چې د انتقالي شورا ځواکونو په عدن ولایت کې پرمختګ ته د پای ټکی کېښود او په شبوه ولایت باندې یې خپله ولکه له لاسه ورکړه دوی غوښتل د هادي عسکرو مخه ډب کړي. په سيمه باندې د انتقالي شورا او هادي ځواکونو د ولکې د چټکتیا پر تبادلې اورېدونکي هک پک دي، وروسته بیا د برېتاینا په څرګندونو پورې تړاو ورکوي چې هادي او انتقالي ځواکونه دواړه د دوی اجيران دي؟

برېتانیې خپله تنده نه ده ماته کړې ـ دوی په تاريخ کې د افسانوي سړي خوړونکو په نوم یادېږي، له هغه وخت راهیسي چې دوی د شاهي نظام ملاتړ کوي د ۱۹۶۲ـ ۱۹۶۸م کلونو تر منځ غواړي د ملي جبهې تر څنګ په ۱۹۶۷م کال کې عدن تر خپلې ولکې لاندې راولي او د یمن د خلکو له وینو ځانونه خړوب کړي، په ۷۰،۸۰، او تېره ۹۰مه لسیزو کې د دوی تنده نه ده خړوبه شوې، دوی تر اوسه پورې د خپلې برګټۍ متحده عربي اماراتو په مرسته وينه تویوي چې په راتلونکو خبرو اترو کې په یمن کې وروسته له دې چې دوی د خپل مستعمره عدن څخه هوثیان وشړل خپل اجيران ډېر کړي. 

اې د ټول یمن له شمال څخه نېولې بیا تر جنوب پورې زموږ خلکو: آیا تاسو له شپېتو کلونو راهیسې کافي څه نه درلودل چې تاسو په خونړیو پېښو کې چې سلګونو او زرګونو خلکو پکې خپل ژوندونه له لاسه ورکړ ښکېل یئ چې نه د مسلمانانو ګټه پکې وه او نه هم د اسلامي قانون پياوړتیا او دفاع، بلکې یوازينی دلیل یې پر تاسو باندې د برېتانیې سیاسي واکمني او د هغوی له ايستلو څخه ستاسو مخنیوی و، د امريکا سیاسي واکمنۍ یې ځای ونيولو.

البخاري، مسلم، النسایي او ابن ماجه روایت کوي چې جریر بن عبدالله رضی الله تعالی عنه وویل: د الله تعالی پیغمبر په حجه الوداع کې له ما وغوښتل چې خلکو ته ووایم چوپ شي، وروسته هغه صلی الله علیه وسلم وفرمایل:

«لَا تَرْجِعُوا بَعْدِي كُفَّاراً يَضْرِبُ بَعْضُكُمْ رِقَابَ بَعْضٍ»

ژباړه: تر ما وروسته د یو بل پر وژلو باندې مه کافران کېږئ.

سنن ابن ماجه له ابو امامه څخه روایت کوي چې پیغمبر صلی الله علیه وسلم وفرمایل:

«مِنْ شَرِّ النَّاسِ مَنْزِلَةً عِنْدَ اللهِ يَوْمَ الْقِيَامَةِ عَبْدٌ أَذْهَبَ آخِرَتَهُ بِدُنْيَا غَيْرِهِ»

ژباړه: د الله تعالی پر وړاندې به د قیامت په ورځ د خلکو له منځ څخه تر ټولو بد کس هغه څوک وي، چې له دې وروسته د دنیا لپاره آخرت پرېږدي.

د الله تعالی سپارښتونو او اوامرو ته بېرته راوګرځئ او له هغه څه یې چې منع کړي یاست ډډه وکړئ لکه څرنګه چې الله سبحانه و تعالی تاسو ته وايي:

﴿إِنِ الْحُكْمُ إِلاَّ لِلّهِ أَمَرَ أَلاَّ تَعْبُدُواْ إِلاَّ إِيَّاهُ ...﴾

ژباړه: یعنې حکم پرته له الله سبحانه و تعالی څخه د بل چا لپاره نه دی، چې امر یې کړی د هېچا عبادت ونه کړئ، پرته له ده سبحانه و تعالی څخه....

تاسو کمونېزم او کپيټليزم په داسې حال کې چې تاسو مسلمانان یئ وآزمویلی، ایا نه غواړئ چې اسلام بېرته د نبوت پر اساس د خلافت په رامنځ ته کولو سره پلی کړو، ایا تاسو دغه غوښتنه منئ؟

 ﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾

[انفال: ۲۴]

ژباړه: اې هغو کسانو چې ايمان مو راوړی! د الله سبحانه و تعالی او د هغه د پیغمبر صلی الله علیه وسلم دعوت ومنئ کله چې تاسو داسې څه ته رابولي چې تاسو ته ژوند دربښي.

