حضرت حسین (ra) کے یوم شہادت کے دن کی یاد کو منانے سے پہلے ہی پاکستان کے مسلمان پورے ملک میں بدترین بم دھماکوں اور قاتلانہ حملوں کی زد میں آگئے ہیں اور انھیں اپنے پیاروں کی لاشوں کو تلاش اور گننے پر مجبور کر دیا گیا ہے۔ ہمیشہ کی طرح اس دفعہ بھی حکومت ادھر ادھر بھاگ کر عوام کو یہ ثابت کرنے کی کوشش کر رہی ہے کہ جیسے حکومت کو عوام کی بہت فکر ہے اور اسے ان کے عظیم نقصانات پر شدید افسوس ہے۔ لیکن اس تمام تر صورتحال کے باوجود امریکیوں کے لیے اس ملک کے دروازے کھلے ہیں جواپنی خفیہ ایجنسیوں اور نجی فوجی تنظیموں کے ذریعے پوری مسلم دنیا میں اس قسم کا خون خرابہ کرنے کی منصوبہ بندی اور نگرانی کرتے ہیں۔ حزب التحریر موجودہ حکمرانوں یعنی کیانی، زرداری اور ان کے حواریوں سے پوچھتی ہے کہ کیوں ایک طرف موبائل فون کی سہولت کو بند اور خوف کا ماحول پیدا کر کے لوگوں کو گھروں میں قید کیا جا رہا ہے اور لو گوں کو ہنگامی صورتحال میں ڈاکٹر یا ہسپتال سے رابطہ کرنے سے محروم کیا جا رہا ہے جبکہ دوسری جانب تم ریمنڈ ڈیوس نیٹ ورک سے منسلک امریکی فوجوں کو سیٹلائٹ فون کی سہولت مہیا کرتے ہو اور انھیں اس بات کی بھی اجازات دیتے ہو کہ وہ پورے ملک میں آزادی کے ساتھ بم دھماکوں اور قاتلانہ حملوں کی منصوبہ بندی اور نگرانی کرتے پھریں۔ تم کیوں موٹر سائیکل کی ڈبل سواری پر پابندی عائد کرتے ہو جبکہ امریکی بلیک واٹر تنظیم کو بڑی بڑی جیپوں پر، جن پر سیاہ شیشے لگے ہوتے ہیں، ہماری سڑکوں پر دندنانے کی اجازت دیتے ہو اور مقامی پولیس کو انھیں روکنے سے منع کرتے ہو جیسا کہ مون مارکیٹ، اقبال ٹاون لاہور میں بم دھماکے کے بعد ہوا تھا۔ ایک طرف تم ملک میں دھماکہ خیز مواد رکھنے والوں کو عام لوگوں میں تلاش کرتے ہو جبکہ تم نے امریکیوں کو اس بات کی اجازت دی ہے کہ وہ پاکستان میں سیلڈ کنٹینرز لا سکتے ہیں اور ان میں موجود چیزوں کو پاکستان کے ہوائی اڈوں پر کو کوئی پاکستانی آفیسر دیکھنا تو دور کی بات چھو بھی نہیں سکتا۔ تم کیوں لوگوں کو ان کے گھروں میں محصور کر رہے ہو جیسے کہ وہ کوئی مجرم ہیں جبکہ تم نے پاکستان میں مقبوضہ عراق کے بعد دوسرا بڑا امریکی سفارت خانہ بنانے کی اجازت دی ہے جہاں سے اصل مجرم یعنی امریکی غنڈے اپنے تباہ کن منصوبوں کو حقیقت کا روپ دیتے ہیں اور ایسا ہی وہ دنیا کے دوسرے ممالک میں بھی کرتے ہیں۔ اور کیوں تم ہر مسلمان کو شک کی نگاہ سے دیکھتے ہو جبکہ تم کافر دشمنوں کو گلے لگاتے ہو جیسا کہ وہ ہی اس ملک کے نجات دہندہ اور اصل ہیرو ہیں جبکہ اللہ سبحانہ و تعالی نے فرمایا ہے:

هم العدو فاحذرهم قاتلهم الله أنى يؤفكون

"یہی حقیقی دشمن ہیں ان سے بچو اللہ انھیں غارت کرے کہاں سے پھرے جاتے ہیں" (المنافقون:4)۔

