د ۲۰۱۹م کال د اپریل په ۲۸مه عمران خان په بیجېنګ کې د پاکستان او چین د پانګونې غونډې ته وویل: « موږ غواړو پاکستان ته د چین صنعتکاران راشي. پاکستان د دومره ځوان ځواک په درلودلو نېکمرغه دی او راتلونکی یې ډېر روښانه دی.» په دې کې شک نشته چې پاکستان ډېره وړتیا لري، خو د عمران-باجوه دغه ناوړه نظام له استعمارګر چین سره -چې زموږ له سپېڅلي دین سره په ښکاره جګړه کوي- په اقتصادي تړونونو خپله دا وړتیا له منځه وړي.

اې د پاکستان مسلمانانو!

رښتیا هم دا دولت له چا سره تړون کوي؟ چین د اویغور سلګونه زره مسلمانان په کمپونو کې بندیان کړي، هغوی تړي او شکنجه کوي یې. په خولو کې یې تر هغه وخته سیمټ ورمنډي، څو دمه یې ووځي؛ پاک‌لمنې مسلمانې ښځې د بچو زیږولو ته نه پرېږدي، مسلمان سړي له مردانګۍ نه غورځوي، د مسلمانانو په کورونو کې یې چینایي جاسوسان ګومارلي. په دې سره نه د اسلام د محرمیت حقونو ته پام کوي او نه د جنسیت تفکیک ته. سره له دې بیا هم د باجوه-عمران نظام د اسلام له یوه ښکاره دښمن سره تړون کوي؛ الله سبحانه و تعالی په دې اړه فرمایي:

﴿إِنَّمَا يَنْهَاكُمْ اللَّهُ عَنْ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُوْلَئِكَ هُمْ الظَّالِمُونَ﴾

[الممتحنه :۹]

ژباړه: له شک پرته چې الله سبحانه وتعالی تاسو د هغو خلکو له دوستۍ څخه منع کوي، چې له تاسو سره د دین په لاره کې جنګېدلي دي. تاسو یې له خپلو کورونو ایستلي یاست او ستاسو په ایستلو کې یې یو د بل ملاتړ کړی دی. نو له دوی سره چې کوم کسان دوستي کوي، هغوی ظالمان دي.

له دغه نظام سره ولې د ایغور د مسلمانانو غم نشته؟ CPEC د چین یوه یو‌اړخیزه معامله ده، چې چین پکې د خپل صنعت لپاره د پاکستان سرچینې لوټوي. پاکستان د چین پانګې، وارداتو او انساني ځواک ته اړ کوي، څو په دې سره د پاکستان سیمه‌ییز صنایع او زراعت له پښو وغورځوي. همداراز د چینایي پانګوالو په خوښه تړونونو او د سودي پورونو سېل ته د پاکستان په ورټېل وهلو سره د چینایي کارخانو خاوندان او چینایي بانکونه مړوي. پر دې سربېره دغه ګناهکار نظام له چین سره په دغو تړونونو موږ ته د شاتو او شیدو د سیندونو ژمنې راکوي! الله سبحانه و تعالی فرمایي:

﴿ مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلاَ الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ وَاللَّهُ يَخْتَصُّ بِرَحْمَتِهِ مَنْ يَشَاءُ وَاللَّهُ ذُو الْفَضْلِ الْعَظِيمِ﴾

[البقره :۱۰۵]

ژباړه: هغو خلکو چې د حق له منلو څخه انکار کړی، هغه که اهل کتاب وي یا مشرک؛ هېڅکه نه غواړي چې ستاسو د رب لخوا دې له تاسو سره مرسته وشي. خو د الله سبحانه وتعالی چې هر چاته غوښه شي، د خپل رحمت لپاره یې غوره کوي او همغه د لوی فضل خاوند دی.

