بسم الله الرحمن الرحيم
1440 ہجری بمطابق 2019 عیسوی کی عیدالفطر کے مبارک مو قع پر مشہور فقیہ
عطا بن خلیل ابوالرشتہ کی جانب سے اُن کے بیج کو دیکھنے والوں کو مبارک باد کا پیغام
تمام تعریفیں اللہ سبحانہ و تعالیٰ کے لیے ہیں اور ہزاروں درود ہوں اللہ کے رسول ﷺ، ان کی آل، ان کے صحابہؓ پراور ان لوگوں پر جنہوں نے آپﷺ کی پیروی اختیارکی،
مسلم امّہ جسے اللہ سبحانہ و تعالیٰ نے عزت بخشی اور اس کے متعلق یہ فرمایا،
﴿كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ﴾
"تم بہترین امت ہو جو انسانیت کے واسطے پیدا کی گئی، تم نیکی کا حکم دیتے ہو اور برائی سے روکتے ہو اور اللہ پر ایمان رکھتے ہو"(آل عمران:110)
مخلص اور سچے راستے پرچلنے والے خلافت کی دعوت کے علمبرداروں کے نام، وہ جو اللہ کو پکارتے ہیں اور نیک اعمال کرتے ہیں؛ہم کسی کی تعریف اللہ سے نہیں کرتے بلکہ اللہ سبحانہ وتعالیٰ ہی کےالفاظ کو یہاں بیان کیے دیتے ہیں:
﴿وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِين﴾
"کس کا قول اس شخص سے بہتر ہوسکتا ہے کہ جو اللہ کی طرف بلاتا ہے، نیک اعمال بجا لاتا ہے اور کہتا ہے کہ میں مسلمانوں میں سے ہوں"(فصلت:33)
میرے پیج کو دیکھنے والے معزز حضرات ،جو اس کا مطالعہ پورے اخلاص اور سچائی کے ساتھ کرتے ہیں، اور خیر کے طالب ہیں، اللہ آپ کو بہت اچھا اجر عطا فرمائے۔
میں آپ کو عید الفطر کے مو قع پر مبارک باد پیش کرتا ہوں اور اللہ سبحانہ و تعالیٰ سے دعا کرتا ہوں کہ وہ آپ کے روزے، قیام اور دعائیں قبول فرمائے اور آپ کو ان لوگوں میں شامل فرمائے جنہیں اللہ سبحانہ و تعالیٰ اس بابرکت مہینے میں جہنم کی آگ سے نجات عطا فرمائیں گے۔ میں اللہ سبحانہ و تعالیٰ سے یہ بھی دعا کرتا ہوں کہ یہ عید مسلمانوں کے لیے خیر کی ابتدا بنے اور یہ کہ اگلی عید ہم خلافتِ راشدہ اورلآ اِلَهَ اِلّا اللّهُ مُحَمَّدٌ رَسُوُل اللّهِکے جھنڈے کے سائے تلے منائیں ، اور اللہ کے لیے ایسا کرنا کچھ مشکل نہیں ہے۔
آخر میں ،میں آپ کو اپنی نیک خواہشات پیش کرتا ہوں اور آپ کے لیے دعا کرتا ہو کہ آپ کو خیر حاصل ہو، اور اللہ سبحانہ و تعالیٰ آپ کی عبادات کو قبول فرمائے، اور یہ کہ اللہ سبحانہ و تعالیٰ آپ کو تمام برائیوں سے محفوظ رکھے۔
﴿فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ﴾
"سو اللہ ہی بہتر نگہبان ہے۔ اور وہ سب سے زیادہ رحم کرنے والا ہے "(یوسف:64)
والسلام عليكم ورحمة الله وبركاته
آپ کا بھائی عطا بن خلیل ابو الرشتہ
عید الفطر کی شام، یکم شوال 1440 ہجری
4جون 2019 عیسوی
Latest from
- آزادی مارچ "شمالی افریقہ کی فوجوں کو فلسطین کی آزادی میں اپنا کردار دوبارہ حاصل کرنا چاہیے"
- پاکستانی حکمران، حسینہ واجد کی پالیسیوں پر عمل پیرا ہو کر ...
- امریکہ نے، یہودیوں اور مسلمانوں کے حکمرانوں میں موجود اپنے ایجنٹوں کی مدد سے غزہ پر جنگ مسلط کی ہوئی ہے
- ا=پاکستان سے فلسطین۔۔۔اے افواج مسلمین! ۔۔۔ کہاں ہے صلاح الدین؟!
- 15 اگست: ایک شاندار دن