حزب التحریر حکمرانوں اور ان کے آقا امریکہ کو یہ بتا دینا چاہتی ہے کہ خلافت راشدہ جلد ہی قائم ہونے والی ہے (انشأ اللہ) اور خلافت مسلم سرزمین سے ہر قسم کی امریکی مداخلت اور نشانیوں کا خاتمہ کرے گی اور تمام شہریوں کو بلا امتیاز رنگ، نسل، زبان، مسلک اور مذہب امن اور تحفظ فراہم کرے گی۔

میڈیا آفس حزب التحریر ولایہ پاکستان

22 نومبر سے اسلام آباد میں آٹھ ترقی پزیرمسلم ممالک کی کانفرنس شروع ہونے والی ہے جس میں معاشی معاملات کے ساتھ علاقائی اور عالمی مسائل پر بھی بات کی جائے گی۔ ان معاملات پر بات چیت کے علاوہ پاکستان اس کانفرنس کے ذریعے دنیا کو یہ دیکھانا چاہتا ہے کہ ملک کی عمومی صورتحال خصوصاً امن و امان کی صورتحال پوری طرح سے اس کے قابو میں ہے۔ حال ہی میں وزارت خارجہ کے ایک نمائندے نے یہ کہا کہ حکومت ایک واضع پیغام دینا چاہتی ہے کہ امن امان کے مسائل کے باوجود پاکستان ایک محفوظ ملک ہے۔ D-8 تنظیم کا قیام 1997 میں اس وقت کے ترک وزیر اعظم اربکان کے ہاتھوں ظہور پزیر ہوا تھا۔ اس تنطیم کے رکن ممالک میں بنگلادیش، مصر، انڈونیشیا، ایران، ملیشیا، نائجیریا، پاکستان اور ترکی شامل ہیں۔ ان ممالک کی مشترکہ قومی پیداوار 3.2 ٹریلین ڈالر، مجموعی افواج کی تعداد تقریباً تیس لاکھ اور آبادی تقریباً دنیا کی آبادی کا 13 فیصد ہے۔ اس کے علاوہ D8 ممالک زبردست فوجی ساز و سامان بھی رکھتے ہیں جس میں پاکستان کے سو کے قریب ایٹمی ہتھیار بھی شامل ہیں۔ ان تمام شاندار اعداد و شمار کے باوجود D8 کا دنیا کی معیشت اور عالمی امور پر انتہائی معمولی اثر و رسوخ ہے۔ D8 کی کمزور کارکردگی کوئی انھونی بات نہیں ہے۔ مسلم دنیا کی ہر معاشی اور سیاسی تنظیم کا یہی حال ہے۔ او۔آئی۔سی، عرب لیگ یا GCC سب کی ایک ہی کہانی ہے اور یہ صورتحال اس وقت تک جاری رہے گی جب تک مسلم دنیا کے حکمران ان تنظیموں سے امیدیں وابستہ رکھیں گے اور یورپی یونین کے نمومنے کی نقل کرنے کی کوشش کرتے رہیں گے۔ ان تنظیموں سے امیدیں وابستہ رکھنا بے وقوفی ہے۔ یہ تنظیمیں مسلم ممالک کو مزید کمزور کرتی ہیں اور اس کی دو اہم وجوہات ہیں۔ پہلی وجہ یہ ہے کہ عالمی معاشی بحران نے یورپی یونین کی خامیوں کو واضع کر دیا ہے اور یہ ثابت ہو گیا ہے کہ سیاسی اتحاد کے بغیر کسی بھی قسم کے معاشی اتحاد کا ناکام ہونا لازمی امر ہے۔ دوسری وجہ یہ ہے کہ ان تنظیموں کا حقیقی فائدہ نا تو امت کو ہوتا ہے اور نا ہی اس کے قائدین کو بلکہ صرف اور صرف استعماری طاقتیں ان کے وجود سے فائدہ اٹھاتی ہیں۔ اس بات کے باوجود کہ اگر مسلم دنیا کی سڑکوں پر زبردست مظاہرے بھی ہو رہیں ہوں تب بھی امریکہ او۔آئی۔سی اور عرب لیگ کو اپنی پالیسیوں کی ترویج اور نفاذ کے لیے استعمال کرتا ہے اور D8 کا معاملہ بھی اس سے کچھ مختلف نہیں ہے۔ اگر مسلم دنیا اس صورتحال سے نکلنا چاہتی ہے تو اسے قومی ممالک کے بھیانک تصور کو لازمی چھوڑنا ہو گا جس کی وجہ سے مسلمان تقسیم ہو گئے ہیں اور پچاس سے زائد ممالک میں قید ہو گئے ہیں۔ مسلمان اپنی قسمت کے خود مالک بن سکتے ہیں اگر وہ مغربی تصور کی بنیاد پر وجود میں آنے والی ان تنظیموں کی صورت میں اپنے امور کو منظم کرنے سے انکار کر دیں۔

