(ژباړه)

یوه ویډیو چې د څو ورځو په اوږدو کې په ټلویزیوني شبکو او ټولنیزو سایتونو کې په په وار وار خپرېده، چې د انبار ولایت په فلوجه ښار او نورو ښارونو لکه، صلاح الدین، نینوا او اربیل ولایتونو کې د امریکایي ځواکونو شتون ښوده. په بغداد کې د امریکا سفارت په عراق کې یوازې د ۵۲۰۰ امریکایي ځواکونو شتون تایید کړ. دغه شمېر  له هغه رد شوي مطلب سره په ټکر کې دی چې د ځینو رسمي چارواکو له لوري د یوې «اوازې» په توګه ګڼل کېده. د بغداد د نظامي عملیاتو لپاره د امریکایي ځواکونو ویاند داسې څرګنده کړه: «د بغداد د نظامي عملیاتو قومندان سترجنرال جلیل الربیعي دغه ټولې ناسمې ویډیويي اوازې په ځانګړي ډول د عراق په ښارونو کې د تازه دمو امریکایي ځواکونو د ځای پر ځای کېدو په اړه ردوي.» همدارنګه نوموړي زیاته کړه: «دغه خبرونه حقیقت نه لري. هغه کسان چې دا ډول تبلیغات کوي، لازمه ده حقیقي بڼه او رسمي ثبوت ولري او بې ځایه اوازې ونه کړي.» خو له بل لوري، د انبار ولایت د ولایتي شورا غړي عید عماش الکربولي د یکشنبې پر ورځ ومنله، چې په عراق کې د امریکایي ځواکونو شتون د امنیتي هوکړې پر بنسټ دی، چې د عراقي سرتیرو د روزنې او لوژستیکي خدمتونو لپاره ځای پر ځای شوي دي.

ځینو نورو راپورنو هم دا وښوده چې په عراق کې د امریکایي ځواکونو او د دوی د فعالیتونو د ډېرېدو دلیل د ایران له نفوذ سره د مبارزې، د ۶۷ مشهورو ملېشو او ترې د وسلو اخیستل او د ایران د نظامي رهبرانو نیول دي؛ چې د دا ډول تصمیمونو پر وړاندې یې د دغو ملېشو د رهبرانو غوسه او وېره ډېره کړې ده. سني مذهبو ځواکونو بیا د دغه هوډ هرکلی وکړ او دغه خوځښت یې د ایران د ملیشو، عسکرو او د ایران د عامه پیسو له شر څخه د هېواد د ازادېدو یوه لاره وبلله. دغه امر د دې لامل شو چې د عراق پخوانی لومړی وزیر حیدر عبادي له نن روسیې ټلویزیوني شبکې سره په یوه خپرونه کې په عراق کې د امریکایي ځواکونو د شتون پر وړاندې له مختلفو اړخونو سره د ګواښونو په مسله کې خوښي څرګنده کړي. نوموړي وویل: «هغوی په ښکاره غندنه او په پټه روغه جوړه کوي.»

له همدې امله موږ باید د امریکایي ځواکونو د دغه شتون په اړه لاندې ټکي بیان کړو:

۱. د امریکایي ځواکونو شتون او د هغوی ویجاړۍ نه یوازې په عراق، بلکې په ټوله سیمه کې د مسلمانانو په نفوذي سیمو کې پیل شوي، دغه جګړې ځکه دي چې د امت ظرفیتونه تر کنټرول لاندې راولي، د هغوی پراخې نفتي سرچینې خپلې کړي او د امریکا له ګټو دفاع وکړي. کله چې د نړیوال مشروعیت ساتنې او له قوي څخه د کمزوري د ساتنې خبره کېږي، پوه شئ چې درواغ وایي. امریکا د ټولو لودیځو (غربي) دولتونو په څېر د ماکیاولي تګلاره خپله کړې او په ډېره ساده ګۍ خپل ځان مهربانه، اخلاقي او غوره ښيي، خو په رښتیا یوازې د خپلو ګټو په اړه اندېښنه کوي او دې ته چمتو ده چې انسانیت تر پښو لاندې کړي، عام وژنه  وکړي او د ظلم توره له چړتون څخه وباسي.

