آج 17اکتوبر سے زرداری نے وزیرستان میں فوجی آپریشن کا آغاز کر دیا ہے کہ جس کے متعلق زرداری حکومت نے مہینے کے شروع سے ہی بار بار اعلان شروع کردیا تھاکہ وزیرستان میں فوجی آپریشن کرناضروری ہے۔ یہ اعلانات کئی مہینوں تک وزیرستان کے مسلمانوں کامحاصرہ کیے رکھنے اور انہیں خوراک اور ضروریاتِ زندگی کی ترسیل کوکاٹ دینے کے بعد کیے گئے۔ نیزیہ اعلانات زرداری کی طرف سے اپنے دورۂ امریکہ کے دوران امریکی حکومت سے ہدایات حاصل کرنے کے بعد سامنے آئے ۔ اور یہ بھی محض اتفاق نہیں کہ حکومت کی طرف وزیرستان میں آپریشن کا اعلان اس موقع پر کیا گیا جب پے در پے دھماکوں اور حملوں کی ایک نئی لہر کے ذریعے پورے ملک میں خوف اور عدم تحفظ کی فضائ قائم ہو چکی تھی۔ اس لہر کا آغاز 9اکتوبر کوپشاور کے مصروف بازار میں دھماکے سے ہوا ،پھر 10اکتوبر کوراولپنڈی میں پاکستانی فوج کے ہیڈکوارٹرپر حملہ کیا گیا ، اس کے دو دن بعد 12اکتوبر2009کو شانگلہ بازار کے چوک میں فوجی کاروان کو نشانہ بنایا گیا، اس کے تین دن بعد 15اکتوبر کو لاہور میں کئی حملے کیے گئے اور پھر17اکتوبر کو پشاور میں سی آئی اے کے دفتر پر حملہ کیا گیا۔ ان خوفناک واقعات کے نتیجے میں درجنوں مسلمان لقمہ اجل بن گئے، جبکہ سینکڑوں لوگ زخمی اور اپاہج ہو گئے ہیں ،جن کے لواحقین غم و غصے کی تصویر بنے ہوئے ہیں۔

پس زرداری حکومت نے جس طرح سوات آپریشن سے قبل بھر پور میڈیا مہم کے ذریعے کنفیوژن اور خوف کی فضائ پیدا کی تھی تاکہ مسلمانوں کے قتلِ عام کے خلاف عوام کے ردِ عمل کو مفلوج کیا جائے،اسی طرح وہ حالیہ حملوں اور دھماکوں کو بھی امریکی ایجنڈے کے لیے استعمال کرنے کی بھر پور کوشش کر رہی ہے، قطع نظر یہ کہ ان مجرمانہ حملوں میں کون سے ہاتھ ملوث ہیں۔ چنانچہ زرداری حکومت نے فوراً ان حملوں کو وزیرستان میں آپریشن کی حمایت حاصل کرنے کے لیے استعمال کیا۔ یہ وہی وزیرستان ہے جو افغانستان پر قابض امریکی فوج کے خلاف حملوں کا گڑھ ہے، جن کے نتیجے میں افغانستان میں امریکی فوج کی حالت پتلی ہو چکی ہے اورخوف امریکی فوجیوں کے دل و دماغ پر حاوی ہو چکا ہے۔

جہاں تک ان حملوں کے پسِ پردہ ہاتھ کا تعلق ہے ، تو ہم یہاں یہ کہنا چاہیں گے کہ باخبر لوگ جانتے ہیں کہ امریکی انٹیلی جنس ایجنسیاں کئی سال قبل ہی پاکستانی ایجنسیوں کے ذریعے کچھ طالبان عناصرکے اندر جگہ بنا چکی ہیں اور نتیجتاً وہ ان لوگوں میں بھی داخل ہو چکی ہیں جو اپنے آپ کو القاعدہ کہتے ہیں۔ نیز پاکستان کے ایجنٹ حکمرانوں کوجولائی 2009میں ہی جی ایچ کیو پر حملے کے خطرے سے خبردار کر دیا گیا تھا ، لیکن ایسے کسی بھی حملے کو روکنے کے لیے ضروری احتیاطی تدابیر اختیار نہ کی گئیں ۔ اور زرداری اور اس کے حواری صرف اس وقت اپنی غفلت کی نیند سے بیدار ہوئے ،جو انہوں نے دانستاً اپنے اوپر طاری کر رکھی ہے، جب مسلمان اپنے پیاروں کی لاشیں گِن رہے تھے ، اور پھرفوراً انہوں نے اپنے امریکی آقائوں کو خوش کرنے کے لیے چیخناشروع کر دیا کہ وزیرستان میں فوجی آپریشن کی ضرورت ہے!! یہ سب اس کے علاوہ ہے کہ یہ حکمران ایمبیسی اور کونسل خانوں کی توسیع کے نام پر پاکستان میں امریکہ کی موجودگی کومزید پھیلانے میں مجرمانہ مدد فراہم کر رہے ہیں۔ اور امریکہ کی انٹیلی جنس ایجنسیاں اب پورے پاکستان میںخونی انتشاراورخوفناک بد امنی پھیلانے کی سٹریٹیجی پر عمل درآمد کے قابل ہو چکی ہیں۔ یہ وہی امریکی ایجنسیاں ہیں جواس سے قبل وسط امریکہ ، مشرقِ وسطی اور جنوب مشرقی ایشیائ میں یہی کھیل کھیل چکی ہیں۔ یہی نہیں بلکہ امریکہ کی پرائیویٹ فوجی تنظیم بلیک واٹر ،جوعراق میں سفاک جرائم سرانجام دے چکی ہے، اور ڈائینا کارپ پاکستان میںبلا روک ٹوک دندناتی پھر رہی ہیں ۔
اور اپنے امریکی آقائوں کی خدمت میں تازہ ترین تحفے کے طور پر زرداری حکومت نے حزب التحریر کے شباب کے خلاف گرفتاریوں اور تشدد کی مہم شروع کر دی ہے ، جو وزیرستان آپریشن اور امریکی راج کے خلاف کلمۂ حق بلند کر رہے ہیں ۔ چنانچہ بااثر طبقے میں اس آپریشن کی حقیقت کے متعلق آگاہی پیدا کرنے کے لیے دارلحکومت اسلام آباد میں حزب التحریرکی طرف سے منعقد کردہ سیمینار پر حکومتی اہلکاروں نے دھاوا بول کر حزب التحریرسے وابستہ30سے زائد افراد کو گرفتار کر لیا۔

زرداری اور اس کے حواری امریکہ کو یہ تمام انمول خدمات ایسے موقع پرپیش کر رہے ہیں ،جب امریکہ اس خطے میں شدیدمشکلات سے دوچار ہے۔ امریکی افواج افغانستان کی خطرناک دلدل میں ہاتھ پائوں مار رہی ہیں اور افغانستان سے ذلت آمیز انخلا کا خطرہ ان کے سر پر منڈلا رہا ہے۔ اور امریکہ کی سیاسی قیادت اس ناکام ہوتی صلیبی جنگ کو بچانے کے لیے مختلف راستے تلاش کرنے کی کوشش کر رہی ہے۔ اس حد تک کی امریکی صدر اوباما ''واضح‘‘ایف- پاک پالیسی کے اعلان کے چند ہی ماہ بعد ایک اور ''واضح‘‘پالیسی کی تشکیل پر غور و خوض کر رہا ہے۔ 16ستمبر 2009کو اوباما نے کہا: ''یقیناً جب تک آپ اپنی سٹریٹیجی کے متعلق بالکل واضح نہ ہوں آپ اپنے مرد و ں اورعورتوں کو میدانِ جنگ پر بھیجنے کا عزم نہیں کر سکتے‘‘۔ اورحقیقت یہ ہے کہ افغانستان میں افواج کی تعداد میں اضافہ ،مزاحمت کو تقسیم کرنے کی کوشش اور مجاہدین کو سیاسی عمل کا حصہ بنانے کے لیے سودے بازی جیسی گھسی پٹی تجاویز ناکام ہو چکی ہیں۔