مسلم امہ کو متحد کرنے کا صرف ایک ہی طریقہ ہے اور وہ یہ ہے کہ خلافت کو دوبارہ قائم کیا جائے۔ خلافت امریکہ کی طرح مختلف ریاستوں کی فیڈریشن نہیں ہے جہاں ہر ریاست خود اپنا قانون بناتی ہیں لیکن دفاع، معیشت اور خارجہ پالیسی وفاقی حکومت کی ذمہ داری ہے۔ ناہی خلافت یورپی یونین کی طرح کی کوئی یونین ہے جہاں تنظیم کی ہر ریاست نے اپنے کچھ معاشی معاملات یورپی یونین کے ہیڈکواٹر برسلز کے حوالے کر دیے ہیں جبکہ باقی تمام معاملات ریاستوں کی پارلیمنٹ کے فیصلوں کے مطابق طے پاتے ہیں۔ خلافت ایک و حدت پر مبنی ریاست ہے جہاں مسلمان اپنا ایک لیڈر چنتے ہیں اور اسے اپنی اطاعت کا یقین دلاتے ہیں جبکہ خلیفہ ان پر قرآن، سنت رسول اللہ ﷺ اجماعہ اصحابہ اور قیاس کی بنیاد پر حکومت کرتا ہے۔ خلافت پچاس سے زائد مسلم ممالک کو ایک ریاست میں ضم کرے گی اور دنیا کی طاقتور ترین ریاست کو قائم کرے گی جو حقیقت میں مغرب کے معاشی، فوجی اور سیاسی اثر و رسوخ سے آزاد ریاست ہو گی۔

میڈیا آفس حزب التحریر ولایہ پاکستان

سیاسی و فوجی قیادت میں موجود غدار پاکستان کے سب سے بڑے شہر اور معاشی انجن کراچی کو امریکی جنگ کی آگ میں جھونک دینے کی تیاری کر رہے ہیں۔ شمالی وزیرستان میں فوجی آپریشن کے لیے عوامی حمائت کے حصول میں زبردست ناکامی کے بعد کراچی کی صورتحال کی ذمہ داری قبائلی مسلمانوں پر ڈال کر سیاسی و فوجی قیادت میں موجود غدار دہشت گردی کے خلاف نام نہاد امریکی جنگ کو قبائلی علاقوں کے بعد اب پاکستان کے بڑے شہروں تک پھیلا دینا چاہتے ہیں۔ یہ بات پاکستان کے عوام جان چکے ہیں کہ اس امریکی جنگ کا مقصد افواج پاکستان اور مخلص مسلمانوں کے درمیان فتنے کی جنگ کو جاری رکھنا اور دنیا کی ساتویں اور مسلم دنیا کی واحد ایٹمی طاقت پاکستان کو اس امریکی جنگ کے ذریعے ایک کمزور اور بھارت کی طفیلی ریاست میں تبدیل کرنا ہے۔ کراچی میں قتل و غارت گری، اغوا برائے تاوان اور بھتہ خوری کو اس لیے پھلنے پھولنے دیا جا رہا ہے تا کہ کراچی کے لوگ فوج سے درخواست کریں کہ وہ کراچی میں امن و عامہ کی صورتحال بہتر کرنے کے لیے مداخلت کرے۔ اندرونی امن وعامہ کو قائم رکھنا پولیس کا کام ہے نہ کہ فوج کا، بلکہ فوج کا کام تو ملک اور اِس کے باسیوں کو امریکہ کی جارحیت سے محفوظ رکھنا ہے۔