۲. امریکا په عراق کې له شتون وروسته په سیمه کې خپلې ستراتیژۍ ته د لاسرسي لپاره ځانګړې هڅې وکړې. تر ټولو مهمه یې د سایسکس پیکوټ ((Sykes-Picot پروژې بیاځلي جوړښت و، چې هغه نقشه یې لغوه او خپل سرحدونه یې بیا پکې رسم کړل. د دې تر څنګ په مختلفو اړخونو کې له کمزورو دولتونو څخه تر لا کمزورو دولتونو پورې پړاو سره د جګړې په حال کې وه؛ ترڅو دولتونه پخپله یو بل کمزوري کړي او امریکا وتوانېږي چې خپلې ګټې وساتي. د امریکا د مبارزې تګلارې له یو وخته بل وخت ته توپیر کوي او شونې ده چې د نه وړاندوینې وړ پېښو پر بنست د ځمکې پر مخ له ماتې سره مخ شي. خو امریکا به خپلې اصلي موخې ته د رسېدو لپاره هېڅ وخت منحرفه نه شي. عراق ته د امریکایي چارواکو ناڅاپي سفر د دغې چارې ښکارندویي کوي، چې بریالي دولتونه د خپلو برنامو په ترسره کولو کې په خپله وړتیا کې له ماتې سره مخ شوي دي. هغوی د عراق په چارو کې د لاسوهنې لپاره ډېر توجیهات وکړل. د بلګې په توګه: فساد، ماتې، لوږه (فقر)، کمزوري، د ساتیري محفلونه، د عامه پیسو لوټل، د وسلو پراخوالی، ملېشې او کمزوری امنیت.

۳. د امریکا او ایران ښکاره له دښمنۍ ډکې اړیکې هېڅ وخت د هغوی پټې رښتینې اړیکې نه ښيي، چې د حیاتي ګټو پر بنسټ دغه دواړه هېوادونه سره متحد کوي. عمومي سیاستوال پر دې باور دي چې ایران د امریکا دښمن دی او داسې فکر کوي چې امریکا د شبه نظامیانو د ملاتړ په پلمه پر ایران برید کوي او دغه هېواد کمزوری کوي؛ خو ډېری سیاسي حقیقتونه د دواړو هېوادونو تر منځ ټینګې اړیکې په ډاګه کوي؛ لکه څرنګه چې د خمیني د انقلاب له وخته د دواړو هېوادونو تاریخي اړیکو ښودلې ده. د ایران او امریکا تر منځ شخړې به هېڅ وخت د بیانیو له کچې تیری ونه کړي. دا بشپړه تېروتنه ده چې ووایو ایران په سیمه کې  نه کنټرولونکی رول لوبوي. ایران په سیمه کې د امریکا په خوښه حرکت کوي او په ښه ډول د دغې لړۍ په حقیقت پوهېږي، حتا که د حقیقت پتولو لپاره دغه لفظي شخړې لوړې کچې ته هم ورسېږي. نو ځکه امریکا د ایران رژیم ته په سیمه کې د خپلو ګټو خوندي کولو لپاره د یو خدمت کوونکي په سترګه ګوري. پوه شئ چې په امریکا کې هوډ نیوونکي پر دې باور دي چې د رژیم تر بدلون د هغه ساتل مهم دي.

په پای کې موږ په عراق کې پر خپلو خلکو غږ کوو: هېڅ وخت د ښکېلاګرو، غلامانو او د هغوی د پیروانو پر خوږو خبرو  ونه غولېږئ، ځکه هغوی داسې کسان دي چې د الله سبحانه وتعالی خوښي او قول یې هېر کړی دی. الله سبحانه وتعالی فرمایي:

﴿يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ﴾

[مائده: ۵۱]

ژباړه: اې هغو کسانو چې ایمان مو راوړی! د یهودو او نصاراوو ملګري مه کوئ، ځکه د هغوی ځینې له ځینو نورو سره ملګري دي، که له تاسو څخه یو کس د هغوی ملګری شي، نو د دوی په ډله کې شمېرل کېږي. په رښتیا چې الله سبحانه وتعالی ظالمو خلکو ته لارښونه نه کوي.