له شک پرته چې موږ به یوازې د نبوت پر تګلاره د خلافت په بیا تاسیس سره له دایمي امنیت او سوکالۍ برخمن شو، ځکه د الهي احکامو په پلي کېدو سره به پر موږ د الله سبحانه وتعالی ډېر رحمت وورېږي.

حزب التحریر-ولایه پاکستان مطبوعاتي دفتر

دا ډېره د خواشنۍ خبره ده، چې مسلمانان د دې پر ځای چې د روژې مبارکه میاشت لکه څرنګه چې ښایي، په سوله او مهربانۍ سره پیل کړي، نن د سپوږمۍ لیدنه د مسلمانانو په منځ کې د دوښمنۍ د پیل په موضوع بدله شوې.

د بریتانیا او فرانسې تر منځ اشغالګر تړون؛ سایکیس-پیکو هغه تړون چې له مخې یې مسلمانان د اشغالي پولو له مخې سره ویشلي، ترڅو دوی ورباندې د خپلو غلامانو (اوسنیو مسلمانو حکامانو) پر مټ پرې حکمراني وکړي، دا هېوادونه له زیات وخت راهیسې د نیشنلیزم، هېوادپالنه او سمت پرستۍ پر نامه پیژندل کیږي. بد حالت خو دا دی، چې هر هېواد ځانته خپل علما او مذهبي شورا ګانې لري او د خواشینۍ خبره دا هم ده، چې دا شوراګانې داسې فتواوې ورکوي، چې په مستقیمه توګه له شریعت سره په ټکر کې دي. مونږ په واضح ټکو سره بیانوو، چې روژه او د اختر نمانځنه  یو عبادت دی او مسلمانانو ته په کار ده، چې دوی د شریعت له مخې دا کار تر سره کړي، نه د دغو سیکولرو حکومتونو په خوښه، چې نن یې مونږ شاهدانو یوو.

سره له دې چې مونږ د سپوږمۍ لیدنې د موضوع لپاره دوې لویې نظریې لرو، چې یوه نړیواله او بله سیمه‌ییزه ده، خو واقعیتونو ته په کتو سره د سایکیس-پیکو تړون د اغېز له امله اوس یوه بله بهرنۍ نظریه را پیدا شوې، چې ټوله پر هېواد پالنه څرخیږي! له همدې امله اوس که د هېوادونو تر منځ توپیر یوه، درې یا څلور دقیقې هم وي، مسلمانان د نړیوال یووالي په څېر روژه نه نیسي، حتی په یو هیواد دننه کې هم دا کار نه تر سره کوي!

مونږ په ډاګه وایو، چې د دغو سیکولرو حکومتونو تر سیوري لاندې ژوند کول، د مسلمانانو هغه یووالی نور هم له خنډونو سره مخ کوي، چې الله سبحانه وتعالی یې غوښتنه کړې. الله سبحانه وتعالی فرمایلي:

﴿وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا﴾

[عمران:۱۰۳]

ژباړه: د الله سبحانه وتعالی په رسۍ (شریعت) منګولې ولګوئ او تفرقه مه جوړوئ.

دغه مبارک ایت مسلمانانو ته امر کوي، چې په هر ځای کې یاست باید د یو اسلامي امت په څېر واوسئ. دوی اجازه نه لري چې خپل ځانونه هېواد پاله، نیشنلیستان او قوم پاله وښیي، ځکه چې دا ټول قومي افکار دي او هیڅکله مسلمانان یووالي ته نه پریږدي. سربېره پر دې مونږ وینو چې نن ورځ دغو افکارو اسلامي امت څرنګه په جګړه کې راګیر کړی او برباد کړی.

دا وضعیت په مستقیمه توګه د خلافت (اسلامي دولت) له نشت سره تړاو لري، چې د یوه واحد امیر له لوري یې رهبري کیږي او د هغه بیان ورستی او ټولو ته د منلو وړ دی.

