ایک مرتبہ پھر پاکستان کے مسلمان اپنے ملک میں دھماکوں کی خوفناک لہر کا سامنا کر رہے ہیں۔ وہ اپنے مردوں ،عورتوں، بچوں اور بوڑھوں کے جسموں کے ٹکڑوں کو پلاسٹک کے تھیلوں میں جمع کر رہے ہیں اور ملبے کے ڈھیر تلے دبے ہوئے پیاروں کوتلاش کر رہے ہیں۔ گھروں سے جنازے اُٹھ رہے ہیں اور عورتوں اور بچوںکی چیخ پکار دِلوں کو دہلا رہی ہے۔ دوسری طرف اِس اندوہ ناک گھڑی میں پاکستان کے حکمران امریکہ کے مطالبے کے عین مطابق مسلمانوں سے کہہ رہے ہیں کہ وہ قبائلی علاقوں میں جاری فتنے کی جنگ کی حمایت کریں اور اِس مرتبہ اس جنگ کوپنجاب تک پھیلایا جائے، جو پاکستان کا سب سے بڑا صوبہ ہے۔ جبکہ حقیقت یہ ہے کہ ان تمام فوجی آپریشنوں کاصرف اور صرف ایک مقصد ہے کہ افغانستان پر امریکہ کے قبضے کو گرنے سے بچایا جائے۔ اور جہاں تک ان بھیانک دھماکوں کا تعلق ہے تو یہ امریکہ کی نگرانی میں کیے جا رہے ہیں اور پاکستان کے ظالم حکمرانوں نے انہیں ممکن بنایا ہے ، تاکہ قبائلی علاقوں میں امریکہ کی خاطر کیے جانے والے آپریشنوں کے لیے جواز مہیا کیا جائے۔ یہی نہیں بلکہ ان حکمرانوں نے قابض مغربی صلیبی افواج کو رسد کی فراہمی کے لیے پاکستان کے اندرسے راستہ فراہم کر رکھا ہے، جو اس خطے میں قابض صلیبیوں کی موجودگی کو برقرار رکھنے کے لیے شہہ رگ کی حیثیت رکھتی ہے۔

پاکستان کے ظالم حکمرانوں نے بزدل امریکی فوجیوں کو بچانے کے لیے پاکستان کی مسلم افواج کو قربان کرنے کا تہیہ کر رکھا ہے، وہ بزدل امریکی فوجی جو معمولی اسلحے سے لیس مجاہدین کا سامنے کرنے کے خوف سے دماغی مریض بن چکے ہیں۔ پاکستان اس جنگ میں 2273فوجیوں کو قربان کرچکاہے ، جس میں 78فوجی آفیسر، دو میجر جنرل اور پانچ بریگیڈئیر شامل ہیں ، اور پاکستان کے 6512فوجی جوان زخمی ہو چکے ہیں ، جبکہ اس کے برعکس اس جنگ میں تمام مغربی صلیبی ممالک کے مجموعی طور پر صرف 1582فوجی ہلاک ہوئے ہیں ۔ علاوہ ازیں مسلمانوں کے دشمنوں کی مزید سہولت کے لیے ان ظالم حکمرانوں نے امتِ مسلمہ کی سب سے بڑی فوج کو تین مختلف محاذوں پر مصروف کر کے پھیلا دیا ہے: یعنی قبائلی علاقے، بلوچستان اور مشرقی سرحد۔ پاکستان کے حکمرانوں نے امریکی مطالبے پر افواج کو قبائلی علاقوں میںجھونک دیا ہے ، جو کہ اس وقت سب سے بڑا محاذ ہے۔ اور امریکہ نے ہی افغانستان کے دروازوں کو بھارت کے لیے کھولا ہے، جس کے نتیجے میں ہندو ریاست نے وہاں اپنے سفارت خانے قائم کیے ، جہاں سے بلوچستان میں باغیوں کو اسلحہ اور ٹریننگ فراہم کی جاتی ہے ، جس کے نتیجے میں پاکستانی افواج کے لیے ایک اور محاذ کھل چکا ہے۔ اور امریکہ کشمیر پر بھارتی دعوے کی پشت پناہی کر رہا ہے جس کے نتیجے میں بھارت کی سرکشی اور کشمیر کے مسلمانوں پر بھارت کے ظلم و ستم میں اضافہ ہوا اور بھارت کشمیر سے اپنی افواج کے انخلا سے انکاری ہے ، پس مشرقی سرحد پاکستان کی فوج کے لیے ایک مستقل محاذ کے طور پر موجودہے۔ اورامریکہ خطے میں اپنی بالادستی کے خلاف کسی بھی مزاحمت کو ختم کرنے کے لیے اب پاکستانی فوج کو ایک اور بحران کی طرف دھکیلنا چاہتا ہے۔ وہ یہ اشارہ کر رہا ہے کہ فتنے کی اِس جنگ کو قبائلی علاقوں کے بعد اب پنجاب اور پاکستان کے دیگر علاقوں تک پھیلا یا جائے، اور پاکستان کے حکمران ان اشاروں پر کٹھ پتلی کی طرح ناچ رہے ہیں۔

یہی نہیں بلکہ ان ظالم حکمرانوں نے اُس شہہ رگ کو برقرار رکھا ہوا ہے جس پر مسلمانوں کے خلاف صلیبی کفار کی اِس جنگ اور خطے میں ان کی موجودگی کا دارومدار ہے۔ روزانہ سینکڑوں کی تعداد میں کنٹینر پاکستان کے راستے افغانستان میں موجود صلیبی افواج کو سپلائی کیے جاتے ہیں ۔ یہ کنٹینر پاکستان کی بندرگاہ سے پشاور کی رِنگ روڈ سے ہوتے ہوئے قبائلی علاقوں کے راستے افغانستان پہنچتے ہیں۔ ایک ہزار میل لمبی یہ سپلائی لائن امریکیوں کے لیے سب سے مختصر اور سستا ترین زمینی راستہ ہے۔ ان کنٹینروں میںکافر امریکیوں کے لیے شراب، خوراک ،آلات اورفوجی ساز و سامان موجود ہوتا ہے ۔ اور یہ ان آئل ٹینکروں کے علاوہ ہے ،جو امریکی اور نیٹو افواج کی گاڑیوں، ٹینکوں اور جنگی جہازوں کے لیے ایندھن لے کر جاتے ہیں۔

