17 رمضان کو غزوہءبدر ، جس میں رسول اللہ ﷺ نے کفار پر یقینی فتح حاصل کی تھی ،کے یادگار دن کے موقع پرحزب التحریر ولایہ پاکستان نے پاکستان کے تمام بڑے شہروں میں "رمضان -غلبہ ء اسلام کا مہینہ" کے عنوان سے سمینارز منعقد کیے ۔ ان سمینارز میں یہ اعلامیہ جاری کیاجاتاہے:
17 فروری2009 کو امریکی صدر بارک حسین اوباما نے افغانستان پر امریکی تسلط کو برقرار رکھنے کے لیے مزید 17000فوجی بھیجنے کا اعلان کیا ، جہاں پہلے ہی امریکہ کی 38000 فوج موجود ہے جبکہ دیگر ممالک کی 19000 فوج اس کے علاوہ ہے۔ وائٹ ہاﺅس سے جاری کردہ ایک تحریری بیان میں اوباما نے کہا: "پاکستان اور افغانستان کی صورتِ حال اس بات کا تقاضاکرتی ہے کہ اس پر فوری توجہ دی جائے اور تیزی سے اقدامات اٹھائے جائیں...فوج میں کیا جانے والا یہ اضافہ افغانستان کی گرتی ہوئی صورتِ حال کو سنبھالا دینے کے لیے ضروری ہے ، جسے (ماضی میں) وہ سٹریٹیجک توجہ ، ڈائریکشن اور وسائل مہیا نہیں کیے گئے کہ جس کی فوری ضرورت ہے"۔
اے مسلمانانِ پاکستان ! آمریت کی طرح اِس جمہوری تماشے کو بھی مسترد کر دو اور اُس خلافت کو قائم کرو جو پاکستان میں استحکام کی ضمانت ہو گی
16 مارچ کی صبح ،سورج نکلنے سے قبل ،وزیر اعظم یوسف رضا گیلانی نے معزول چیف جسٹس افتخار محمد چوہدری کی بحالی کا اعلان کیا ،جس کے بعد لانگ مارچ کے خاتمے کا اعلان کر دیاگیا ۔ اس کے بعد صورتِ حال یہ ہے کہ وکلاءچیف جسٹس کی بحالی کو عدلیہ اور وکلاءکی فتح قرار دے رہے ہیں۔ نواز شریف کے حامی اس کا کریڈٹ نواز شریف کو دے رہے ہیں ۔
13 اپریل کو صدر آصف علی زرداری نے سوات نظامِ عدل ریگولیشن پر باضابطہ دستخط کر دیے۔ تاہم تحریکِ نفاذ ِ شریعتِ محمدی کے ساتھ پاکستانی حکومت کا یہ پہلا معاہدہ نہیں، بلکہ اس سے قبل پاکستانی حکومت 1994، 1999 اور 2007 میں بھی مختلف معاہدات کر چکی ہے۔ اور ماضی کی مانند اس مرتبہ بھی حکومت اپنے اقدام میں مخلص نہیں ہے،بلکہ وہ اس معاہدے کے ذریعے امریکہ ہی کے مفادات کو پورا کرنا چاہتی ہے۔ پاکستانی حکومت افغانستان میں امریکہ کی اُس نئی امریکی حکمتِ عملی کو سہارا دینا چاہتی ہے کہ جس کا اعلان امریکی صدر اوباما نے 27مارچ کو کیا تھا۔ امریکہ اس ایف-پاک af-pakپالیسی کے تحت افغانستان میں مزید افواج روانہ کر رہاہے،تاکہ فغانستان پر امریکہ کے مجرمانہ قبضے کے خلاف جاری مزاحمت کا سدِ باب کیا جائے،جو کہ موسمِ گرما میں اپنے عروج پر پہنچ جاتی ہے۔ نیز امریکہ یہ بھی چاہتا ہے کہ اگست 2009 میں افغانستان میں ہونے والے صدارتی الیکشن سے قبل جنوبی افغانستان میں نیٹو کی گرتی ہوئی حالت کو سہارا دیا جائے۔ پس افغانستان میں امریکہ کو مدد دینے کے لیے پاکستانی حکومت اپنی توجہ کو دوبارہ افغانستان سرحد کے ساتھ واقع قبائلی علاقوں پر مرکوز کرے گی۔ سوات میں نظامِ عدل ریگولیشن کا نفاذ اسی سلسلے کی ایک کڑی ہے،تاکہ ایک محاذ کو ٹھنڈا کیا جائے اور پاکستانی فوج کی ازسرِ نو تنظیم کر کے اسے دوسرے قبائلی علاقوں میں آپریشن کے لیے تیار کیا جائے۔
7 مئی کو پاکستان کے میڈیا چینلز پر پاکستان کے عوام سے خطاب کرتے ہوئے وزیر اعظم پاکستان یوسف رضا گیلانی نے ان الفاظ کے ساتھ سوات میں جنگ شروع کرنے کا اعلان کیا:"پاک سرزمین کے تقدس ، قومی وقار کی سربلندی ، عسکریت پسندوں کا خاتمہ کرنے کے لیے اور عوام کی سلامتی کو یقےنی بنانے کے لیے فوج طلب کی جا رہی ہے..." ۔