پس اگر زرداری اور اس کے حواری نہ ہوتے تو امریکہ کے پاس افغانستان میں اپنی موجودگی کو برقرار رکھنے کے لیے کوئی آسرا باقی نہ رہتا،جہاں اسے مسلمانوں کی طرف سے شدید مزاحمت کا سامنا ہے ،اور یہ مزاحمت پچھلے آٹھ سالوں سے امریکہ کو اپنے قدم مستحکم کرنے سے روکے ہوئے ہے۔ لیکن زرداری کے کیا ہی کہنے کہ اب وزیرستان آپریشن کے ذریعے افغانستان میں جاری امریکہ کی جنگی کاروائیوں کو تقویت فراہم کی جائے گی اور دونوں اطراف سے بیک وقت کاروائی کے ذریعے مسلم مزاحمت کے گرد گھیرا تنگ کیا جائے گا۔ علاوہ ازیں امریکہ کو تحفظ فراہم کرنے کی اس کوشش کے نتیجے میں مسلمان شدید جانی نقصان سے دوچار ہوں گے ، جیسا کہ سوات آپریشن کے دوران ہوا تھا۔ اور سوات آپریشن کی مانند ایک بار پھر بے شمارمسلمان اپنے گھروں سے دربدر ہوجائیں گے؛ بوڑھے ، بچے اور عورتیں کسمپرسی میں مبتلا ہوںگے،تمام ملک عدم استحکام کا شکار ہو گا، اور شہادت کا جذبہ رکھنے والے لاکھوں مسلمان فوجیوں کو محض کرائے کی فوج کے طور پر استعمال کیا جائے گا جو افغانستان میں امریکہ کو یقینی ذلت سے بچانے کا کام سرانجام دے گی۔ اور کفار کے منصوبوں کی خاطر مسلمان ہی مسلمانوں کو موت کے گھاٹ اتاریں گے اور اللہ کا غضب مول لیںگے۔ جیسا کہ اللہ تعالیٰ نے ارشاد فرمایا:

وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

'' جو کو ئی کسی مومن کو قصداَقتل کر ڈالے، اس کی سزا جہنم ہے جس میں وہ ہمیشہ رہے گا، اس پر اللہ تعالیٰ کا غضب ہے ، اور اس پر اللہ تعالیٰ کی لعنت ہے اوراسکے لیے عظیم عذاب تیار کر رکھا ہے ‘‘﴿النسائ:93﴾

اے مسلمانانِ پاکستان!
آپ کب تک اپنے حکمرانوں کو اس بات کی اجازت دیں گے کہ وہ آپ کی طاقت اور وسائل کو امریکہ کے مفاد کے لیے استعمال کرتے رہیں؟ ماضی میں امریکہ نے پاکستان کی افواج ، بے پناہ وسائل ، بہادر افراد اور تخلیقی صلاحیتوں کواستعمال کیا تاکہ افغان مجاہدین کی مدد سے روس کو شکست دی جائے۔ پھر امریکہ نے پاکستانی قیادت کے ذریعے طالبان کی مدد کی تاکہ افغانستان میں استحکام لایا جائے اور اسے وسط ایشیائ سے تیل اور گیس کی ترسیل کا راستہ بنایا جائے۔ پھر مشرف کے دورِ حکومت میں امریکہ نے افغانستان پر قبضے کو ممکن بنانے کے لیے پاکستان کے وسائل کو استعمال کیا۔ اور اب امریکہ زرداری حکومت کی ملی بھگت سے پاکستان کی افواج کے مسلمان بیٹوں کو افغانستان میں جاری صلیبی جنگ میں ایندھن کے طور پر استعمال کر رہا ہے تاکہ افغانستان میں برپا مزاحمت کا مقابلہ کر کے اسے ناکام بنایا جائے اور پاکستان میں امریکی موجودگی کو وسعت دی جائے ۔ اور اس سنگین غداری کے بدلے میںمسٹر 10پرسنٹ زرداری پاکستان کے عوام کو ڈالروں کا لالچ دے رہا ہے اور چاہتا ہے کہ اس کی طرح پاکستان کے مسلمان بھی امریکہ کو اپنا دوست اور مددگار تصور کرلیں، جبکہ اللہ تعالیٰ نے قرآن میں واضح کر دیا ہے:

مَثَلُ الَّذِينَ اتَّخَذُوا مِنْ دُونِ اللَّهِ أَوْلِيَاءَ كَمَثَلِ الْعَنكَبُوتِ اتَّخَذَتْ بَيْتًا وَإِنَّ أَوْهَنَ الْبُيُوتِ لَبَيْتُ الْعَنْكَبُوتِ لَوْ كَانُوا يَعْلَمُونَ

''جن لوگوں نے اللہ کے سوا دوسروں سے دوستی کی ،ان کی مثال مکڑی کی طرح ہے جس نے اپنا گھر بُن لیا اور یقینا گھروں میں سب سے کمزور گھر مکڑی کا ہوتا ہے -اگر یہ لوگ جانتے ہوتے‘‘﴿العنکبوت: 41 ﴾

اس شرکا علاج ایک ہی ہے کہ غداراور کرپٹ زرداری کو ہٹایا جائے اور اس نظام کا جڑ سے خاتمہ کیاجائے جو ہمیشہ اسی قسم کے حکمرانوں کو جنم دیتا ہے، اور اس کی بجائے اسلامی خلافت کو قائم کیا جائے جو اسلام کو نافذ کرے گی، پوری امت کو یکجا کرے گی اور اسلامی علاقوں میں صلیبیوں کی ہر قسم کی موجودگی کے خاتمے کے لیے مسلمانوں کے بے پناہ وسائل کو بروئے کار لائے گی۔

اے اہلِ قوت! اے مسلمانانِ افواجِ پاکستان!

آپ کس طرح اس بات کو قبول کر سکتے ہیں کہ یہ حکمران آپ کے قیمتی خون کو امریکہ کو بچانے کے لیے بے دریغ بہائیں؟ آپ کس طرح یہ قبول کر سکتے ہیں کہ آپ کسی بھی حیثیت میں امریکہ کے ایجنڈے کو پورا کریں ، وہ صلیبی امریکہ جس نے مسلمانوں کے خلاف جنگ شروع کر رکھی ہے اور وہ مسلمانوں کے خلاف ہندوئوں اور یہودیوں کی پشت پناہی کرتا ہے ،اور اس نے آپ پر نظر رکھنے کے لیے پاکستان میں اپنی خاطر خواہ موجودگی کو قائم کر لیا ہے جبکہ دوسری طرف وہ آپ ہی سے مطالبہ کر رہا ہے کہ آپ اس کی مدد کریں؟! اور محترم بھائیو! آپ کو یہ بات نہیں بھولنی چاہئے کہ ان ایجنٹ حکمرانوں کے احکامات پر چلنا اُس دن آپ کے کسی کام نہیں آئے گا جو پوری کائنات کے لیے سب سے بھاری دن ہوگا۔ کیا آپ اللہ کے غضب سے خوفزدہ نہیں جس میں قیامت کے دن وہ لوگ مبتلا ہوںگے جنہوں نے اللہ کی نافرمانی کرتے ہوئے اپنے قائدین کی فرمانبرداری اختیارکی ، اور ان قائدین نے انہیں گمراہ کر دیا؟ اللہ نے قرآن میں بیان کیا ہے کہ وہ سب جہنم میں ڈالے جائیں گے :