پس ایک طرف تو یہ ظالم حکمران پاکستان کے مسلمانوں کو فراہم کیے جانے والے تیل پر ٹیکس عائد کرتے نظر آتے ہیں ، جبکہ دوسری طرف وہ صلیبیوں کو سستی قیمت پر تیل مہیا کر رہے ہیں۔ پاکستان کے مسلمانوں کو تیل اور گیس کی کمی کا سامنا کرنا پڑتا ہے جبکہ ان صلیبیوں کو ایندھن کی فراہمی میں کوئی کمی ہونے نہیں دی جاتی۔ اور ایک طرف پاکستان کے لوگ بم دھماکوں کے نتیجے میں اپنے پیاروں کی لاشوں کی گنتی کررہے ہیں اور خوف و ہراس کے مارے باہر نکلنے کی بجائے گھروں میں بیٹھے رہنے کو ترجیح دیتے ہیں، جبکہ دوسری طرف یہ حکمران اس بات کو یقینی بنا رہے ہیں کہ امریکی فوجی انٹیلی جنس ایجنسیوں اورڈائن کارپ جیسی پرائیویٹ فوجی تنظیموںکو بارودی سامان دستیاب رہے ، جو طالبان کی صفوں میں گھسے ہوئے ایجنٹوں تک پہنچایا جاتا ہے، تاکہ فوجی آپریشنوں کے جواز اور ضرورت کو اُجاگر کرنے کے لیے مناسب وقت پر دھماکے کروائے جائیں۔ اور اِس وقت جبکہ لاکھوں کی تعداد میں قبائلی مسلمان کھلے آسمان تلے بے یارو مددگار پڑے ہیںیا ڈرون حملوں کے ذریعے ان کے سروں پر ان کی گھروں کی چھتیں گرائی جا رہی ہیں، یہ حکمران امریکہ کو اس بات کی اجازت دے رہے ہیں کہ وہ سفارت خانے میں توسیع کے نام پر اپنے لیے محفوظ قلعے اور ایسے فوجی اڈے تعمیر کر لے جہاں سے امریکہ ڈرون حملے لانچ کر سکے۔

اے مسلمانانِ پاکستان!

ان ظالم حکمرانوں نے امریکہ سے اتحاد کے لئے،جو کہ یقینامسلمانوں کا دشمن ہے،آپ کا اور فوج میں موجود آپ کے بیٹوں کا ساتھ چھوڑ دیا ہے۔ یہ حکمران اپنی غداری کوچھپانے کے لیے جھوٹی قسمیں کھاتے ہیں،اوراُن مسلمانوں کو ظلم و ستم کا نشانہ بناتے ہیں جو امریکیوں کے خلاف آواز بلند کرتے ہیں ۔ وہ یہ تمام کام محض اپنے آقا امریکہ کو خوش کرنے اور اپنے لیے دولت کا ڈھیر اکٹھا کرنے کے لیے کرتے ہیں۔ بے شک یہ حکمران آپ میں سے نہیں ہیں۔ اللہ سبحانہ تعالیٰ نے ارشاد فرمایا:

﴿أَلَمْ تَرَ إِلَى الَّذِينَ تَوَلَّوْاْ قَوْماً غَضِبَ اللَّهُ عَلَيْهِم مَّا هُم مِّنكُمْ وَلاَ مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ - أَعَدَّ اللَّهُ لَهُمْ عَذَاباً شَدِيداً إِنَّهُمْ سَآءَ مَا كَانُواْ يَعْمَلُونَ - اتَّخَذْواْ أَيْمَـنَهُمْ جُنَّةً فَصَدُّواْ عَن سَبِيلِ اللَّهِ فَلَهُمْ عَذَابٌ مُّهِينٌ - لَّن تُغْنِىَ عَنْهُمْ أَمْوَلُهُمْ وَلاَ أَوْلَـدُهُمْ مِّنَ اللَّهِ شَيْئاً أُوْلَـئِكَ أَصْحَـبُ النَّارِ هُمْ فِيهَا خَـلِدُونَ﴾﴿المجادلۃ:17-14﴾
''کیا تم نے دیکھا ان لوگوں کو جنھوں نے ایک ایسے گروہ کو دوست بنایا ہے ،جن پر اللہ غضبناک ہو چکا ہے۔ وہ تم میں سے نہیں ہیں اورنہ ہی ان میں سے ہیں۔ وہ جان بوجھ کر جھوٹی بات پر قسمیں کھاتے ہیں۔ اللہ نے ان کے لیے سخت عذاب تیار کر رکھا ہے،جو کچھ یہ کر رہے ہیں برا کر رہے ہیں۔ ان لوگوں نے اپنی قسموں کو ڈھال بنا رکھا ہے جس کی آڑ میں وہ اللہ کی راہ سے لوگوں کو روکتے ہیں۔ ان کے لیے رسوا کرنے والا عذاب ہے۔ ان کے مال اور ان کی اولاد اللہ کے ہاں کچھ کام نہ آئیں گی۔ یہ تو جہنمی ہیں ،اورہمیشہ ہی اس میں رہیںگے‘‘

اے مسلمانانِ پاکستان!

یہ آپ کی اور افواج پاکستان میں موجود بہادر آفیسرز کی ذمہ داری ہے کہ ظلم کی حکمرانی اوراس عظیم خیانت کا خاتمہ کریں۔ آپ کو اس شہہ رگ کوکاٹنے کے لیے لازماًایک تحریک کی صورت میں متحرک ہونا ہے ،جو کہ پاکستان اور افغانستان کے مسلمانوں کے خلاف صلیبی جنگ کو زندہ رکھے ہوئے ہے۔ آپ پر لازم ہے کہ آپ فوج میں موجود اپنے بیٹوں،بھائیوں، والد اور چچاؤں سے پر زور مطالبہ کریں کہ وہ اللہ کی نافرمانی اور گناہ کے اس کام میں تعاون کا خاتمہ کریں اور امریکہ کے ساتھ جنگی دشمن کا سا معاملہ کریں۔ اللہ سبحانہ تعالیٰ نے مسلمانوں کو خبردار کیا ہے:

﴿تَعَاوَنُوْا عَلَی الْبِرِّ وَالتَّقْوٰی وَلَا تَعَاوَنُوْا عَلَی الْاِثْمِ وَالْعُدْوَانِ﴾
''نیکی اور پرہیزگاری کے کاموںمیں ایک دوسرے کی مدد کیا کرو اور گناہ اور ظلم و زیادتی کے کام میں کسی کے ساتھ تعاون مت کرو‘‘﴿المائدۃ:2﴾

