پنځلس کاله وړاندې د ۲۰۰۱ ز کال د اکتوبر په اوومه نېټه امریکا او ناټو پر افغانستان باندې د بي ۵۲ الوتکو او کروز توغندیو په واسطه د امنیت، ملت او دولت جوړونې د شعارونو په بدرګه کولو سره وحشي بریدونه وکړل. په دې ۱۵ کلونو کې افغانانانو خورا سخت کړاوونه ولیدل؛ جګړه او ناامني خورا زیاته او څو اړخیزه شوه همدارنګه بې وزلي، وزګاري، بدلمني او بې حیایي زیاته شوه او خلک په ډېر ناوړه حالت کې له افغانستان څخه تښتې ته مجبور شول. په دې سربېره د افغانستان له شاوخوا ۳۰ میلیوني نفوس څخه پنځه میلیونه افغانان چې یو میلیون پکې مېرمنې دي او د ټول نفوس ۱۷ سلنه جوړوي په مخدره توکو روږدي شوي دي. له بل پلوه د افغانستان مخدره توکي د امریکا لپاره په نړیواله سوداګرۍ بدل شوي او نه یوازې دا چې افغانان یې پرې روږدي کړي دي، د نړۍ لسګونه میلیونه نور انسانان یې هم ورباندې روږدي کړي دي.

د جګړې او ناامنۍ پراخېدل: د افغانستان جګړه د امریکا له پولو بهر د امریکا تر ټولو اوږده جګړه ده. امریکايي او  ناټو پوځیانو په خپلو وحشي پوځي بریدونو کې په سلګونه زره مسلمانان وژلي او ټپيان کړي دي. په همدې حالت کې د امریکا مزدورانو او کرايي کارپوهانو د ستراتيژیک او امنیت هوکړه لیک د لاسلیکولو لپاره داسې ډنډورې وهلې چې ګواکي دا تړون به خلکو ته امنیت، سوله او سوکالۍ راولي چې په دې سره یې په افغانستان کې د خپلو پوځیانو لپاره د قضايي مصؤونیت ترڅنګ د اوږدمهاله شتون جواز واخیست او د افغانستان په مختلفو سیمو کې یې نهه دایمي پوځي اډې جوړې کړلې. خو د دغه تړون له لاسلیک کولو وروسته، نه یوازې دا چې امنیت، سوله او سوکالي رانه غله، بلکې د پخوا په پرتله نا امني او بې وزلي لا زیاته شوه.

دا تر هر څه روښانه ده چې افغانستان د امریکا لپاره د یوې پوځي پروژې په توګه اهمیت لري. که څه هم د امریکا پوځي اقدامات لویې سيمه ييزې سیاسي موخې هم لري. مګر له دې سره ـ سره امریکا د افغانستان لپاره د رښتیني بنسټ جوړولو، د خلکو له واقعيت سره سم د مناسبې حکومتولۍ او د خلکو د ژوند د کچې د لوړولو هېڅ فکر نه لري او نه هم ورته پاملرنه کوي، بلکې امریکا له افغانستان څخه د سیمې د یوه معبر په توګه استفاده کوي او غواړي په مرکزي اسیا، جنوبي اسیا او د نړۍ په نورو برخو کې له دې لارې څخه خپلو موخو ته ورسېږي. نو رښتیا خبره دا ده چې په افغانستان کې به ناامني او وحشت تر هغه دوام کوي، څو چې امریکا په سیمه کې خپلو اوږدمهاله موخو ته ورسېږي، نو خلک باید له دې پرته بله هیله ونه لري.

د اسلام ضد او سېکولریستي ارزښتونو دودول: ښکېلاکګر هڅه کوي چې اسلام د افغانانو له ژوند څخه بېل کړي او د  مسجد په محرابونو کې یې منحصر کړي، حتی د مسجدونو د ډېری امامانو خطبې د حج او اوقافو د وزارت او ملي امنیت د ریاست په خوښه جوړېږي او بیا امامانو ته ورکول کېږي. په دې نظام کې قوانین د اسلام خلاف، د رایو د اکثریت پر بنسټ پارلمان جوړوي او د دې پر ځای چې د انسانانو د خالق قوانین عملي کړای شي، برعکس د انسانانو په واسطه د جوړ شوي قانون پر بنسټ ژوند کوي.

