• روس بھارت کو ایس-400 میزائل فروخت کر کے پاکستان کے دفاع کو کمزور کر رہا ہے
• جبکہ پاکستان کے بے و قوف حکمران روس کے ساتھ اتحاد کی باتیں کررہے ہیں

پاکستان کے مسلمانوں نے روس کی اسلام اور مسلمانوں سے دشمنی کےمظاہرے کامشاہدہ کیا جب روس نے جدید ترین اینٹی ائر کرافٹ اور اینٹی میزائل سسٹم ایس-400 ہندو ریاست کو فروخت کرنے کے معاہدےکا اعلان کیا۔ میڈیا کی رپورٹس کے مطابق بھارت اور روس نے5 ارب ڈالر کی قیمت پر جدید ترین فضائی دفاع کے نظام کی فروخت کے معاہدے پر دستخط کیے ہیں۔ یہ فضائی دفاع کا نظام باقاعدہ حکومتی درخواست مل جانے کے بعد دو سال میں بھارت کے حوالے کردیا جائے گا۔ اس کے علاوہ انیسویں سالانہ روس-بھارت ملاقات کے دوران پوٹن اور مودی جو کہ دونوں ہی اسلام اور مسلمانوں کے بدترین دشمن ہیں، نے اس بات کا اعادہ کیا کہ وہ علاقائی اور سیکیورٹی کے امور پر تعاون کریں گے اور انہوں نے اپنے مشترکہ بیان میں نام نہاد سرحد پار دہشت گردی کا حوالہ دیتے ہوئے پاکستان کو اس کا مرکز قرار دیا۔

روس کا بھارت کو مسلح کرنا اُس امریکی مدد کے علاوہ ہے جس کے تحت امریکا بھارت کو اسٹریٹجک حمایت فراہم کرکے خطے میں مسلمانوں اور چین کے خلاف اپنے پولیس مین کے طور پر استعمال کرنا چاہتا ہے۔ یہی وجہ ہے کہ امریکا نے بھارت کو روسی ہتھیاروں کی فروخت کی خاطرخواہ مخالفت نہیں کی کیونکہ وہ روس کوبھی چین کے خلاف استعمال کرنا چاہتا ہے۔ امریکا اور روس دونوں ہی خطے میں بھارت کو مضبوط کررہے ہیں اور ان دونوں نے پاکستان کے سیکیورٹی خدشات کو نظر انداز کردیا ہے۔ روس کا بھارت کو جدید ترین فضائی دفاع کے نظام کو فروخت کرنا پاکستان کی سیاسی و فوجی قیادت کے منہ پر تھپڑ ہے جنہوں نے روس اور چین کوخوش کرنے کے لیے تاریخ میں پہلی بار شنگھائی تعاون تنظیم (ایس سی او) کے تحت بھارت کے ساتھ فوجی مشقوں میں بھر پور حصہ لیا۔ یقیناً چین، روس اور امریکا اسلام دشمنی میں مسلمانوں کے خلاف یکجا ہوجاتے ہیں اور وہ دنیا میں کہیں بھی مسلمانوں پر حملہ کرنے اور انہیں کمزور کرنے کاموقع ہاتھ سے جانے نہیں دیتے۔ پاکستان کی سیاسی و فوجی قیادت نے شام میں شامی مسلمانوں کےقتل عام میں روس کے انتہائی وحشیانہ کردار کو نظر انداز کرتے ہوئے اس سے تعلقات کو بڑھایا لیکن اس کے باوجود روس پاکستان کے دشمن بھارت کو مضبوط کر رہا ہے۔

وَدُّوۡا لَوۡ تَكۡفُرُوۡنَ كَمَا كَفَرُوۡا فَتَكُوۡنُوۡنَ سَوَآءً‌ فَلَا تَتَّخِذُوۡا مِنۡهُمۡ اَوۡلِيَآءَ حَتّٰى يُهَاجِرُوۡا فِىۡ سَبِيۡلِ اللّٰهِ‌ؕ
”وہ تو یہی چاہتے ہیں کہ جس طرح وہ خود کافر ہیں (اسی طرح) تم بھی کافر ہو کر (سب) برابر ہوجاؤ تو جب تک وہ اللہ کی راہ میں وطن نہ چھوڑ جائیں ان میں سے کسی کو دوست نہ بنانا اگر (ترک وطن کو) قبول نہ کریں“(النساء:89)۔

حزب التحریر نے پاکستان کے مسلمانوں اور حکمرانوں کو بار بار خبردار کیا ہے کہ اسلام کے دشمنوں ، امریکا، روس، چین اور بھارت، کو دوست نہ بنائیں کیونکہ یہ طاقتیں دنیا بھر میں مسلمانوں کومحکوم بنانے کی کوشش میں برسرِپیکار ہیں۔

اے افواج پاکستان میں موجود مخلص افسران!

وقت آگیا ہے کہ آپ ان حکمرانوں کی غداری کو سمجھیں اور اس غداری کے خاتمے کے لیے ان کے خلاف حرکت میں آئیں ۔ ہم اقتصادی خوشحالی اور تحفظ کبھی ایک تو کبھی دوسری اسلام دشمن طاقت کے زیر سایہ رہ کر حاصل نہیں کرسکتے چاہے وہ امریکاہو یا روس یا چین، کیونکہ ایسا کرنے سے صرف آقا تبدیل ہوتا ہے ۔ ہماری طاقت اللہ سبحانہ و تعالیٰ پر ایمان اور مسلمانوں کی یکجہتی میں مقیدہے اور یہ طاقت صرف اس وقت حاصل ہو سکتی ہے جب دنیا بھر کے مسلمانوں کو ایک ہی خلیفہ راشد کی قیادت میں یکجا کردیا جائے۔ ایک ایسا خلیفہ جسے چیچنیا سے داغستان، مشرقی ترکستان سے شمالی امریکا، پورے مشرق وسطیٰ اور افریقا کے ایک ارب پچاس کروڑ سے زائدمسلمانوں کی حمایت اور وفاداری حاصل ہو گی۔ تو نبوت کے طریقے پر خلافت راشدہ کے قیام کے لیےحرکت میں آئیں جو آپ کو طاقتور اور دنیا کا حکمران بنا دے گی اور آخرت میں آپ کے لیے اللہ سبحانہ و تعالیٰ کی خوشنودی کا باعث ہو گی۔

مَنۡ كَانَ يُرِيۡدُ الۡعِزَّةَ فَلِلّٰهِ الۡعِزَّةُ جَمِيۡعًا ؕ اِلَيۡهِ يَصۡعَدُ الۡـكَلِمُ الطَّيِّبُ وَالۡعَمَلُ الصَّالِحُ يَرۡفَعُهٗ ؕ وَ الَّذِيۡنَ يَمۡكُرُوۡنَ السَّيِّاٰتِ لَهُمۡ عَذَابٌ شَدِيۡدٌ  ؕ وَّمَكۡرُ اُولٰٓٮِٕكَ هُوَ يَبُوۡرُ

”جو شخص عزت چاہتا ہے تو اﷲ ہی کے لئے ساری عزت ہے، پاکیزہ کلمات اسی کی طرف چڑھتے ہیں اور وہی نیک عمل(کے مدارج) کو بلند فرماتا ہے، اور جو لوگ بری چالوں میں لگے رہتے ہیں ان کے لئے سخت عذاب ہے اور ان کا مکر و فریب نیست و نابود ہو جائے گا“ (الفاطر:10)

ولایہ پاکستان میں حزب التحریر کا میڈیا آفس