ایبٹ آباد کمیشن رپورٹ:سیاسی و فوجی قیادت میں موجود غداروں نے پاکستان کی سالمیت اور خودمختاری کو امریکہ کےہاتھوں بیچ دیا ہے
- Published in آرٹیکل
- سب سے پہلے تبصرہ کرنے والے بنیں
تحریر: شہزاد شیخ
پاکستان میں حزب التحرير کے ڈپٹی ترجمان
تاریخ:۱۷ جولائی۲۰۱۳
خبر : ۸ جولائی ۲۰۱۳ کو الجزیرہ نے ایبٹ آباد کمیشن کی رپورٹ شائع کردی۔ یہ کمیشن ۲ مئی ۲۰۱۱ کو ایبٹ آباد پر ہونے والے امریکی حملے کی تحقیقات کے لیے قائم کیا گیا تھا۔ اب تک کیانی و شریف حکومت نے اس رپورٹ کے مندرجات کی تردید نہیں کی ہے بلکہ اس چیز کی تحقیقات ہورہی ہیں کہ کس نے اور کس طرح اس رپورٹ کو بے نقاب کردیا۔ اس رپورٹ کی اشاعت نے ملک میں ایک بار پھر یہ بحث شروع کردی ہے کہ سانحہ ۲ مئی کے ذمہ دار کون تھے۔
تبصرہ: حزب التحرير وہ پہلی سیاسی جماعت تھی جس نے اس عظیم سانحہ کی ذمہ داری براہ راست جنرل کیانی اور سیاسی و فوجی قیادت میں موجو اس کے غدار ساتھیوں پر ڈالی تھی۔ ایک ایسے ملک میں جہاں آج بھی ایبٹ آباد اور سلالہ کے سانحات کے باوجود اکثر تجزیہ نگار اور دانشور ان جرائم کے ذمہ داروں کا نام لیتے ہوئے خوف کھاتے ہیں لیکن حزب نےفورابغیر کسی خوف کےًپاکستان کے عوام کواصل مجرموں سے آگاہ کیا تھا۔ کیانی اور سیاسی و فوجی قیادت میں موجود غداروں سے خوف کھانے کا یہ عالم ہے کہ اس کمیشن نے بھی براہ راست ان کا نام لینے سے مکمل گریز کیا لیکن ایسی زبان استعمال کی کہ ہر کوئی سمجھ جاتا ہے کہ اصل مجرم کون ہیں۔
اس بات میں کوئی شک و شبہ نہیں کہ حزب التحرير ہی امت کی حقیقی نمائندہ اور ان کی رہنمائی کرنے کی حق دار ہے کیونکہ وہ کیانی اور اس کے غنڈوں سے خوفزدہ نہیں ہوئی تھی اور اس کی عظیم غداری کے خلاف ملک بھر میں زبردست مہم چلائی تھی اور آج کے دن تک اس کے جرائم کو بے باکی اور بہادری سے بے نقاب کر رہی ہے۔ نے اپنی اس ذمہ داری کی ادائیگی کی خوشی سے بھاری قیمت ادا کی تھی اور اب بھی اس قیمت کو بغیر کسی افسوس کی ادا کررہی ہے کیونکہ جابر حکمرانوں کا احتساب کرنے پر اللہ سبحانہ و تعالی نے بہت بڑے اجر کا وعدہ کیا ہے۔ جب حزب نے کیانی کی غداری کو بے نقاب کیا تو اسلام آباد سے تین اور رحیم یار خان سے اس کے دو اراکین کو کیانی کے غنڈوں نےاغوا کرلیا اورانھیں بدترین جسمانی تشدد کا نشانہ بنایا اوربلترتیب چاراورنو ماہ تک ذہنی و جسمانی تشدد کا نشانہ بناتے رہے۔ اور پھر مئی ۲۰۱۲ میں حزب التحرير کے پاکستان میں ترجمان نوید بٹ کو اغوا کرلیا گیا جو آج کے دن تک لاپتہ ہیں۔ اس کے علاوہ سیکڑوں شباب کو گرفتار کیا گیا اور ان پر اس حد تک جبر کیا گیا کہ ان کے دفتر والوں کو مجبور کیا گیا کہ انھیں ملازمت سے فارغ کردیا جائے۔ لیکن ان تمام تر ہتھکنڈوں کے باوجود کیانی حزب التحرير اوراس کے شباب کی آوازوں کو ختم کرنا تو دور کی بات انھیں دبا بھی نہیں سکا۔
ایبٹ آباد کمیشن کی رپورٹ حزب التحرير کے اس موقف اور یقین کو ثابت کرتی ہے کہ آج پاکستان کا اصل مسئلہ امریکی راج کا خاتمہ ہے کیونکہ اس امریکی راج کی وجہ سے پاکستان اور اس کے عوام کی سالمیت ایک مذاق بن کررہ گئی ہے۔ بدقسمتی سے آج بھی سانحہ ایبٹ آباد کا مجرم جنرل کیانی نہ صرف افواج پاکستان کی قیادت کے منصب پر بیٹھا ہوا ہے بلکہ یہ امید رکھتا ہے کہ امریکہ کے لیے اس کے شرمناک جرائم کے عوض امریکہ اس کی مدت ملازمت میں توسیع یا فائیو سٹٓار جنرل بنا کر مزید تین سالوں کے لیے اسے افواج پاکستان پر مسلط کرادے گا۔
کمیشن کی رپورٹ حزب التحرير کے اس موقف کو بھی ثابت کرتی ہے کہ امریکہ ہمارا دشمن ہے لہذا ایک دشمن ملک کے ساتھ دوستانہ تعلقات نہیں رکھے جاسکتے۔ ضرورت اس امر کی ہے کہ افواج پاکستان میں موجود مخلص افسران خلافت کے قیام کے لیے حزب التحرير کو نصرۃ فراہم کریں تا کہ سیاسی و فوجی قیادت میں موجود غداروں کا صفایا کیا جاسکے، ملک میں موجود امریکی سفارتی میشنزاوراڈوں کا خاتمہ، سفارتی و انٹیلی جنس اہلکاروں کو ملک بدراور امریکیوں کے بنائے ہوئے ریمنڈ ڈیوس نیٹ ورک کو جڑ سے اکھاڑ پھینکا جائے۔ صرف اور صرف اسی صورت میں پاکستان اور اس کے عوام کی سالمیت کو یقینی بنایا جاسکتا ہے۔