افغان دولت خلک د اساسي قانون په دوو مادو باندې دوکه کړي دي؛ دویمه او درېیمه ماده: (د افغانستان د دولت دین د اسلام دین دی) او (په افغانستان کې هېڅ قانون د اسلام د سپېڅلي دین او عقایدو سره په ټکر کې نه شي جوړېدلی) په داسې حال کې چې خلک په خپلو سترګو ویني چې څه ډول سېکولر نظام او ډیموکراسي پلي کوي، په دولتي ادارو کې رشوت، په بانکونو کې سود، په رسنیو کې فحشا، په پارلمان کې د رایو د اکثریت پر بنسټ د قوانینو تصویب، له کافرانو سره دوستي او سیاسي جوړښتونه د اسلامي احکامو پر بنسټ نه، بلکې د قومي او سمتي افکارو پر بنسټ تشکيل ته شوي دي. دولت د درباري علماوو په مرسته کفري موضوع ګانې اسلامي توجیه کوي او د (اسلامي) مختاړي او وروستاړي په زیاتولو سره خلک دوکه کوي.

له بل لوري دولت د امریکا په دستور پخواني مجاهدین او د اسلامي احساساتو لرونکي شخصیتونه د اداري اصلاحاتو، د فساد پر وړاندې د مبارزې، ښایسته سالارۍ په پلمو په کور کېنول او یا یې د پلان شوو ترورونو په واسطه له منځه یووړل او پر ځای یې په غربي افکارو او ارزښتونو کې وېلې شوي تکنوکراتان د دولت پر مهمو پستونو باندې وګومارل.

د بدلمنۍ او بې حیاتوب زیاتوالی: د بدلمنۍ او بې حیاتوب لمن په هر ښار او کوڅه کې غوړېدلې ده او د رسنیو له  لارې د ناولو ترکي او هندي سریالونو په خپرولو سره ځوانان او پېغلې له مور او پلار څخه سرغړونې، له مخالف جنس سره د نامشروع اړیکو د پیدا کولو او په کورنیو کې د بې لاریتوب لپاره هڅوي. په پېغلو نجونو کې د جنین غورځولو د زیاتوالي وروستي راپورونه او په د امن خونو تر نامه لاندې د فساد د مرکزونو زیاتوالی ټکان ورکوونکي دي. د پروموټ په نامه او دې ته ورته د ښڅو د حقونو په نامه پروګرامونه چې د مدني ټولنو او په ځانګړې توګه د ولسمشر د عیسوۍ مېرمنې لخوا مدیریت کېږي، مسلمانې او محجبې مېرمنې تر خپلو بریدونو لاندې راولي او د دوی اسلامي شخصیتونه ترور کوي. په داسې حال کې چې افغان مېرمنې د اروپا د کډوالو په پنډغالو کې دې ته اړ اېستل کېږي چې له لسو څخه په کمو یورو خپل عفت وپلوري او يا هم ورباندې ډله ییز جنسي تیري ترسره کيږي.

اقتصادي ډګر: ښکیلاکګرو د افغانستان له نیواک وروسته د افغانستان اقتصادي سیسټم ازاد بازار وټاکه. د  ډیموکراسۍ اقتصادي سیسټم هم د سیاسي نظام په څېر د دین له مداخلې پرته جوړ شوی دی، چې په پایله کې يې په تېرو ۱۵ کلونو کې د پانګوالۍ د نظام بنسټونه لکه؛ سودي بانکونه، احتکار، انحصار، بیمه او ملا ماتوونکې ماليې په پراخه توګه اعمال کړې. د غرب د څه د پاسه سل میلیارده ډالري مرستې له ادعا سره سره بیا هم بې کاري او بې وزلي اوج ته رسېدلې ده او ۵۰ سلنه خلک په بې وزلۍ کې ژوند کوي او د بې وزلۍ د خورا زیاتوالي له امله آن ځينې کورنۍ د خپلو ماشومانو پلورلو ته اړ شوې دي.