اپنے تمام وسائل کو بھرپور طریقے سے استعمال میں لائو اوراللہ تمہاری مدد کرے گا،سپلائی لائن کے راستے کو پرامن طریقے سے بند کرو،ٹرانسپورٹروں کے پاس وفود لے کر جائو اور فوج میں موجود اپنے رشتہ داروں سے مطالبہ کرو کہ وہ صلیبیوں کی شہ رگ کو کاٹ دیں۔ نیٹو اور امریکہ کی رسد کے راستوں کو کاٹ دو اور یہ بہادرانہ عمل امریکہ کے ظلم و جبرسے تنگ آئی ہوئی دوسری قوموں کو بھی ایسا ہی کرنے پر ابھارے گا۔ قبائلی مسلمانوں اور افواج سے مطالبہ کرو کہ وہ دشمن امریکہ کے خلاف متحد ہو جائیں ،اور اپنے اندر موجود غداروں کو بے نقاب کریں اور اخلاص پر مبنی بھائی چارے کو قائم کریں کہ جس پر اللہ سبحانہ تعالی کی رحمت اور کامیابی نازل ہوگی۔ پاکستان میں ایسا ماحول پیدا کرو کہ بد عنوان لوگ بھی امریکی سیاست دانوں اورامریکی فوجی افسروں کے ساتھ بیٹھنے میں شرم محسوس کریں، چہ جائیکہ کہ وہ خوش ہوں اوران سے مل کرفخر محسوس کریں۔ اس سرزمین کو ایسی اسلامی سرزمین بنادو کہ جس میں مسلمانوں کا کوئی کھلا دشمن داخل نہ ہو سکے،سوائے اس کے جو ہتھیار ڈالنے کے لیے مذاکرات کرنا چاہتا ہو خواہ وہ ہالبروک ہو یا پیٹریس یا ہیلری کلنٹن حتی کہ وہ اوبامہ خود ہی کیوں نہ ہو! اِن شر انگیز حکمرانوں کو اُکھاڑ پھینکو اور اِن کی جگہ خلافت کو قائم کروتاکہ پوری دنیا، جو جنوبی امریکہ سے افریقہ اور جاپان تک امریکہ کی مجرم افواج اور انٹیلی جنس سے تنگ آچکی ہے، سکون کا سانس لے سکے اور ریاست خلافت کی صورت میں تمام انسانیت پر امتِ مسلمہ کی صالح قیادت کے قیام کی راہ ہموار ہو جائے۔

﴿لِیُحِقَّ الْحَقَّ وَیُبْطِلَ الْبَاطِلَ وَلَوْ کَرِہَ الْمُجْرِمُوْنَ﴾
''تاکہ اللہ حق کا حق ہونا اور باطل کا باطل ہونا ثابت کردے ،خواہ مجرم لوگوں کو برا ہی لگے‘‘﴿الانفال8:﴾

4 شعبان،1431ھ                                                                                                                                                                   حزب التحریر
16جولائی 2010 ئ                                                                                                                                                                 ولایہ پاکستان
www.hizb-pakistan.com

اس شخص پر اللہ کی رحمت ہو جس نے راہِ ہدایت کی پیروی کی۔

اے پاکستان کے ظالم حکمرانو!

ہم یہ نصیحت رسول اللہ صلی اللہ علیہ وسلم کی سنت کی پیروی میں آپ لوگوں کوارسال کر رہے ہیں، جنہوں نے قریش کے کئی سرداروں کو نصیحت کی، جبکہ آپ صلی اللہ علیہ وسلم اس بات سے بخوبی واقف تھے کہ سردارانِ قریش نہ تو ہدایتِ الٰہی کو سنجیدگی سے لیں گے اور نہ ہی سچے دین کی اتباع کریں گے۔ رسول اللہ صلی اللہ علیہ وسلم کا یہ عمل اللہ کے حکم کے مطابق تھا، اللہ تعالیٰ کاارشاد ہے:

﴿لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ﴾

''تم ایسے لوگوں کو کیوں نصیحت کرتے ہو جنہیں اللہ ہلاک کرنے والا یا سخت عذاب دینے والا ہے ، تو انہوں نے کہا: تاکہ تمہارے پروردگار کے سامنے اپنے لیے عذر پیش کر سکیں اور شاید وہ تقویٰ اختیار کریں‘‘ ﴿الاعراف: 164﴾

چنانچہ ہم آپ کو نصیحت کر رہے ہیں تاکہ اُس دن اللہ کے سامنے معذرت کر سکیں جب تمام بنی نوعِ انسان کو اللہ کے سامنے حاضر کیا جائے گا۔ اور ہم اللہ سے دعا گو ہیں کہ آپ ہدایت کے طلب گاربن جائیں اوران لوگوں میں سے ہو جائیں جو اللہ سے ڈرتے ہیں ۔

اے پاکستان کے ظالم حکمرانو!

اس امر کو دوسال سے زائد عرصہ بیت چکا ہے کہ 2008کے جمہوری انتخابات کے ذریعے امریکی ایجنٹ جنرل مشرف کی جگہ نئے چہرے لائے گئے ۔ اور اس وقت سے اب تک آپ کی پالیسیاں لوگوں سے مسلسل خیانت اور دھوکہ دہی پر مبنی ہیں ، آپ نے پاکستان کے لوگوں کو اُن کے حق سے محروم کر رکھا ہے اور اُن نعمتوں کو لوگوں سے روک رکھا ہے جو اللہ نے ان کے لیے مہیا کر رکھی ہیں۔

اگرچہ پاکستان کے پاس سونا، کوئلہ ، گوشت اور گندم سمیت بے شمار وسائل وافر مقدار میں موجود ہیں ، لیکن آپ سرمایہ دارانہ نظام کے نفاذ کے ذریعے لوگوں سے خیانت کر رہے ہیں اور انہیں دھوکہ دے رہے ہیں، جو وسائل کو چند ہاتھوں میں مرکوز کر دیتا ہے اور عوام کی اکثریت کو ان سے محروم کر دیتا ہے۔ لوگ سخت معاشی مشکلات سے دوچار ہیں، بنیادی ضروریات کی اشیائ اور خوراک کی قیمتیں آسمان سے باتیں کر رہی ہیں ۔ بجلی کی قلت کی وجہ سے صنعتیںتباہ ہو رہی ہیں، اگرچہ اسلام نے بیان کیا ہے کہ توانائی عوامی ملکیت ہے جسے تمام عوام کو ٹیکسوں کے بغیرسستے داموں اور بلا تعطل فراہم کرنا لازم ہے۔ روپے کی قدر دن بدن کم ہو رہی ہے،جس کی وجہ سے قیمتوں میں اس قدر تیزی سے اضافہ ہو رہا ہے کہ ماضی میں اس کی مثال نہیں ملتی؛ یہ اس وجہ سے ہے کہ کرنسی مسلمانوں کی حقیقی دولت سے منسلک ہونے کی بجائے امریکی ڈالر سے منسلک ہے، وہ امریکہ کہ جس کی اپنی معیشت ڈانواں ڈول ہو چکی ہے۔ آپ لوگوں سے خیانت کے مرتکب ہیں اور انہیں دھوکہ دے رہے ہیں کیونکہ آپ اسلام کے معاشی قوانین کے نفاذ سے انکاری ہیں ،وہ قوانین جو دولت کی گردش اور تقسیم کو یقینی بناتے ہیں ۔ جبکہ اللہ تعالی نے دولت کے ارتکاز سے خبردار کرتے ہوئے قرآن میں ارشاد فرمایا ہے:

﴿كَيْ لاَ يَكُونَ دُولَةً بَيْنَ الأَغْنِيَاءِ مِنْكُمْ ﴾

' 'تاکہ وہ مال تمہارے دولتمندوں کے ہاتھ میں ہی گردش کرتا نہ رہ جائے‘‘﴿الحشر:7﴾۔

اور اگرچہ اس خطے کے لوگ اسلام سے محبت کرتے ہیں اورانہوں نے ایک ہزار سال سے زائد عرصے سے اسلام کو تھام رکھا ہے، لیکن آپ لوگوں کی اِس بنیادی پہچان اور اسلامی اقدار کے بارے میں لوگوں کو دھوکہ دے رہے ہیں۔ آپ نے کرپٹ مغربی آزادیوں اور قوانین کو گلے لگا رکھا ہے۔ آپ نے اس بات کی اجازت دے رکھی ہے کہ مغربی سفارت خانے پاکستان کی چند کرپٹ میڈیا شخصیات ، مغربی ملٹی نیشنل کمپنیوں اور ثقافتی تنظیموں کو مالی مدد فراہم کر یں اور ان کے ذریعے اسلام کے تصورات اور اسلامی جذبات کو نشانہ بنائیں۔ اور جب پاکستان کے مسلمانوں نے اس فکری کرپشن کے خلاف مزاحمت کی تو آپ کی خیانت اس انتہائ کو پہنچ گئی کہ آ پ نے مغرب کے غلیظ سیاسی تصورات کو اسلام کا لبادہ پہنانے کی کوشش کی اور یہ دعویٰ کیا کہ موجودہ جمہوری تماشا اور گھٹیاسودے بازی رسول اللہ صلی اللہ علیہ وسلم کے طے کردہ میثاقِ مدینہ کے عین مطابق ہے یا خلافتِ راشدہ کی ہی مثل ہے! آپ لوگوں کو دھوکہ دے رہے ہیں کیونکہ آپ نے اسلام کی تعلیمی اور میڈیا پالیسی کو نافذ کرنے سے انکار کر دیا ہے ، جو جامع انداز میں اسلامی جذبات و تصورات کی حفاظت کرتی ہے اور انہیں پروان چڑھاتی ہے ۔ اللہ تعالیٰ نے ارشاد فرمایا:

﴿يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ﴾

''اے ایمان والو! اپنے آپ کو اور اپنے گھر والوں کو اُس آگ سے بچائو جس کا ایندھن انسان اور پتھر ہیں‘‘﴿التحریم:6﴾

اوراگرچہ پاکستان ایک مضبوط مسلمان ملک ہے ، جس کی زمینی فوج امریکہ کی زمینی فوج سے بڑی ہے اور اپنے جذبہ شہادت کی بنا پر بہادری کے وصف سے آراستہ ہے، لیکن آپ نے پاکستان کے مسلمانوں کے خلاف ان کے دشمن کاساتھ دے کر لوگوں کے امن وتحفظ کے حق میں خیانت کی ہے۔ چنانچہ خطے میں امریکہ کی موجودگی کے نتیجے میں پاکستان کے لوگوں کی زندگیوں کی سلامتی اور تحفظ کو شدید خطرہ لاحق ہوچکا ہے۔ امریکہ کی پرائیویٹ فوجی تنظیمیں اور انٹیلی جنس ایجنسیاں عراق کے بعد اب پاکستان میں دھماکوں اور ٹارگٹ کلنگ کی قبیح مہم چلا رہی ہیں۔ مشرف کی مانندآپ نے بھی امریکی جنگ کو لڑنے کے لیے پاکستانی فوج کے مسلمان سپاہیوں کو قبائلی علاقوں میں بھیج کر مسلمانوں کو پہنچنے والے ضرر میں اضافہ کیا ۔ 11ستمبر کے واقعے کے بعد سے اب تک امریکہ کی بھڑکائی ہوئی فتنے کی اس جنگ میں اب تک 30,452لوگ مارے جا چکے ہیں یا زخمی ہو چکے ہیں،تقریباً 2273پاکستانی فوجی جان سے ہاتھ دھو چکے ہیں، جن میں دو میجر جنرل، پانچ بریگیڈئیر سمیت 78آفیسر بھی شامل ہیں، جب کہ زخمی ہونے والے فوجیوں کی تعداد6512سے تجاوز کر چکی ہے، جبکہ دوسری طرف امریکہ اور نیٹو ممالک کی تمام ترافواج نے اس صلیبی جنگ میںمجموعی طور پرصرف 1582فوجیوں کی قربانی دی ہے! پس آپ مسلمانوں کی طاقت کے متعلق لوگوں کو دھوکہ دے رہے ہیں،اور ایسے وقت پر مسلمانوں کے خون کے ذریعے امریکہ کی اس صلیبی جنگ کو سہارا دے رہے ہیں، جب امریکہ اپنی کمزور ترین پوزیشن پر ہے ،اس کے اتحاد ی اس کا ساتھ چھوڑ رہے ہیں ،اس کی معیشت کھوکھلی ہو کر منہدم ہورہی ہے ، اور اس بات کے وسیع مواقع موجود ہیں کہ امریکہ کی اس صلیبی مہم کو ہی زمیں بوس کر دیا جائے۔ آپ مسلمانوں کے ساتھ خیانت کر رہے ہیں اور انہیں دھوکہ دے رہے ہیں کیونکہ آپ نے اسلام کی خارجہ پالیسی کو نافذ کرنے سے انکار کر رکھا ہے،جو مسلمانوں کے دشمنوں کے ساتھ گٹھ جوڑ بنانے سے قطعی طور پر منع کرتی ہے۔ اللہ تعالیٰ نے ارشاد فرمایا:

﴿يَا أَيُّهَا الَّذِينَ آمَنُوا لاَ تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِمْ بِالْمَوَدَّةِ وَقَدْ كَفَرُوا بِمَا جَاءَكُمْ مِنْ الْحَقِّ﴾

''اے ایمان والو!میرے اور خود اپنے دشمنوں کواپنا دوست نہ بنائو، تم تو دوستی سے ان کی طرف پیغام بھیجتے ہو اور وہ اس حق کے ساتھ جو تمہارے پاس آ چکا ہے کفر کرتے ہیں ‘‘﴿الممتحنۃ:1﴾