په ژوند کې د کفارو د تګلارې او د هغوی د فکرې قبلول، د هغوی تر شا په کورکورانه ډول تلل، پر هغوی باور کول، د ملګري، ملاتړي او متحد په توګه د هغوی ټاکل او له هغوی سره هوکړې او تړونونه کول هغه عوامل دي چې د عراق پت، شرافت او حیثیت یې له منځه وړی او د فساد په لومړۍ درجه هېوادونو کې راغی او د دوی پس پاتې کېدل، ناامني، چټلي ټول د ناوړه خدمتونو له امله دي. شرعي دنده دا ده چې د کفارو ټول پلانونه منحل او وغندو. د دې تر څنګ د دوی د ټولو پلانونو د له منځه وړلو لپاره له شریعت څخه کار واخلو  او په پایله کې امریکا او د امریکا ټول ملاتړي او پیروان د کلکې هڅې او د نبوت پر تګلاره د راشده خلافت بیا تاسیسولو پر مټ وباسو. اسلامي خلافت به د کفارو  او د دوی د مزدورانو ټولې هیلې له منځه یوسي او عدالت به نه یوازې د مسلمانانو، بلکې د ټولو نړیوالو لپاره ډالۍ کړي او ان شاالله چې د الله سبحانه وتعالی دغه امر نېږدې دي. الله سبحانه وتعالی فرمایي:

﴿الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ﴾

[حج: ۴۱]

ژباړه: له هغو مومنانو سره چې الله سبحانه وتعالی د مرستې او بریا  ژمنه کړې، هغه کسان دي چې الله سبحانه وتعالی قدرت ورکړي، نو لومنځ به وکړي، زکات به ورکړي، په معروف به امر وکړي او له منکر څخه به ډډه وکړي او د ټولو چارو پای له الله سبحانه وتعالی سره دی(هغو ته به ورسېږي او په اړه به یې پریکړه وکړي)، لکه څنګه چې د هر کار پیل له الله سبحانه وتعالی سره دی.

حزب التحریر ـ ولایه عراق مطبوعاتي دفتر

(ژباړه)

د سوریې د انقلاب هر پړاو چې تېریږي، اړینه ده ورته ژوره کتنه وکړو او حالت په سم ډول وڅېړو. ځینې پېښې جې رامنځته کېږي، باید په روښانه ډول ورته کتنه وشي او پر مهمو ټکو یې تمرکز وکړو، ترڅو ګټوره حل لاره ورته وړاندې شي. شاید الله سبحانه وتعالی هغو مخلصینو ته چې د شام په انقلاب کې بنسټیز رول لري، توفیق ورکړي چې سمې لارې ته مخه کړي او د انقلاب د ریښتېنو موخو پر مسیر حرکت وکړي.

د ازادې شوې سیمې په لودیځ شمال کې د سوریې د نظام د ګټو له ګواښ سره تر مخ کېدو وروسته په دغې سیمه کې کورنۍ جګړه روانه ده او ناڅاپه د نورالدین زنکي او احرارلشام ډلې د «هیئت تحریرشام » خوځښت پر وړاندې سقوط شوې او دغه جګړه په دې دلیل وشوه چې د ژغورنې حکومت، د دواړو مخالفو ډلو په مرسته غوښتل د اتارب، ریحان او معره ښارونه هم له جګړې پرته ونیسي او عفرین لور ته یې شاتګ ته اړ کړي وکړي، خو اوس د «هیئت تحریرشام» پر ټوله سیمه واکمني لري. سره له دې چې نورې ترکي هویته او اخوان ته لېواله ډلې لکه فیلق شام، سلفي منشا ډلې چې ځانونه پر القاعده پورې تړي او د حراس الدین ډلې هم شته.

