خبر:

اردوغان د حکومت څیړنیزې شورا (DDK) ته امر وکړ، چې د ولسمشريز نظام نیمګړتیاوې وڅېړي. اردوغان د  «G ۲۰» ناستې له راګرځېدو وروسته وویل: غواړي د «MHP» له رییس ډیولټ باسلي سره کېني، ترڅو د «DDK» رپورټ وڅېړي او د نوي نظام پر نیمګړتیاوو بحث وکړي. دا هغه بنسټیز موضوعات دي، چې باید سم شي. په داسې حال کې چې د دواړو ډلو مشران د دغه نظام دوام غواړي او موخه یې د نظام پرمختګ او د پارلمان د مقرري او تعدیلي قوانینو په اړه د نظر تبادله ده، ترڅو مقننه او اجرائیه قوې پیاوړې شي.

تبصره:

کله چې ولسمشر اردوغان د استانبول د ښاروالۍ له ټاکنو وروسته په ولسمشرۍ نظام کې د نیمګړتیاوو د څېړلو امر وکړ، نو دا په حقیقت کې د نظام د داخلي ستونزو ښکارندویي کوي. بل خوا د «CHP» مشر کمال کیلیچ دار اوغلو وویل: د پارلماني سیستم بېرته راوستل او د اساسي قانون سمول ښه خبره ده، نوموړي دا خبره د استانبول له ټاکنې وروسته د خپلې لومړنۍ ناستې په لړ کې وکړه. لنډه دا، کله چې «CHP» د استانبول ټاکنې وکټلې، نو د نظام بدلون په چټکه توګه د ترکیې سیاسي اجنډا ته ټکان ورکړ. د نظام د بدلون غوښتونکو او اوسني جمهوریت غوښتونکو تر منځ شخړه په حقیقت کې د انګلستان او امریکا تر منځ شخړه ده؛ چې لومړي ګوند یې د عثماني خلافت پر ځای پارلماني نظام تاسیس کړ او اوس یې بېرته راتګ غواړي او دویم یې بیا د پارلماني نظام پر ځای د AK حزب په مرسته ریاستي نظام جوړ کړ. دا د یادو پېښو لپاره یوه نسبتا وړ تشریح ده.

له پارلماني سیستم څخه ولسمشریز او له ولسمشریز څخه پارلماني سیستم ته بدلون هسې یوه ادعا ده. موږ باید په دې اړه فکر ونه کړو چې حکومت مو بدلېږي؛ بلکې پر دې باید فکر وکړو، چې څه راباندې واکمنېږي او څه ته دعوت کېږو. باید پوه شو، هغه بدلون چې موږ ورته بلل کېږو، په حقیقت کې له باطل څخه حق ته نه، بلکې باطل ته بدلون دی. یا په بله وینا، د دواړو نظامونو سرچینه ډیموکراسي ده، چې پلویان یې هېڅ بدلون نه مني. په داسې حال کې وینو چې ولسمشریز نظام په بنسټیزه توګه نه بدلیږي، بلکې موږ ډیموکراسۍ ته ور بلل کېږو.

 د کافر استعمار د جګړې لګښت تل مسلمانان ورکوي، ترڅو د مسلمانانو پر خاورو خپل واک وغځوي. مسلمانان هسې هم په اقتصادي ناورین کې ښکېل دي، خو بیا هم د استعمار لګښت د دوی پر غاړه دی. دا مهمه نه ده، چې نظام دې پارلماني وي یا ولسمشریز، ځکه تاوان یې یوازې مسلمانانو ته رسېږي.

موږ ددغې خاورې اصلي څښتنان یو او نه غواړو چې د ډموکراسۍ پر ناروغۍ اخته شو. د دغه نظام تر سیوري لاندې ژوند کول زموږ عادت نه دی، ځکه د دغه نظام سرچینه له شیطانیت او دوکې څخه اخیستل شوې. موږ مسلمانان له کلونو راهیسې د دغه نظام زهرو زیانمن کړي یو، چی د اسلام په جامه کې پر مسلمانانو پلي کېږي.

