حزب التحریر محرم کے جلوس پر ہونے والے دھماکے کی شدید مذمت کرتی ہے۔ اب یہ حقیقت کسی سے پوشیدہ نہیں رہی کہ بازاروں، یونیورسٹیوں، مساجد اور جلوسوں پر ہونے والے بم دھماکے امریکہ اور اس کی بدنام زمانہ پرائیوٹ آرمی بلیک واٹر اور ڈائن کورپ کروا رہی ہے۔ یہ وہی پرائیوٹ فوج ہے جس نے اس سے قبل کھلے عام عراق میں قتل عام کیا اور فرقہ وارانہ فسادات کروانے کی کوشش کی۔ اور آج امریکہ پاکستان کے غدار حکمرانوں کے ساتھ مل کر جگہ جگہ بم دھماکے کروا رہا ہے تاکہ ''دہشت گردی کے خلاف‘‘ نام نہاد جنگ کو جاری رکھنے کا جواز فراہم کیا جاسکے اور امت میں اس امریکی جنگ کے لئے رائے عامہ ہموار کی جاسکے جس کاا یندھن قبائلی عوام اور پاک فوج کے جوان ہیں۔ اس حکمت عملی کی طرف خود امریکی وزیر دفاع رابرٹ گیٹس نے ان الفاظ میں اشارہ کیا ہے: ''جتنا زیادہ یہ ﴿پاکستانی﴾ اندرونی طور پر حملوں کا شکار ہوں گے جیسا کہ راولپنڈی ﴿مسجد﴾ حملے میںہوا، اتنا ہی زیادہ وہ ہم سے مدد لینے پر رضا مند ہوں گے‘‘۔ ﴿وائس آف امریکہ﴾ بے شک پاکستان میں ہونے والے بم دھماکے سراسر امریکی مفاد میں ہیں اور اسی کے ذریعے دہشت گردی پر مبنی امریکی جنگ کے حق میں رائے عامہ ہموار کرنے میں مدد ملی ہے۔ کراچی میں ہونے والے دھماکہ کی ذمہ داری صرف اور صرف پاکستانی حکومت پر عائد ہوتی ہے جو بلیک واٹر کے قاتلوں کو پکڑنے کے بجائے فوٹو شوٹ کے بعد چھوڑ دیتی ہے۔ انہیں اسلحے سمیت گھومنے اور بغیر کسی کسٹم چیکنگ کے مشتبہ ڈبے پاکستان لانے کی کھلی اجازت ہے۔ یہی نہیں بلکہ کئی سال تک امریکیوں کو بغیر کسی امیگریشن اور چیکنگ کے پاکستان آنے جانے کی کھلی چھٹی فراہم کی گئی۔ آج بھی تربیلا اور سہالہ میں امریکی فوجی تعینات ہیںاور 56 ایکڑ زمین پر امریکہ ایمبسی کے نام پر اسلام آباد کے اندر فوجی اڈے بنا رہا ہے جبکہ جیکب آباد میں فوجی اڈے کی تعمیر تیزی سے جاری ہے۔ یہ تمام حقائق عوام کی نظر سے پوشیدہ نہیں اسی لئے عوام ان بم دھماکوں کا براہ راست ذمہ دار زرداری اور گیلانی حکومت کو قرار دیتے ہیں۔

 اے مسلمانو!

 آخر تم کب تک اپنی آنکھوں کے سامنے اپنا ملک تباہ ہوتے دیکھتے رہو گے؟ آخر تم کب تک اپنے کندھوں پر اپنی بیوی، بچوں اور بزرگوں کی چھلنی لاشیں اٹھائے ہسپتالوں میںدھکے کھاتے رہو گے؟ کیا تم عزت کی زندگی کے خواہاں نہیں؟ اٹھو اور اس امریکہ کو خطے سے نکالنے کے لئے متحرک ہو جائو۔ اور امریکہ کو خطے سے نکالنے کا واحد طریقہ ان ایجنٹ حکمرانوں کو اکھاڑ کر خلافت قائم کرنے میں ہے۔ ہم فوج سے مطالبہ کرتے ہیںکہ وہ خاموش تماشائی بننے کے بجائے مسلمانوں اور اسلام کو تحفظ دینے کی ذمہ داری اور فرض کو پورا کریں۔ یہ ذمہ داری فوج کی ہے کہ وہ اس کفریہ نظام کو اکھاڑ کر خلافت کے قیام کے لئے حزب التحریر کو نصرت فراہم کریں تاکہ امریکہ سے نجات مل سکے۔