دا دعوت خاص د الله سبحانه وتعالی د رضا لپاره دی!
- خپور شوی په د حزب د امیر نقل قولونه
سه شنبه, ۲۲ صَفر ۱۴۴۶هـ| ۲۰۲۴/۰۸/۲۷م
ساعت: مدینه منوره
ساعت: مدینه منوره
Menu
﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ ﴾
[الفجر:15-16]
ژباړه: خو د انسان حالت داسې دی، چې کله یې رب په ازماېښت کې واچوي او ورته عزت او نعمت ورکړي، نو وایي: زما رب زه(چې د نعمت ارزښت مې درلود) د عزت خاوند کړم او که یې په ازماېښت کې واچوي او رزق یې پرې تنګ کړ، نو وایي: زما رب زه ذلیل کړم.
فَأَمَّا الْإِنسَانُ خو انسان، انسان څرنګه دی؟ إِذَا مَا ابْتَلَاهُ رَبُّهُ کله یې چې پروردګار ابتلا کړي ـ «ابتلاء» د افشا سازۍ، د فرد د باطن د څرګندولو او په فارسي کې له امتحان او ازموینې سره معادله معنا لري ـ الله سبحانه و تعالی، انسان له کومې لارې ابتلا کوي ؟
فَأَكْرَمَهُ وَنَعَّمَهُ. «اکرمه» یعنې خوښوي یې او نعمت ورکوي ـ «اِکرام» یعنې احترام او «تنعیم» یعنې نعمت بښل ـ د بېلګې په توګه: استعداد او زیرکتیا ورکوي، یا واک او مقام تر لاسه کوي، یا ثروت او شتمني پيدا کوي، کله چې کرامت، مقام، احترام، شتمني او هوساینه ومومي؛ نو فَیقُولُ رَبِّی أَكْرَمَنِ. فکر کوي، چې ارزښت او وړتیا یې درلوده، چې نعمتونه یې په برخه شول. په داسې حال کې چې الله سبحانه وتعالی وایي: موږ په دغو نعمتونو او اکرام سره هغه ابتلا کوو یا هغه څه یې چې په زړه او باطن کې دي، ورته پر مخ کوو او افشا کوو یې.
او بر عکس: وَأَمَّا إِذَا مَا ابْتَلَاهُ او کله یې چې بل ډول ابتلا کړي. فَقَدَرَ عَلَیهِ رِزْقَهُ نو رزق یې دومره پرې تنګ کړي، فَیقُولُ رَبِّی أَهَانَنِ هغه وخت بیا وایي: پروردګار مې خوار او ذلیل کړم. اهانن له «هون» څخه اخیستل شوی او «توهین» او «اهانت» هم له دغې ریښې څخه دي. ټولې دغه کلمې د خوارۍ، ذلت او بې پتۍ په معنی دي.
انسان عجیب حالت لري، کله چې الله سبحانه وتعالی ورته نعمت ورکړي، وایي: الله ما سره محبت لري او زه ورته نږدې یم. یا په دې دلیل چې ځانګړی انسان دی یا له ځانګړې قبیلې، نژاد او قوم څخه دی، نو ځکه الله ورته ډېر نعمتونه ورکړي دي. خو که لږ یې د ژوند وضعیت بد شي، وایي: الله ما سره محبت نه لري. په داسې حال کې چې الله سبحانه و تعالی په نعمت او فقر، په لږوالي او زیاتوالي، په استعداد او بې استعدادۍ، په دنده او بې کارۍ، په قدرت او عزلت، په خوښۍ او غم، انسان ابتلا کوي او اصلي څېره یې بربنډوي او له دغو څخه یو هم د ویاړ او حقارت لامل نه دي.
