سعد جگرانوی اور حزب التحریر کے دیگر اراکین کی ظالم کی جیل سے رہائی خوشی کا باعث ہے۔ امریکی راج کے خاتمے اور خلافت کے قیام کی جدوجہد کرنے والے ہیروز کا پرتپاک خیر مقدم کیا گیا۔ اس بات پر پختہ یقین کے ساتھ کہ اللہ کی طرف سے کامیابی صرف مؤمنین ہی کے لیے ہے، حزب التحریر کے شباب نے اس عزم کا اظہار کیا کہ وہ اس مقدس جدوجہد کو جاری رکھیں گے۔

پاکستان میں امریکی راج کو قائم ودائم رکھنے والی کیانی اور زرداری حکومت اور ان کے امریکی آقاوں کو برطانوی راج کی تاریخ سے سبق حاصل کرنا چاہیے۔ اس خطے پر برطانوی راج اور ان کے ظلم و ستم نے مسلمانوں کے ارادوں کو مزید مضبوط ہی کیا۔ کافر استعمار نے ہماری جائیدادوں پر قبضہ کیا، جھوٹے مقدمات میں ہمیں پابند سلاسل کیا، ہمارے شہیدوں کی لاشوں کو چوراہوں پر لٹکایا یہاں تک کے توپوں کے آگے باند ھ کر دھماکوں سے اڑا دیا لیکن یہ تمام اقدامات اس خطے میں برطانوی قبضے کو دوام نہ بخش سکے اور پھر انگریز اس خطے سے ایسے بھاگے کہ کبھی واپس نہ آسکے۔

چاہے یہ ظالم برطانوی راج سے سبق لیں یا نہ لیں لیکن انشأاللہ بہت جلد انھیں ایسا سبق سیکھایا جائے گا کہ یہ اسے کبھی نہ بھولیں گے۔ امریکی راج کا ظلم خلافت کے قیام کے ذریعے، برطانوی راج سے بھی بڑھ کر شکست کا سامنا کرے گا۔ شباب پر ڈنڈوں، سلاخوں سے بدترین تشدد اور ان کا اغوا ان کے ارادوں کو مزید مضبوط بناتا ہے۔ ظالم کا جبر واستبداد، شباب کی کہی ہوئی حق بات اور ان کی استقامت کو معاشرے کے سامنے واضع کر دیتا ہے اور معاشرہ یہ بات سمجھ جاتا ہے کہ یہی شباب ہماری قیادت کے حق دار ہیں۔ شباب کی یہ قربانیاں لوگوں میں ظالم کے ظلم کے خوف کا خاتمہ کر رہیں ہیں، حکمرانوں کے ظلم کے خلاف ان کے غصے کو بڑھا رہیں ہیں اور اللہ اور اس کے رسول ﷺ کے احکامات کی پیروی پر ان کے ارادوں کو مضبوط کر رہیں ہیں۔ اس کے علاوہ خلافت کے داعیوں کو ظالم اپنے جبر کا نشانہ بنا کر خود اللہ سبحانہ و تعالی کے ہاتھوں اپنی بربادی کو یقینی بنا رہے ہیں کیونکہ اللہ سبحانہ و تعالی نے ایک حدیث قدسی میں فرمایا ہے کہ:

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ اللَّهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ

"رسول اللہ ﷺ نے فرمایا کہ  اللہ سبحانہ نے ارشاد فرمایا: جس نے میرے دوست کی اہانت کی اس نے مجھے عداوت کا چیلنج دیا" (بخاری)۔

خلافت کے زیر سایہ پاکستان کے مسلمان امریکی راج کو ایک تاریخی شکست سے دوچار کریں گے۔ ایک ایسی شکست کہ متکبر امریکہ کو اپنی بند آنکھیں مجبورا ًکھولنا پڑیں گی۔ ایک ایسی شکست جو دنیا کے لوگوں کے لیے اس جذبے کا باعث بنے گی کہ وہ امریکہ کی عالمی دہشت گردی، ظلم اور استحصال کے خلاف اٹھ کھڑے ہوں۔ اور اللہ سبحانہ و تعالی نے ایمان والوں کو اس بات کا یقین دلایا ہے کہ وہ اپنے دین کی حفاظت کرے گا اور اس دین کے تمام دشمنوں پر اسے غلبہ عطا فرمائے گا۔

إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا

"اللہ تعالی اپنا کام پورا کر کے ہی رہے گا۔ اللہ نے ہر چیز کا ایک اندازہ مقرر کر رکھا ہے" (الطلاق:3)