يَوْمَ تُقَلَّبُ وُجُوهُهُمْ فِي النَّارِ يَقُولُونَ يَا لَيْتَنَا أَطَعْنَا اللَّهَ وَأَطَعْنَا الرَّسُولَا * وَقَالُوا رَبَّنَا إِنَّا أَطَعْنَا سَادَتَنَا وَكُبَرَاءَنَا فَأَضَلُّونَا السَّبِيلَا

''جس دن ان کے منہ آگ میں الٹ دیے جائیں گے ، وہ کہیں گے اے کاش! ہم نے اللہ اور اس کے رسول ﷺکا کہا مانا ہوتا،اور وہ کہیں گے اے ہمارے پروردِگار ہم نے اپنے سرداروںاور بڑوںکی اطاعت کی تو اُنہوں نے ہمیں سیدھی راہ سے گمراہ کر دیا‘‘۔﴿الاحزاب: 66-67 ﴾

پس آپ پر لازم ہے کہ آپ زرداری کو اقتدار سے ہٹا ئیںاور حزب التحریرکو خلافت کے قیام کے لیے مدد و نصرت دیں ، جس کے نوجوان جابر حکمرانوں کے سامنے مضبوطی سے کھڑے ہیں اوراس فرض کی ادائیگی میں اللہ کے سوا کسی سے نہیں ڈرتے، تاکہ آپ کوایسے مخلص خلیفہ کی قیادت حاصل ہو جائے جو امریکی انٹیلی جنس ایجنسیوں اور افواج کو خطے سے نکل جانے کا حکم دے گا اور اس کا عمل اس کے الفاظ کی گواہی دے گا۔ نیز اس کا یہ عمل مجاہدین میں سے مخلص لوگوں کو خلافت کے گرد جمع کردے گا اور امتِ مسلمہ کے اعتماد کوقائم کر ے گا اور امت پھر اسی طرح اپنے خلیفہ کے حق میں دعائیں کرے گی جیسا کہ ماضی میں ہوتا تھا ،جب خلافت کی افواج ایک کے بعد دوسرے علاقوں کو فتح کیا کرتی تھیں اور اسلام کے نور کو پوری دنیا میں پھیلاتی تھیں۔

رَبِّ انصُرْنِي عَلَى الْقَوْمِ الْمُفْسِدِينَ

''اے میرے رب مجھے مفسدلوگوں سے نجات عطا فرما‘‘﴿العنکبوت: 30 ﴾

سوات آپریشن کے نتیجے میں ہجرت کرنے والے لاکھوں مسلمان اب بھی جون کی تپتی ہوئی دھوپ میں ، بنیادی ضروریات کی فراہمی کے بغیر،بے یار ومددگار پڑے ہیں، جبکہ دوسری طرف پاکستان کے حکمران ''اے سی ‘‘ والے کمروں اور پارلیمانی ایوانوں میں بیٹھ کر مسلمانوں کو مسلمانوں سے لڑانے کے اس امریکی منصوبے کی کامیابی پر واہ واہ کر رہے ہیں۔ اور سوات کے وہ لوگ جو اپنے گھروں سے بروقت نہ نکل سکے ، ان میں سے کئی لوگ آپریشن کے دوران کی جانے والی بمباری اور گولہ باری کا نشانہ بن چکے ہیں۔ اس گولہ باری اور بمباری نے ان گھروں اور املاک کو بھی ملیامیٹ کردیاہے ،جو سوات کے مسلمانوں نے سال ہا سال کی محنت سے تعمیر کیے تھے۔ دوسری طرف پاک فوج کے درجنوں سپاہی جنہیں جنگی تربیت کے دوران اللہ کی راہ میں کفار کے خلاف لڑنے کا سبق دیا گیا تھا ، اس امریکی جنگ کا ایندھن بن گئے اور اپنی جان سے ہاتھ دھو بیٹھے ۔ اور جہاں تک عسکریت پسندوں کا تعلق ہے تو ہمیشہ کی طرح اس مرتبہ بھی اعلان کیا جا رہا ہے کہ کئی عسکریت پسند سوات آپریشن سے بچ نکلنے میں کامیاب ہو گئے ہیں۔ اورجب حکومت کو کسی خاص مقام پرایک نئے آپریشن کے جواز کی ضرورت ہو گی تو یہ عسکریت پسند مناسب موقع پر دوبارہ نمودار ہو جائیں گے!!

یہ ہے اس امریکی جنگ کا حاصل ، کہ جس کے اعلان کے وقت پاکستان کا صدر آصف علی زرداری واشنگٹن میں بیٹھاامریکہ سے ہدایات لے رہا تھا۔
تاہم امریکہ اس تمام ترخونریزی اور تباہی پر مطمئن نہیں بلکہ وہ اصرار کر رہا ہے کہ اس جنگ کو اب قبائلی علاقوں میں بھر پور انداز میں پھیلایا جائے ، جہاں اسے افغانستان پر قبضے کے خلاف شدید ترین مزاحمت کا سامنا ہے۔ پس 20مئی 2009کو سوات آپریشن شروع ہونے کے دو ہفتوں بعد پاکستان میں امریکی سفیر این پیٹر سن نے قبائلی علاقے کو خطرے کے نشان کے طور پر پیش کرتے ہوئے کہا:''خوفناک صورتِ حال یہ ہو سکتی ہے کہ امریکہ، برطانیہ یامثال کے طور پر چین پر پاکستان کے قبائلی علاقوں سے حملہ ہو جائے۔ ہمیں چاہئے کہ ہم اس خوفناک صورتِ حال کو رونما ہونے سے روکنے کے لیے ہر ممکن کوشش کریں‘‘۔ اور اگلے ہی دن حکومت نے قبائلی علاقوںمیں فوجی دستوں کو تعینات کرنا شروع کر دیا ، جس کے نتیجے میں ہزاروں لوگوں نے وہاں سے بھی نقل مکانی شروع کر دی۔ اور پھر 22مئی کو صدر آصف علی زرداری نے اس بات پر آمادگی کا اظہار کیا کہ جس قدر امریکہ چاہے گا ،وہ اس جنگ کو اسی قدر پھیلانے کے لیے تیار ہے۔ بلاشبہ قبائلی علاقوں میں آپریشن کا منصوبہ پاکستان کی خاطر نہیں بلکہ خطے میں امریکہ کو بچانے کے لیے ہے، جو نام نہاد دہشت گردی کے خلاف جنگ میں عالمی حمایت اور فتح کی امید سے محروم ہو چکا ہے ۔ جیسا کہ پاکستان اور افغانستان کے لیے امریکہ کے خصوصی ایلچی رچرڈ ہالبروک نے امریکی سینٹ کی فارن ریلیشنز کمیٹی کے روبرو مئی 2009میں بیان دیتے ہوئے برملا طور اعتراف کیا کہ امریکہ افغانستان میں اس وقت تک کامیاب نہیں ہو سکتا جب تک پاکستان میں موجود محفوظ پناہ گاہوں کو ختم نہ کیا جائے۔