سره له دې چې یو مومن باید له یوه سوري څخه دوه ځلې ونه چیچل شي، لکه څنګه چې رسول الله صلی الله علیه وسلم فرمایي:

«لاَ يُلْدَغُ الْمُؤْمِنُ مِنْ جُحْرٍ وَاحِدٍ مَرَّتَيْنِ»

(بخاري، مسلم)

ژباړه: مومن له یوه سوري څخه دوه ځلې نه چیچل کېږي.

موږ هر هغه نظام هېڅ نه منو، چې اساس یې ډیموکراسي وي؛ ځکه دا مو د ایمان او عقیدې غوښتنه ده. پر دې سربیره موږ تر ننه د ډیموکراسۍ ګټه نه ده لېدلې او لا تر اوسه یې جنایي ریکارډونه همداسې پاتې دي. دغه نظام د یوه ناوړه شرکت په څېر تل ستونزې زیږوي او چېرې چې رسیدلی، له ځان سره یې فساد وړی دی.

ایا د دې ضمانت څه دی، چې اوسنۍ تپل شوې ډیموکراسي به په راتلونکي کې را باندې نه تپل کېږي؟  ډیموکراسي په ظاهر او باطن کې د شیطانت او چل سرچینه ده. له هغو ځوانانو څخه باید وپوښتل شي، چې د ازادۍ او مډرن له مفکورې اغیزمن شوي او د غرب د بې خونده میوې په توګه له خپل رب څخه لرې شوي، چې ډیموکراسي څه ده.

د ځوانانو بدبخته کېدل، دروغ ویل او د نشه یي توکو کارول د ډیموکراسۍ اصلي څېره ده. پر سرکونو د همجنس بازانو ښکاره کېدل هم د ډیموکراسۍ د ازادۍ له مفکورې څخه راځي.

د ډیموکراسۍ له امله زموږ زړونه زخمي دي، اغېز یې لا پرې پاتې دی او ژوند یې را ته ډېر سخت کړی. دا چې ډیموکراسي د بدبختیو سرچینه ده، نو د ترکیې د خلکو لپاره داسې نظام ته بدلون هېڅ په خیر نه دی، چې اساس یې ډیموکراسي جوړوي.

موږ هڅه کوو، هغه نظام چې مسلمانانو او حتا ټول بشر ته خیر رسوي، په اړه یې هر وخت معلومات ورکړو. موږ څو کلونه وړاندې هم هغه مهال یو واقعیت بیان کړ، چې پارلماني سیسټم ولسمشریز نظام ته بدلون کاوه او روښانه مو کړه چې کوم نظام زموږ ګټې خوندي کولی شي. هغه نظامونه چې اساس یې ډیموکراسي ده، بشر یی له بېلابېلو ستونزو او کړاوونو سره مخ کړی دی. اسلامي امت نن ورځ د یوه داسې اسلامي ژوند هیله لري، چې رښتینی ډاډ پکې پروت وي؛ نه منسوخ او خوسا شوی نظام، چې تل یې خلک غولولي وي. د اسلامي نظام تر سیوري لاندې اوسېدل زموږ د ژوند د امن او سلامتۍ ضمانت کوي.

د نظام په بدلون کې حاکمیت باید له کوم قید او شرط پرته له اسلام سره وي. د داسې یوه نظام ټاکل زموږ اړتیا ده، چې پر موږ اسلام پلی کړي او په ټوله کې د طبیعت او بشر ستونزو ته وړ حللاره وړاندې کړي. دا کار هغه وخت کېدلی شي، چې موږ د رسول الله صلی الله علیه وسلم په تګلاره یو اسلامي نظام (خلافت) تاسیس کړو. په داسې حال کې چې دا کړنه د ډیموکراسۍ د پارلماني یا ولسمشريزو نظامونو له لارې ناشونې ده.

