لآيات (3، 4) نزل عليك الكتاب بالحق مصدقا لما بين يديه...

لفضيلة الشيخ يوسف مخارزة (أبو الهمام)

الثلاثاء، 02 ذو القعدة 1438هـ الموافق 25 تموز/يوليو 2017م

لمشاهدة الحلقات السابقة اضغط هنا

للشيخ عصام الدين أحمد

عضو حزب التحرير / ولاية السودان

الخرطوم، 27 شوال 1438هـ الموافق 21 تموز/يوليو 2017م

واقعي، اغېزمنه او پر وخت حساب ورکونه یوازې پر نبوي طریقه خلافت کې شونې ده

د لومړي وزیر، نواز شریف استعفا غوښتنې تر هغې وروسته ډېر زور واخیست چې ګډي پلټونکي ډلې(JIT) د ۲۰۱۷م کال د جولای پر ۱۰مه د پانامې د افشا شوو اسنادو په تړاو خپل د پلټنې راپور سترې محکمې ته وسپاره. د ګډي پلټونکي ډلې راپور په پایله کې چې لومړی وزیر او اولادونو يې خپله شتمني نه وه په ډاګه کړې او د دوی ژوند تر اعلان شوو شمتنیو ډېر په لوړ معیار کې و، نو ځکه نوموړې موضوع به د ملي حساب ورکوني ادارې (NAB) ته وړاندې شي. هېڅوک باید د ( ۲۰۱۲ ز) کال د جون د میاشي هغه قضیه هېره نه کړي چې د پاکستان د هغه وخت لومړی وزیر یوسف رضا ګېلاني د سترې محمکې له لوري بې صلاحیته شو، خو پاکستاني حکومت او د پاکستان د خلکو ګوند (PPP) دی په واک کې پاتې کړ. سربېره پر دې نوی لومړی وزیر، راجه پرویز اشرف هم د همدې ګوند څخه ونومول شو، په داسې حال کې چې نوموړی د بډو اخیستنې له امله په مالي فساد تورن و، د ملي حساب ورکونې ادارې تر پلټنو لاندې و او هغه مهال دی د اوبو او بریښنا وزیر و. نو دا ځل هم که د لومړي وزیر د مسلم لیګ-نواز ګوند له واکه ګوښه کړل شي، واکمن ګوند به په ډېره اسانی سره یو بل فاسد واکمن و ګوماري، تر څو دغه دوره بشپړه کړي. رښتیا چې ډیموکراسي د فساد ساتونکې ده.

په ډیموکراسي او یا هم بل د انسان په لاس جوړ شوي نظام کې د واکمنانو واقعي، اغېزمنه او پر وخت حساب ورکونه ناشونې ده. لکه څنګه موږ په ټوله نړۍ کې  د پانامې اسنادو او نورو ګڼو دوسیو له لارې  په ښکاره ډول ولیدل، چې ډیموکراسي مفسدو واکمنانو ته د واک په درشل کې فرصت ورکوي، چې د واک او مالي سرچینو څخه په ګټې اخیستنې سره پرېمانه شتمنۍ په لاس راوړي. همدا راز دوی ته له محاکمې څخه د تېښتې ګڼې لارې برابروي او د فساد پټولو لارې چارې ورته ښيي. فاسد واکمانان په ټوله نړۍ کې تر کلونو کلونو څېړنو او د محکمو تر بهیر روسته، د کره شواهدو سره سره بیا هم مجرم نه پيژندل کيږي. واقعي، اغېزمنه او پر وخت حساب ورکونه د هغو خلکو لپاره چې په واک کې دي او د دولت مالي سرچینې يې په لاس کې دي، یوازې د نبوت پر طریقه خلافت کې شونې ده، چې هغه قانون پلی کوي چې الله سبحانه و تعالی نازل کړی دی، نه هغه قانون چې د انسان په لاس جوړ شوی دی. د ابو حمید الساعدي  څخه روایت دی چې رسول الله صلی الله علیه وسلم یو تن د ابن لتبیه په نامه د الازد له قوم څخه د زکات را ټولونکي په توګه په کار وګوماره. کله چې نوموړی کار کوونکی د زکات د مال سره یوځای را ستون شو نو وه يې ویل: چې  ای پېغمبره صلی الله علیه و سلم! دغه مال ستاسو دی او دغه نور زما دی، ځکه دا يې ماته ډالۍ کړی." رسول الله صلی الله علیه وسلم دریځ ته وخوت او د الله سبحانه و تعالی حمد او ثنا یې وویله او ويې فرمایل:

»مَا بَالُ الْعَامِلِ نَـبْـعَـثُـهُ فَيَأْتِي يَقُولُ هَذَا لَكَ وَهَذَا لِي فَهَلاَّ جَلَسَ فِي بَيْتِ أَبِيهِ وَأُمِّهِ فَيَـنْـظُـرُ أَيُهْدَى لَهُ أَمْ لاَ وَالَّذِي نَفْسِي بِيَدِهِ لاَ يَأْتِي بِشَيْءٍ إِلاَّ جَاءَ بِهِ يَوْمَ الْقِيَامَةِ يَحْمِلُهُ عَلَى رَقَـبَـتِـهِ إِنْ كَانَ بَعِيرًا لَهُ رُغَاءٌ أَوْ بَقَرَةً لَهَا خُوَارٌ أَوْ شَاةً تَيْعَرُ ثُمَّ رَفَعَ يَدَيْهِ حَتَّى رَأَيْنَا عُفْرَتَيْ إِبْطَيْهِ أَلاَ هَلْ بَلَّغْتُ ثَلاَثاً« (بخاري او مسلم)

ما یو تن ته دنده ورکړه چې زکات را ټول کړي، دی راغی او وايې: "دغه يې ستا او دا یې ما ته ډالۍ راکړې. بیا يې وفرمایل: که دی د پلار یا مور په کور کې پاتې شوی وای، نو ایا ده به ډالۍ ترلاسه کړې وای ؟ پر هغه الله قسم چې د محمد روح د ده په واک کې دی، که هر یو له تاسو څخه کوم شی په ناجایزه توګه واخلي، نو د قیامت په ورځ به د الله دربار ته په داسې حالت کې راځي چې پر اوږو به يې بار  وي. خبردار اوسئ! زه داسې څوک پېژنم چې د الله حضور ته به له اوښ سره راشي چې رمباړې به وهي یا به له غوا یا پسه سره راشي، چې بوغې به وهي. وروسته ده خپل لاس دومره اوچت کړ چې د ده د مبارک تخرګ سپینوالی مو ولید او  درې ځلې یې و ویل: "اې الله ما ستا امر ورسوه."

حزب التحرير- ولایه پاکستان، د پاکستان مسلمانانو ته خبرداری ورکوي چې د ډیموکراسۍ تر چتر لاندې دا ډول د فساد ضد ډرامې هیڅ مثبتي پایلې نه لري. تر دغې ډرامې وړاندې د مشرف د پوځي قانون دوره "د ډیموکراسۍ د بیا منځته راتلو دوره" او د پاکستان د خلکو ګوند "د قضا بیا منځته راتګ دوره"  هیڅ ښه والی او مثبت بدلون را نه ووست او فساد لا هم هغسې دوام لري. دغه راز به په راتلونکي کې هم ډیموکراسي کوم ښه والی او مثبت بدلون را نه ولي، ځکه چې هره اداره د بریتانوي هند راج څخه د ورپاتې کفري قانون سره سمې خپلې کړنې تر سره کوي. دغه د ډیموکراسۍ ډرامې  تاسو ته دروغجنې هیلې درکوي، ترڅو تاسي د نبوت پر طریقه د خلافت د بیاراتګ له لارې د واقعي بدلون له کار کولو څخه منع کړي. د ډیموکراسۍ له ډرامو څخه مخ واړوئ او خپلې ټولې هڅې د خلافت د بیا تاسیس لپاره مصرف کړئ، چې د واقعي، اغېزمن او پر وخت حساب ورکوونکو واکمنانو یوازينی ضامن دی.  

د حزب التحریر- ولایه پاکستان مطبوعاتي دفتر

(ژباړه)

د)  ۲۰۱۷م( کال د جون پر ۱۲مه، د امريکا تفریحي تلویزوني شبکې «Showtime» څلورمه مستنده برخه ”د پوتین مرکې“ تر نامه لاندې خپره کړه، چې دا برخه په لوېديځ کې د امریکايي نامتو فلم جوړونکي اولیور سټون «Oliver Stone» له لوري جوړه شوې وه. په همغه وخت کې نوموړې مرکه د چينل ون «Channel One» روسي دولتي تلویزوني شبکې له لارې نندارې ته وړاندې شوه. د ( ۲۰۱۷م) کال د جون پر ۱۵مه، د روسي رسنيو تر څنګ د کریملین بهرنیو رسنیزو شبکو لکه «نن روسیې» او «سپوټنیک» له لارې خبر خپور شو، چې پوتین اولیور سټون ته ویلي وو، چې مسکو به هیڅکله هم روسیې ته اجازه ورنه کړي، چې خلافت شي.