په حقیقت کې د الله سبحانه و تعالی محبت په دنیا کې د بنده له موقف او مقام، له شتمني او مادیاتو سره تړاو نه لري. دغه ټول حالتونه یوازې امتحان او د افشا کولو یوه پروسه ده. الله هر څوک په ځانګړې تګلاره امتحانوي. د بېلګې په توګه: چا ته شتمني یا سیاسي قدرت یا په ټولنه کې موقف ورکوي، چې څرنګه ترې ګټه اخلي: ایا له قدرت او ثروت سره لېونی کېږي او ځان بایلي او د قدرت او موقف د نه لاسته ورکولو لپاره، خپل اېمان او ارزښتونه پر باطل پلوري او د خلکو پر وینو تجارت او سیاست کوي؟ یا برعکس، خپل قدرت او مقام له باطل سره په مبارزه کې او د الله د دین د قایمولو او د خلکو د خدمت لپاره استفاده کوي او د خپل اخرت لپاره ترې ګټه اخلي. په مقابل کې، پر هغه رزق او سرمایه تنګوي، چې ځان بایلي او له حرامو لارو څخه خپل رزق او پانګه غواړي او د یو موټي پیسو یا د یو بې ارزښته مقام د لاسته راوړلو لپاره د اسلام سرې کرښې تر پښو لاندې کوي او خپل ځان، اېمان، ارزښتونه او عزت پر باطل پلوري؟!
که څه هم د دغو ټولو پروسو او مسلو پایلې لا له وړاندې الله سبحانه و تعالی ته جوتې دي؛ خو دغه میکانیزم یې د دې لپاره جوړ کړی، چې زموږ ذات او اصلي حالت موږ او نورو ته افشا کړي، چې موږ به د دغو اعمالو د ترسره کولو په لړۍ سره یا جنت ته ځو او یا به هم د دوزخ په سوځوونکي اور کې سوځو، تر څو په اخرت کې بنده په خپل جنتي او دوزخي حالت، پخپله قضاوت او قناعت وکړي.
په قران کې د «ص» په سورت کې په پر له پسې د دوو پیغمبرانو کېسه راغلې ده: یو د سلیمان علیهالسلام او بل د ایوب علیهالسلام. الله سبحانه و تعالی حضرت سلیمان علیهالسلام ته بې نظیره حکومت او قدرت ورکړی و، ان تر دې چې بادونه او خورا ستر پېریان(جنیات) یې تر امر لاندې وو. خو ایوب علیهالسلام هېڅ قدرت او حکومت نه درلود او هر څه ترې واخیستل شول؛ کور، ژوند، مال، اولادونه او ان روغتیا یې هم له لاسه ورکړه.
په داسې حالت کې که له چا څخه وپوښتې چې له دغو دوو امتحانونو څخه کوم یو خوښوې، څه ځواب به درکړي؟
له شک پرته چې ډېری به لومړی ځواب وټاکي. په داسې حال کې چې لومړۍ یې سخت دی. که چېرې انسان د هوساینې په وخت کې اسلامي مفاهیم ونه لري، نو لار ورکی کېږي او د الله سبحانه وتعالی له شریعت څخه غافلېږي. په همدې دلیل (۱۵م ایت) چې په نعمت او (۱۶ام ایت) چې په فقر امتحان دی، سخت او د ارزښت له اړخه لومړی دی.
همدا اوس په افغانستان کې ډیری داسې کسان پېژنو، چې د جهاد – د سختیو ، ستونزو او خطرونو په دوران کې پر شریعت پابند او معتقد کسان وو. له هر څه به یې له کفر سره مبارزې ته ترجیح ورکوله او دنیوي، سیاسي او ټولنیز موقف او پانګې ورته هېڅ ارزښت نه درلود، د غیر اسلامي نظامونو او مفکورو پر وړاندې یې تر وروستۍ سلګۍ مبارزه کوله؛ خو دا چې امکانات او څو میلیونه ډالره یې پیدا کړل، وضعیت یې څه ډول شو؟ په فکري او مبارزاتي خط کې یې څه ډول بدلونونه راغلل. خپله تېره مبارزه یې هېره کړه، له اخرته ورته دنیا خوږه شوه او د حق ډګر یې د بې ارزښته موقتي مقام، او څو میلیونه کاغذونو لپاره باطل ته پرېښود. نو د نعمت په حالت کې امتحان ډېر سخت دی.