حزب تحریر-ولایه یمن مطبوعاتي دفتر

 (ژباړه)

انګلستانۍ تلګراف (Telegraph) ورځپاڼې د ۲۰۱۹م کال د اګېسټ پر ۱۵مه د هغو اندېښنو په اړه رپوټ خپور کړ، چې هند په خپله خاوره پورې د کشمیر د تړلو پر مهال د کشمیر ماشومان اختطاف کوي. د جیان دریز او میمونه ملا په ګډون د مدني ټولنې یوې ډلې د ډېرو  هغو ماشومانو په اړه معلومات راټول کړي، چې وایي دغه ماشومان د هند وسله‌والو ځواکونو بندي او وهلي دي. په کشمیر کې په بشپړه توګه د رسنیو بندول دغه لوی جرمونه همداسې له رسنیز کېدو پرته پرېږدي؛ خو د بشري حقونو د فعالانو یوه ډله بېلابېلو سیمو ته د تګ توانایي لري او په خپله کېمره یا ټلیفون سره د هندو دولت له هغو ظلمنو او جرمونو څخه ویډیو کولی شي، چې د رسنیو او نړۍ له سترګو پټ پاتې دي. دوی د هند دولت له رسنیو او ټیلویزیوني شبکو څخه د دغو ویډیوګانو د خپرولو حق نه لري، خو هماغه وخت یې چې ویډیوګانې اخیستې، یوټیوب ته یې د « Caged Kashmir » (په قفس کې راګیر کشمیر) په نامه خپرې کړې. په یوه ځانګړې پېښه کې یو ۱۱ کلن ماشوم له سلګونو نورو ځوانانو او لویانو سره د پمپور سیمې د پولیسو په حوزه کې بندي دي؛ دغه کوچنی ماشوم دلته په بې رحمۍ وهل او ډبول کېږي. دغه ماشومان غالباً په نیمه شپه په زور په هغو چاپو کې له خوبه راپاڅول کېږي او اختطافېږي چې د ماشومانو او د هغوی د کورنیو د وېرولو په موخه یې کوي، په دغو چاپو کې معمولاً ښځې او نجونې هم ځورول کېږي. پر انټرنېټ خپرې شوې ویډیو د یوه بل کوچني ماشوم رپوټ هم افشا کړ، چې د اګېسټ پر ۵مه په جومات کې د لمانځه له ادا کولو وروسته تښتول شوی. دغه ماشوم وایي، چې له ده سره یوولس دوولس نور نوي ځوانان هم بندیان وو. دغه ټول جنایتونه پر هغو وخیمو زیانونو سربېره کېږي، چې هندو دولت په کشمیر کې نوي ځوانان او ماشومان د مظاهرو پر وخت په فلزي مرمیو ړاندي کړي او نور... په رښتیا چې د دغو مشرېکینو ښکاره دښمني څرګندوي.

د اسلامي دولت د نشتون په سبب نن ورځ هندو دولت دا جرات پیدا کړی، چې د اسلامي امت بچیان اختطاف او ناوړه استفاده ترې وکړي. که چېرې موږ اسلامي دولت درلودی، د مسلمانانو د وینې د دفاع او د مودي د رژیم په زړه کې د وېرې اچولو په موخه به یې د خپلو پوځونو د تجهیز لپاره سیاسي اراده درلوده. د مسلمانانو اوسني ټول چارواکي، د کشمیر د مظلومو مسمانانو د ساتنې او ژغورنې لپاره د هېڅ کار نه کولو، سکوت او وسله‌والو پوځونو د نه لېږلو په سبب له هند سره د کشمیر د مسلمانو بچیانو په شکنجه او د هغوی د حقونو په نقص کې شریکان دي. مثلاً، د پاکستان لومړي وزیر عمران خان، چې یوازې په تشو او بې مانا خبرو یې د مودي جرمونه وغندل او د ګدایۍ کچکول یې د ناقص او ناتوانه ملګرو ملتونو دروازې ته وروړ، چې هندو دولت له خپل متخاصم حرکت څخه شاتګ ته اړ کړي. هغه ملګري ملتونه چې په ۷ لسیزو کې یې د تاوتریخوالي په هغو هوکړه‌‌لیکونو سترګې پټې کړې او هندو دولت یې معاف کړی، چې هند تر پښو لاندې کړې دي.