اور اگرچہ کشمیر کے مسلمانوں نے پچھلی چھ دہائیوں سے بھارت کو اس بات سے روک رکھا ہے کہ وہ کشمیر کو تر نوالا بنا لے، لیکن آپ مسلمانوں کے ساتھ خیانت کرتے ہوئے بھارت کو کشمیر پر ایسا حق مہیا کرنے کی کوشش کر رہے ہیں جو بھارت اپنی تمام تر طاقت کے ذریعے بھی حاصل نہیںکر سکتا تھا اور نہ ہی وہ اس حق کا مستحق ہے۔ آپ امریکہ کو خوش کرنے کے لیے مسلمانوں کو دھوکہ دے رہے ہیں اوراس فتنے کی امریکی جنگ کو لڑنے کے لیے بھارت اور کشمیر کو نظر انداز کر تے ہوئے قبائلی علاقوں میںمزید افواج کو تعینات کر رہے ہیں۔ اور آپ ایسا کر رہے ہیں اگرچہ یہ امریکہ ہی ہے جو کہ افغانستان میں بھارت کے اس نئے اثرو رسوخ کا ضامن ہے، کہ جس کی وجہ سے پہلے ہی مسلمانوں کو کافی نقصان پہنچ چکا ہے۔ آپ مسلمانوں کے ساتھ خیانت کر رہے ہیں اور انہیں دھوکہ دے رہے ہیں کیونکہ آپ نے اسلام کی داخلہ پالیسی کو نافذ کرنے سے منہ موڑ رکھا ہے ، جو اس بات سے منع کرتی ہے کہ مسلمانوں کی بالشت برابر زمین کو بھی کفار کے قبضے میں دیا جائے، اللہ تعالیٰ نے ارشاد فرمایا:

﴿إِنَّمَا يَنْهَاكُمْ اللَّهُ عَنْ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُوْلَئِكَ هُمْ الظَّالِمُونَ ْ ﴾

''جن لوگوں نے دین کی وجہ سے تمہارے ساتھ قتال کیا اور تمہیں تمہارے گھروں سے نکال دیا اور تمہارے نکالنے میں اوروں کی مدد کی ا للہ تعالیٰ ان لوگوں سے دوستی کرنے سے تمہیں منع کرتاہے جو لوگ ان سے دوستی کرتے ہیں وہی ظالم ہیں۔‘‘﴿الممتحنۃ:9﴾

اے پاکستان کے ظالم حکمرانو!

آپ لوگوں کو دھوکہ دے رہے ہیں اور ان سے غداری کر رہے ہیں کیونکہ آپ نہایت ڈھٹائی کے ساتھ اسلام کے علاوہ دیگر تصورات اورنظریات کے ذریعے حکمرانی کر رہے ہیں۔ آپ حق کو باطل اور باطل کو حق بنا کر پیش کر رہے ہیں اور لوگوں کی امانتوں میں خیانت کر رہے ہیں۔ آپ کی مثال اس چرواہے کی سی ہے جو اپنے ہی ریوڑ کو تباہی اور ہلاکت کے دہانے کی طرف لے جائے۔ امام احمد نے روایت کیا کہ رسول اللہ صلی اللہ علیہ وسلم نے ارشاد فرمایا:

﴿﴿إِنَّهَا سَتَأْتِي عَلَى النَّاسِ سِنُونَ خَدَّاعَةٌ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ وَيَنْطِقُ فِيهَا الرُّوَيْبِضَةُ قِيلَ وَمَا الرُّوَيْبِضَةُ قَالَ السَّفِيهُ يَتَكَلَّمُ فِي أَمْرِ الْعَامَّةِ﴾﴾

''لوگوں پر دھوکہ دہی کا ایک ایسا دور آئے گا کہ لوگ سچے کو جھٹلائیں گے اورجھوٹے کا یقین کریں گے ، امانت دار کو خائن سمجھا جائے گا اور خائن کو امانت دار سمجھا جائے گا،اور اس وقت رویبضۃ کا بول بالا ہو گا۔ پوچھا گیا کہ رویبضۃ کون ہو گا؟ آپ صلی اللہ علیہ وسلم نے فرمایا: گھٹیا شخص جو لوگوں کے امور میں کلام کرے گا‘‘۔

اگر آپ اخلاص کے ساتھ اپنے آپ کو ٹٹولیں اور اسلام کے احکامات پر تھوڑا سا غور کریںتو آپ یہ جان لیں گے کہ وہ حکمران جو اپنے لوگوں کو دھوکہ دے اور ان کی دیکھ بھال نہ کرے وہ جنت میں داخل نہ ہو گا حتیٰ کہ وہ اس کی خوشبو سے بھی محروم رہے گا۔ بخاری نے رسول اللہ صلی اللہ علیہ وسلم کی یہ حدیث روایت کی ہے:

﴿﴿ما من وال یلی رعیۃ من المسلمین فیموت و ھو غاش فھم الا حرم اللّٰہ علیہ الجنۃ﴾﴾

''اگر کوئی والی جو مسلمانوں کے امور کی دیکھ بھال پر مامور ہو اس حال میں مرے کہ وہ انہیں دھوکہ دے رہا ہو ،تو اللہ اس پر جنت کو حرام کر دیتا ہے‘‘

پس ہم آپ پر زور دیتے ہیں کہ آپ کفر کے نفاذ پر اور اس تمام ضرر پر جو آپ نے لوگوں کو پہنچایا ہے، توبہ کریں۔ اپنے سنگین گناہوں کے کفارے کی امید میں کم سے کم جو آپ کر سکتے ہیں وہ یہ ہے کہ آپ ایک مخلص اور قابل قیادت کو جگہ دیں جو آپ کی بجائے لوگوں کے امور کی دیکھ بھال کو سنبھالے۔ اگر آپ ایسا نہیں کریں گے توآپ کا انجام یہ ہے کہ آپ خلافتِ راشدہ کے قیام پرامت کے ہاتھوں ذلیل و رسوا ہوں گے، جس کا واپس لوٹنا اللہ کے اذن سے اب بہت نزدیک ہے، اورآپ اس بات سے کئی لوگوں سے زیادہ آگاہ ہیں۔ اور جو چیز سب سے شدید ہے وہ آخرت کا دردناک عذاب ہے ، کہ جس دن آپ کی دولت، عہدہ ، پروٹوکول اور باڈی گارڈز آپ کو نہیں بچا سکیں گے ۔ اور آپ یہ بات جتناجلد جان لیں ، اتنا ہی آپ کے حق میں بہتر ہے۔