میڈیا آفس حزب التحریر ولایہ پاکستان

تصویرکے لئے یہاں پر کلک کریں

آج حزب التحریر ولایہ پاکستان نے عربی، اردو اور انگریزی زبان میں کتاب "طلوع خلافت" جاری کر دی ہے۔ یہ کتاب اس بات پر مفصل روشنی ڈالتی ہے کہ کس طرح اسلامی دستور پر مبنی پالیسیاں خلافت کے قیام کے بعد پاکستان کو حقیقی تبدیلی کی راہ پر ڈال دیں گی۔ اس کتاب میں حکمرانی کے اہم شعبوں جیسے معیشت، تعلیم، افواج اور خارجہ پالیسی پر تفصیلی بحث کی گئی ہے۔

ایک ایسے وقت میں جب ہر نئے آنے والے حکمران نے غیر اسلامی نظام کو اسلامی بنانے کا جھوٹا وعدہ کر کے عوام کو دھوکہ دیا، یہ کتاب اس بات کو ثابت کرتا ہے کہ اسلامی آئین بغیر کسی التوأ کے فوری اور مکمل طور پر نافذ کیا جا سکتا ہے۔ یہ کتاب کئی دہائیوں سے لوگوں کی اس شکایت کا بھی جواب ہے کہ "قیادت کا فقدان ہے"۔

نظام خلافت شخصیات پر انحصار نہیں کرتی بلکہ یہ ایک ایسا مضبوط اور شفاف نظام ہے جو صرف اور صرف اسلام پر مبنی ہے۔ خلافت 1973 کے آئین کے تحت لوگوں کی ذاتی خواہشات اور مفادات کی بنیاد پر حکمرانی کا خاتمہ کر دے گی۔ خلافت میں ہر قانون صرف اور صرف وحی یعنی قرآن اور سنت سے اخذ کیا جاتا ہے۔ خلافت اس سلسلے کا بھی خاتمہ کر دے گی جہاں آئین کو اسمبلی میں بیٹھے انسان، وہ انسان جس کی ذہنی استعداد انتہائی محدود ہے، دو تہائی اکثریت سے تبدیل کر دیتے ہیں۔ خلافت میں آئین کی ہر شق قرآن و سنت سے لی جاتی ہے جس کو نازل کرنے والا اللہ سبحانہ و تعالی ہیں جو تمام علم رکھتے ہیں، جو البصیر اور السمیع ہیں۔ خلافت کا نظام ایسا ہے کہ جو مخلص رہنماوں میں موجود قابلیت کو ابھارتا ہے اور کرپٹ لوگوں کو حکمرانی سے دور رکھتا ہے۔ یقیناً ماضی میں خلافت نے زبردست رہنما پیدا کیے جنھوں نے اسلام کو نافذ کیا، ایسے مسلمان سیاست دان پیدا کیے جنھوں نے امت کے لیے انصاف، خوشحالی اور تحفظ کو یقینی بنایا تھا۔

إِنَّ اللَّهَ يَأْمُرُكُمْ أَنْ تُؤَدُّوا الأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ

"اللہ تعلی تمھیں تاکیدی حکم دیتا ہے کہ امانت والوں کی امانتیں انھیں پہنچاو! اور جب لوگوں کا فیصلہ کرو تو عدل و انصاف سے فیصلہ کرو!" (النسأ:58)

نوٹ :اس کتاب کو دیکھنے کے لیے اس ویب سائٹ لنک کو دیکھیں۔

https://docs.google.com/folder/d/0B-q13r1ewMMDZ05QcDBZRktxNEU/edit

Short Link:

http://pk.tl/197q

میڈیا آفس حزب التحریر ولایہ پاکستان

انسداد دہشت گردی کے قانون میں دوسرے ترمیمی بل 2013 کی منظوری حکمرانوں کا امریکی ایجنٹ اور غدار ہونے کا ایک اور ثبوت ہے۔ بارہ سال کی انتھک جدوجہد کے باوجود امریکہ اور سیاسی و فوجی قیادت میں موجود غدار پاکستان کے عوام کو اس بات پر قائل نہیں کر سکے کہ دہشت گردی کے خلاف جنگ اسلام کے خلاف جنگ نہیں، یہ جنگ امریکہ کی نہیں اور امریکہ پاکستان کا دشمن نہیں ہے۔ آج پاکستان کے عوام اس بات پر جتنا یقین رکھتے ہیں کہ دہشت گردی کے خلاف جنگ دراصل اسلام کے خلاف جنگ ہے اور امریکہ پاکستان، مسلمانوں اور اسلام کا دشمن ہے، اس سے قبل کبھی اتنا یقین نہ رکھتے تھے۔