 پر موضوع د ښه پوهېدو لپاره غوره ده چې دوو تېرو پړاونو ته ور وګرځو، چې د تحریر شام حرکت ریښه جبهة النصره ډله وه، له داعش بېله شوه او ځان یې پر القاعده پورې وتاړه. وروسته یې هغه جامې چې په درلودو سره یې پر نورو ډلو ویاړ کاوه، له  ځانه واېستلې او د نړیوالې ټولنې د خوښۍ لپاره یې القاعده پرېښوده، ترڅو دغه ډله هم د کفارو له لوري د ترهګرو ډلو په لېست کې شامله نه شي. تر دې وروسته یادې ډلې د ذلیل کېدو پر لور قدم کېښود او د هیئت تحریر شام ډله یې تشکیل کړه. دا هغه ډله وه چې له ترکانو سره یې اړیکه ونیوله او هوډ یې ونیو چې ازادې شوې سیمې ته دننه شي. وروسته تر دې چې یادې ډلې له روسانو او ایرانیانو سره هوکړه وکړه، څو خپل ځواکونه لودیځ شمال ته دننه کړي او ژمنه یې وکړه چې مجاهدین به د سوریې د نظام پر وړاندې هېڅ ډول نظامي اقدام ونه کړي. دا هم د «استانې» د هوکړه لیک داسې عملي کېدو لپاره، چې غوښتل یې د یادې سیمې شخړې کمې شي.

تر هغې وروسته د «هیئت تحریر الشام» او زنګي ډلو تر منځ د «سوتچي» تر هوکړې وروسته جګړه وشوه. دا هغه هوکړه وه چې د پوتین او اردوغان تر منځ لاسلیک شوې وه او په چوپتیا سره د انقلاب پای ته رسېدو او له جګړې پرته د سوریې نظام ته د سیمو د سپارلو د اړتیا پر بنسټ یې د امریکا اراده تر شاوه. د سوریې د انقلاب پای ته رسېدل د درېیو وژونکو اقدامونو له لارې چې هر یو په یوازې ډول انقلاب له منځه وړي، په ځانګړي ډول چې بیا درې واړه سره یوځای شي.

د «سوتچي» د هوکړې مهم بندونه د سوریې د نظام او انقلاب تر منځ د بې وسلو سیمو بیرته نیول، له مجاهدینو څخه د ثقیله وسلو تر لاسه کول او د سوریې نظام لپاره د حلب، دمشق او لاذقیه لارو پرانیستل وو؛ هغه لارې چې د سوریې نظام ته د یرغل لپاره سیمې اسانوي او په دغه وخت کې بله جګړه رامنځته کېږي. د تحریرشام حرکت پر ټوله سیمه واکمني لري او ترکیه پر دغې واکمنۍ بشپړه خوښه ده.

پوښتنه دا ده چې ایا «تحریر شام» ډلې له ترکیې سره ژمنه کړې، په هغه صورت کې چې واک ته ورسېږي، د «سوتچي» ناوړه هوکړه عملي کوي، په ځانګړي ډول بیا هغه مهال چې نورې ډلې هم کمزوری رول لري؟! که دغې ډلې داسې ژمنه کړې وي، وړاندې تر دې چې انقلاب پای ته ورسېږي، لومړی خپل ځان له منځه وړي. ځکه دغه ډله په دا ډول هوډ سره له خلکو سره مخ کېږې، هغو خلکو سره چې په ټول وس سره د دغې ډلې پر وړاندې ولاړ دي او دغه خلک اجازه نه ورکوي چې خپل ځانونه، انقلاب او قربانۍ په اسانۍ د سوریې نظام ته وسپاري. نو پر دې ټولو سربېره، تحریر شام ډله به پر خپله ژمنه ولاړه وي یا دا چې ترکیه او امریکا به دغه ډله ورو ورو واک ته ورسوي؟