د غرب مرستو په افغانستان کې خلک په طبقاتي ډلو وویشل او همدا اوس د ۹۰ سلنه خلکو شتمني یوازې د ۱۰ سلنه شتمنو په لاسونو کې ده. افغانستان ۹۶ سلنه واردات او یوازې څلور سلنه صادارت لري. نو د کوم اقتصادي پرمختګ او لاسته راوړنې ادعا کوي. د افغانستان د دولت پالیسۍ یوازې د ښکیلاکګرو او د دوی د مزدورانو د ګټو د تامین او نړیوالو ښکېلاکي سازمانونو لکه د نړیوال بانک، د پيسو نړیوال صندوق او د نړیوال سوداګریز سازمان د پالیسیو د تطبیق لپاره دي، نه د افغانانو د اقصادي ستونزو د حل لپاره.

په ترانسپورت، روغتونونو، عدلي او قضايي مرکزونو او ګمرکونو کې شته وضعیت دا جوتوي چې دولت د خلکو د ذلیلولو، سپک ګڼلو او د افغانستان د غیرتمنو او خپلواکو انسانانو د توهینولو سیاست لوبوي. دولت غواړي چې د افغانستان مبارز  مسلمانان داسې سپک او ذلیل کړي چې د دیندارۍ او خپلواکۍ مفکورې یې له سره وباسي او د غلامۍ او ذلت عادت ورکړي.

ښوونیز نظام: په افغانستان کې د غربی مفکورو پر بنسټ ښوونیز نظام تاسیس شو او په ښکاره له اسلامي عقیدې  سره په ټکر کې دی، چې له امله به يې راتلونکي نسلونه د اسلامي شخصیت پر ځای سېکولر او مزدور شخصیتونه تربیه کړي. د ښوونځيو او پوهنتونو په مضمونونو کې ډیموکراسي، له ژوند څخه د دین د بېلوالي مفکوره (سېکولریزم)، نشنلېزم او د آزادۍ او بشري حقونو مفکورې چې په ښکاره له اسلام سره په ټکر کې دي شاګردانو او محصلینو ته تدریسېږي او د دې ترڅنګ په ښوونیزو او تحصیلي مرکزونو کې د نجونو او هلکانو ترمنځ اختلاط لوی اخلاقي فساد رامنځته کړی دی.

مګر د اسلام د سیاسي، اقتصادي او ټولنیز نظام څخه حتی یادونه هم نه کېږي او اسلام د عبادت یو وچ دین معرفي کوي. په اوسني تعلیمي نصاب کې د اسلامي ثقافت درسونه کم شوي دي، یوازې د څو عقیدوي او تعبدي احکامو په راوړلو يې بسنه کړې ده. په همدې سره زموږ مسلمان ماشومان او ځوانان په غربي ثقافت سره روزي او اسلام د یوه خشن او د ژوند لپاره د حل لارې د نه لرونکي نظام په توګه معرفي کوي.

اې د افغانستان ښکېلاک ضد او مجاهد ولسه!

افغانستان اشغال شوی دی او افغانستان د امریکا په واسطه د خپلو سیمه ییزو موخو د لاسته راوړلو لپاره د یوې پوځي پروژې په توګه کارول کېږي. د امریکايي چارواکو وروستیو څرګندونو او په افغانستان کې د هغوی د پوځیانو د زیاتولو لپاره چمتووالی، د بې پيلوټه الوتکو او بي ۵۲ ډوله الوتکو د بمباریو بیا پیل په دې دلالت کوي چې افغانستان به په راتلونکې کې هم د سیمه ییزو او نړیوالو قدرتونو د جګړې تود ډګر وي او په دې سیمه کې به جګړه همداسې ګرمه وي. نو په یوه داسې وضعیت کې به سوکالي، هوساینه، اقتصادي، صنعتي او سوداګریز پرمختګونه یوازې تش خیال وي او بس. رښتیا خبره دا ده چې د غرب حل لارې او ژمنې یوازې دوکه، غولونه او چل دی او د دې خبرې کره ثبوت وروستي ۱۵ کلن ناورینونه دي.