که څه هم، په رسمي توګه نوموړی فلم د واقعي او بې طرفه استناد  ادعا کوي، خو تردې دمه د فلم کره والی او پوتین ته د لیکوال بشپړه وفاداري هر چا ته څرګنده شوه. د فلم په درېیمه برخه کې سټون له پوتین څخه د سوريې په پوځي عملیاتو کې د روسي هوايي ځواک د برخې اخیستنې لاملونو په اړه و پوښتل. پوتين په ځواب کې وويل: «دوی به له سهیلي اروپا څخه تر مرکزي آسيا پورې خلافت رامنځته کړي، چې دا تر ټولو ستر خطر دی». دې خبرې د خبريال ږغ د صحنې  تر شا پر پرده  منعکس کړ. دوی د نړۍ د نقشې پر مخ د تورې پراخې سیمې په څېر را څرګندېږي. د خلافت لمن له استثنا پرته ټولو مسلمانو هیوادونو ته غځیږي او تر پیرینین، اپینین او د بالکان تر ټاپووزمو پورې رسیږي.  د دې تر څنګ، د خلافت شمالي سرحدونه یې په فلم کې داسې انځور کړل چې د مرکزي اسیا په سیمه کې په مستقیم ډول له روسيې سره څېرمه پوله لري. په پايله کې، د مرکې نیمه برخه په سوریه کې د روسیې خونړیو عملیاتو ته ځانګړې شوې وه او پوتين په درېيمه برخه کې خپلې خبرې په دغو الفاظو پای ته ورسولې: « تاسو پوهيږئ د نړۍ هيڅ دین د شر سرچینه نه شي کېدای. په اسلام کې ډيرې زیاتې ډلې او تقسیمات شته، چې دوې اصلي ډلې يې شيعه او سني دي. موږ وينو چې تر اوسه د دوی دواړو تر منځ ډېر ژور توپیرونه شتون لري. سره له دې، زه پر دې باور لرم چې يوه ورځ به دوی پر دغو توپیرونو لاس بري شي یا به مسکو د خلافت یوه برخه شي». اولیور سټون د ټوکې په ډول وویل: «ښه، موږ به دې ته اجازه ور نه کړو. په هر حال، پوه شه چې واشنګټن ښايي د خلافت برخه نه شي.» پوتین په احمقانه ډول و خندل.

په ښکاره ډول، د خلافت په اړه د دوی  څرګندونې، د خلافت نقشې د پراخوالي اړوند مسلسله ویډیو، چې د عصري اروپا سیمه هم پکې ګډون لري ( هغه خاوره چې یو وخت تر اسلامي حاکمیت لاندې وه) او د سټون بې خندا ټوکه، دا ټول هغه څه دې چې د کریملین په پلوۍ یو بشپړ څرګند تبلیغاتي پیغام وړاندې کوي، چې پوتین له راتلونکي خلافت څخه د نړۍ ساتنه کوي.

له يو طرفه د( ۲۰۱۸م) کال د ټاکنیزو نوماندۍ پر مهال، پوتين روسي وګړي له خلافته وېرول، ځان یې د اړتیا له مخې د ۶ نورو کلونو لپاره پر چوکۍ د پاتې کېدو په پلمه مستحق ګاڼه او د سوریې په جګړه کې يې د نوي قربانیانو له حقونو څخه د دفاع لپاره ځان ته حق ورکاوه. د ده دا چل بریالی شو، د بېلکې په توګه د روسي پیلوټانو څخه د یو پلار په سوریه کې ووژل شو، د هغه د زوی په مړینه کې يې داسې وینا وکړه: « دی په داسې حال کې مړ شو چې وسله په لاس د خپلې پلرنی خاورې څخه یې دفاع کول، ترڅو دغه تور میکروب موږ ته سرایت و نه کړي، له دې امله موږ نه غواړو چې بورقه په سر کړو او هر څلور ساعته دعا وکړو. » له همدې امله روسان پوتین ته له خلافت څخه د نجات ورکوونکي او ژغورنکي په سترګه ګوري.