سلیمان علیه السلام به تل ویل: هَذَا مِن فَضْلِ رَبِّی دغه فضیلتونه مې پروردګار را کړي، لِیبْلُوَنِی أَأَشْكُرُ أَمْ أَكْفُرُ تر څو مې امتحان کړي، چې ایا زه یو شکرګزار او که ناشکره بنده یم؟. ویل به یې: یا الله ما ته الهام وکړه، چې د نعمتونو شکر دې ادا کړم، او پوه شم چې څنګه ترې استفاده وکړم. رَبِّ أَوْزِعْنِی أَنْ أَشْكُرَ نِعْمَتَكَ الَّتِی أَنْعَمْتَ عَلَی وَعَلَى وَالِدَی [احقّاف:۴۶] او ښيې چې څومره د حق امر ته تسلیم دی. هغه د الوتونکو او مېږیانو په ژبه پوهېده، او بې نظیره واک یې درلود، حتی باد یې تر امر لاندې وه، خو هېڅکله یې خپله بنده ګي نه هېروله او د الله سبحانه و تعالی له یاده نه غافېلېده.
همداسې ایوب علیه السلام. هغه ټولې سختۍ او مصیبتونه زغمل، خو هېڅ کله به د خپل پرودګار له رحمته نه منکرېده. او صبر به یې کولو. تر هغه چې الله سبحانه و تعالی یې په حق کې وایې: نِعْمَ الْعَبْدُ عجب ښه بنده دی! إِنَّهُ أَوَّابٌ او الله ته رجوع کوي.
په پایله کې، نه فقر او نه عزلت د اهانت نښه ده، نه دارایې، نه سیاسي واک درلودل او نه ټولنیز موقف د کرامت نښه ده؛ بلکې دواړه د امتحان وسیلې دي. نو د نعمتونو په وخت کې باید تکبر او غرور ونه کړو او نه د مصیبتونو په وخت کې ناهیلې او مایوسه شو. که د انسان ژوند پر اسلامي مفاهیمو ولاړ نه وې او داسې روښنایې یې د ژوند په کږلېچونو کې لارښوونه ونه کړي، انسان په دې دواړو حالتونو کې طغیان او فساد کوي. نو د یوه مومن کلک او سم موقف داسې وي، چې د نعمت په حالت کې شکر کوي او له خپلې شتمنۍ څخه د خیر په لاره کې ګټه اخلي او د مصیبت په وخت کې صبر کوي. الحق، چې د شاکرینو او صابرینو ځای د جنت ستر باغونه دي، چې پراخوالی یې له ځمکې او اسمان سره برابر دی.
لیکوال: مصدق سهاک
ژباړن: علي عمار
(ژباړه)
د شرق نصارا او د انطاکیا اسقف (مسیحي رهبر) «بشاره بطرس راعي» سعودي ته په سفر کې د سعودي له ولي عهد او ملک سلمان سره ولیدل. د سعودي له خبري شبکې نه په نقل، د ۲۰۱۷م کال د نومبر پر ۱۴مه «راعي» په خپله لیدنه کې له ملک سلمان سره د اعتدال په ترویج، د افراطیت او ترورېزم د مخنیوي او په سیمه او نړۍ کې دسولې او امنیت په راوستو کې د بېلابېلو ادیانو او ثقافتونو د رول پر اهمیت خبرې وکړې. په دې توګه د انطاکیا د رهبر خبرې د سعودي د ولي عهد له هغه خبرو سره سمون خوري، چې د ۲۰۱۷م کال د سپټمبر پر ۲۴مه یې کړې وې، چې ګویا سعودي غواړي خپل مخکیني حالت (معتدل اسلام ته چې دروازه یې د ټولو ادیانو پر مخ پرانستې ده) وروګرځي. همدارنګه زیاته یې کړه: « دېرش کاله مو له افراطي افکارو سره په تعامل کې نه ضایع کوو او د طبیعي ژوند غوښتونکي یو. موږ غواړو خپل مخکیني حالت ته وروګرځو، چې د ټولو دینونو، رواجونو او خلکو پر مخ پرانیستی اسلام دی.» داسې معلومېږي، چې د سعودي ولي عهد غواړي سعودي د سیکولرېزم خواته بوځي او اسلام ته د دعوت مخه ونیسي او همدارنګه نصراني او نور دینونه له اسلام سره برابر کړي.