نو د غرب پر حل لارو د بطلان کرښه وباسئ او د مسلمانانو رښتینې سوکالي او نېکمرغي د نبوت پر منهج د دویم راشده خلافت په تاسیس کې ده چې د دنیا او آخرت دواړه خير ښېګڼې رانغاړي او د مادي پرمختګ لپاره خورا ښه امنیتي، اقتصادي او ښوونیز شرایط چمتو کوي. همدارنګه د اسلامي امت عقلي او فکري قناعت رامنځته کوي، د شیطان له شر او د اخرت له عذاب څخه د خلاصون په موخه د خلکو د ژوند لپاره غوره ایماني فضا رامنځ ته کوي. ځکه چې د هغو چارواکو اطاعت چې الهي شریعت نه پلی کوي دوزخ ته د تلو لامل ګرځي. اسلامي خلافت په اسلامي امت کې د قومي، ژبني، سمتي او مذهبي اختلافونو د ترویج پر ځای د اسلامي امت ځواک د کفارو او ښکېلاکګرو پر وړاندې راپورته کوي. نو له همدې امله لاندیني آیتونه د عقلمنو او پند اخیستونکو لپاره غوره نصيحت دی:

يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا ﴿٦٦﴾ وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءنَا فَأَضَلُّونَا السَّبِيلَا ﴿٦٧﴾ رَبَّنَا آتِهِمْ ضِعْفَيْنِ مِنَ الْعَذَابِ وَالْعَنْهُمْ لَعْناً كَبِيراً ﴿٦٨﴾ )سوره: الأحزاب(

هغه ورځ به یې مخونه د دوزخ په اور کې اوړي را اوړي او په چیغو سره به وایي: اې کاشکي چې له الله سبحانه وتعالی او د هغه له پیغمبر څخه مو اطاعت کړی وی او وایي به اې ربه! موږ له خپلو مشرانو او لویانو څخه پیروي وکړه او لار ورکي شوو، اې ربه! دوی ته دوه چنده عذاب ورکړه او له خپل رحمت څخه یې ډېر لرې کړه.

د حزب التحریر - ولایه افغانستان مطبوعاتي دفتر

په تورخم کې د پاکستان او افغانستان د امنیتي ځواکونو ترمنځ جګړې د ډیورند د سرطاني کرښې دواړو غاړو ته مخلص مسلمانان اندېښمن کړي دي. په دغه نښته کې دواړو خواو ته مرګ ژوبله اوښتې او خلکو ته ځاني، مالي او رواني زیانونه اوښتي دي. په دې ورځو کې د دواړو هېوادونو رسنۍ د وطنپالنې له تباه کوونکو بحثونو ډکې دي. د دواړو لورو ظالم حکومتونه، ښکېلې ډلې او هغه کسان چې د کفارو په ګټو پورې تړلي دي، دغه غملړلې پېښه له ملي ګټو سره تړي او هڅه کوي چې د دواړو لورو د مسلمانانو ترمنځ دښمنۍ ته لمن ووهي.

حزب التحریر د عامه افکارو د روښانه کولو او د امریکا او د هغې د لاسپوڅو د دسیسو د رسوا کولو لپاره لاندې ټکي بیانوي:

1. د امریکا سیمه ییز پروګرام دا دی چې په سیمه کې د هند او چین پر چورلیز د ځواک نوی تعادل رامنځ ته کړي. دغه هدف ته د رسیدو لپاره اړتیا ده چې له هند سره د سرحد پر ځای د پاکستان د اردو پام قبایلي سیمو او له افغانستان سره ګډې پولې ته را واړول شي. د امریکا ددې سیاست پایله د افغانستان او پاکستان د مسلمانانو ترمنځ د تفرقې او دښمنۍ د شدت زیاتول دي. ددې یوه غوره بېلګه په تورخم کې وروستۍ نښته ده. رښتیا دا دي چې د دواړو لورو پوځونه یو بل د اشرف غني او نواز شریف – راحیل شریف په شان د فاسدو او لاسپوڅو مشرانو په دستور وژني، څو په سیمه کې د امریکا ستراتیژیکې ګټې خوندي شي.
2. له بله اړخه دا پېښه په داسې حال کې ترسره کیږي چې د جان کیري لاسپوڅی حکومت له پیله خلکو ته د امنیت په ټینګښت، د اقتصاد په ښه والي او سیاسي ثبات کې پاتې راغلی دی. خلک له دې امله سخت ځوریږي. ان نا امنۍ د افغانستان له جنوب څخه شمال ته غځیدلي دي او خلک په لویو لارو او ښارونو کې په وېره سفر کوي. په لویو لارې باندې یرغمل نیول ددې واقعیت څرګندونه کوي. دا چاره له دولت څخه د خلکو د کرکې لامل شوې ده. حکومت د تورخم له پېښې څخه سياسي ګټه پورته کوي، ترڅو خپل له لاسه وتلی مشروعیت يو ځل بيا ترلاسه کړي او له داخلي مسایلو څخه د خلکو فکر واړوي. دغه راز له اقتصادي ستونزو په استفادې سره ځوانان د وطنپالنې تر احساساتو لاندې د مسلمانانو ترمنځ خپلمنځي جګړې ته هڅوي.

هر عاقل انسان پوهیږي چې د کفارو له خوا په جوړه شوې کرښه د مسلمانانو ترمنځ جګړه هغه ننداره ده چې د دواړو خاورو د لاسپوڅو چارواکو له خوا د امریکا د ګټو لپاره په سیمه کې عملي کیږي او د دواړو اسلامي خاورو مسلمانان د خاینو چارواکو د دسیسو قرباني کيږي.

1. د افغانستان او پاکستان خلک د ستراسلامي امت برخه ده چې  واحده عقیده لري. د دواړو خاورو خلکو تل ثابته کړې چې کفار خپل اصلي دښمنان ګڼي او تل یې پر وړاندې درېدلي دي. لکه چې د پخواني شوروي پر وړاندې د پاکستان خلک له افغانانو سره اوږه پر اوږه ودرېدل، د هغوی ملاتړ یې وکړ او په خپلو کورونو کې یې ځای ورکړ. اوس هم د پاکستان خلک افغانان په روغتونو او خپله خاوره کې مني. اوس هم درې میلیونه افغانان په پاکستان کې ژوند کوي. خو دا د پاکستان خاین چارواکي او لاسپوڅی دولت دی چې کلونه کلونه پر افغانانو ظلم کوي او هغوی ځوروي. نو باید د پاکستان د خاینو چارواکو او خلکو ترمنځ توپیر وشي. دغه راز باید د افغانستان د خاینو چارواکو او مجاهدو خلکو ترمنځ توپیر اړين دی.

حزب التحریر د اسلامي خارو ترمنځ دا جګړه فرسایشي جګړه ګڼي چې هدف یې د مسلمانانو د ځواک کمزوري کول دي. د افغانستان او پاکستان د مسلمانانو ترمنځ روان جنګ د اسلام له نظره قطعاً حرام دی. له دې امله هغه مسلمان سرتیري چې په دې جګړه کې یې ګډون کړی باید په جدي ډول له ځانه وپوښتي چې په کومه انګیزه او د چا لپاره قرباني کیږي؟