خطے میںناکام ہوتی ہوئی امریکہ کی اس صلیبی جنگ کو سہارا دینے کے لیے امریکہ چاہتا ہے پاکستان میں مسلسل آپریشنوں کے لیے رائے عامہ موجود ہو، یہی وجہ ہے کہ سوات آپریشن شروع کرنے کے بعد،جب تمام تر میڈیا پروپیگنڈا کے باوجود پاکستان کے عوام پر اس ظالمانہ امریکی آپریشن کی حقیقت کھلنا شروع ہو گئی ، تو امریکہ نے ایک بار پھر انہی گھٹیا ہتھکنڈوں کا سہارا لیا، جو وہ اس سے قبل عراق میں آزما چکا ہے۔ پس پشاور اور پھر لاہور میں پولیس ریسکیو سنٹر پریکے بعد دیگرے بم دھماکے کروائے گئے اور پاکستان کے وزیر داخلہ نے ان دھماکوں اور حملوں کو فی الفورسوات کے عسکریت پسندوں کے ساتھ جوڑ ا تاکہ رائے عامہ کودوبارہ امریکی جنگ کے حق میں موڑا جائے۔ اور قابل ذکر بات یہ ہے کہ ان دھماکوں کے وقت امریکی سنٹرل کمانڈ کا چیف جنرل ڈیوڈ پیٹریس خفیہ دورے پر پاکستان میں ہی موجود تھا ۔ یقیناً یہ امریکی عہدیدار پاکستان میں سیر وتفریح کے لیے نہیں آتے بلکہ ان کے دوروں کا مقصد اپنے ہدایت کردہ منصوبوں کی نگرانی کرنا ہوتاہے،اور ان کا ہر دورہ پاکستان اور افغانستان کے مسلمانوں کے لیے انتشار اور تباہی کا پیغام لے کر آتا ہے ۔

تاہم پاکستان کے حکمران پاکستان کے عوام کی توجہ کو خطے میں امریکہ کی فوجی وسیاسی موجودگی اور امریکی انٹیلی جنس ایجنسیوں کی سرگرمیوں سے ہٹانے کی بھر پور کوشش کرتے ہیں،اگرچہ یہ موجودگی ہی پاکستان میں بدامنی ، انتشار اور دھماکوں کی بنیادی وجہ ہے ۔ پس مےٰڈیا پروپیگنڈے کے ذریعے شمالی و سرحدی علاقوں میںبھارتی مداخلت کو اجاگر کیاجاتاہے، چنانچہ کبھی یہ دعویٰ کیا جاتا ہے کہ پکڑے جانے والے عسکریت پسند ختنوں کے بغیر ہیں ،کبھی یہ کہا جاتا ہے کہ انہیں بھارت سے امداد مل رہی ہے ، لیکن یہ حکمران کبھی اس بات کا ذکر بھی نہیں کرتے کہ فساد کی اصل جڑ امریکہ ہے کیونکہ یہ امریکہ ہی ہے جس نے افغانستان کے دروازوں کو بھارت کے لیے کھولا ہے تاکہ بھارت پاکستان میںانتشار کی آگ کو بھڑکانے میں امریکہ کی مدد کرے۔ اوراگر واقعی یہ بھارت ہی ہے جوپاکستان کے پورے صوبے کو عدم استحکام سے دوچار کرنے کا سنگین کا م سرانجام دے رہا ہے ، توآخر یہ حکمران کیوں بھارت کے ساتھ انتہائی سخت رویہ اختیار نہیں کرتے ، وہ بھارت کے ساتھ سفارتی تعلقات کو منقطع کیوں نہیں کرتے اور آخر کیوں وہ کرزئی حکومت سے افغانستان میں موجود بھارتی کونسل خانوں کو بند کرنے کا مطالبہ نہیں کرتے ۔ تاہم یقیناًیہ حکمران ایسا نہیں کریں گے کیونکہ ان کے آقا امریکہ نے انہیں اس بات کی اجازت نہیں دی۔ یہ اس وجہ سے ہے کہ خطے میںبھارت کا عمل دخل اُس امریکی پالیسی کے عین مطابق ہے کہ جس کا اوباما نے اعلان کیا تھا، لہٰذا پاکستان کے حکمرانوں نے دشمن ملک بھارت کی مداخلت اور اثر و نفوذ کو امریکہ کی ہدایت پر ایک وفادار غلام کی مانند قبول کر لیا ہے۔

یہی نہیں بلکہ پاکستان کے حکمران خطے میں امریکہ کو ناکامی سے بچانے کے لیے بھر پور مدد فراہم کر رہے ہیں ۔ وہ نہ صرف نیٹو اور امریکی افواج کو پاکستان کی سرزمین سے ایندھن، اسلحہ اور خوراک فراہم کر رہے ہیں ، بلکہ انہوں نے اسلامی دنیا کی سب سے بڑی اور دنیا کی ساتویں بڑی پاکستانی فوج کو امریکہ کے رحم و کرم پر چھوڑ دیا ہے، یہ افواج بزدل امریکی اور نیٹو افواج کو مجاہدین کے حملوں سے بچانے کے لیے پاک افغان سرحد پر پہرہ دے رہی ہیں ، اورامریکہ کی خاطرپاکستان کے اندر سوات جیسے علاقوں میں اپنے ہی مسلمان بھائیوں کے خلاف آپریشن کر رہی ہیں۔ اور اب یہ حکمران پاکستانی افواج، کہ جن کانعرہ''جہاد فی سبیل اللہ ‘‘ ہے ، کو قبائلی علاقوں کی طرف دھکیل رہے ہیں، جہاںامریکہ آٹھ سال کی کوشش کے باوجود کامیابی حاصل نہیں کر سکا ۔ یہ حکمران مسلمانوں کو مسلمانوں سے لڑا رہے ہیں ، اگر چہ اللہ نے واضح طور پر بیان کر دیا ہے کہ جو کوئی اپنے مسلمان بھائی کو ناحق قتل کرے گا اس کا ٹھکانہ جہنم ہے ، جس میں وہ ہمیشہ جلے گا اور اس پر اللہ کی لعنت ہے۔ اللہ تعالیٰ نے ارشاد فرمایا:

﴿وَمَنْ یَّقْتُلْ مُؤْمِنًا مُّتَعَمِّدًا فَجَزَآؤُہ، جَھَنَّمُ خَالِدًا فِیْھَا وَ غَضِبَ اللّٰہُ عَلَیْہِ وَ لَعَنَہ، وَٲَعَدَّ لَہ، عَذَابًا عَظِیْمًا﴾

'' جو کو ئی کسی مومن کو قصداََقتل کر ڈالے، اس کی سزا جہنم ہے جس میں وہ ہمیشہ رہے گا، اس پر اللہ تعالیٰ کا غضب ہے ، اور اس پر اللہ تعالیٰ کی لعنت ہے اوراسکے لیے عظیم عذاب تیار کر رکھا ہے‘‘﴿النسائ:93﴾

اور رسول اللہ ﷺنے حجۃ الوداع کے موقع پر مسلمانوں کے آپس میں لڑنے کو ایک کفریہ عمل قرار دیتے ہوئے ارشاد فرمایا تھا:

﴿﴿لا ترجعو بعدی کفاراً یضرب بعضکم رقاب بعض﴾﴾

''میرے بعد کافر مت ہو جانا، کہ ایک دوسرے کی گردن مارنے لگو‘‘۔

یہ حکمران مسلمانوں کے ہاتھوں مسلمانوں کے قتلِ عام کو واحد آپشن کے طور پر پیش کرتے ہیں ۔ کاش یہ حکمران امریکہ کو انکار کرنے اور اس کے سامنے مضبوطی سے کھڑے ہونے اور افغانستان کے مسلمانوں کے خلاف امریکہ کی مدد سے ہاتھ کھینچ لینے کا آپشن اختیار کرتے، پھر وہ دیکھتے کہ نہ صرف قبائلی علاقے کے لوگ بلکہ پوری امتِ مسلمہ ان کے شانہ بشانہ کھڑی ہے۔ لیکن ان حکمرانوں نے عزت و وقار اور بہادری کے راستے کی بجائے بزدلی و غلامی کا راستہ اختیار کیا،جو ذلت و رسوائی کی طرف جاتا ہے ۔ اور حق تو یہ ہے کہ ان حکمرانوں کو ذلت و رسوائی کے سوا کچھ حاصل نہیں ہوا، پاکستان کے اندر اور دیگر ممالک میں بسنے والے مسلمان ان حکمرانوںپر لعنت بھیجتے ہیں، کفار ان سے راضی ہونے کی بجائے ڈو مور(do more) کا مطالبہ کر رہے ہیں اور اللہ کا غیض و غضب اور آخرت کی رسوائی اس کے علاوہ ہے، بلکہ وہ تو سب سے شدید ہے۔

