پریس ریلیز

نوید بٹ کی فوری رہائی کا مطالبہ پیش کرنے کے لیے ویانا میں پاکستان کے سفارت خانے کا دورہ

                  ولایہ پاکستان میں حزب التحریر کے ترجمان نوید بٹ، جنہیں پاکستان کی انٹیلی جنس ایجنسی نے 11 مئی 2012 کواغوا کیا تھا، جس کے بعد سے وہ لاپتہ ہیں اور نہیں معلوم کہ وہ کہاں ہیں، کے اغوا سے متعلق شروع کی گئی عالمی مہم کے تحت جرمن زبان بولنے والے ممالک سے تعلق رکھنے والے حزب التحریر کے ایک وفد نے ویانا میں پاکستان کے سفارت خانے کا دورہ کیا اور حزب التحریر کے مرکزی میڈیا آفس کی جانب سے جاری کی گئی پریس اسٹیٹ منٹ حوالے کی۔ اس وفد کی قیادت جرمن زبان بولنے والے ممالک میں حزب التحریر کے میڈیا نمائندے، انجینئر شاکر عاصم کررہے تھے۔ سفارت خانے کے ایک اسٹاف ممبر نے پریس سٹیٹمنٹ وصول کی اور وعدہ کیا کہ وہ اسے حکومت پاکستان کے حوالے کردیں گے اور یقین دلایا کہ سفارت خانہ اس مسئلے کے حوالے سے وفد سے رابطہ کرے گا۔

      ہم اللہ سبحانہ و تعالیٰ سے دعا کرتے ہیں کہ وہ اس مہم کو کامیاب بنا کر ہمارے بھائی، اسلامی دعوت  کے مشہور علم بردار نوید بٹ کوفوری رہائی نصیب فرمائے۔ 

جرمن زبان بولنے والے ممالک میں حزب التحریر کا میڈیا آفس