له بله طرفه په ځانګړي ډول نوموړی فلم په بهرنیو مرکزونو کې خپرېدو ته په پام کې نیول شوی و، چې فلم غربي مخاطبانو دواړو (سیاسي مخورو او عامو خلکو) ته یو مهم پیغام درلود. پوتين غواړي د اوسنۍ نړۍ له سترو قدرتونو څخه یو وي او د بهرنیانو له بندیزونو څخه لرې او خپلواک وي. پوتين په دې ډول اروپايانو ته وويل: «موږ ګډ دښمن لرو، له مخالفت څخه باید لاس واخلو.» سره له دې چې ټول فلم د پوتین او لیکوال دواړو له خوا مسلمانانو ته له کرکې څخه ډک پیغام درلود. پرته له شکه، له فلم څخه موخه په لوېديځ کې د ازادۍ د ارزښتونو او بهیرونو راټيټول او مايوسه کول وو، چې د امریکا د انتخاباتو پر پایلو يې د ټرمپ په بریا کې او په اروپا کې د ملتپالو په ځواکمن کېدو کې رغنده رول درلود. له هغه چا څخه مننه چې پوتين یې په لوېديځ کې زیات مشهوره کړ، په ځانګړې توګه له سټون څخه چې مخکې یو سخت لبرال کس، يو ځل بيا یې د شوروي مخالفینو سره همدردي ښکاره کړه او نن ورځ د پوتين د یو تبلیغاتي کس په څېر بدل شو. پوتين د یوې منظمې او څرګندې  مفکورې له مخې د سیالې امپرالیسټي مشرې امریکا څخه د داسې احترام وړ موقف په لټه کې دی. دغه موقف په ښکاره ډول د  Oscarجایزې ګټونکي فلمي ډایریکټر لپاره په زړه پورې دی. په رښتیني توګه، پوتین د هغو کسانو په څېر یو کس دی، چې الله یې يادونه کړې:

وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ أَلَا إِنَّهُمْ هُمُ الْمُفْسِدُونَ وَلَكِن لَّا يَشْعُرُونَ

(البقره:۱۱-۱۲)

کله چې هغوی ته و ویل شول، پر مځکه فساد مه کوئ، نو هغوی و ویل: یقینا موږ خو اصلاح را وستونکي یو. پام کوئ! په حقیقت کې همدوی فساد کوونکي دي، خو شعور نه لري.

د یادونې وړ ده چې د پوتین دا لومړی ځل نه دی، بلکې مخکې یې هم د خلافت یادونه کړې. په ( ۲۰۰۴م) کال کې، د هغه د واکمنی پر مهال، کله چې ده غوښتل په هیواد کې د خپلې واکمنۍ ځواکمنتیا ثابته کړي او سیاسي زور وښيې، نو له یوې روسي تلویزوني شبکې سره یې په مرکه کې وویل: « په هر صورت، د دوی  موخې په نړیواله سطحه ډېرې مهمې دي، د مثال په توګه د خلافت په رامنځته کېدو کې. زموږ لپاره دا واقعي، منفي او نه منونکي پایلې دي. په اصل کې د دوی دا موخه، زموږ لپاره  د هیواد په سهیل کې د  لویو سیمو د لاسه ورکولو او د ټول دولت د احتمالي بې نظمۍ په مفهوم ده.»

ښه، پوتینه، مسلمانان به په حقیقت کې خلافت بیا را ژوندی کړي؛ خپل هغه رښتینی دولت به را ژوندی کړي چې روسیه، امریکا یا بل هغه څوک به پرېنږدي چې د مېرمنو، زړو خلکو او ماشومانو پر سرونو مو بمونه پرته له جزايي مسولیته را اورول. وخت به راشي، د هغه خطر په اړه ستاسو ناوړه دروغ به څرګند شي، چې د نړۍ د خالق د دین له لوري تاسو ورسره مخ کیږی. روم او سپینه ماڼۍ به زموږ وي او ته، پوتینه، د دغه ژوند د تاریخ په تورو تیارو کې به تباه شې. ستا په شان قاتلان به هم ستا له برخلیک سره مخ وي او د اخرت په ژوند کې هر مجرم ته سختې سزاګانې ساتل شوې.

لیکوال: ایلډر خامزین

د حزب التحریز د مرکزي مطبوعاتي دفتر غړی

د الرایه جریدې د ۱۳۸ مې ګڼې لپاره