له بلې خوا کوېټي اونیزې د ۲۰۱۷م کال د نومبر پر ۱۴مه د انطاکیا رهبر بشاره بطرس راعي لبناني ته د ملک ال سعود له خوا د سرو زرو د یوې ارزښتمنې ډالۍ ورکړې خبر ورکړ. همدارنګه اونیزه زیاتوي: «د راعي لیدنه به پر سیاسي اړیکو سربېره د کلیسا جوړولو په برخه کې د سعودي ادارې لومړی ګام وي، چې قدامت یې ۹۰۰ کلونو ته ورګرځي، چې ویل کېږي د اسلام او مسیحیت د خبرو اترو رمز پېژندل شوې او د اسلام پر وړاندې به قطب شي.
نو پر دغه اساس د سعودي نظام د رسول الله صلی الله علیه وسلم پر وړاندې له هغه څه سره، چې الهي وحی حرام کړي، چې په عربي جزیره کې د کلیسا او یا کفري معبد یا کفر شتون دی، خپله جګړه اعلان کړې ده.
عثمان طه
ژباړن: بشارت
د افغانستان او جنوبي آسيا لپاره د ټرامپ د نوې ستراتيژۍ له اعلان وروسته د تروریستانو په نامه د ملکي وګړو، ښځو او ماشومانو د وژلو لړۍ سخت زور اخیستی. لاسپوڅی افغان حکومت په دې اړه د غږ څه چې د ساه ايستلو له توانه لوېدلی. اکثره رسنۍ هم د ملکي وګړو له تلفاتو سره د ټرامپ د ستراتيژۍ له مخې چلند کوي او د حکومتي ادارو او ويندويانو په خوله، هر وژل شوی کس تروریست بولي. ځینې رسنۍ د دا ډول رپوټونو له خپرولو څخه ډډه کوي، يو شمېر نورې بيا لږ تر لږه که د ملکي وګړو تلفاتو ته پاملرنه کوي، خو د ستونزې د حل لپاره په ناکام ډول تجربه شوې، ناروا او غير عملي لارې چارې وړانديز کوي.
په داسې حال کې چې د ترور او وحشت دغه لړۍ ورځ تر بلې شدت او د جغرافيې له پلوه پراختيا مومي؛ افغان ولس له يوې خوا له وسله والو مخالفينو سره د سولې دروغجنې پروسې ته، له بلې خوا د چين، روسيې او ... په ملاتړ عنعنوي لويې جرګې او همداراز د افغان دولت له خوا پارلماني او ولسمشرۍ ټاکنو ته هيلهمن ساتل کيږي. د يادونې وړ ده چې دا هر څه د مسلمانانو لپاره د يرغلګرو کفارو د غولوونکې ستراتيژۍ بېلابېلې برخې دي، ترڅو د خپلو اوږدمهالو موخو لپاره زموږ له خاورې، وينو او احساساتو کار واخلي.