﴿وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ + مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ﴾
''اور مت خیال کرنا کہ یہ ظالم جو عمل کر رہے ہیں اللہ ان سے بے خبر ہے ۔ وہ ان کو اُس دن تک مہلت دے رہا ہے جب آنکھیں پھٹی کی پھٹی رہ جائیں گی ﴿اور لوگ﴾ سر اوپراٹھائے دوڑ رہے ہوں گے ، خود اپنی طرف بھی ان کی نگاہیں لوٹ نہ سکیں گی اور اُن کے دل ﴿خوف کے مارے﴾ ہوا ہو رہے ہوں گے‘‘﴿ابراہیم: 42-43﴾

بم دھماکوں، ٹارگٹ کِلنگ اور عدم تحفظ کی بد ترین لہر جس کاپاکستان کے مسلمان سامنا کر رہے ہیں ، صوبہ سرحد سے پنجاب اور پنجاب سے ہوتی ہوئی اب سندھ پہنچ گئی ہے۔ 28دسمبر 2009کو سندھ کے دارلحکومت اور پاکستان کی معیشت کے مرکزکراچی میں محرم کے جلوس کودھماکے کا نشانہ بنایا گیا ،جس کے نتیجے میں 40سے زائد مسلمان جان سے ہاتھ دھو بیٹھے اور درجنوں زخمی ہو گئے ۔ پھر ایک منظم ، نہایت تربیت یافتہ گینگ نے حکومتی سیکیورٹی فورسز کی طرف سے کسی روک ٹوک کے بغیر حملے شروع کر دیے ، انہوں نے بند دکانوں کے مضبوط اورتہہ در تہہ تالوں کو باآسانی توڑ ڈالا اور فاسفورس پر مبنی خاص ایندھن کے ذریعے دکانوں کو آگ لگا دی۔ اس آتشگیر مادے کا استعمال ،جس کی تیاری میں انتہائی احتیاط کی ضرورت ہوتی ہے ،تبہی ممکن ہے اگر اسے پہلے سے ہی اس مقصد کے لیے تیار کر کے رکھا گیا ہو۔ نتیجتاً آگ تیزی سے پھیلی اور دو دن تک بھڑکتی رہی۔ اس کے نتیجے میں 40ارب سے زیادہ کا نقصان ہوا اوردوکروڑ لوگوں کے شہرکراچی میں زندگی کا پہیہ جام ہوکر رہ گیا۔ یہ کاروائی بھرپور منصوبہ بندی پر مبنی اُن کاروائیوں میں سے ایک ہے جنہوں نے پچھلے کئی ماہ سے پاکستان کو ہلا کر رکھ دیا ہے ، اور جن کے نتیجے میں خون پانی کی طرح بہہ رہا ہے اور املاک کاغذ کے پرزوں کی طرح اُڑرہی ہیں۔

اس انتہائی منظم، سوچی سمجھی اورسفاک مہم کا تانا باناامریکہ نے تیار کیا ہے ، جس میں اُسے زرداری حکومت کا مکمل تعاون حاصل ہے۔ یہ زرداری حکومت ہی ہے جس نے امریکہ کی پرائیویٹ فوجی تنظیم Xe Services LLCکو پاکستان میں داخل ہونے کی اجازت دی، جس کا پرانا نام بلیک واٹر تھا۔ یہ تنظیم اس سے قبل عراق میں بھی حملوںاور دھماکوںکی مہم چلا چکی ہے۔ اور یہ زرداری حکومت ہی ہے جس نے امریکی ایجنسیوں او ر پرائیویٹ فوجی تنظیموں کو اس بات کی اجازت دی ہے کہ وہ بلا روک ٹوک پاکستان میں جدھر چاہیں جا ئیں، حسبِ ضرورت طالبان کی صفوں میں داخل ہوں اور اپنے منصوبوں کو عملی جامہ پہنائیں۔ پنجاب میں جگہ جگہ ایسے واقعات رونما ہو چکے ہیں، جہاں بھاری اسلحے سے لیس امریکیوں کو پاکستان کے سیکیورٹی اہلکاروں نے روکا او ر امریکی سفارت خانے کی مداخلت پرزرداری حکومت نے انہیں رہا کر وادیا۔ پاکستانی حکومت کی اعلیٰ ترین سطح سے مدد وحمایت کی فراہمی نے اِن امریکیوں کے تکبر میں اِس قدر اضافہ کر دیا ہے کہ اب یہ امریکی پاکستان ہی کے سیکیورٹی اہلکاروں کودھمکیاں دے رہے ہیںکہ اگر ان کی تلاشی لی گئی تو وہ انہیں گولی مار دیں گے۔ جہاں تک حملوں اوردھماکوں کے لیے کروڑوں کی مالیت کے مواد کی فراہمی کا تعلق ہے ، تو زردار ی حکومت ایسے مواد کے پاکستان میںبلاروک ٹوک داخلے کو ممکن بنا رہی ہے۔ اس کی حالیہ مثال 20دسمبر کا واقعہ ہے جب دس عددسِیل بند کنٹینر کسی سیکیورٹی کلئیرنس اور کسٹم چیکنگ کے بغیر لاہور ائر پورٹ پر امریکی قونصل خانے کے عملے کے حوالے کر دیے گئے ۔

امریکہ پاکستان میں ابتر صورتِ حال اس لیے پیدا کر رہا ہے تاکہ پاکستان کے مسلمان ملکِ پاکستان میں امریکہ کی موجودگی اور مسلمانوں کے خلاف امریکہ کی جنگ کے سامنے سرنگوں ہو جائیں۔ جیسا کہ یکم دسمبر 2009کو امریکی صدر بارک اوباما نے اپنی تقریر میںکہا: ''ماضی میں پاکستان میں لوگ ا س بات پر بضد تھے کہ انتہائ پسندی کے خلاف جنگ ہماری جنگ نہیں ہے ...لیکن گذشتہ سالوں میں کراچی سے اسلام آباد تک معصوم لوگوں کا قتل ہوا...تو رائے عامہ تبدیل ہو گئی‘‘۔ اور امریکی سیکرٹری دفاع رابرٹ گیٹس نے کہا:''جتنا ان ﴿پاکستان کے لوگوں﴾پر اندرونی حملوں میں اضافہ ہوگا ، جیسا کہ راولپنڈی کی مسجد پر خوف ناک حملہ ہوا ، اتنا ہی وہ ہم سے مزید مدد حاصل کرنے پر آمادہ ہوں گے‘‘ (وائس آف امريکہ ،8 دسمبر 2009)