یہ کہنا کہ اس قانون کا مقصد دہشت گردوں کو قانون کے کٹہرے میں کھڑا کرنا ہے ایک سفید جھوٹ ہے کیونکہ اگر ان ایجنٹ حکمرانوں کو دہشت گردوں کو قانون کے کٹہرے میں کھڑا کرنا مقصود ہوتا تو یہ کبھی ریمنڈ ڈیوس کو باعزت طریقے سے ملک سے فرار نہ کرواتے اور اس کے پھیلائے ہوئے نیٹ ورک کو آج بھی سیاسی و فوجی قیادت میں موجود غداروں کی مکمل سرپرستی حاصل نہ ہوتی۔ سرکاری ایجنسیاں تو اس قانون کی غیر موجودگی میں بھی لوگوں کو اغوا کر کے سالوں تک غائب کر رہیں تھیں جیسا کہ پاکستان میں حزب التحریر کے ترجمان نوید بٹ کے ساتھ کیا گیا جنھیں ایجنسیوں کے ہاتھوں اغوا ہوئے دس ماہ ہو چکے ہیں اور ججوں، صحافیوں، سیاست دانوں، تاجروں اور عام عوام کے فون ٹیپ کر رہیں تھیں۔ اس قانون کا اس کے سوأ کوئی مقصد نہیں کہ جب حکمران عوام کو اس امریکی جنگ کو اپنی جنگ قرار دینے میں فکری طور پر مکمل ناکام ہو گئے تو اب ان کی زبانوں کو تالا لگانے اور ان کی سوچوں پر پہرا بٹھانے کے لیے ایک شیطانی قانون کا سہارا لیا جا رہا ہے۔ یہ غدار حکمران اپنے آقا امریکہ ہی کی مکمل پیروی کر رہے ہیں۔ جیسے امریکہ نے اپنے عوام کو امریکی پالیسیوں پر تنقید سے روکنے کے لیے قومی سلامتی کے بہانے سے پیٹرئیاٹ ایکٹ (Patriot Act) کا شیطانی قانون بنایا اور جو اس کے باوجود بھی خاموش نہ ہو ا تو اپنے ہی بنائے ہوئے تمام قوانین کو بالائے طاق رکھتے ہوئے صدارتی اجازت نامے سے انھیں قتل کروا دیا بالکل ویسے ہی پاکستان کے غدار حکمران بھی اس نئے قانون کے ذریعے حکمرانوں کی غداریوں کے خلاف اپنے لوگوں کا منہ بند رکھنا چاہتے ہیں۔

حزب التحریر میڈیا، دانشوروں، انسانی حقوق و وکلأ تنظیموں اور عوام کی توجہ اس جانب مبذول کراتی ہے کہ یہ غدار حکمران ہمیں حکمرانوں کا محاسبہ کرنے کے اسلامی فریضے کو پورا کرنے سے محروم کرنا چاہتے ہیں۔ اللہ تعالیٰ نے مسلمانوں کو اپنے حکمرانوں کا احتساب کرنے کا حکم دیا ہے اور سختی سے اس بات کا مطالبہ کیا ہے کہ اگر حکمران لوگوں کے حقوق غصب کریں یا عوام سے متعلق عائد ہونے والی ذمہ داریوں کو پورا نہ کریں یا امت کے معاملات سے غفلت برتیں یا اسلام کے حکموں کو توڑیں یا اللہ کے نازل کردہ احکامات کے علاوہ کوئی اورچیز نافذ کریں تو مسلمان انہیں چیلنج کریں اور ان کا محاسبہ کریں۔ اسی لیے رسول اللہ ﷺ نے حکمرانوں کے احتساب کو افضل جہاد سے تعبیر کیا ہے۔ رسول اللہ ﷺ فرماتے ہیں:

«أفضل الجهاد كلمة حق عند سلطان جائر»

"بہترین جہاد جابرحکمران کے سامنے کلمہ حق کہنا ہے" (احمد)۔

لہذا حزب التحریر اس قانون کو یکسر مسترد کرتی ہے اور سیاسی و فوجی قیادت میں موجود غداروں کو یقین دلاتی ہے کہ حزب ان کی اسلام، مسلمانوں اور پاکستان کے خلاف غداریوں کو بے نقاب کرنے کے سلسلے کو جاری و ساری رکھے گی۔ حزب التحریر میڈیا، دانشوروں، انسانی حقوق اور وکلأ کی تنظیموں اور عوام سے مطالبہ کرتی ہے کہ وہ اس غیر انسانی، غیر اخلاقی اور غیر اسلامی قانون کو مسترد کر دیں اور اس کے خلاف آواز بلند کریں۔