اورجہاں تک اُن ڈالروں کی بارش کا تعلق ہے ،کہ جو امریکہ کو سوات کے مسلمانوں کی لاشوں کے تحفے پیش کرنے پر برسنا شروع ہوئے،تویہ ڈالر اس وقت بھی برسے تھے، جب مشرف نے افغانستان کے مسلمانوں کو امریکہ کے ہاتھوں بیچا تھا۔ مگر یہ ڈالر نہ اُس وقت پاکستان کے کام آئے اور نہ ہی اب آئیں گے۔ ان ڈالروں کے باوجود پورا ملک لوڈ شیڈنگ کے عذاب میں مبتلا ہے ، ملکی معیشت تباہی کے دہانے پر کھڑی ہے،لوگ غربت کے ہاتھوں خود کشیاں کر رہے ہیں۔ بے شک اللہ نے یہ طے کر دیا ہے کہ اللہ اور اس کے رسول ﷺکو پسِ پشت ڈال کر کفار کو خوش کرنے سے مسلمانوں کوکبھی خیر وبھلائی حاصل نہیں ہو سکتی ۔ اورمسلمانوں کی طاقت و خوشحالی اللہ کے دین کی مدد میں ہے ، کفار کی مدد کرنے میں نہیں ۔

اور ان حکمرانوں کے اخلاقی دیوالیہ پن کا حال توہے کہ وہ حق پر مبنی بات کو سننے کے لیے بھی تیار نہیں ، اگرچہ وہ دن رات جمہوریت اورآزادیٔ رائے کی رَٹ لگائے رکھتے ہیں۔ یہی وجہ ہے کہ جب حزب التحریرنے سوات میں جاری امریکی جنگ کو روکنے کی عوامی مہم شروع کی جس کے نتیجے میں حکومتی پروپیگنڈے کا پردہ چاک ہونے لگا اور عوام اس بات کو جاننے لگے کہ کوڑے مارنے کی گمنام ویڈیو اور ذبخ کرنے کی نامعلوم فلم کا مقصد صرف سوات کے معصوم عوام کے خلاف آپریشن کا جواز گھڑنا تھا۔ نیز عوام اس بات کا ادراک کرنے لگے کہ عسکریت پسندوں سے نمٹنے کا یہ کوئی طریقہ نہیں کہ شہروںپرزمینی اور فضائی بمباری کی جائے، کرفیولگا کر عام عوام کو بھوکا مار دیا جائے اور انہیں میدان ِجنگ سے نکلنے کے لئے کوئی سہولت تک مہیا نہ کی جائے۔ ا ور حزب کی مہم کے نتیجے میں عوام یہ بھی محسوس کرنے لگے کہ عراق اور افغانستان کی طرح امریکہ پاکستان میں بھی مسلمانوں کو مسلمانوںسے لڑا کر اپنے آپ کو محفوظ بنا رہاہے ؛ تو یہ امریکی ایجنٹ حکمران پریشان اورغضبناک ہو گئے،اور انہوں نے اپنے سیکیورٹی اداروں کے ذریعے حزب التحریرکے نوجوانوں کے خلاف گرفتاریوں، قید وبند، دھمکیوں، اورہراساں کرنے کی راہ اختیار کی ، اور سو سے زائد افراد کو گرفتا رکر لیا ،اس حد تک کہ سیکیورٹی ادارے حزب التحریرکے ممبران کے گھر پر دھاوا بول کران کے بوڑھے والدکواپنے ساتھ لے گئے اوراس دوران وہ اسلامی حدو و و قیود اور اخلاقی اقدار کی پرواہ کیے بغیر تلاشی کے نام پر باپردہ خواتین کے کمروں میں زبردستی دندناتے رہے ۔ اس تمام تر غیر انسانی سلوک میں مسلم لیگ ﴿ن﴾ کی حکومت سب سے پیش پیش تھی ۔ کچھ شک نہیں کہ شریف برادران کا حقیقی چہرہ اسی قدر گھنائونا ہے،جتنا کہ پیپلز پارٹی کی قیادت کا ہے، تاہم وہ اپنے چہرے پر اسلام پسندی اور ہمدردیٔ مسلم کا نقاب ڈالے رکھتے ہیں تاکہ عوام سے اپنی اصل حقیقت کوچھپا سکیں ۔ تاہم وہ لوگ جو کفار کو راضی کرنے کے لیے شریف برادران کے اقدامات اور امریکہ و برطانیہ میںان کی امریکی و برطانوی عہدیداروں کے ساتھ ملاقاتوں کی حقیقت سے باخبر ہیں، ان کے لیے یہ حیران کن بات نہیں ہے ۔ ہم ان حکمرانوں کے متعلق بس یہی کہتے ہیں:﴿مُوتُوا بِغَےْظِےْکُمْ﴾ ''اپنے غم و غصے میں ہی مر جائو‘‘۔ کیونکہ ان تمام کاروائیوں نے حزب التحریر کے مخلص نوجوانوں کے حوصلے کو کم کرنے کی بجائے اس میں مزید اضافہ کر دیا ہے اور وہ مزید اعتما د کے ساتھ مسلسل متحرک ہیں اور اپنی جدوجہد کو اس وقت تک جاری رکھیں گے، جب تک کہ اللہ کا وعدہ پورانہ ہو جائے اور اسلامی ریاستِ خلافت قائم ہو جائے، اوریقیناً وہ دن ان حکمرانوں کے لیے بہت سخت اور رُسوا کن ہو گا۔

اے مسلمانانِ پاکستان!

 جب سے امریکہ نے اس خطے میں قدم رکھا ہے اس وقت سے یہ خطہ بد امنی ، دھماکوں اور انتشار کی آگ میں جل رہا ہے۔ لیکن پاکستان کے حکمران ہر وقت یہ ثابت کرنے کی کوشش کر تے ہیں کہ پاکستان کی اس صورتِ حال کی وجہ امریکہ نہیں بلکہ آپ لوگ ہیں۔ اگر یہ حکمران پاکستان سے بد امنی اور انتشار کی فضا کو ختم کرنے میں واقعی مخلص ہوتے تو یہ حکمران امریکہ کوفی الفورخیر باد کہہ دیتے، نام نہاددہشت گردی کیخلاف امریکہ کی جنگ کی مدد سے ہاتھ کھینچ لیتے،امریکہ اور نیٹو کی افواج کو خوراک اور اسلحہ کی ترسیل بند کر دیتے اورامریکہ کی انٹیلی جنس ایجنسیوں کو نکال باہر کرتے ۔ لیکن وہ کبھی ایسا نہیں کریں گے کیونکہ یہ حکمران توچاہتے ہیں کہ پاکستان میں انتشار کی فضائ موجود رہے ،بلکہ یہ حکمران خود انتشار پھیلانے میں امریکہ کی مدد کر رہے ہیں تاکہ خطے میں امریکہ کی موجودگی کا جواز موجود رہے۔ بے شک ان حکمرانوں نے اپنے اقتدار کی خاطر امریکہ کی غلامی اختیار کر لی ہے ۔ اوریہ حکمران چاہتے ہیں کہ آپ بھی اللہ اور اس کے رسول ﷺ کی غلامی کو چھوڑ کرامریکہ کی غلامی اختیار کر لیں۔ اورآپ ویسے ہی بن جائیں جیسا کہ وہ خود ہیںیعنی عزت و شرم سے عاری، کفار کے وفادار غلام ، اللہ اور اس کے رسول ﷺکے باغی۔ تاہم ان حکمرانوں کا ظلم اور غداری ہمیشہ نہیں رہے گی ،کیونکہ رسول اللہ ﷺ نے ارشاد فرمایا:

﴿﴿ان اللّٰہ لیلمی للظالم حتی اذا اخذہ لَم ےُفْلِتْہُ﴾﴾

''اللہ ظالم کو مہلت دیتا ہے یہاں تک کہ وہ اسے پکڑ لیتا ہے اورپھر وہ اسے نہیں چھوڑتا‘‘﴿بخاری﴾

اے افواجِ پاکستان !