9 اگست 2011 کو اس وقت کے سندھ کے وزیر داخلہ منظور وسان نے امریکی قونصل جنرل 'ولیم مارتھن' سے ملاقات کرنے کے بعد بتایا کہ امریکہ کراچی شہر کی صورتحال پر قابو پانے کے لیے جدید آلات اور دوسری expertise دینے کے لیے تیار ہے۔ یہ بیان اس بات کا ثبوت ہے کہ کراچی میں آپریشن کا مطالبہ درحقیقت امریکہ کا مطالبہ ہے۔ کراچی جہاں ریاست کے تمام ادارے پولیس، رینجرز، فوج، عدلیہ، انتظامیہ اور سیاسی جماعتیں موجود ہوں وہاں یہ کہنا کہ اس شہر کی ابتر صورتحال کے ذمہ دار قبائلی مسلمان ہیں ایک کھلا جھوٹ ہے اور کراچی کے عوام اس حقیقت کو اچھی طرح جانتے ہیں۔ درحقیقت سیاسی و فوجی قیادت میں موجود غدار جن علاقوں میں امریکی فتنے کی جنگ کو پھیلانا چاہتے ہیں وہاں کے حالات کو پہلے امریکی سی۔آئی۔اے، بلیک واٹر اور ریمنڈ ڈیوس نیٹ ورک کے ذریعے خراب کیا جاتا ہے اور اس کی ذمہ داری قبائلی مسلمانوں پر ڈال دی جاتی ہے۔ پھر حکومتی رٹ کی بحالی کے نام پر اس علاقے میں فوجی آپریشن شروع کر دیا جاتا ہے جس کے نتیجے میں اس علاقے کی معاشی اور معاشرتی زندگی تباہ و برباد ہو جاتی ہے اور پاکستان مزید کمزور ہو جاتا ہے۔ یہی وجہ ہے کہ جن علاقوں میں بھی فوجی آپریشن شروع کیا گیا وہاں آج کے دن تک زندگی معمول پر نہیں آسکی کیونکہ مقصد امن وامان اور حکومتی رٹ بحال کرنا نہیں ہوتا بلکہ فتنے کی جنگ کو مزید بھڑکانا اور دنیا کی طاقتور مسلم ریاست پاکستان کو کمزور کرنا ہوتا ہے۔

حزب التحریر پچھلے ایک سال سے امت کو خبردار کرتی آ رہی ہے کہ سیاسی و فوجی قیادت میں موجود غدار اس فتنے کی جنگ کو پاکستان کے بڑے شہروں تک پھیلا دینا چاہتے ہیں۔ لہذا حزب ایک بار پھر امت کو خبردار کرتی ہے کہ جس طرح انھوں نے غدار حکمرانوں کی تمام سازشوں کو مسترد کرتے ہوئے شمالی وزیرستان میں فوجی آپریشن کی حمائت سے انکار کیا ویسے ہی سیاسی و فوجی قیادت میں موجود غداروں کی کراچی کو امریکی جنگ کی آگ میں جھونکنے کی اس سازش کو بھی ناکام بنا دیں اور کراچی میں فوجی آپریشن کی حمائت سے انکار کر دیں۔

حزب التحریر افواج پاکستان میں موجود مخلص افسران سے مطالبہ کرتی ہے کہ سیاسی و فوجی قیادت میں موجود غداروں کو فوراً ہٹائیں اور خلافت کے قیام کے لیے حزب التحریر کو نصرة فراہم کریں۔ آپ کی خاموشی ان غداروں کو اپنی سازشوں میں مسلسل ناکامی کے باوجود اپنے آقا امریکہ کی خوشنودی کے لیے اس امت کے خلاف مزید سازشیں کرنے کی ہمت اور طاقت فراہم کر رہی ہے۔ صرف خلافت کا قیام ہی پاکستان کو فتنے کی اس امریکی جنگ سے نجات دلائے گا اور مسلم افواج کے ہتھیار اپنے مسلمان بھائیوں کے خلاف استعمال ہونے کے بجائے مقبوضہ مسلم علاقوں کو کفار کے تسلط سے نجات دلانے کے لیے استعمال ہوں گے۔

پاکستان میں حزب التحریر کے ڈپٹی ترجمان

شہزاد شیخ