له همدې امله مونږ په پرله پسې توګه د رسول الله صلی الله علیه وسلم پر تګلاره د خلافت پر بیا تاسیسولو سره ټینګار کوو، ترڅو د مسلمانانو ترمنځ خلافت پای ومومي او د دښمنانو هغه هڅې له منځه یوسي، چې غواړي پر مټ یې د مسلمانانو یووالی له منځه یوسي. په خلافت یا اسلامي دولت کې خلیفه یا امام حق لري، چې یوه اسلامي نظریه پر خلکو په زور عملي کړي، ترڅو د مسلمانانو یووالی خوندي وساتل شي. په حقیقت کې ویلی شو، چې د امام امر دا اختلافات له منځه وړلی شي.

حزب التحریر- ولایه-کنیا

په کینیا کې د حزب التحریر مطبوعاتي استازی

 شباني موالیمو

د اسټرالیا لومړي وزیر سکاټ موریسن د روژې د رارسېدو په اړه د مسلمانانو لپاره یوه اعلامیه خپره کړه. له بده مرغه نوموړي د خپلو کړنو د دوام فرصت پیداکړی، څو له همدې لارې په مسلمانانو کې خپل محبوبیت وساتي. د روژې په میاشت کې مسلمانان الله سبحانه وتعالی ته ځان سپاري او د هغه سبحانه وتعالی عبادت کوي. روژه د لوړ فضیلت، قربانۍ، خدمت او عبادت میاشت ده. لومړي وزیر د همدغو مذهبي هڅو د ستایلو پر ځای موږ ته د شته تروریزم او سخت دریځۍ یادونه وکړه او د مسلمانانو پر احکامو یې شک څرګند کړ.

نوموړي د انساني بشردوستۍ په پام کې نیولو سره امر وکړ، چې په خپل هېواد کې د مسلمانانو عبادت ځایونه او هغه ځایونه چې امنیت یې خراب دی، خوندي کړي؛ څو مسلمانان له کومې وېرې او بدلون پرته پکې خپل ژوند او عبادت وکړي.

که موږ هلته خوندي وی، نو مسلمانان به له تکراري ظلمونو سره نه مخ کېدل. که د مسلمانانو امنیت ښه وی، نو یادونې ته به یې اړتیا نه وه. په حقیقت کې دا ښيي چې د لومړي وزیر څرګندونې سرچپه وې.   

مسلمانان د هغو خلکو او ظالمو چارواکو مرستې ته اړتیا نه لري، چې انسانیت نه پېژني او د مسلمانانو پر وړاندې د هغوی په کورونو او د سرکونو پر سر مبارزه او ظلم کوي.

مسلمانان به هغه وخت له روژې خوند واخلي، چې له اسلامي خاورو څخه د غربي ځواکونو ټغر ټول او د ښکېلاکګرو پېښو ته د پای ټکی کېښودل شي. موږ د همدې ورځې په تمه یو او په پوره مېړانې سره د دغه حقیقت لپاره کار کوو. که څه هم لومړی وزیر له موږ څخه غواړي، څو د هغو کسانو پر ضد ودرېږو چې د همدغه ستر حقیقت لپاره کار کوي.  

اې مسلمانانو روژه مو مبارک شه!

په اسټرالیا کې د حزب التحریر مطبوعاتي دفتر

رسول الله صلی الله علیه وسلم فرمایي:

«صوموا لرؤيته وأفطروا لرؤيته، فإن غُبِّيَ عليكم فأكملوا عدّة شعبان ثلاثين»

(البخاري)

ژباړه: کله چې میاشت ښکاره شي روژه ونیسئ او کله چې میاشت ښکاره شي روژه ماته کړئ.