امریکی آقائوں کی مزید خدمت گزاری کے لیے زرداری حکومت اس بات کو بھی ممکن بنا رہی ہے کہ پاکستان کے عوام امریکہ کے اِن منصوبوں کی راہ میں رکاوٹ نہ بنیں، پس زرداری حکومت نے پاکستان کے مسلمانوں کو عذاب میں مبتلا رکھنے کے لیے کئی حربے اپنا رکھے ہیں: مثلاًدنیا میںزراعت کے معاملے میں سرفہرست ممالک میں شامل ہونے کے باوجود چینی کا بحران، ایک ایسے ملک میں گیس کا بحران جس میں گیس کے وسیع ذخائر سر بمہر پڑے ہیں،ایک ایسے ملک میں بجلی کا بحران ، جس میں بجلی پیدا کرنے کے کثیر اور مختلف الانواع ذرائع موجود ہیں، اور سردیوں کے موسم میں بجلی کی کمی جب بجلی کا استعمال اپنی کم ترین حدوں کو چھو رہا ہوتا ہے، این آر اوکا کالعدم قرار دیا جانا جس کے نتیجے میں حکومت اور اپوزیشن میں موجود امریکی ایجنٹ سیاسی ڈرامہ کھیل رہے ہیں۔ اور یہ سب حربے امریکہ کے شر سے عوام کی توجہ کو پھیر رہے ہیں۔

اِس وقت جب زرداری حکومت امریکہ کی پردہ داری کے لیے اپنے ہی لوگوں کے خلاف دشمنانہ مہم چلا رہی ہے ، امریکہ پاکستان میں اپنے قدموں کو مزید مضبوط کر رہا ہے اور اپنی جنگ کو مزید پھیلا رہا ہے، تاکہ پاکستان کے مسلمانوں کے لیے مزید مصائب اور خطرات کی راہ ہموار کی جائے۔ امریکی افواج تربیلا اور سہالہ میں موجود ہیں ،اور کہوٹہ میں موجود پاکستان کی ایٹمی تنصیبات ان کے حملے کی پہنچ میں ہیں۔ امریکہ سفارت خانے کی توسیع کی آڑ میں اسلام آباد میں 56ایکڑ پر محیط فوجی اڈا قائم کر رہا ہے۔ دوسری طرف جیکب آباد میں تیس ارب کی لاگت سے ائر بیس فیسلٹیز (Air Base Facilities)تعمیر کی جا رہی ہیں جو امریکی ائر فورس کی ضروریات کے مطابق ہیں ، جس میں میزائل ذخیرہ کرنے کے لیے تہہ خانہ موجود ہوگا ، یہ منصوبہ جون 2010ئتک پایۂ تکمیل کو پہنچ جائے گا۔ امریکہ پاکستان کی سرزمین پر70سے زائد ڈرون حملوں میں 660مسلمانوں کی جانیں لے چکا ہے ،جس میں مرد، عورتیں ، بچے ،بوڑھے سبھی شامل ہیں۔ جبکہ امریکہ کے وہ بزدلانہ چھاپے اس کے علاوہ ہیں جن میں ہیلی کاپڑوں پر سوار امریکی فوجی افغانستان سے پاکستان کی سرزمین میں داخل ہوتے ہیں، ان کاروائیوں کا آغاز 2003میں مشرف کے دور میں ہوا اور زرداری حکومت کے ''جمہوری دور‘‘کے دوران بھی یہ کاروائیاں جاری ہیں۔ اور اگرچہ فوجی آپریشن کے نتیجے میںجنوبی وزیرستان کے لاکھوں مسلمان باشندے دربدر ہو چکے ہیں اور کھلے آسمان تلے منجمد کر دینے والی سردی کا سامنا کر رہے ہیں، امریکی فوجی اور حکومتی عہدیدار دن رات پاکستانی افواج سے مطالبہ کر رہے ہیں کہ وہ اس امریکی جنگ کو اورکزئی ایجنسی ، شمالی وزیرستان اور اس سے آگے تک پھیلا دیں۔

امریکہ پاکستان میں اپنے قدموں کومزید مضبوط کرنے پر اس لیے مجبور ہوا کہ وہ اس بات سے خطرہ محسوس کرتا ہے کہ پاکستان کے مسلمان امریکہ کے ہاتھ کو جھٹک کر، موجودہ نظام کو اکھاڑ کر حقیقی تبدیلی برپا کر دیں گے اور اسلام کو نافذ کر دیں گے۔ 24نومبر2008کوامریکی فوج کے میجرجنرل جان ایم کسٹر John M Custer،جو امریکی ریاست ایری زونا میں امریکی انٹیلی جنس سینٹر کا کمانڈر ہے، نے افسوس کے ساتھ بیان کیا:''(پاکستان کے) سابقہ فوجی لیڈر ہم سے محبت کرتے تھے ، وہ امریکی کلچر سے آگاہ تھے اور جانتے تھے کہ ہم دشمن نہیں ہیں، لیکن وہ فوج سے رخصت ہو رہے ہیں ‘‘۔ مارچ 2009میں واشنگٹن پوسٹ کو انٹرویو دیتے ہوئے ڈیوڈ کل کلن David Kilcullen، جو امریکی جنگ کے متعلق امریکی سینٹ کامCENTCOM کے کمانڈر جنرل ڈیوڈ ایچ پیٹریس کو مشاورت دیتا ہے، نے کہا:''پاکستان ایک ایسا ملک ہے جس کی آبادی 173ملین ہے، اس کے پاس 100نیوکلیئر ہتھیار ہیں، اوراس کی فوج امریکہ کی فوج سے بڑی ہے...ہم ایسے نقطے پر پہنچ گئے ہیںکہ ہم ایک سے چھ ماہ میں دیکھ رہے ہیں کہ پاکستانی ریاست ناکام ہو جائے گی...انتہائ پسند اقتدار میں آجائیں گے...اور یہ ایسی صورتِ حال ہے کہ آج کی دہشت گردی کے خلاف جنگ اس خطرے کے سامنے کچھ بھی نہیں‘‘۔ اور2دسمبر2009کو جیو ٹی وی پر امریکی سیکرٹری خارجہ ہلری کلنٹن نے پاکستان میں خلافت کے قیام کی جدوجہد پرتشویش کا اظہارکیا۔