يرغلګرو په دې وروستيو کې د لړم په ۲۹مه د هلمند په موسی کلا ولسوالۍ کې پر يوه کور په هوايي بريد کې لس ملکي وګړي ووژل. په دې اړه د هلمند د ولايتي شورا پخواني مرستيال ملا مجيد اخوندزاده رسنیو ته د سيمې د يوه اوسېدونکي حبيب الله پر کور د هوايي بريد پخلی وکړ. هغه زياته کړې، چې په پېښه کې کور په بشپړه توګه نړېدلی، د حبيب الله په ګډون د هغه د کورنۍ لس غړي، چې مېرمنې او ماشومان هم پکې شامل دي، په شهادت رسېدلي دي. دې ته ورته د ليندۍ په لومړۍ نېټه رسنيو د وردګو ولايت په نرخ ولسوالۍ کې د پوځي عملياتو له کبله د دولت د شلو مخالفو وسلهوالو د وژلو راپورونه خپاره کړل. حال دا چې په پېښه کې ۱۵ وسلهوال او ۱۲ تنه د یوې دیني مدرسې زده كوونكي وژل شوي وو. همداراز د لیندۍ په ۳مه د کاپیسا ولایت د نجراب ولسوالۍ په دره افغانيه سيمه کې د هوايي بريد له امله پنځه ملكي وګړي، چې درې ماشومان او دوې مېرمنې پکې شاملې وې، ووژل شول. د دغه بهير په ادامه د ليندۍ په ۴مه د ننګرهار ولایت په حصارک ولسوالۍ کې په تازه هوايي بريدونو کې د یوې ښځې او یوه ماشوم په ګډون ۴ ملکي کسان وژل شوي او پنځه نور ژوبل شوي دي. په دې اړه د حصارک اوسېدونکو رسنيو ته ويلي، چې له تېري یوې میاشتې راهیسې په وقفه یي ډول هوايي بمبارۍ کېږي، چې ډېری قربانیان يې ملکي وګړي دي.
دا د روان صليبي ترور او وحشت د تصوير يوه کوچنۍ برخه ده. هغه وژنې او وحشتونه چې معلومات يې له رسنيو سره نه شريک کيږي، په ځلونو له دغو شمېرو څخه ډېر دي.
په اسلامي خاورو کې د استعمارګرو د ګټو د تنظيموونکي سازمان «ملګرو ملتونو» د روان میلادي کال په لومړیو نهو میاشتو کې د هوايي بریدونو له کبله د ملکي تلفاتو اندازه د تېر کال د همدې مودې په پرتله په سلو کې ۵۲ زیاته اعلان کړې ده. د جرمني خبري اژانس وايي، چې د امریکا هوايي ځواکونو د روان میلادي کال د اکټوبر د میاشتې تر پایه پورې په افغانستان کې د وسلهوالو پر اهدافو ۳۵۵۴ بریدونه کړي دي. دغه شمېرې ښيي چې په روان میلادي کال کې د امریکايي ځواکونو له خوا د وسلهوالو پر مرکزونو د بمونو غورځول د ۲۰۱۶ میلادي کال په پرتله درې چنده زیات شوي دي. دې ته ورته د افغانستان د بشري حقونو د کمېسیون ویاند بلال صدیقي آزادۍ راډیو ته وویل چې د روان کال په لومړیو شپږو میاشتو کې ۴۸۸۰ ولسي وګړي په افغانستان کې په جګړو کې وژل شوي، چې له دې جملې ۲۸۰ تنه په هوايي بمباریو کې وژل شوي دي.
که څه هم د صليبي استعمارګرانو او د هغوی د لاسپوڅو په سياسي او جګړه ييز منطق کې د مسلمانانو او درېيمې نړۍ د خلکو پوست درد نه احساسوي او وينه يې رنګ نه لري، مګر بیا هم د هغوی له عقيدوي ځواک او د هغه پر بنسټ د دوی له سياسي نظام (راتلونکي خلافت) څخه ستراتيژيکه وېره لري. نو ځکه له دغه ستر او تر ټولو غوره امت سره په داسې وحشت، ترور او تاوتریخوالي چلند کوي.