 اب بہت ہو چکا ۔ آپ پر لازم ہے کہ آپ اس خانہ جنگی کو مسترد کر دیں اور اپنے آپ کو مغرب اور پاکستان و افغانستان میں موجود مغربی ایجنٹوں کی سازش کا ایندھن بننے سے بچائیں۔ آپ پر لازم ہے کہ آپ ان کمانڈروں کا حکم ماننے سے انکار کر دیں جو آپ کو اپنے ہی مسلمان بھائیوں سے لڑنے کا حکم دے رہے ہیں، اور اپنے میں سے ان لوگوں کو نکال باہر کریں جو اس فتنے اور خانہ جنگی کی مدد وحمایت کر رہے ہیں۔ رسول اللہ ﷺنے ارشاد فرمایا:

﴿﴿فان دمائ کم و اموالکم و اعراضکم علیکم حرام کحرمۃ یومکم ھذا فی بلدکم ھذا فی شہرکم ھذا - اعادھا مراراً﴾﴾

''بے شک تمہارا خون، تمہارا مال اور تمہاری عزت ویسے ہی حرمت رکھتی ہے جیسے﴿ عرفات کا﴾ یہ دن، ﴿مکہ کا ﴾یہ شہر اور ﴿ذوالحج کا ﴾یہ مہینہ - اور آپﷺنے ان الفاظ کو دوہرایا‘‘
بے شک اللہ کی اطاعت کرنا اور اللہ کی نافرمانی کرنا برابر نہیں ، اور نہ ہی طاغوت کا حکم ماننا اور اللہ خالقِ کائنات کے حکم پر چلنا یکساں ہیں، اور نہ ہی اللہ کے دین کے ساتھ اخلاص اور کفار اور ان کے ایجنٹ حکمرانوں کی وفاداری کرنا برابر ہیں۔ رسول اللہ ﷺ نے ارشاد فرمایا:

﴿﴿لا طاعۃ لمخلوق فی معصیۃ اللّٰہ﴾﴾

''اُس کام میں مخلوق کی اطاعت نہ کرو، جواللہ کی نافرمانی پر مبنی ہو‘‘﴿مسند احمد﴾

اے افواجِ پاکستان !

کیا آپ میں کوئی ایسا شخص ہے جو حق کے لیے کھڑا ہو اور خلافت کے قیام کے لیے نصرت دے اور امریکہ کو خطے سے نکال باہر کرے؟ کون یہ مخلص قدم اٹھائے گا،ایسا قدم جسے پوری امت کی مدد و حمایت حاصل ہو گی اور جس کا صلہ اس قدرعظیم ہے کہ یہ صلہ وہ ذات ہی دے سکتی ہے جس نے زمین و آسمان کو تخلیق کیا ہے۔

اے مسلمانانِ پاکستان!
ہم حزب التحریر کے ممبران نے ،جو پچھلے پچاس سال سے عالمِ اسلام میں کام کر رہے ہیں اور پاکستان میں ایک دہائی سے زیادہ عرصے سے جدوجہد میں مصروف ہیں،اس بات کو ضروری جانا کہ اس تحریکی پمفلٹ کے ذریعے ایسے وقت آپ سے مخاطب ہوں جب ہم دیکھ رہے ہیں کہ آپ ایک عظیم اور ناگزیر تبدیلی کے نزدیک پہنچ چکے ہیں۔ ہم نے حالیہ سال میںاس بات کو پچھلے کسی بھی سال سے زیادہ شدت سے محسوس کیا ،جب ہم نے پاکستان میں امریکہ کی موجودگی کے خاتمہ کے متعلق لاکھوں کی تعداد میں پمفلٹ تقسیم کیے ، عوامی بیانات اور ملاقاتوں کے ذریعے ہزاروں لوگوں سے خطاب کیا ، اور جب ہم نے دیکھا کہ آپ نے جوش و خروش سے زرداری کے نام حزب التحریر ولایہ پاکستان کا ''سرخ خط‘‘ہزاروں کی تعداد میںدستخط کر کے پوسٹ کیا،جس میں پاکستان میں موجود امریکہ کے فوجی اڈوں، انٹیلی جنس ایجنسیوں اور ایمبیسیوں کے خاتمے کا سختی سے مطالبہ کیا گیا ہے ۔ اور ہمیں اس بات کا اندازہ اُس ردِ عمل سے بھی ہوا جو آپ نے اس وقت ظاہر کیا جب امریکہ کے اشارے پر زرداری حکومت کی طر ف سے حزب التحریر کے سینکڑوں نوجوانوں کی گرفتاری کے نتیجے میںحزب التحریر اور اس کے خلافت کے کام کو میڈیا کوریج حاصل ہوئی ،جس کامشاہدہ لاکھوں افراد نے کیا ۔

ہمارے ذہنوں میں اس امر کے متعلق کوئی شک و شبہ نہیں کہ آپ لوگ زندہ ہیں اور امریکہ کی موجودگی کے خطرے سے آگاہ ہیں۔ یہ چیز اُس ردِ عمل سے ظاہر ہے ،جو آپ کی طرف سے اس وقت سامنے آیا، جب بین الاقوامی اسلامی یونیورسٹی پر حملے کے نتیجے میں درجنوں کی تعداد میں ہماری بہنوں کو موت کے گھاٹ اتارا گیااورپھر پشاور کے مینا بازار میں مسلمانوں پر بزدلانہ حملہ ہوا کہ جس میں سینکڑوں کی تعداد میں ہمارے بچے، مائیں، بہنیں اور بھائی اس لیے قتل کر دیے گئے تاکہ امریکہ کی سیکرٹری آف سٹیٹ ہلری کلنٹن کو خوش آمدید کے طور پر مسلمانوں کے خون کا نذرانہ پیش کیا جائے۔ یہ بات آپ پر واضح تھی کہ مسلمانوں کے خلاف یہ قبیح جرائم امریکی انٹیلی جنس ایجنسیوں نے سرانجام دیے ہیں، جو وسط ایشیائ سے لے کر ویتنام تک اور عراق اور افغانستان میں فتنہ انگیزی اورانتشار پھیلا نے کا سبب ہیںاور یہ امریکی ایجنسیاںان ایجنٹ حکمرانوں کی بدولت اب پاکستان میں کھلم کھلا دندناتی پھر رہی ہیں۔