سره له دې چې امریکا او ترکیه یاده ډله په سم ډول پېژني او پر دې پوهېږ چې که دغه ډله واک ته ورسېږي، له خلکو سره ناوړه چلند کوي او د دغې ډلې د مالیو په واسطه د خلکو ځورول ګواښوونکې نښه ده، چې د خلکو د ناوړه ژوند ښکارندویې کوي او واک ته د دغې ډلې په رسېدو سره به خلک وځورېږي. له همدې امله کله چې تحریر شام ډله لېرې شي، ترکیه به خپل نور مزدوران د عفرین په سیمه کې ځای پر ځای کړي او پر مټ به یې د تحریر شام واکمني په سیمه کې له منځه یوسي. نو په دغه ډول به حالت د ملګرو ملتونو لاسته ورشي او ورپسې به د ترکي ځواکونو په وتلو سره د سوریې نظام پر خلکو واکمني پیدا کړي او د سوریې انقلاب به پای ته ورسېږي.

(ژباړه)

له حضرت ابو هریره رضي الله عنه نه روایت دی چې رسول الله صلي الله علیه وسلم فرمایلي:

«الرَّجُلُ عَلَى دِينِ خَلِيلِهِ، فَلْيَنْظُرْ أَحَدُكمْ مَنْ يُخَالِلُ»

(رواه ترمذی باسناد صحيح، وقال حديثٌ حسنٌ)

ژباړه: هر څوک یې د ملګري په دین دی؛ نو باید دقت وکړئ! چې له چاسره ملګري کوی او چاسره اوسی!

د حدیث شرح

پر هر انسان باندې یې د ملګري مجلس او خبرې ډېر اغیز لري؛ امام غزالي رحمه الله فرمایي: له حریصو خلکو سره ملګرتیا د انسان په  وجود کې حرص زیاتوي او له زاهدو او تقوا لرونکو کسانو سره ملګرتیا په سړي کې زهد او تقوا پیدا کوي؛ ځکه چې د انسان طبعیت په  غیرنارادي توګه د بل انسان له طبعیته پیروي کوي.  یا په بل عبارت، د بل انسان تګلارې او طبعیت غلا کوي. امام قرافي رحمه الله علیه فرمایي: «هر څوک د ملګرتیا او همرازۍ  وړ نه دی». همدا راز علقمه رحمه الله فرمایلي: « یوازې له هغو کسانو سره ملګرتیا وکړئ چې د تقوا او پرهېزګارۍ سبب مو شي؛ که ستونزې سره مخ شوې، مرسته درسره وکړي او چې خبره وکړې، خبره دې لا پیاوړې کړي؛ چې نېکي درنه وویني، په قدر یې پوه شي، که کمبودي درکې وویني، جبران یې کړي، که څه ترې وغواړي، در یې کړي او که همدردۍ ته اړتیا لرې، همدردي درسره وکړي. داسې کس چې ضرر یې درته ونه رسېږي او په خلاف لار دې ورسره بو نه ځي.

په اوس وخت کې چې ځینې خلک خپل او د خپلو بچو حال ته ګوري، خواشیني کېږي او دا پوښتنه ورسره پیدا کېږي چې پر ده او بچيو یې دغه حالت له کوم ځای راغی. د خپلې اصلاح په اړه ډېر فکر کوي خو د بد صفته ملګرو له ملګرتیا نه غافل دی. همدا راز د انسان په وجود کې نا سمو عاداتو د پیدا کېدو یو بل لامل، د هغو غږیزو او تصویري رسنیو څارل او کتل دي چې چلوونکي یې د مسلمانانو د ذهنیت تغیرولو په هڅه کې دي او غواړي دوی ته شک پیدا کړي. هر مسلمان باید دې ته متوجه شي چې ده او اولادو ته یې له کومه اړخه بد حالت پیدا کېږي؛ نو ځان او اولادو ته دې یې ښه ملګري وټاکي چې په تقوا او پرهېزګارۍ کې مرسته ورسره وکړي.

والسـلام علی من تبع الهدی