رسول الله صلی الله علیه و سلم فرمایي:

«الْمُسْلِمُ أَخُو الْمُسْلِمِ لَا يَظْلِمُهُ وَلَا يُسْلِمُهُ»

‏ژباړه: مسلمان د بل مسلمان ورور دی،  مسلمان نه پر خپل ورور ظلم کوي او نه یې پر خپل حال پرېږدي.  

د اسلامي نړۍ په اوسنیو رژیمونو کې د مظلومو مسلمانانو ازادول په یوه دولتي سیاست بدل شوي؛ دوی خپل پوځیان په خپلو هډو کې ساتي. په داسې حال کې چې د خوېندو او وروڼو وینه یې تویېږي، مېندې او خورانې یې ځورول کېږي او بچیان یې اختطاف او شکنجه کېږي. د اسلامي نړۍ په اوسنیو رژیمونو کې، دوی د اشغال شوو مسلمانانو ازادول د یوه هېواد د کورني سیاست کار بولي او اشغال د امت په قضیه پورې هېڅ نه تړي. پوځونه یې په هډو کې کرار پراته دي، په داسې حال کې چې د خویندو او وروڼو وینه یې د باران په څېر بهېږي؛ خویندې او میندې یې بې عزته کېږي او ماشومان یې اختطاف او ځورول کېږي. موږ په وسله‌والو پوځونو کې له مخلصو او با ایمانه بچیانو پوښو، چې تر څه وخته به د دغو ډارنو او بې غیرته چارواکو پیروي کوئ؟ هغه خاین چارواکي چې مسلمانانو ته هېڅ ارزښت نه ورکوي او هغه چارواکي چې د دین د دښمنانو د حاکمیت ککړ لاسونه پیاوړي کوي او تاسو د خپل امت پر وړاندې د سپېڅلې دندې ترسره کولو ته نه پرېږدي.

تر کومه به په کشمیر، فلسطین، سوریه او نورو ځایو کې د خپلو وروڼو او خویندو د ذبحې او بندي کولو شاهدان وئ، په داسې حال کې چې ستاسو د حرکت نه کولو په بدل کې د الله سبحانه و تعالی قهر درته معلوم دی؟ تر څه وخته به د کشمیر، فلسطین، سوریې او نورو سیمو د مسلمانانو پر وړاندې له خپل مسوولیت څخه اوږه خالي کوئ، په داسې حال کې چې د دغه کار په سبب د الله سبحانه و تعالی قهر درمعلوم دی؟ تر کومه وخته به مو غوږونه د دغه امت د ماشومانو د چیغو او ژړاوو پر وړاندې کاڼه او خپلې سترګې د خپلو خویندو د بې عزته او بې عفته کېدو پر وړاندې ړندې وي؟ په داسې حال کې چې د دغه وضعیت د ختمولو وړتیا لرئ.

موږ د وسله‌والو ځواکونو او چارواکو په ګډون پر تاسو (اسلامي امت) غږ کوو، چې د خپل اسلامي مسوولیت د ادا کولو او د مسلمانانو د ځان، مال او مقدساتو د دفاع لپاره راپورته شئ. د دین د دښمنانو په زړه کې وېره او هیبت واچوئ. د مسلمانانو اشغال شوې ځمکې ازادې او حزب التحریر ته د نبوت پر تګلاره د راشده خلافت د بیا تاسیس لپاره نصرت ورکړئ؛ ځکه چې خلافت دولت به د هر مسلمان نارینه، ښځې او ماشوم لپاره ډال وي. اسلامي خلافت داسې دولت دی، چې هېڅکله پر مسلمانانو باندې د کافرانو تسلط او د یوه مسلمان ماشوم شکنجې او ګواښلو ته اجازه نه ورکوي. الله سبحانه و تعالی فرمایي:

﴿يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انفِرُوا فِي سَبِيلِ اللَّـهِ اثَّاقَلْتُمْ إِلَى الْأَرْضِ أَرَضِيتُم بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ﴾

 [توبه: ۳۸]

ژباړه: ‏‏ای مؤمنانو! په تاسې څه شوي چې کله تاسې ته د الله سبحانه وتعالی په لار کې د وتلو لپاره وویل شول، نو تاسې په ځمکه درانده کېناستلئ؟  ایا تاسې د اخرت په مقابل کې د دنیا ژوند غوره کړی دی؟  که داسې ده نو تاسو ته دې معلومه وي، چې د دنیا د ژوند دا ټول وسایل به په اخرت کې هېڅ شي.  

د حزب التحریر مرکزي مطبوعاتي دفتر

د ښځو برخه

پنجشنبه، ۱۴۴۰، د ذی الحجې ۲۸ مه/ ۲۰۱۹، د اګېسټ ۲۹ مه