(ژباړه)

د بنو عامر او نوبیا د قبیلو تر منځ یو ځل بیا هغه مهال جګړه پیل شوه، کله چې د واکمنې شورا یوه پلاوي څو ساعته وړاندې د دواړو لوریو تر منځ د یوې کمزورې هوکړې خبر ورکړ. د نښتو په پایله کې د شمالي سوډان لسګونه کورونه او دوکانونه وران شوي دي. له دواړو لورو څخه ۲۳ تنه مړه او ۲۴۰ نور ټپیان شول. (سوډانۍ ورځپاڼې ۲۴/۰۸/۲۰۱۹)

پیغمبر صلی الله علیه وسلم د مسلمانانو تر منځ د شخړې په اړه ګواښ کړی او په وداع حج کې یې داسې وفرمایل:

«لا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ»

ژباړه: له ما څخه وروسته مه کافر کېږئ، یعنې یو بل مه وژنئ.

هغه صلی الله علیه وسلم د قوم او نژاد پر سر جګړه منعه کړې؛ ځکه مسلمانان په فتنه کې اچوي. په دې جګړه کې به دواړه لوري یعنې قاتل او مقتول دوزخ ته ځي. هغه صلی الله علیه و سلم فرمایي:

«إِذَا الْتَقَى الْمُسْلِمَانِ بِسَيْفَيْهِمَا فَالْقَاتِلُ وَالْمَقْتُولُ فِي النَّارِ»

ژباړه: که چېرې دوه مسلمانان یو له بل سره توره په لاس مخ شي، نو وژونکی او وژل شوی دواړه به دوزخ ته ځي.

سېکولر رژیم چې د هېواد مشري کوي؛ د قبیلوي، نژادي او سیمه ییزې سختدریځۍ اورونه بلوي. لکه څنګه چې د اساسي قانون په ۶۵ ماده کې د فرهنګي او نژادي ګروپونو تر سرلیک لاندې یادونه شوې: «د دغو ډلو غړي حق لري، چې پر خپلو باورونو عمل وکړي؛ خپل دین او فرهنګ وساتي او خپل ماشومان د دغه فرهنګ او عقیدې پر اساس وروزي» په دې توګه مسلمانان له یو بل څخه لرې ساتي او اجازه نه ورکوي چې د وروڼو په څېر ژوند وکړي.  

﴿إِنَّمَا الْمُؤْمِنُونَ إِخْوَةٌ﴾

[حجرات:۱۰]

ژباړه: ټول مومنان سره وروڼه دي.

انتقالي شورا چې د دولت سمبول دی، د نژاد او قوم پر اساس جوړه شوې ده. کله چې د سېکولریزم تر واک لاندې د دولت حالت داسې وي، نو له شک پرته چې د ناروا وینو ویالې به بهیږي. دولت په نورو برخو کې هم خپل واک او صلاحیت نشي کارولی، چې د داسې پېښو مخه ونیسي؛ هغه پېښې چې لمبې یې د لوی اختر له لومړۍ شپې راهیسې تر اوسه دوام لري!

د دغو پېښو اساسي حل لاره د نبوت پر تګلاره د خلافت تاسیس دی؛ ځکه اسلام، دولت د خلکو د وینو او عزت ساتونکی ګرځولی دی. لکه څنګه چې د ټولو جګړو لپاره ویل شوي:

«الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»

ژباړه: امام هغه ډال دی، چې تر شا یې جګړه کېږي او ځانونه پرې ساتل کېږي.

خلافت د اسلام د پلي کېدو لپاره یوازنی دولت دی، چې د بېلابېلو نژادونو او قبیلو خلک په یوه امت کې راټولوي او دا امت به د بشریت تر ټولو غوره امت وي. خلافت وړاندې هم دغه کار کړی دی؛ په داسې حال کې چې بل هېڅ دولت تر دې مهاله نه دی کړی. همدغه دولت اوسمهال هم د سوډان په ګډون له ټولو اسلامي خاورو حتا ټولې نړۍ څخه د سختدریځۍ او نژاد پالنې سرطاني ريښې ایستلی شي. په داسې حال کې چې په سېکولریزم کې دا یوازې یوه ادعا پاتې شوې ده.