حزب التحریر ولایہ پاکستان نے کوئٹہ، کراچی اور ملک بھر میں جاری مسلمانوں کے قتل عام کے خلاف ملک گیر مظاہرے کیے۔ مظاہرین نے بینرز اور کتبے اٹھا رکھے تھے جن پر تحریر تھا: "دھماکے بدامنی عدم استحکام ۔ وجہ ہے امریکہ اور جمہوری نظام، خطے سے دونوں کو مار بھگاؤ۔ مسلمانوں کی طاقت خلافت کو لاؤ"، بدامنی اور عدم استحکام کی وجہ امریکی ریمنڈ ڈیوس نیٹ ورک کے دہشت گرد ہیں"، "اے افواج پاکستان! کیانی، زرداری اور ان کے آقاامریکہ کو اکھاڑ پھینکوں اور خلافت کو قائم کرو"۔

مظاہرین کوئٹہ، کراچی اور پورے ملک میں ہونے والے مسلمانوں کے قتل عام کی شدید مذمت کر رہے تھے اور ان وحشیانہ حملوں کا ذمہ دار امریکہ کو ٹھرا رہے تھے جو سیاسی و فوجی قیادت میں موجود غداروں، زرداری اور کیانی کی حمائت اور اپنے ریمنڈ ڈیوس نیٹ ورک کے دہشت گردوں کے ذریعے پاکستان بھر میں مسلمانوں کا قتل عام کررہا ہے۔ عوام کو چیک پوسٹوں پر روکا جاتا ہے، ان کے موبائل فون بند کیے جاتے ہیں اور ڈبل سوری پر پابندی لگائی جاتی ہے جبکہ دوسری طرف کالے شیشوں اور جعلی نمبر پلیٹوںوالی بڑی بڑی گاڑیوں میں بیٹھے امریکی دہشت گردوں کو انہی چیک پوسٹوں سے گزرنے، پاکستان میں تباہی پھیلانے کے لیے سیل بند کنٹینروں کے ذریعے سازوسامان لے کر آنے، سیٹلائیٹ ٹیلی فون ہاتھوں میں لیے دارالحکومت اسلام آباد کی سڑکوں اور حساس فوجی علاقوں میں دندناتے پھرنے کی اجازت دے دی جاتی ہے۔

موجودہ صورتحال دراصل مغربی استعماری طاقتوں کی پیدا کردہ ہے جنھوں نے مسلمان ممالک پر حملہ اور قبضہ کیا اور مسلمانوں کے درمیان قومیت، نسل اور فرقہ واریت کی بنیاد پر نفرتیں پیدا کیں۔ اسلام قوم پرستی، نسل پرستی اور فرقہ پرستی کی شدید مذمت کرتا ہے اور تمام انسانوں کو آدم علیہ اسلام کی اولاد اور مسلمانوں کو ایک امت قرار دیتا ہے۔ مظاہرین افواج پاکستان میں موجود مخلص افسران سے مطالبہ کر رہے تھے کہ وہ مسلمانوں کے بیٹے ہیں اور اس خطے میں ہزاروں سال کی اسلامی حکمرانی کی میراث کے وارث بھی ہیں لہذا وہ اللہ، اس کے رسول ﷺ اور مؤمنین کے لیے ایک کامل منصوبہ بندی کے تحت حرکت میں آئیں اور ان غداروں سے حکمرانی کوچھین کر ایک مخلص اور باخبر حزب کو منتقل کر دیں جو اسلام کی حکمرانی کے لیے خلافت کوقائم کرے گی، مقبوضہ مسلم علاقوں کو آزاد کرائے گی اورانھیں ایک اسلامی ریاست کا حصہ بنائے گی۔

آخر میں مظاہرین خلافت کے قیام کے حق میں پرجوش نعرے لگاتے ہوئے پر امن طریقے سے منتشر ہو گئے۔

نوٹ: ملک میں جاری مسلمانوں کے قتل عام، بدامنی اور عدم استحکام پرحزب التحریر کا تفصیلی موقف جاننے کے لیے مندرجہ ذیل لنک سے رجوع کریں۔

http://pk.tl/17Xf

میڈیا آفس حزب التحریر ولایہ پاکستان

For Additional Pictures: Click Here