پر دې بنسټ د دواړو خاورو ترمنځ د دښمنۍ د له منځه وړلو لپاره او د خاینو او کافرو دولتونو د دسیسو د شنډولو لپاره باید په نظامیانو کې مخلصین او هغه سیاستوال چې الله سبحانه وتعالی او د هغه رسول صلی الله علیه وسلم ته مخلص دي، ابتکار په لاس کې واخلي او د دواړو خاورو مادي او بشري سرچینې تر یوې سیاسي رهبرۍ لاندې سره یو کړي. که د دواړو هېوادونو ستراتیژیک اهمیت، نظامي ځواک او بشري سرچينې د نبوت پر منهج په خلافت کې  سره یو څای شي، داسې پیاوړی ځواک به رامنځ ته کړي چې له سیمې څخه به د غرب د استعماري سیاست لمن ور ټوله کړي. نو باید پوه وو چې پیغمر صلي الله علیه وسلم د مسلمانانو ترمنځ د جګړې په اړه داسې فرمایلي دي:

"لَا تَرْجِعُوا بَعْدِي كُفَّارًا يَضْرِبُ بَعْضُكُمْ رِقَابَ بَعْضٍ"  (رواه البخاري)

«له ما وروسته کافر نه شی چې یو د بل غاړې  ووهي»

حزب‌التحریر- ولایه افغانستان

پرون د رمضان د لومړۍ جمعې له لمانځه وروسته د مبارکې روژې، د دعوت او مبارزې، سياست او جهاد، فتوحاتو او شهادتونو، ايمان او احسان د مياشتې په ايماني او سياسي فضا کې حزب التحرير ټول عام اسلامي امت ته او په ځانګړي ډول د واک او ځواک خاوندانو ته چيغه کړې، ترڅو د امت روان ناورين ته، د امت د برخليک ټاکونکې (د مرګ او ژوند د مهمې قضيې) د راشده خلافت په تاسيس سره د پای ټکی کيږدي.

د دغې چيغې منځپانګې ګڼو موضوعاتو ته اشاره کړې ده. د مسلمانانو له اوسني حالت څخه يې پيل کړی، چې څنګه د يرغلګرو او ښکېلاکګرو کفري نظامونو او زموږ له پوست او غوښې څخه د هغوی د ګوډاګيانو له خوا د مسلمانانو وينې توييږي، شتمنۍ يې لوټ کيږي، مقدساتو او نواميسو ته يې سپکاوی کيږي، خاوره يې وېشل کيږي او....

په چيغه کې څرګنده شوې چې د جاهليت د دورې عرب څنګه د اسلام په واسطه د جاهليت له تورو تيارو څخه د اسلام نور او روښنايۍ ته ورسېدل، هغوی يې له سخت سقوط وروسته بېرته راپاڅول، له درانه خوب څخه يې راويښ کړل او دې ته يې تيار کړل چې له رسول الله صلی الله عليه وسلم سره پياوړی دولت تاسيس کړي، د الله سبحانه وتعالی په لار کې جهاد وکړي، پاتې بشريت ته د اسلام لوی رسالت ورسوي او په نړۍ کې عدل او خير خوور کړي او ... چې دغه حالت د اسلامي دولت «خلافت» تر سيوري لاندې په پېړيو پېړيو دوام وکړ؛ اسلامي امت په عزت پسې عزت، په پرمختګ پسې پرمختګ، په لوړوالي پسې لوړوالی ترلاسه کاوه، تر هغه چې ښکېلاکګرو کفارو د يو شمېر خاينو عربانو او ترکانو په واسطه اسلامي خلافت له منځه يووړ.

چيغې په دې ټينګار کړی چې د امت دغه ناوړه حالت يوازې په هغه څه سره اصلاح کيږي چې د هغه اول ورباندې اصلاح شوی و. د راشده خلافت تر سيوري لاندې په اسلام باندې حکومت کول، چې د عقاب د بيرغ «د رسول الله صلی الله عليه وسلم د رايه (تور کلمه لرونکي بيرغ)» تر سيورې لاندې به تطبيق کيږي، په هماغه طريقه باندې به رامنځ ته کيږي، په کومه چې رسول الله صلی الله عليه وسلم د خپلو اصحابو رضوان الله عليهم اجمعين کتله جوړه کړه، د هغې په واسطه يې په ټولنه کې عامه رايه رامنځ ته کړه او د واک او ځواک له خاوندانو څخه يې د ملاتړ غوښتنه «طلب النصره» وکړه، ترڅو د اسلامي دولت د رامنځ ته کېدو په موخه واک رسول الله صلی الله عليه وسلم او د هغه کتلې اصحابو ته وسپاري.