ابراهیم عثمان (ابو خلیل)

د حزب التحریر-ولایه سوډان رسمي ویاند

خبر:

هند کشمیر ته خپل ۱۲۵ زره نور سرتېري واستول، ترڅو هلته له شته ۵۰۰ زرو سرتېرو سره یوځای شي. په کشمیر کې ښوونځي بېرته پرانیستل شوي؛ خو د ماشومانو میندو او پلرونو ګواښ کړی، چې خپل ماشومان به تر هغه ښوونځیو ته ونه لېږي، ترڅو چې ګرځنده شبکو بیا فعالیت نه وي پیل کړی. د تېرو دوه اونیو په اوږدو کې هندي سرتېرو یو شمېر کوچني ماشومان نیولي او یو ځینې نور بیا د نښتو پر مهال ټپیان شوي دي. د بنګله دیش چارواکو بیا د کشمیر ناورین د هند "کورنۍ مسله" بللې ده. (https://indianexpress.com/article/world/bangladesh-backs-india-on-kashmir-issue-calls-it-internal-matter-5923527/)،

 د ترکیې د بهرنیو چارو وزارت د تل په څېر له ملګرو ملتونو څخه په دغه مسله کې د "ډېر فعال رول" لوبولو غوښتنه کړې. دوی د خپل بادار (متحده ایالات) خبرې بیا تایید کړې، چې «لانجه باید د قانوني خبرو اترو له لارې حل شي» او دواړو لوریو ته یې سپارښتنه کړې، چې "یو اړخیز ګامونه" وانه خلي او د تاوتریخوالي مخ ونیسي. د کشمیر تر ټولو پیاوړي ګاونډي هېواد (پاکستان) د کشمیر په تړاو د ترکیې له دغه دریځ څخه مننه وکړه او پرېکړه یې کړې چې د کشمیر مسله به د عدالت نړیوالې محکمې ته له دې امله وړاندې کړي، چې هند بشري قوانین مات کړي، نه دا چې هند پر کشمیر یرغل کړی. په داسې حال کې چې دا نظریې یوازې مشورتي بڼه لري او اړوند اړخونه ورته هېڅ پابند نه دي.) اژانسونه )

تبصره:

په کشمیر کې اوسمهال د ۱۲.۵ میلیونه ملکي وګړو پر وړاندې په درنو وسلو سمبال ۶۲۵ زره هندي ځواکونه شته دي. وضاحت (روښانتیا): په جمو-کشمیر کې د ښکېلاکګر انګلستان د نقشې له مخې د هر وسله وال هندي سرتېري پر وړاندې ۲۰ مظلوم ملکیان شتون لري. په منځنۍ کچه د دغه نفوس ۷۰ سلنه وګړي مسلمانان دي، چې د هر کافر فوځي پر سر۱۴ بې وسلې مظلوم مسلمانان رسیږي. که نوره یې هم ساده کړو، د دغه مسلمان نفوس یوه برخه نارینه او دوه برخې ښځې او ماشومان جوړوي، چې د هرو څلورو نارینه مسلمانانو پر وړاندې یو هندي فوځي شتون لري. له دې څخه برېښي، چې د هند لومړی وزیر مودي خپلې موخې هندو کشمیر (د مسلمانانو څخه پاک) ته ډېر نژدې شوی دی.

نو پوه شئ او له دا ډول حالاتو څخه ووېرېږئ! له شک پرته، چې الله سبحانه وتعالی لوی ذات دی. په یقیني توګه چې د کایناتو رب دغه بشري محاسبه سرچپه کولی شي. موږ په ټوله اسلامي نړۍ په ځانګړي توګه فلسطین، عراق، افغانستان او ناهیلې سوریه کې د دغو پېښو شاهدان یو. الله سبحانه و تعالی بیا هم له هر مسلمان څخه د اقدام غوښتنه کړې... د کشمیر د مسلې یادونه څه ده؟