رسول الله صلی الله علیه وسلم ټولو مسلمانانو ته امر کړی، کله چې میاشت ښکاره شي ټول په یوه ځل فرض روژه ونیسئ. ابن عباس رضی الله عنه روایت کوي:

جَاءَ أَعْرَابِيٌّ إِلَى النَّبِيِّ صَلَّى اللهُ عَلَيْهِ وَسَلَّمَ، فَقَالَ: إِنِّي رَأَيْتُ الْهِلَالَ - يَعْنِي هِلَالَ رَمَضَانَ -، فَقَالَ: «أَتَشْهَدُ أَنْ لَا إِلَهَ إِلَّا اللَّهُ؟» قَالَ: نَعَمْ، قَالَ: «أَتَشْهَدُ أَنَّ مُحَمَّدًا رَسُولُ اللَّهِ؟» قَالَ: نَعَمْ، قَالَ: «يَا بِلَالُ أَذِّنْ فِي النَّاسِ أَنْ يَصُومُوا غَدًا»

(الحکیم)

ژباړه: یو کوچی رسول صلی الله علیه وسلم ته راغی او ویې ویل: ما د روژې میاشت ولیدله. رسول الله صلی الله علیه وسلم ورته وویل: ایا شاهدي ورکوې چې له الله سبحانه وتعالی پرته بل څوک د عبادت وړ نه دي؟ ویې ویل: هو. رسول الله صلی الله علیه وسلم بیا وویل: ایا شاهدي ورکوې چې حضرت محمد صلی الله علیه وسلم د الله رسول دی؟ ویې ویل: هو. وروسته رسول الله صلی الله علیه وسلم وویل: بلال! خلکو ته ووایه چې سبا روژه ونیسي.

له همدې امله زموږ په سپېڅلي دین کې راغلي، چې د یو مسلمان لخوا د میاشتې لیدل هغه که د نړۍ په هره برخه کې وي، یوازې په نوموړي پورې نه، بلکې په ټول امت پورې اړه لري. دا سمه نه ده چې د روژې د پیل وخت د لمانځه په څېر وګڼل شي، ځکه دا دوه بېلابېل حکمونه دي. د یوې سیمې د لمانځه وخت له بلې سیمې سره توپیر لري، ځکه دا په یادو سیمو کې د لمر له موقعیت سره سم ټاکل کېږي. روژه بیا د دې پرخلاف په ټولو سیمو پورې تړاو لري، یعنې په هره سیمه کې چې میاشت ولیدل شي، پر ټول اسلامي امت باندې روژه فرض کېږي.

اې د پاکستان مسلمانو علماوو! د خلافت په نشت کې چې زموږ د یووالي اساسي لامل و، اوسني چارواکي د میاشتې په لیدلو کې بې پروایي کوي او زموږ تر منځ نفاق ته لمن وهي؛ په داسې حال کې چې موږ د یوې روژې په خوړلو او یا هم د اختر په ورځ د روژې په نیولو له لویې ګناه سره مخ کېږو. د اسلامي خلافت تر بېرته راتلو پورې په اسلامي نړۍ کې ټول مسلمانان له اندونزیا نیولې تر مراکش پورې د خلافت له دعوتګرو رښتینی ملاتړ وکړئ. د دې تر څنګ راځئ د ۲۰۱۹م کال د مۍ له ۵مې څخه وروسته چې د ۱۴۴۰هـ.ق کال د شعبان له ۲۹مې سره سمون لري، یو باوري رپوټ د واټ ساپ (+90-531-814-7385) او یا هم برېښنالیک (این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید) له لارې سره ولېږو.

 الله سبحانه وتعالی فرمایي:

﴿شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنْ الْهُدَى وَالْفُرْقَانِ فَمَنْ شَهِدَ مِنْكُمْ الشَّهْرَ فَلْيَصُمْهُش....﴾

[سورة البقره:۱۸۵]

ژباړه: روژه هغه میاشت ده چې قرآن پکې نازل شوی او قرآن د خلکو لپاره لارښود دی، داسې لارښود چې په څرګنده توګه حق او باطل سره بېلوي. پر چا چې دا میاشت راشي، هغه باید ټوله روژه ونیسي....

د حزب التحریر ولایه-پاکستان مطبوعاتي دفتر