موږ يو ځل بيا د کفارو له خوا پر اغوا شوو سياستوالو، رسنيو او عامو وګړو غږ کوو، ترڅو د روان ترور، وحشت او تاوتریخوالي پر وړاندې راپاڅي، د اسلام پر بنسټ خپل غږ پورته کړي، د شرق او غرب له خوا وړانديز شوو مرستو او حللارو ته پرېکنده نه ووايي او د خپلې اسلامي عقيدې او فکر پر مټ د امت ويښتابه ته ملا وتړي؛ ترڅو ژر ته ژره د ټولو هغو مفکورو اصل خلکو ته بربنډ کړو چې له کفري ايډيالوژيو څخه سرچينه اخلي او د هغو پر بنسټ د رامنځته شوو نظامونو د راپرځولو هڅې پيل وکړو او پرځای يې د دویم راشده خلافت ستنې خښې کړو.
موږ بايد په دې قانع او ډاډه شو چې هېڅکله زموږ ستونزې د امریکا، چين، روسيې، بوش، اوباما او ټرامپ د ستراتيژيو له مخې نه حل کيږي، ځکه هغوی زموږ عقيدوي دښمنان او له امت سره د اسلامي خاورې په ګوټ -ګوټ کې بالفعل محاربين (جګړه ماران) دي. الله سبحانه وتعالی د اسلامي امت پر وړاندې د هغوی ستراتيژي ۱۴۰۰ کاله پخوا موږ ته داسې بربنډه کړې ده. هغه سبحانه وتعالی فرمايي:
﴿يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَىٰ أَعْقَابِكُمْ فَتَنقَلِبُوا خَاسِرِينَ﴾ [آلعمران: ١٤٩]
اې هغو کسانو چې ايمان مو راوړی! که د کافرانو اطاعت وکړئ، تاسو به خپل تېر حالت ته ورستانه کړي او په پايله کې به زيانمن شئ.
دې ته ورته فرمايي:
﴿وَلَا يَزَالُونَ يُقَاتِلُونَكُمْ حَتَّىٰ يَرُدُّوكُمْ عَن دِينِكُمْ إِنِ اسْتَطَاعُوا﴾ [البقرة: ٢١٧]
مشرکان تل له تاسو سره جګړه کوي، ترڅو مو له خپل دين څخه واړوي.
همداراز رسول الله صلی الله علیه وسلم ته فرمايي:
﴿وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَىٰ وَلَئِنِ اتَّبَعْتَ أَهْوَاءَهُم بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِن وَلِيٍّ وَلَا نَصِيرٍ﴾ [البقرة: ١٢٠]
هېڅکله به يهود او نصارا له تا څخه راضي نه شي (ترڅو د هغوی غوښتنو ته پوره تسليم نه شې) او د هغوی د (تحريف شوي) دين پيروي ونه کړې. ووايه: چې هدايت يوازې د الله سبحانه وتعالی هدایت دی! که د هغوی د هوا او هوس پيروې وکړې، وروسته له دې چې (د وحی په واسطه) ورڅخه خبر شوې، د الله سبحانه وتعالی له خوا به هېڅ سرپرست او ملاتړی ونه لرې.