اورہم یہاں پر یہ بھی کہنا چاہیں گے کہ یہ آپ کی آگاہی ہی ہے کہ جس نے ہلری کلنٹن کے حالیہ دورے کو ناکامی سے دوچار کیا۔ ہلری آپ لوگوںکا دل و دماغ جیتنے کے لیے آئی تھی،جیسا کہ اس نے 28اکتوبر کو پاکستان آنے کے بعد اپنی پریس کانفرنس میں کہاتھا:''میں خاص طور پر آئی ہوں تاکہ کچھ غلط فہمیوں کو دور کر سکوں۔ جنہیں میں شدت سے محسوس کرتی ہوں‘‘۔ تاہم امریکہ کے متعلق ان منفی جذبات کے ازالے کی بجائے ،ہلری نے با خبر لوگوں سے گفتگو کرتے ہوئے بذاتِ خود اس بات کی توثیق کی کہ یہ جذبات بدستور موجود ہیں ۔ اورجب آپ میں سے ہی لوگوں نے سوال کیا کہ امریکہ کے سیکیورٹی اہلکار اسلحے سمیت پاکستان کے دارالحکومت اسلام آباد میں کیوںگھوم پھر رہے ہیں، تو پہلے تو اس نے یوں ظاہر کیا کہ جیسے وہ اس بات سے لا علم ہے اور پھر اس نے ''سفارتی تحفظ‘‘کی بنیاد پر اس واقعے کا جواز پیش کرنے کی کوشش کی۔ اور جب ہلری کلنٹن سے کہا گیا کہ یہ خطے میں امریکہ کی موجودگی ہی ہے جو اپنے ساتھ انتشار اور خونریزی لے کر آئی ہے اور اس کا واحد حل یہ ہے کہ امریکہ اس خطے سے نکل جائے تو وہ آپ لوگوں کی آگاہی پر غصے میں آ گئی اور اس نے اپنے جواب میں سخت لب ولہجہ اختیار کیا ،گویا کہ وہ اس بات پر ناگواری کا اظہار کر رہی ہو کہ آپ میں یہ عقل و دانش کیوںموجود ہے ، کہ آپ تمام تر کنفیوژن اور پروپیگنڈے کے باوجود معاملے کی تہہ تک پہنچ گئے ہیں اورآپ نے اس تمام تر صورتِ حال کی بنیادی وجہ کو بھانپ لیا ہے۔ اور پھر اسے شرمند ہ ہو کر کہنا ہی پڑا کہ آپ ایسا سوچنے میں ''آزاد ‘‘ ہیں۔

اور آپ کو اس بات سے بھی آگاہ ہونا چاہیے کہ اس وقت جب آپ یہ خط پڑھ رہے ہیں ،امریکہ پاکستان پر اپنے تسلط کو اس حد تک وسیع کر رہا ہے کہ اس سے قبل پاکستان کی تاریخ میں ایسا کبھی نہیں ہوا۔ گویا کہ وہ قبضے کانا م لیے بغیر پاکستان پر اپنا ''راج ‘‘قائم کرنے جا رہا ہے ۔ اور اسی امریکی منصوبے کا ایک حصہ ''پاکستان کے ساتھ شراکت داری میں اضافے کا ایکٹ2009‘‘ ہے جو ''کیر ی لوگر بل‘‘ کے نام سے جانا جاتا ہے، جس کا مقصد یہ ہے کہ امریکی تنظیموں کے نیٹ ورک کے ذریعے امریکی پیسہ خطے میں امریکی اغراض ومقاصد کو پورا کرنے کے لیے براہِ راست خرچ کیا جائے۔ اور یہ نیٹ ورک امریکہ کی فوجی اور انٹیلی جنس کی موجودگی کو مزید بڑھانے کے لیے جواز فراہم کرے گا۔ بالکل اسی طرح جیسے برطانیہ ایسٹ انڈیا کمپنی کے تحفظ کے بہانے اپنی فوج کو برصغیر میں لایا اور یوں برطانیہ نے اپنے راج کو قائم کر کے برصغیر پر اسلام اور مسلمانوں کی بالادستی کو ختم کر دیا۔

اور یہی نہیں بلکہ امریکہ وزیرستان میں ا پنے اہداف کو حاصل کرنے کے لیے ہماری اپنی فوج کو ''فتنے کی جنگ‘‘ میں پھنسانے میں کامیاب ہو گیا ہے، جو کہ دنیا کی ساتویں بڑی فوج ہے اور جس میں میں لاکھوں ایسے سپاہی موجود ہیں جو شہادت کا جذبہ رکھتے ہیں،اور حکومت اس فوجی آپریشن کو' 'راہِ نجات ‘‘ کا پُر فریب نام دے رہی ہے تاکہ یہ غلط تاثر دیا جاسکے کہ یہ امریکہ کی جنگ نہیں بلکہ ہماری جنگ ہے۔ بے شک امریکہ اپنے 'دفاعی بجٹ ‘میں کئی ملین ڈالر اس بات کے لیے مختص کر چکا ہے کہ وہ اپنے صلیبی قبضے کے 'دفاع‘ کے لیے ہماری فوج کی کمانڈ کرے۔ پس اب صورتِ حال یہ ہے کہ بجائے یہ کہ امریکہ افغانستان پر اپنے قبضے کو برقرار رکھنے کی ناکام کوششوںمیں اپنے فوجیوں کی لاشیں گِن رہا ہو ، مسلمان اپنی لاشوں کی گنتی کر رہے ہیں۔ علاوہ ازیں ہماری افواج ،جن کے پاس یہ موقع ہے کہ وہ اُن انصار کا پیش رو بنیں کہ جنہوں نے اسلام کے نفاذ کے لیے رسول اللہا کو نصرت دی تھی ، کے رُخ کو ان ایجنٹ حکمرانوں کو اکھاڑ کر خلافت کے قیام سے پھیر کر امریکی قبضے کو مضبوط بنانے کی طرف موڑدیا گیا ہے۔ جبکہ وہ مسلمان جو اس سے قبل امریکہ اور نیٹو کی صلیبی افواج سے لڑ رہے تھے اور انہیں خوف میں مبتلا کیے ہوئے تھے، اب اپنی ہی مسلمان افواج کے خلاف لڑ رہے ہیں اور مسلمانوں کی قوت کو اپنے ہی ہاتھوںسے کمزور کر رہے ہیں۔ علاوہ ازیں پاکستانی افواج سے لڑنے والی قوتوں میں ہندو مشرکین کی موجودگی کی وجہ بھی افغانستان ، بلوچستان اور صوبہ سرحد میں امریکہ کی موجودگی ہی ہے کیونکہ یہ امریکہ ہی ہے جس نے بھارت کے لیے اس خطے کے دروازوں کو کھولا جواس سے قبل بھارت کے سامنے بند تھے۔ درحقیقت بھارت کی موجودگی کے پروپیگنڈے کا اصل مقصد ہی یہی ہے کہ پاکستان کی فوج کی توجہ کو فتنے اور شر کی اصل وجہ یعنی امریکہ سے ہٹایا جائے۔ گویا ہماری صورتِ حال یہ ہو چکی ہے کہ ہم امریکہ کے کہنے پر پوری تندہی سے اپنی قبر خود اپنے ہاتھوں سے کھود رہے ہیں۔ اے مسلمانو! کیا ایسا نہیں ہے!