اے مسلمانانِ پاکستان!
دس سال قبل جب ڈکٹیٹر مشرف نے نواز شریف حکومت کا خاتمہ کیا ، توآپ نے خوشیاں منائیں اور مشرف کو موقع دیا ۔ حزب التحریرنے اسی وقت آپ کو خبردار کیا تھا کہ مشرف آپ کی صورتِ حال کو مزید ابتر بنادے گا کیونکہ وہ اسلام کو نافذ نہیں کر رہا اور آپ کے خلاف استعماری طاقتوں کا ساتھ دے رہا ہے۔ پھرمشرف نے استعفیٰ دے دیا اور زرداری کی ''جمہوری‘‘حکومت اقتدار میں آ گئی ، تب بھی حزب التحریرنے آپ کو خبردار کیا تھا کہ اس کے نتیجے میں آپ کی ابتر صورتِ حال کا خاتمہ نہیں ہو گا بلکہ یہ اور سنگین ہو جائے گی کیونکہ استعماری نظام چہرے کی تبدیلی کے ساتھ بدستور موجود ہے۔ اور اب جبکہ آپ بحرانوں اور مصیبتوں کی دلدل میں ڈوبے ہوئے ہیں اور زرداری سے اتنی ہی نفرت کرتے ہیں ،جتنی اس سے قبل آپ مشرف سے کرتے تھے اور اُس سے قبل نواز شریف سے کرتے تھے، توہم آپ سے سوال کرتے ہیں کہ کیا آپ اسی سوراخ سے ایک بار پھر ڈَسے جانے کے لیے تیار ہیں؟

آپ جان لیجئے کہ امریکہ وقتاً فوقتاً پاکستان میں چہروں کی تبدیلی واقع ہونے دے گا ،بشرطیکہ موجودہ کفریہ استعماری نظام اس کے مفادات کے تحفظ کے لیے موجود رہے۔ چنانچہ ایک کے بعد دوسرے بحران سر اٹھاتے رہیں گے اور عوام کی بے چینی اور غم و غصے کو عارضی طو رپر مدھم کرنے کے لیے ایک کے بعد دوسرے چہرے کو لایا جائے گا ۔ بے شک جیسا کہ آپ جانتے ہیں کہ مشرف کو کئی سالوں تک آپ کی گردنوں پر مسلط رکھا گیا یہاں تک کہ امریکہ چہرے کو تبدیل کرنے پر مجبور ہو گیا اور اس نے مشرف کو اپنے نئے ایجنٹوں-زرداری اور گیلانی سے بدل دیا۔ این آر او کی برقراری یا اس کا خاتمہ، سترہویں ترمیم کی برقراری یا اس کا خاتمہ، مائنس ون،مائنس ٹو،1973کا آئین یا ایمرجنسی راج، جمہوریت یا آمریت، چیف جسٹس کی معزولی یا بحالی ، یہ سب ڈرامے محض پاکستان کے کرپٹ نظام کو برقرار رکھنے کے لیے ہیں، جو اس بات کا مستحق ہے کہ اسے فی الفور اُکھاڑا جائے اور اِس کی بجائے اسلام کے نظامِ خلافت کو نافذ کیا جائے۔

اے مسلمانانِ پاکستان!
کوئی یہ پوچھ سکتا ہے کہ حزب التحریر واقعات کے رونما ہونے سے سالوں پہلے ان کا دعویٰ کس طرح کر سکتی ہے۔ اس کے جواب میں ہم یہ کہتے ہیں کہ ایک مسلمان کے پاس مستقبل کا علم نہیں ہوتا مگر وہ اللہ العلیم الخبیر اور ظاہر اور غائب کے جاننے والے کی تنبیہات اور نصیحتوںکو ہمیشہ ذہن میں رکھتا ہے۔ پس ایک مسلمان ایک ایسے نظام سے جو اسلام پر مبنی نہ ہو مصائب اور تکلیفوں کے علاوہ کسی اور چیز کی توقع نہیں کر سکتا،کیونکہ اللہ تعالیٰ نے ارشاد فرمایا ہے:

( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا )

'' جن میرے ذکر سے منہ موڑا،اس کی زندگی تنگ ہو جائے گی‘‘ (طہٰ: 124)

اور ایک مسلمان یہ جانتا ہے کہ اگر مسلمان اللہ کے نازل کردہ احکامات کے ذریعے حکمرانی کو یقینی نہ بنائیں تو مسندِ اقتدار ظلم کا مرکز بن جاتی ہے، کیونکہ اللہ تعالیٰ نے ارشاد فرمایا:

( وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الظَّالِمُونَ )

''اورجو اللہ تعالیٰ کے نازل کردہ احکامات کے ذریعے حکمرانی نہ کرے تو ایسے لوگ ہی ظالم ہیں‘‘ (المائدہ: 45)

اے مسلمانانِ پاکستان!

کیا اتنا کافی نہیں کہ آپ طویل عرصے سے اسلام کی حکمرانی کے بغیر زندگی بسر کر رہے ہیں؟ یا آپ اب بھی خاموش رہیں گے جبکہ استعماری طاقتیں اور انکے ایجنٹ آپ کے بچوں اور ان کی آنے والی نسلوں کے لیے مزید مصائب و آلام کا بندوبست کر رہے ہیں؟ کیا اب وقت نہیں آ چکا کہ آپ اِن حکمرانوں کو اکھاڑ کر موجودہ نظام کی بجائے اسلام کی حکمرانی یعنی خلافت کے قیام کے ذریعے اپنی صورتِ حال کو بدل ڈالنے کے لیے متحرک ہوں؟ بے شک پاکستان میں خلافت کے قیام کے اگلے چندگھنٹوں میں مسلمانوں کاخلیفہ ،بے پناہ وسائل اور تخلیقی صلاحیتوں کے حامل بہادر باشندوں پر مشتمل ملکِ پاکستان کو دنیا کی صفِ اول کی ریاست میں تبدیل کرنے کے لیے قدم اٹھانا شروع کر دے گا۔ یہ محض اس کی ذاتی قابلیت کی بنا ئ پر نہیں بلکہ اس کی بنیادی وجہ یہ حقیقت ہے کہ خلیفہ اللہ خالقِ کائنات کے نازل کردہ بابرکت احکامات کو نافذ کرے گا، یہ احکامات انسانی عقل کے بنائے ہوئے قوانین کی خامیوں سے پاک ہیں۔ خلیفہ اسلامی سرزمین پر مسلمانوں کے دشمنوں کی ہر طرح کی موجودگی کا خاتمہ کرے گا، وہ رنگ، نسل، مذہب ،مکتبۂ فکر اور زبان سے قطع نظرریاست کے تمام باشندوں کے لیے بنیادی ضروریات کی فراہمی کو یقینی بنائے گا اور پوری امت کے وسائل کو بروئے کار لائے گا تاکہ یہ امت انسانیت کی رہبر و رہنما بن جائے جو کہ اس کا اصل مقام ہے اور جس مقام پر وہ کامل اور برحق دینِ اسلام کے سائے تلے کئی صدیوں تک تھی ۔ اللہ تعالیٰ نے ارشاد فرمایا:

( أَلاَ يَعْلَمُ مَنْ خَلَقَ وَهُوَ اللَّطِيفُ الْخَبِيرُ )

''کیا وہ اللہ ہی نہ جانے جس نے پیدا کیا،اور وہ باریک بین اور باخبر بھی ہو‘‘۔ (ملک: 14)