نو د پورتنيو آيتونو د حکم له مخې؛ آیا د دغه آيتونو له فهم وروسته بيا هم له امريکا او ناټو سره ستراتيژيک او امنيتي تړون کومه معنی او ارزښت لري!؟ آيا د دغو څرګندو الهي آيتونو د پاسه د کوم مرتجع، اپرچونيست، پراګماتيست او ابن الوقت ګوند مصلحتپاله موقف او تحليلګر تحليل ته اړتيا شته!؟ آيا الله سبحانه وتعالی رسول الله صلی الله علیه وسلم او اصحابو کرامو ته ولې د اوسنيو مصلحتپالو - فقه الواقع (فقه الذله)- په نظر کې نه وه نيولې، چې دا ډول غوڅې لارښوونې يې ورته کړې دي!؟ آيا زموږ دغه اوسنی ذلت د پورتنيو آيتونو خلاف د بُن د پرېکړو، له کفارو سره د ناروا اړیکو او دوستۍ له امله نه دی!؟ دا د اسلامي امت په توګه پر موږ فرض ده چې د پورتنيو آيتونو له مخې له کفارو سره چلند وکړو. اسلامي امت د اسلامي فکر او حللارو پر بنسټ را پاڅوو او بالاخره د اسلام يوازنی سياسي نظام (خلافت) د رسول الله صلی الله علیه وسلم په طريقه يو ځل بيا تاسيس کړو، ترڅو موږ له عقيدوي، سياسي او جغرافيوي پلوه سره متحد کړي او بېرته هغه ډال رامنځته کړو، چې نن مو له لاسه لوېدلی دی. هغه چې رسول الله صلی الله علیه وسلم يې داسې توصيفوي:
«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
يوازې امام (خليفه) هغه ډال دی، چې تر شا به يې جګړه کوئ او ځانونه به ورباندې ساتئ.
نو اې مسلمانانو دا ستاسو د رب حللاره ده.
﴿فَمَاذَا بَعْدَ الْحَقِّ إِلَّا الضَّلَالُ فَأَنَّىٰ تُصْرَفُونَ﴾ [يونس: ٣٢]
له حق وروسته له ګمراهۍ پرته بل څه شته!؟ نو ولې بيا (د هغه له پيروۍ) څخه مخ اړوئ!؟
سیف الله مستنیر
د حزب التحرير - ولايه افغانستان د مطبوعاتي دفتر رييس
۱۴۳۹ه.ق، د ربیع الاول ۴مه، چهارشنبه
۲۰۱۷م، د نومبر ۲۲مه
وړاندې کوونکی: سیاسې مفکر أحمد الخطواني (أبو حمزة)
۱۴۳۹ه.ق، د صفر ۲۶مه، چهارشنبه/ ۲۰۱۷م، د نومبر ۱۵مه
د حزب التحریر مرکزي مطبوعاتي دفتر په خوښۍ اعلانوي، چې د روژې په مبارکه میاشت کې د حزب التحریر د سایټونو تعقیبوونکو او لیدونکو لپاره د «څلوېښت سیاسي حدیثونه» تر عنوان لاندې نوې ویدیویې خپرونه وړاندې کوي
د حزب التحریر ولایه سوریې له خپرونو
وړانې کوونکی: " أحمد الصوراني"
مقدمه: «څلوېښت سیاسي حدیثونه»
وړاندې کوونکی: شيخ أحمد الدويك
۱۴۳۹ه.ق، د صفر ۲۸مه، جمعه/ ۲۰۱۷م، د نومبر ۱۷مه
د لیدلو لپاره یې پر دې ځای کلېک وکړۍ
۱۴۳۹ه، د صفر میاشت/ ۲۰۱۷م، نومبر
د حزب التحریر مرکزې مطبوعاتي دفتر د حزب التحریر د مرکزي مطبوعاتي پاڼو لیدونکو او تعقیبوونکو ته په خوښۍ اعلانوي، چې د «خلک له موږ څخه پوښتي» تر عنوان لاندې نوې ویډیویې خپرونه، چې د حزب التحریر ولایه اردن د مطبوعاتي دفتر د خپرونو له جملې څخه ده، وړاندې کوي.
له موږ سره اوسۍ..
۱۶مه برخه - پوښتنه: د ستونزو د حل په اړه له تاسو غوره نظریې اورو او وینو خو د دغو نظریاتو تطبیق نه لیدل کېږي؟
د خپرونې مخکې وړونکی: داکتر احمد حسونة د حزب التحریر ولایه اردن دفتر د رییس مرستیال
۱۴۳۹ه.ق، د ربیع الاول لومړۍ، یک شنبه/۲۰۱۷م، د نومبر ۱۹مه