کشمیر د اسلامي نړۍ د بې پروایۍ تصویر دی. دا تصویر په ډاګه کوي، چې کفري ملتونه څه ډول د اسلامي امت غوښې خوري! کشمیر دا ثابتوي، چې اسلامي امت څه ډول د کفارو د خوړو په پلیټونو کې د ټوټې شوې ډوډۍ په څېر استعمالیږي. د مسلمانانو خاوره د کفري ملتونو د خوړو په خونه بدله شوې ده. په داسې حال کې چې زموږ مشران ښکېلاکګرو ته د ضمانت کوونکو دنده پر مخ بیایي، ترڅو ښکېلاکګر هېوادونه د خوړو له خونې څخه په ډاډه توګه ګټه واخلي. دوی یوازې پر خپلو ناوړه کړنو، خالي خبرو او تشو غندنو ویاړي او یو بل ته پرې مبارکي وایي. د دې پر ځای چې د اېمان په ګاڼه سمبال لښکرې د کفري سرتېرو او نیمه ملېشو پر وړاندې و خوځوي، دوی له ملګرو ملتونو، د عدالت نړیوالې محکمې، متحده ایالاتو او د دوی له ریس (د مسلمانانو اصلي دښمن)  څخه د مرستې غوښتنه کوي. ټوله نړۍ په دې پوهېږي، چې دغه ادارې د ښکېلاکګرو دولتونو په چوپړ کې دي. زموږ چارواکي پناه ور وړي او دایې ښکاره ثبوت دی، چې دوی په څومره زړه ورتیا سره د مسلمانانو د ارادې او ذهنیت سپکاوی کوي.  

کشمیر د مسلمانو چارواکو د چوپتیا او نه مخالفت بېلګه ده؛ چې کشمیر ښايي د کفري سیستمونو او ظلمونو پر وړاندې د نه مخالفت له امله لوړه بیه پرې کړي. کافرې هندو لښکرې په کشمیر کې زموږ د کورونو مخې ته ولاړې دي او په یوه ګوزار سره ټول خلک له منځه وړلی شي. د شپي په نیمایي کې پر کورونو بریدونه کوي او پلرونه، مېړونه او حتی کوچني ماشومان له ځان سره وړي او په دې توګه یې چټل لاسونه زموږ میندو او خویندو ته رسېږي. د کشمیر اشغال یو ډارونکی خوب دی، چې موږ باید له دغه خوب څخه راویښ کړي! د دغې بدمرغۍ د له منځه وړلو لپاره باید له دغه کوما حالت څخه را بهر شو. د ښکېلاکګرو لاسپوڅي له واک څخه ګوښه او پر ځای یې داسې وړ او صالح مشران واکمن کړو، چې له الله سبحانه وتعالی پرته د بل چا بنده ګي نه کوي! دا یوه حیاتي مسله او د الله سبحانه وتعالی امر دی، چې پر ځای کول یې زموږ دنده ده.

کشمیر اسلامي نړۍ ته یو دردوونکی غږ دی. معتصم بالله چېرې یې؟! خلیفه چېرې یې؟!  غربي سېستمونه او د دوی لاسپوڅي چارواکي له منځه یوسئ! دوی زموږ خاوره د ملت پالنې او توکم پالنې په مصنوعي پولو وېشلې ده. پر ځای یې دویم راشده خلافت تاسیس کړئ، ترڅو د الله سبحانه وتعالی نظام پلی کړي، مسلمان سرتېرې په یوه واحد او نه ماتېدونکي لښکر بدل کړي او ټوله اسلامي نړۍ په ځانګړي توګه کشمیر خوندي کړي! له شک پرته چېرې چې اسلام رسېدلی، هلته ظلم او کفر پای ته رسېدلی دی.

د حزب التحریر مرکزي مطبوعاتي دفتر

زهرا ملک

کله چې د عربي اماراتو چارواکو قصاب مودي ته جایزه ورکړه، نو مسلمانان د دوی پر دغه کړنه سخت غوسه شول. د پاکستان د بهرنیو چارو وزیر د ۲۰۱۹م کال د اګېسټ پر ۲۵مه وویل: «نړیوالې اړيکې تر دیني ارزښتونو مهمې دي.» تاسو یې پرېږدئ، چې شاه محمود قریشي د رسول الله صلی الله علیه وسلم پر دغه حدیث غور وکړي:

«وَمَنْ كَانَ يُؤْمِنُ بِاللهِ وَاليَومِ الآخِرِ ، فَلْيَقُلْ خَيْراً أَوْ لِيَصْمُتْ»

(البخاري او مسلم)

ژباړه: هغه څوک چې پر الله سبحانه و تعالی او د اخرت په ورځ ایمان لري، نو باید ښې خبرې وکړي او یا هم چوپ پاتې شي.