اے مسلمانانِ پاکستان!
جان لیں کہ اس بڑھتی ہوئی خطرناک امریکی موجودگی کا واحد حل خلافت کا قیام ہے۔ کیونکہ صرف خلافت ہی ہے جو مسلمانوں کو وحدت بخشتی ہے اوران کے وسائل کو یکجا کر کے دشمن کفارسے ان کی حفاظت کرتی ہے۔ بے شک تمام ادوار میں خلافت مسلمانوں کی ڈھال تھی جو اُن کے دین، ان کے علاقوں اور جان ومال کا تحفظ کرتی رہی۔ یہ خلافت ہی تھی جس نے تاتاریوں اور صلیبیوں کو ماربھگایا تھا اور ایران و روم کو فتح کیا تھا۔ حتی کہ جب خلافت اپنے کمزور ترین دور میں تھی تو اس نے ایک بحری معاہدے کے ذریعے امریکہ کو جزیہ دینے پر مجبور کیا۔ یہ معاہدہ 21صفر1210ہجری بمطابق 5جون 1795ئ کو طے پایا تھا ، جس کے تحت امریکہ نے اس بات کو تسلیم کیا کہ وہ ریاستِ خلافت کو 642000سونے کے ڈالر ادا کرے گا اور اس بات کو بھی تسلیم کیا کہ وہ ہر سال خلافت کو سونے کے 12000عثمانی لیرے ادا کیا کرے گا۔ اور یہ وہ واحد معاہدہ ہے جو امریکہ کو اپنی زبان کی بجائے کسی اور زبان میں طے کرنا پڑا۔

اور ہم آپ سے سوال کرتے ہیں کہ اگرصومالیہ ، جو کہ قلیل وسائل اورشدید غربت سے دوچار ہے ،کے مسلمان بزدل امریکی افواج کو نکلنے پر مجبور کر سکتے ہیں اور عراق کہ جس کے فوجی آلات، ٹینکوں اور طیاروں کو امریکہ نے مشینوں کے ذریعے باقاعدہ ٹکڑے ٹکڑے کر دیا، کے مسلمان امریکہ کو قدم جمانے سے روک سکتے ہیں ،تو پاکستان کو کون سی چیز روکے ہوئے ہے کہ وہ امریکہ کو نکل جانے کا حکم دے ،جبکہ پاکستان کی فوج مسلم ممالک کی سب سے مضبوط فوج ہے اور اس کے پاس ایٹمی ہتھیار بھی موجود ہیں؟ خاص طور پر ایسے وقت جب امریکہ ناکام ہو رہا ہے اور پوری دنیا اس سے نفرت کرتی ہے اور وہ اپنی استطاعت سے زیادہ پھیل چکا ہے اور اس کے فوجی جدید ہتھیاروں سے تو لیس ہیں مگر بہادری کی نعمت سے محروم ہیں ، اور جگہ جگہ پر یورپی ممالک اور روس امریکی منصوبوں کو چیلنج کر رہے ہیں ، اور امریکہ کی سرمایہ دارانہ معیشت حالیہ بحران کی وجہ سے مفلو ج ہوگئی ہے ،جس میں حقیقی بہتری کے کوئی آثارنظر نہیں آ رہے ،جس کی وجہ سے امریکہ مزید کمزورہو گیا ہے، اور امریکہ اپنے لڑکھڑاتے ہوئے تسلط کو برقرار رکھنے کے لیے اربوں ڈالر خرچ کر چکا ہے اور پھر بھی اسے مزید اربوں ڈالر خرچ کرنیکی ضرورت ہے! کیا امریکہ کی یہ صورتِ حال آپ کو اللہ کی اس آیت کی یاد نہیں دلاتی:

إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُوا إِلَى جَهَنَّمَ يُحْشَرُون

 'بے شک جن لوگوں نے کفر کیا وہ اپنے اموال اس لئے خرچ کرتے ہیں تا کہ اللہ کے راستے سے روکیں، سو یہ تومال خرچ کریں گے پھر وہی مال ان لیے حسرت کا سبب بنے جائے گا اور پھر یہ مغلوب ہو کر رہیں گے‘‘ ﴿الانفال: 36 ﴾

اے مسلمانانِ پاکستان!
دنیا کا سٹیج تیار ہے اور وقت آن پہنچا ہے کہ مسلمان اٹھیں اور دنیا کی قیادت سنبھال لیں۔ کیا آپ اس سعادت کو حاصل کرنے کی خواہش نہیں رکھتے کہ آپ وہ ملک بنیں جو اسلام کی حکمرانی یعنی ریاستِ خلافت کا نقطۂ آغاز ہو، جہاں سے پورے عالمِ اسلام کو دنیا کی سب سے مضبوط اور وسائل سے مالامال ریاست کی شکل میں یکجا کرنے کے عمل کا آغاز ہو؟ آپ وہ لوگ ہیں جو اسلام اور مسلمانوں سے محبت کرتے ہیں اوراس سرزمین میں اُن لوگوںکا خون جزب ہے کہ جنہوں نے اسلام کے نام پر حاصل کیے گئے ملک کی طرف ہجرت کی تھی اور ان لوگوںکا خون بھی کہ جنہوں نے کفار کے خلاف جہاد کیا ۔ اورہم نے مشاہدہ کیا کہ استعماری کفار اور ان کے ایجنٹ حکمرانوں کے ہاتھوں پہنچنے والی مصیبتوں اور آزمائشوںکے نتیجے میں اللہ اور اس کے رسول ا اور اس کے دین کی طرف آپ کے رجوع میں اضافہ ہوا ۔ تو آپ کو جان لینا چاہئے کہ خلافت اسلام اور مسلمانوں کے لیے آزمودہ ڈھال ہی نہیں بلکہ اس کے قیام کو اللہ تعالیٰ نے فرض کیا ہے کہ جس کے لیے ہر مسلمان اللہ کے سامنے جواب دہ ہو گا۔ رسول اللہ ا نے حکم دیا ہے کہ مسلمان خلیفہ کی بیعت کو قائم کریں ، اور آپ ا نے اس بیعت کے بغیر موت کو بد ترین موت یعنی جاہلیت کی موت قرار دیا، آپ ا نے فرمایا:

 ﴿﴿مَنْ مَاتَ وَلَيْسَ فِي عُنُقِهِ بَيْعَةٌ مَاتَ مِيتَةً جَاهِلِيَّةً﴾﴾

''اور جو کوئی اس حال میں مرا کہ اس کی گردن میں خلیفہ کی بیعت کا طوق نہ ہو تو وہ جاہلیت کی موت مرا‘‘﴿مسلم﴾

پس آپ خلافت کے دوبارہ قیام کے بابرکت اور عظیم کام کے لیے دن رات ایک کر دو ،جیسا کہ حزب التحریر کے شباب کر رہے ہیں۔ حزب التحریر کے شباب کے ساتھ کندھے سے کندھا ملا کر کھڑے ہو جائو اور پاکستان کے مسلمانوں کو حقیقی تبدیلی کے لیے مضبوط انداز میں اور بھرپور طریقے سے متحرک کر دو۔ کوئی مسجد، سکول، یونیورسٹی، مارکیٹ اور دفتر خلافت کی پکار سے خالی نہ رہے۔ اپنی تمام تر عقل و دانش کو بروئے کار لاتے ہوئے اس پکار کو واضح، بلند او ر مضبوط کرنے کے لیے وہ تمام اسلوب و ذرائع استعما ل کرو جو اللہ نے آپ کو مہیا کر رکھے ہیں ، خواہ وہ گفت و شنید کی مجالس ہوں یاپھربیانات، دروس ، ای میل، ایس ایم ایس، ریڈیو یا ٹی وی چینلز ہوں؛یہاں تک کہ اس تمام خطے اور اس کے لوگوںکے درمیان خلافت کی پکار گونجنے لگے۔ اور پاکستانی افواج میں موجود اپنے بیٹوں، بھائیوں، والدوں ، چچائوں اور ماموئوں سے مطالبہ کرو کہ وہ حزب التحریر کو نصرت دے کر خلافت کے قیام کے ذریعے خطے میں امریکہ کی موجودگی کو مہلک دھچکا پہنچائیں، وہ خلافت جو مسلمانوں کی ذلت و شکست کی لہر کا خاتمہ کرے گی اور اسلام اور مسلمانوں کی عزت، قوت اور عظمت کے دور کو واپس لائے گی۔

﴿َوَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لَا يَعْلَمُونَ﴾

''اور عزت تو اللہ اور اس کے رسول ا اور مومنین ہی کے لیے ہے ، لیکن منافقین یہ بات نہیں جانتے‘‘﴿المنفقون:8﴾