د حزب التحرير اوسنۍ چيغې د دوو پخوانيو چيغو يادونه هم کړې ده، چې لومړۍ يې د ۱۳۸۵هـ ق کال د ربيع الثاني په شلمه، چې د ۱۹۶۹م کال د اګسټ له اوولسمې سره سمون لري او دويمه چيغه چې د ۱۴۲۶هـ ق کال د رجب په ۲۸مه، چې د ۲۰۰۵م کال د سپټمبر له دويمې سره سمون لري په عامه توګه ټول اسلامي امت او په خاصه توګه د واک او ځواک خاوندانو تر غوږو ور رسولې وې. حزب التحرير اوسنۍ چيغه تر وروستۍ چيغې وړاندې چيغه نومولې، په داسې حال کې چې د خلافت قضيه اوس د اکثريت امت عامه رايه ګرځېدلې.

د چيغې تر پای وړاندې مسلمانانو ته د راشدينو، د اندلس د فاتحينو، د معتصم، ناصر صلاحدين، قطز، بيبرس، سليمان القانوني، عبد الحميد الثاني او د امت د نورو لويانو د لمسيانو خطاب کړی، کوم چې يوازې اسلام او اسلامي دولت «خلافت» يې د اسلام او مسلمانانو لپاره د عزت ځواک او فتحې سرچينه وه.

په پای کې حزب عامو مسلمانانو او په ځانګړي توګه د قدرت، واک او ځواک خاوندانو ته داسې غږ کړی؛ (له هغو کسانو سره يو ځای شئ، چې زموږ نصرت او ملاتړ ته يې تر تاسو وړاندېتوب کړی، تاسو ته لاسونه در اوږدوو، هغه ټينګ کړئ، زموږ د دفاع او ملاتړ له اهل سره يوځای شئ، نژدې ده چې سپرلۍ په حرکت پيل وکړي، نو په دغه مسير کې له موږ سره ګډون وکړئ: ﴿وَيَقُولُونَ مَتَى هُوَ قُلْ عَسَى أَنْ يَكُونَ قَرِيبًا﴾ وايي، هغه به څه وخت وي، ورته ووايه چې کېدای شي په ډېر نژدې وخت کې وي. او موږ د الله سبحانه وتعالی په نصرت او ملاتړ باندې ډاډه يو ﴿وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ﴾ او هغه ورځ به د الله سبحانه وتعالی د نصرت او ملاتړ له امله مؤمنان خوشالۍ کوي، هغه چې چا ته چې وغواړي نصرت ور په برخه کوي او هغه برلاسۍ او خورا مهربانه ذات دی.

د حزب التحرير دغه چيغه تېره ورځ د فلسطين په مسجد الاقصی او د اردن، ترکيې، تونس او سوډان په لويو مسجدونو، کوڅو او واټونو کې ګڼو لمونځ کوونکو ته واورول شوه، چې په پايله کې لمونځ کوونکو له اسلامي امت، د نبوت پر منهج د الله متعال په اذن سره د نژدې راتلونکي راشده خلافت او په امت کې د خير له حاملينو سره سخته مينه وښودله. امت ته د چيغې رسولو دغه پروسه به دوام لري او ټول مسلمانان کولای شي، د حزب التحرير د امير شيخ عطاء بن خليل ابو الرشته حفظه الله په غږ کې ياده چيغه او د هغې اړوند جماهيري فعاليتونه له لاندې لينک څخه د تصوير او ويډيو په بڼه تعقيب او هغې ته د امت د مرګ او ژوند د قضيې په توګه اجابت ووايي.

 http://www.hizb-ut-tahrir.info/info/index.php/contents/entry_48449

سيف الله مستنير

د حزب التحرير ولايه افغانستان د مطبوعاتي دفتر رييس