د مسلمانانو چارواکي په حقیقت کې له امت سره ډېر توپیر لري. امت د اشغال شوي کشمير، فلسطين، برما (میانمار) او چين له مظلومو مسلمانانو سره په خواخوږۍ کې ستړی او ستومانه دی. له شک پرته چې د امت نړۍليد په ستر دين کې نغښتی، هغه دین چې چارواکو له امت څخه د بېلولو لپاره ډېرې هڅې وکړې؛ خو دوی بیا هم ټینګې منګولې پرې خښې کړې دي. مسلمان چارواکي تل د خپلو خلکو د ځپلو هڅه کوي، څو د مسلمانانو له دښمنانو څخه خپلې اقتصادي ګټې خوندي کړي؛ هغه که امریکا ده یا هند، یا یهودي اشغالګر دولت او یا هم چین دی. په داسې حال کې چې دغه ډارن چارواکي یوازې شخصي شتمنۍ خوندي کوي؛ هم یې د اسلام له دښمنانو څخه اخلي او هم یې د امت پر پراخو سرچینو ولکه ټینګه کړې. په دې توګه غواړي، چې امت تر ظالم کپیټلېسټ اقتصادي نظام لاندې له منځه یوسي.

اې د پاکستان مسلمانانو! پر رښتیني دین (اسلام) د منګولو ټینګول د الله سبحانه وتعالی د رضایت لامل کېږي او په دې سره موږ ته له هغو چارواکو څخه د خلاصون توفیق راکوي، چې پر موږ د واکمنۍ وړتیا نه لري. موږ له پاکستاني چارواکو څخه غواړو، چې اشغال شوی کشمیر د خپلو وسله والو زمریانو په لېږلو سره بېرته ازاد کړي؛ خو زموږ د غوښتنې له ځواب څخه ښکاري چې دوی په پوره توګه بې واکه دي او لاسونه او پښې یې تړل شوي دي. دا چارواکي پرله پسې دفاعي ویناوې خپروي او هره وینا یې د کمزوري او بې وسه دریځ ښکارندویي کوي. دا زموږ دنده ده، چې د هر هغه څه د پلي کولو لپاره راپورته شو، چې الله سبحانه وتعالی نازل کړي دي. هغه مهال به مو بیا چارواکي له موږ څخه وي، پر موږ به زړه سوی کوي، ورباندې ګران به وو او داسې به مو رهبري کوي، لکه څنګه یې چې وړ یو. په دې توګه به دوی زموږ دعا لاسته راوړي.

د نبوت پر تګلاره د هغه خلافت د بیا تاسیس لپاره هڅه وکړئ، چې د امت ډال بلل کېږي او خپل وسلوال ځواکونه د تېر په څېر د مسلمانانو د دفاع لپاره ولېږي. د خلافت د تاسیس لپاره راپورته شئ، ترڅو زموږ نسل د رسول الله صلي الله علیه وسلم د دغه زیري شاهد شي؛ یعنې د هند غزوه، د روم فتحه او د یهودي دولت له منځه وړل. د خلافت په بیا تاسیس سره به زموږ مخلص بچیان د دښمن له لیکو څخه راوګرځول شي او د فتحې او شهادت په موخه به رهبري شي. مسلم له ابو هریره «رض» څخه روایت کوي، چې پیغمبر صل الله علیه وسلم فرمایي:

«إِنَّمَا الْإِمَامُ جُنَّةٌ، يُقَاتَلُ مِنْ وَرَائِهِ، وَيُتَّقَى بِهِ»

ژباړه: امام (خلیفه) هغه ډال دی، چې تر شا یې جګړه کوئ او پرې ساتل کېږئ.

حزب التحریر-ولایه پاکستان مطبوعاتي دفتر